Connect with us

Lajme

Këto janë çmimet e reja të naftës dhe benzinës

Published

on

Benzinat shtrenjtohen për gjysmë denari, barazohet çmimi i dizelit me të vajit ekstra të lehtë

Çmimet me pakicë të benzinave eurosuper BS-95 dhe eurosuper BS-98 prej sonte në mesnatë rriten për 0,50 denarë për një litër, ndërsa çmimi i eurodizelit rritet për 3 denarë për një litër, kumtoi vonë pasdite Komisioni Rregullator për Energjetikë dhe Resurse Uji (KRRE).

Në të njëjtën kohë çmimi i ekstra vajti të lehtë për amvisëri EL-1 rritet për 13,50 denarë, ndërsa mazuti M-1 mbetet i pandryshuar.

Në pajtim me këtë vendim që sonte në mesnatë çmimi maksimal i eurosuperit BS-95 do të jetë 67,50 denarë për një litër, i eurosuperit BS-98 është 69,50 denarë për një litër, i dizelit dhe vajit ekstra të lehtë nga 58,00 denarë për një litër, ndërsa i mazutit 34,779 denarë për një kilogram.

Komisioni Rregullator informoi se ndryshimi i sotëm i Vendimit prej 5 prillit 2021 për çmimet më të larta me pakicë të derivateve të naftës dhe karburantit për transport, është sjellë në pajtim me ndryshimet e Ligjit për akcizat që e solli Kuvendi.

“Vendimi vjen pasi Kuvendi i RMV-së i votoi ndryshimet e Ligjit për akcizat. KRRE praktikisht bëri harmonizim të Vendimit me Ligjin që është në fuqi dhe tani çmimi me pakicë i vajit ekstra të lehtë për djegie është barazuar me karburantin dizel. Çmimet e derivateve të naftës janë përshtatur në pajtim me shumat e reja të akcizave”, deklaroi Marko Bislimoski, kryetar i Komisionit Rregullator për Energjetikë dhe Shërbime Uji.

Continue Reading
Advertisement

Lajme

Spasovski: Hetimi për rastin “Sozia” do të zgjerohet, nuk ka tolerancë për askënd

Published

on

By

Ministri i Punëve të Brendshme Oliver Spasovski sonte deklaroi se hetimi për rastin “Sozia” në lidhje me abuzimin e pasaportave do të zgjerohet, pavarësisht nëse janë struktura brenda Ministrisë së Punëve të Brendshme apo jashtë vendit, dhe pa marrë parasysh sa lart arrinë në hierarkinë e policisë.

“Nuk ka asnjë tolerancë për askënd, kushdo që ai dëshiron të jetë, si në strukturat e Ministrisë së Punëve të Brendshme dhe në vend në përgjithësi. Sigurisht, ne punojmë me shërbimet partnere jashtë territorit të vendit, në krijimin e identiteteve dhe marrjen e masave kundër personave që ata përdorën”, tha Spasovski në “Vetëm e vërteta” në televizionin Kanal 5.

Ministri theksoi se procesi i hetimit do të tregojë se si dhe në çfarë mënyre janë bërëa ato.

I pyetur se si është e mundur që një parti politike të ketë informacione të tilla të rëndësishme si 214 dokumente të falsifikuara, Spasovski dyshon se opozita donte të sabotonte aksionin.

Spasovski informon se MPB-ja ka hapur përpunim të veçantë penal që i referohet punonjësve ose zyrtarëve të dikurshëm dhe aktualë të cilët në një moment të caktuar nxjerrin ose vendosin dokumente deri tek partia opozitare, mediat, etj.

Continue Reading

Bota

Zvicra lehtëson masat – Hap tarracat e lokaleve

Published

on

By

Këshilli Federal ka vendosur për relaksimin e masave edhe pse Zvicra nuk plotëson katër nga pesë standardet e caktuara nga qeveria, për lehtësim

Do të hapen zonat e jashtme të restoranteve (tarracat) por edhe brenda hapësirave të objekteve sportive dhe institucioneve kulturore.

Përveç kësaj, janë përsëri të lejuara ngjarjet me 50 persona brenda dhe deri në 100 persona jashtë si dhe mësimi me prani fizike, në universitete, transmeton albinfo.ch.

Këshilli Federal ka vendosur për relaksimin e masave edhe pse Zvicra nuk plotëson katër nga pesë standardet e caktuara nga qeveria, për lehtësim.

Vendimin e ka bërë të ditur pak më parë ministri i shëndetësisë, Alain Berset, shkruan albinfo.ch. Ai, së bashku me përfaqësues të tjerë qeveritarë është duke mbajtur një konferencë për media, në Bernë ku po u përgjigjet pyetjeve të gazetarëve lidhur me situatën më të re të pandemisë.

Continue Reading

Lajme

Shtetësia, Snopçe: Është jetike për mijëra shqiptarë

Published

on

Deputeti i Aleancës për Shqiptarët, Halil Snopçe në emisionin “ENTER” ka deklaruar se bllokadën në Kuvend paralelisht e ka bërë vet pushteti dhe pastaj edhe opozita maqedonase me amendamentet dërguara për propozim ligjin për shtetësi. Ai tha se duke parë këto veprime, opozita shqiptare me 5 mars ka marrë vendim që të bllokojë çdo ligj në kuvend, dhe këtë Snopçe e quan “vendim reciprociteti”.

“Ne vlerësojmë se ky ligj, është jetik për mijëra shqiptarë, banorë të këtij shteti. Nëse qeveria thotë se ligji aktual plotëson standardet evropiane, njëra nga standardet evropiane është që të mos ketë asnjë qytetarë në botë që nuk ka asnjë shtetësi. Si mund të jetë standard evropian kur ne kemi qytetarë që jetojnë 30 vjet rresht në Maqedoni dhe nuk kanë shtetësinë. Ky fakt dhe argument demanton qeverinë”, tha Snopçe.

Ai tha se kur qeveria e ka parë se opozita është serioze dhe ka kapacitete edhe intelektuale edhe mekanizma për të bllokuar kuvendin atëherë kanë ndërmarr iniciativa për të biseduar dhe për të gjetur zgjidhje.

“Jemi afër marrëveshjes, ka disa detaje që duhet të hekurosen, të premten duhet të kemi edhe një takim të grupeve koordinuese për t’i parë dilemat dhe mendojë që kjo çështje ka vullnet të mirë që të zgjidhet”, u shpreh Snopçe.

Continue Reading

Aktuale