Connect with us

Komente

Zgjedhjet në Bullgari dhe ndikimi i tyre në Maqedoni / Po Shqipëria dhe shqiptarët, ku janë në këtë mes?

Published

on

Bekim Qoku në Facebook:

Në Bullgari sot janë zgjedhjet parlamentare.

Bullgari i parë voton në ambasadën dhe konsullatat e Zelandës së Re, i fundit në konsullatat e bregut perëndimor të SHBA-ve.
Në MV votohet në 5 vendvotime, në Shkup, Manastir, Strumicë, Shtip dhe Ohër. Borisov nuk i trembet mërgatës së tij.

Të dhënat:

6, 7 milionë votues votojnë për 7000 kandidatët për deputet nga 30 parti dhe koalicione politike për 240 vende në Parlamentin e Republikës së Bullgarisë.
Parashikimet janë se Bojko Borisov dhe partia e tij e spektrit të djathtë GERB i fiton sërish zgjedhjet. Ai në sondazhet e fundit rezlton 8-10 përqind para socialistëve të zonjës Kornelia Ninova.

Në parlament pritet të hynë edhe tre parti të tjera. Interesant është nëse partia e z. Karakaçanov do ta kalojë pragun zgjedhor. Ai në qeverinë e Borisov ka veshur postin e zv. KM dhe ministrit të mbrojtjes. Ka qenë shumë i ashpër dhe i zëshëm me çështjen identitare të Maqedonisë së Veriut dhe ka ndikuar në përkeqësimin e skajshëm të marrëdhënieve dypalëshe.

Borisov dhe Karakaçanov kanë qëndrime të qarta anti ruse. Para disa ditësh, disa diplomatë rusë u dëbuan nga Bullgaria me akuzën e spiunimit. Këtë skandal bullgarët e kanë interpretuar edhe si ndërhyrje e Rusisë në sigurinë e një shteti anëtar të NATOs.
Në Parlament pritet të hyjë partia e z. Sllavi Trifunov, që në raport me Maqedoninë e Veriut ka po ato qëndrime si të z. Karakaçanov.

Shkurt, nuk priten relaksime të marrëdhieve midis Bullgarisë dhe MV.

Serbia ka luajtur rolin e vëllait të madh me Maqedoninë e Veriut. Nuk ka bërë zë në kontestin midis BG dhe MV, por në heshtje ka bërë solidarin duke i falur MV një numër të konsiderueshëm të vaksinave ant Covid 19.
E ku është Shqipëria dhe shqiptarët në këtë mes?

Shteti shqiptar nën drejtimin e Edi Ramës, siç dihet, më shumë ka kultivuar marrëdhëniet me Serbinë sesa me Bullgarinë. Kulmi i këtyre raporteve të mira është Projekti i Minischengenit mes Serbisë, MV dhe Shqipërisë, me ç’rast përjashtohet Bullgaria. Edi rama në vend se të ndërtojë ura bashkëpunimi me Bullgarinë, si një mike strategjike, ai ndërton tunele (nën Kosovën) bashkëpunimi me Serbinë, një armik strategjik dhe historik. Mirëpo sa herë flasim për Ramën, asgjë nuk ka për t’u çuditur.

Continue Reading
Advertisement

Komente

AGJËRIMI MUNDËSI PËR T’I PREKUR HORIZONTET E REFLEKTIMIT

Published

on

“O besimtarë! Ju është urdhëruar agjërimi, ashtu si u ishte urdhëruar atyre para jush, që të mund të ruheni nga të këqijat.” (183, El Bekare)

