Connect with us

Lajme

Xhaferi: Nuk mund të them se kur do të sillen ndryshimet e Ligjit për regjistrim ka procedura që duhet të respektohen

Published

on

Kryetari i Kuvendit Talat Xhaferi sot i përshëndeti përpjekjet që, siç tha, janë bërë për zhbllokimin e punës së Kuvendit, por, është dashur në to të përfshihet edhe ai si kryetar sepse duhet t’i zbatojë të gjitha procedurat në institucion. Në lidhje me ligjin për regjistrim dhe ndryshimet e Kodit zgjedhor tha se nuk e di kur do të sillen, sepse, duhet të respektohen të gjitha procedurat. Informon se nga aspekti formal propozimet i ka kthyer deri te propozuesit, prej ku pret në afatin e mundshëm më të shpejtë t’i kthejnë sërish në Kuvend.

“I përshëndesim përpjekjet e bëra ditëve të fundit jashtë ose brenda në institucion. I përshëndes vendimet që njëzëri u shprehën se janë për zhbllokim të punës së Kuvendit. Më në fund e përshëndes edhe faktin që e dinë se është bërë gabim i qëllimshëm ose i paqëllimshëm, edhe pse unë do ta konsideroj si të paqëllimshëm, për faktin që në të gjitha punët dhe matematikat është dashur të jetë i pranishëm kryetari i Kuvendit, i cili ato vendime t’i zbatojë në mënyrë institucionale në Kuvend, me procedurat”, tha Xhaferi në konferencën për shtyp, që e mbajti derisa është në vijim koordinimi i grupeve të deputetëve të cilat duhet të dakordohen për dinamikën dhe mënyrën e punës.
Kryetari i Kuvendit sqaroi se koordinimin e ka konvokuar si rezultat i deklaratave që partitë politike janë harmonizuar.

“Kam bërë thirrje për koordinim të jashtëzakonshëm, në të cilën kam marrë pjesë deri tani dhe e cila do të vazhdojë pas kësaj konference shtypi, që të mundem t’i tregoj qëndrimet e mia në lidhje me procedurat dhe zbatimin e mundshëm të asaj që është dakorduar, një pjesë jashtë, një pjesë këtu në institucion”, tha Xhaferi.
Ai theksoi se i ka marrë ndryshimet e Ligjit për regjistrim dhe të Kodit zgjedhor, të cilat i kanë paralajmëruar nga Qeveria dhe nga grupet e deputetëve.

“Nga aspekti formal i kam kthyer deri te propozuesit. Shpresoj se gjatë ditës do t’i kthejnë me korrigjime dhe shtesa me të cilat duhet të rregullohen propozimet dhe në mënyrë adekuate të lëshohen në procedurë parlamentare përkatëse”, theksoi Xhaferi.

Në takimin e sotëm koordinativ me Xhaferin, marrin pjesë nënkryetarët Goran Misovski dhe Fadil Zendeli, si dhe koordinatorët e grupeve të deputetëve të LSDM-së, Jovan Mitrevski, të VMRO-DPMNE-së Nikolla Micevski, të BDI-së Arbër Ademi, të Aleancës për Shqiptarët dhe Alternativës, Skender Rexhepi, Kastriot dhe Dimitar Apasiev nga e Majta.

Continue Reading

Lajme

Maqedoni: Dasmat mund të lejohen nga 1 qershori

Published

on

By

Sipas informacioneve të Alsatit, protokollet për organizimin e ceremonive martesore u diskutuan në seancën e sotme të Qeverisë.

Sipas informacionit nga Qeveria, nëse ruhet trendi i ulët i infektimeve si javët e fundit me koronavirusin, restorantet e dasmave do të hapen më 1 qershor ose maksimumi deri më 15 qershor.

Sigurisht që kjo do të varet nga situata epidemiologjike.

Protokollet për organizimin e festimeve të dasmave janë duke u përgatitur dhe së shpejti do t’u paraqiten pronarëve të objekteve hotelierike, në mënyrë që ata të mund të përgatiten për organizimin e festimeve

Continue Reading

Lajme

Do të publikohet thirrje publike për mbështetjen financiare të studiove për fotografi dhe qendrave të fitnesit, paraqitja deri më 1 qershor

Published

on

By

Do të publikohet thirrje publike për mbështetjen financiare të studiove për fotografi dhe qendrave të fitnesit, paraqitja deri më 1 qershor

Shkup, 18 maj 2021 (MIA) – Qeveria sot në seancë e obligoi Sekretariatin e përgjithshëm ta publikojë thirrjen publike për mbështetje financiare për studiot e regjistruara të fotografive dhe qendrat e fitnesit në kuadër të pakos së gjashtë të masave ekonomike për rimëkëmbjen e ekonomisë së vendit dhe për daljen nga kriza ekonomike e shkaktuar nga KOVID-19.

Siç kumtoi shërbimi për shtyp i Qeverisë, thirrja ka për qëllim të sigurojë mbështetje financiare për studio të regjistruara të fotografive dhe qendra fitnesi të cilat u mbyllën me vendimin e Qeverisë për ndalesën e plotë për vizitorët dhe mysafirët.

Lartësia e mbështetjes llogaritet si shumë prej 30 për qind rë të ardhurave mesatare mujore ndërsa shtesë, çdo subjekt i regjistruar aktiv do të marrë mbështetje financiare në shumë prej 15.200 denarë për një të punësuar, sipas numrit të orëve efektive të punës deri më 31 dhjetor 2020.

Afati për parashtrimin e paraqitjeve për këtë thirrje publike është 1 qershor 2021.

Continue Reading

Lajme

Deri më 1 qershor janë vazhduar masat aktive për kufizim të lëvizjes

Published

on

By

Shkup, 18 maj 2021 (MIA) – Masat aktive për kufizim të lëvizjes vazhdojnë të vlejnë deri më 1 qershor të vitit 2021.

Shërbimi qeveritar për shtyp kumtoi se në mbledhjen e sotme, me rekomandim të Komisionit për sëmundje ngjitëse, Qeveria solli konkludim që masat aktive për kufizim të lëvizjes, në vend se deri më 18 maj, të vazhdojnë të vlejnë deri më 1 qershor 2021.

Kufizimi I lëvizjes fillon nga mesnata prej orës 00 deri në orën 04 të mëngjesit.

Continue Reading

Aktuale