Connect with us

Bota

Një anije shihet duke “fluturuar” në bregdetin anglez

Published

on

Një anije dukej se po “fluturonte” në brigjet jugore të Anglisë në një iluzion optik të shkaktuar nga një fenomen i rrallë moti.

Një qytetar, i quajtur David Morris, ishte duke ecur përgjatë bregdetit nga Falmouth në Cornwall kur ai pa iluzionin optik të jashtëzakonshëm. Ai e fotografoi atë dhe më vonë ka thënë se ishte “shtangur” nga pamja, njofton Independent.

Fenomeni është i njohur si një “mirazh superior”, sipas meteorologut të BBC, David Braine, i cili tha se anija dukej se po fluturonte për shkak të “kushteve të veçanta atmosferike që përkulin dritën”.

Braine shtoi se mirazhi është i zakonshëm në rrethin Arktik, por mund të shihet shumë rrallë në Britani gjatë dimrit.

KOHA.

Continue Reading

Bota

Në Afganistan, prindërit shesin fëmijët dhe veshkat për të ushqyer familjet e uritura

Published

on

Pas tërheqjes së forcave perëndimore nga Afganistani vitin e kaluar, regjimi taliban mori pushtetin, ndërkohë që vendi po përballet me një varfëri ekstreme.

Sipas mediave të huaja, disa prindër po shesin veshkat e tyre, në mënyrë që të marrin shuma monetare për të ushqyer familjet e tyre.

Mësohet se tre vëllezër dhe dy motrat e tyre shitën organet e tyre për rreth dy mijë euro për të ushqyer familjet e tyre.

Ndërkohë javë më parë mediat kanë raportuar se prindërit kanë shitur dhe fëmijët e tyre për shkak të kushteve ekstreme të varfërisë.

Ndërkohë nga ana tjetër mjekët kanë thënë se nuk kanë as mjete spitalore për pacientët të cilët i nënshtrohen operimeve të tilla.

Continue Reading

Bota

OBSH: Omicron do të shndërrohet në grip stinor

Published

on

eriudha e izolimit nga varianti Omicron shkurtohet për tre ditë. Vendimi u mor dje në seancë qeveritare që personat e sëmurë me virusin korona nga 10 ditë izolim të mbahen vetëm 7 ditë nga që virulenca e variantit Omicron tani më nuk përbën rrezik për jetë, shkruan Alsat. Ky konstatim erdhi nga Komisioni për Sëmundje Infektive, të cilët i rekomanduan Shtabit të Krizave, dhe kjo e fundit mori dritën jeshile të ekzekutivit.

“Izolimi shtëpiak i të sëmurëve pa simptome do të zgjatë 7 ditë nga momenti i testit të parë pozitiv me virusin korona, ndërkaq i atyre me simptome të theksuara përveç 7 ditëve do të kenë edhe 3 ditë shtesë mbikëqyrje intensive të kujdesit për të mbajtur maska N95 në ambiente të mbyllura dhe për të mbajtur distancën me personat tjerë kur janë në ambiente të hapura. Gjithashtu izolimi i kontakteve me personat e infektuar do të zgjat 7 ditë, megjithatë kjo nuk vlen për personat e vaksinuar me së paku dy doza dhe për ata që kanë qenë të infektuar në 6 muajt e fundit”, thonë nga Ministria e Shëndetësisë

Nga Inspektorati Shtetëror Sanitar Shëndetësor thonë se këto lehtësime nuk do të thonë se po i vjen fundi pandemisë, por që punëtorët e infektuar mund të kthehen pas 1 javë në vendet e tyre të punës.

“Jo, kjo nuk është proporcionale me fundin e pandemisë, kjo nënkupton që rastet pozitive të atyre që janë të prekur me llojin omicron zgjasin më pak që do të thotë se ata më herët mund të kthehen në procesin e punës. Kjo është bërë sepse infektimi me Sars-Cov-2 është materie e gjallë andaj ndryshojnë edhe protokollet sikurse kudo në botë edhe tek ne, duke ndjekur rekomandimet e OBSH-së ndryshimet janë për lehtësimin e izolimit të rasteve pozitive dhe kontakteve të tyre”, deklaroi Irina Buhova, Inspektorati Shtetëror Sanitar Shëndetësor

Për dallim nga Maqedonia e Veriut, në shumicën e shteteve të rajonit izolimi i kontakteve është ulur në 5 ditë. Në fillim të pandemisë, izolimi në disa shtete zgjaste madje deri në 28 ditë, ndërkaq tani thuajse të gjitha shtetet e botës këtë prag e kanë ulur në 5 dhe 7 ditë. Megjithatë ende nuk është dëshmuar shkencërisht se sa ditë një person pozitiv me variantin omicron mund të jetë bartës i virusit, thotë OBSH.

“Studimet tregojnë se një e treta e personave me Kovid19, ditën e pestë pas paraqitjes së simptomave apo testit pozitiv ende rezultojnë të infektuar. Në disa raste, edhe pas marrjes së testit negativ pacienti mund të jetë shpërndarës i virusit disa ditë. Sipas studimeve të fundit vlerësohet se personat të cilët kanë Kovid19 e shpërndajnë virusin nga dy deri në dhjetë ditë nga paraqitja e simptomave”, njoftojnë nga Organizata Botërore e Shëndetësisë

Megjithëse variant i fundit Omikron është shumë herë më shpërndarës se mutacionet e tjera, ai nuk shkakton pasqyrë të rëndë klinike dhe bazuar në këtë Infektologët parashikojnë se Omikron jep sinjale pozitive për fundin e pandemisë. Një ditë më parë Organizata Botërore e Shëndetësisë tha se faza akute e pandemisë mund të përfundojë këtë vit. Epidemiologët po ashtu parashikojnë që pandemia të kalojë në endemi, dhe Covid19 të bëhet sikur gripi stinor, ndërsa vaksina kundër virusit korona të bëhet vaksinë e cila do të duhet të merret çdo vit për mbrojtje kundër infektimit.

Continue Reading

Bota

Rusia: Tërheqja e forcave të NATO-s nga Evropa Lindore do të lehtësonte tensionet

Published

on

Një zëdhënës i Ministrisë së Jashtme ruse këtë të enjte është shprehur se mundësia për një luftë të mundshme mes Rusisë dhe Ukrainës është i papranueshëm, duke vënë në dukje se tërheqja e forcave të NATO-s nga Evropa Lindore do të lehtësonte tensionet ushtarake në rajon.

“Ne kemi thënë vazhdimisht se vendi ynë nuk ka ndërmend të sulmojë askënd. Ne e konsiderojmë të papranueshme edhe të mendojmë për një luftë mes popujve tanë”, ka thënë zyrtari rus Alexei Zaitsev.

Deklarata e tij është një nga të fundit në një seri deklaratash zyrtare që synojnë të zbusin frikën e një pushtimi të afërt rus.

Ndër të tjera zyrtari i ministrisë ka theksuar se java e kaluar tregoi se konflikti midis Rusisë dhe Ukrainës, është më shumë një konflikt që po e nxisin vendet e tjera, një konflikt artificial dhe se Moska është e bindur se pa “ndihmën” e Perëndimit, konflikti midis Rusisë dhe Ukrainës do të ishte vendosur shumë kohë më parë.

Gjithashtu, Zaychev tha se aleanca ushtarake e NATO-s duhet të tërheqë forcat e saj nga Evropa Lindore dhe se një veprim i tillë do të ndihmonte në uljen e tensioneve ushtarake në rajon.

Continue Reading

Aktuale