Shkruan Afrim Tahiri

Motra e vëllezër, të dashur besimtarë! Ta falënderojmë Zotin Fuqiplotë që, në këtë kohë jashtëzakonisht të vështirë për mbarë njerëzimin, patëm fatin të jemi në prag të Muajit të Bekuar, Muajit të mëshirës, të rahmetit, të shëndetit, të përmbushjes shpirtërore, të spastrimit shpirtëror, të shtimit të ibadeteve, të përkushtimit më të madh ndaj Krijuesit tonë dhe, me të gjitha këto përfitime devotshmërie, të jemi sa më larg të keqes dhe djallëzive. Për një muaj rresht do t’i shijojmë të mirat e Muajit Ramazan, agjërimin.
Agjërimi nuk është vetëm abstenim nga haja, pija e qejfet për një kohë të caktuar ditore. Përtej kësaj, agjërimi mundëson kapjen e të gjitha dimensioneve të së mirës, të së ndershmes, të së moralshmes. Agjërimi është i vetmi çelës që hap horizontet e reflektimit, që mundëson përjetimin e madhështores së përkushtimit ndaj devotshmërisë.
Motra e vëllezër, gjatë Muajit të Ramazanit, Muaj i Bekuar nga Krijuesi i Gjithësisë, të bëjmë përpjekje maksimale që ta arrijmë kënaqësinë e Allahut Mëshirëplotë, duke iu përkushtuar vetëm Atij me ibadetet tona. Le të përpiqemi pa rreshtur dhe le të reflektojmë mbi gabimet tona, mbi lëshimet dhe dështimet tona, mbi zilitë dhe mbrapshtitë tona që i kemi bërë gjatë vitit. Do të trishtohemi, shpirtërisht do të prekemi e ligështohemi, do të zhgënjehemi me veten dhe, gjithësesi që, ky reflektim, do të na japë kurajo, forcë, dëshirë, gjakim të zjarrtë që përulësia jonë duke u penduar para Zotit të na zgjasë përjetësisht.
Të dashur besimtarë, po e përjetojmë kohën e një prej pandemive më të rrezikshme në historinë e njerëzimit. Assesi nuk po na shkon në mend që të inicojmë një lutje gjithënjerezore, t’i lutemi Krijuesit tonë të na shpëtojë nga kjo hata. Kjo lutje do të duhej të kryhet pikërisht ashtu siç na porositë Pejgamberi ynë, Muhamedi a.s., në kohë pandemie as mos t’i afrohemi asaj dhe as mos të bëhemi përçuese e saj. Të rrimë brenda dhe, atë mbylljen tonë ta përmbushim me lutje drejtuar Mëshirëplotit. Muaji i Ramazanit është Muaj i Mëshirës, muaj i lutjeve, ibadeteve e falënderimeve drejtuar Krijuesit tonë që pikërisht në këtë muaj na e zbriti Librin e Fjalës së Parë – LEXO.
“Allahu dëshiron që të plotësoni numrin e ditëve të agjërimit dhe që ta madhëroni Atë (në fund të agjërimit), për shkak se ju ka drejtuar në rrugë të drejtë e që ta falënderoni vetëm Atë.” (185, El Bekare)
Motra e vëllezër, të dashur besimtarë, si në asnjë muaj tjetër, gjatë Muajit të Agjërimit, na hapet mendja, e ndjejmë fuqinë e brendshme për ta dalluar dhe për ta ndarë të mirën nga e keqja, të ligën nga e mbara, të shëmtuarën nga e bukura, të devotshmën nga hipokrizia. Ne, veprat tona i bëjmë vetëm për Allah, i cili na mëson: “Kur vijnë tek ti hipokritët, thonë: “Ne dëshmojmë se ti je vërtet i dërguari i Allahut!” Allahu e di se ti je i dërguari i Tij, por Ai dëshmon se hipokritët janë gënjeshtarë!” (1, El Munafikun).
Nëse abstenojmë shpirtërisht dhe praktikisht nga tundimet qe na vijnë nga djalli, nëse abstenojmë nga ajo që Zoti na e ka bërë haram, duke e shpëlarë shpirtin me hallall, duke e flakur hipokrizinë si burim të të gjitha të këqiave, duke mos u kursyer se luftuari hipokritët, apo duke e lutur Allahun Fuqiplotë që të na mbajë sa më larg hipokritëve, sapo ta kalojmë Muajin e Agjërimit do të lakmojmë që krejt jetën ta kemi Ramazan dhe Agjërim. Kjo është bukuria dhe madhështia e agjërimit.
Motra e vëllezër – për hajër ky Muaj i Bekuar i Ramazanit. Lutem me shpirt që, bashkarisht, mbarë myslimanët e botës ta kalojmë sa më lehtë e me shëndet të mirë. Ju ftoj në solidaritet e në humanitet, të jemi sa më pranë skamnorëve, të varfërve, të sëmurëve.
Paçi bekimin e të Madhit Zot!

Continue Reading

Komente

Pajaziti: Skandaloze, kjo organizatë që duhet të jetë në krah të qytetarit, qenka shndërru në megafon të pushtetit

Published

on

By

Naser Pajaziti ne Facebook:

A ka më turp!

Skandaloze, kjo organizatë që duhet të jetë në krah të qytetarit, qenka shndërru në megafon të pushtetit.

Ku jeni ju kur qindra kriminelë pajisen me pasaporta e shtetësi?

Pse turreni kundër një nisme që do të mbyll një të drejt humane dhe jo djallëzore.

Pikërisht këto organizata të tilla në emër të të drejtave dhe lirive të njeriut me dekada kanë toleruar vuajtjet, odiseadën dhe të këqijat që kanë vuajtur qytetarët pa shtetësi, që janë maltretuar me refuzimet dhe kurthet për të hequr dorë nga shtetësia.

Pse janë toleruar nenet famëkeqe që përpos të rinjve e familjarëve, dhjetëra nëna shqiptare edhe mbi 70 vjeç janë shpallur dhe konsideruar si të rrezikshme për shtetin?

Provimi për gjuhën maqedonase ka eliminuar automatikisht qindra aplikues. Pse nuk u zbatua ligji për gjuhët, që siç shkruan edhe gjuha e mbi 20% (shqipe) është zyrtare?

Bashkësia ndërkombëtare ka qëndruar symbullur në këtë drejtim, por kuptohet falë pushtetmbajtësve shqiptarë që shpesh kanë përsëritur refrenet se gjithçka është në rregull dhe shqiptarët thuajse po jetojnë në “kopshte me lule”.

Miliona euro dhe dollarë fonde janë keqpërdorur dhe ende po keqpërdoren në emër të lirisë dhe të drejtave të njeriut, por ja që tani po zbulohet që me mijëra qytetarë janë cënuar nga e drejta e jetës në këtë shtet, duke jetuar si “jashtëtokësor”, pa shtetësi dhe pa pikë kujdesi ndaj shtetit!

Meqë po del se ka shkelje dhe diskriminim, dhe kemi shumë qytetarë pa shtetësi, atëherë çfarë kanë bërë këto organizata?

Pavarësisht kësaj, këto organizata vazhdojnë me avazin e vjetër, duke mbrojtur ligjet famoze që nëna, baballarë, pleq e të rinj, i shpallin apo i kategorizojnë si armiq të shtetit.

Kuptohet që reagimi i tyre është në sinkron me skenaret kundër dhe për t’i krijuar terren pushtetit dhe opozitës maqedonase.

Continue Reading

Komente

A e shihni pse Arijanit Hoxha ishte kundër kërkesave shqiptare sot?

Published

on

By

Fatih Qaili në Facebook:

A e shihni pse Arijanit Hoxha ishte kundër kërkesave shqiptare sot?

Skandali: Arjanit Hoxha per 3 muaj e gjysme 23 mije euro per kafe dhe ushqim
Arijanit Hoxha ministri i Bujqësisë nga rradhët e Lëvizjes BESA që nga shtatori kur është emëruar si ministër deri më 28 shkurt të këtij viti dmth vetëm për 6 muaj ka harxhuar plot 22.794 euro për kafe, drekë në ambientet e ministrisë së Bujqësisë respektivisht në bifenë Koncept BAR firmë që shërben kafe dhe ushqim që ka fituar tenderin nga qeveria e Maqedonisë.

Duke pasë parasysh se që nga viti i kaluar jemi në pandemi dhe buxheti i ministrive është shkurtuar për harxhime por që turpi të jetë akoma më i madh është se edhe po mos ishte pandemi këto shuma të egzagjëruara për kafe dhe ushqim të ministrit Hoxha janë përtej vijës së kuqe të nevojave të domosdoshme.

Nga 6 muaj që janë publike të dhënat nga shtatori deri në fund të shkurtit duke mos llogaritur marsin dhe fillimin e prillit i bie 6 muaj që kur është Hoxha ministër. Nga 6 muaj që ka 180 ditë, vetëm 110 ditë janë ditë pune hiqi këtu vikendet dhe festat nga shtatori deri në shkurt i bie që ministria Hoxha shpenzimet ditore për kafe dhe ushqim ti ketë afërsisht 210 euro në ditë.

Këto të dhëna janë marrë nga transparenca për buxhetin pranë Ministrisë së Financave projekt ky i financuar nga USAID dhe IRI.

1.211.666 denarë janë harxhuar në bifenë e ministrisë ndërsa 201.820 denarë në një restoran në Shkup.

Bashkangjitur i keni foto dhe linkun nga ku janë marrë këto të dhëna.https://open.finance.gov.mk/

Continue Reading

Aktuale