Connect with us

Kolumna

Ustallarët e opinionit publik në Maqedoni si sihirbazët në kohën e profetit Musa

Published

on

Shkruan Emir RN Hamzai:

Ustallarët e opinionit publik në Maqedoni si sihirbazët në kohën e profetit Musa

“Pse duhet kritikuar edhe opozita”, keshtu e ka nisur sot kolumnen e radhes Sefer Selimi, duke theksuar faktin që “20 vite me radhë janë duke dremitur jashtë pushtetit”?! Eshtë pikërisht ajo kur një plak sheh filma me efekte speciale dhe shprehet “sikur të mos jetë e vërtetë do jetë rrenë e madhe”! Seferi është shume ‘’kompetent’’ ne analizimin e gjerave kur bëhet fjalë për opozitën, me kulturë debati dhe fare pak e bën këtë për partinë shqiptare në pushtet. Në këtë kolumne, si duket pa e diktuar, ai ka shkarë në pistën e atyre qe e kanë për detyrë ta thonë atë qe e thonë. Kjo tezë do të qëndronte nëse kjo i dedikohet PDSH-së dhe nëse ajo parti do ishte në opozite, pasi vetëm ajo parti e përmbush faktorin për ta kritikuar (apostrofuar), 20 vite opozitë e BDI-së! Asnjë parti tjetër, në të vërtetë asnjë organizim tjetër politik nuk e përmbush këtë që theksohet.

Por pse apostrofohet kjo?

E pash që edhe Arben Ratkoceri i kishte ngritur lapidar shkrimit të Selimit në profilin e tij në Facebook. Natyrisht, Ratkoceri e ka për detyrë, normë pune, por Seferi nuk duhet ta ketë. Por kur ndërton situatën me të gjitha rrethanat, të duhen elemente siç janë protagonisti dhe antagonisti, kështu ndërtohet edhe situata ku ndër-veprojnë këta dy protagonist. Nëse protagonisti është 20 vite në pushtet, kjo nuk ndodh shkaku i antagonistit të dobët, por shkaqet janë të shumta, në veçanti kapja e shoqërisë në të gjitha dimensionet dhe logjika e etabluar NUK ESHTE ME RENDESI KUSH, SI DHE PER KE VOTON, E RENDESISHME ESHTE KUSH I NUMERON VOTAT! Keshtu ishte stalinizmi, kishte krijuar tërë atë makineri të pushtetit dhe normalisht numërimin e votës e bën pushteti dhe për rrjedhojë dihet se në favor të kujt numëron ai sistem. Në fund të fundit dikush mund të thotë se ndryshimi i pushtetit bëhet me votë, por vota nuk është çdoherë akt racional, këtë e thotë edhe Rexhep Qosja kur fliste (para 7-8 vitesh) për arsyet pse LVV nuk mund të fitonte pushtetin, sepse klani PRONTO kishte krijuar numëratorin, prandaj vota nuk kishte se si ta nxirrte të parën LVV.

E dimë se nevoja për themelimin e LRPDSH doli pikërisht nga ajo që Seferi e thotë, ‘’12 vite opozitarizëm klientalist te PDSH në raport me BDI-në’’. Pra, një numër i konsiderueshëm i anëtarëve të PDSH e detektuan, apo thënë më mirë e ndjen këtë qe e thotë Seferi, se kjo mënyrë e të bërit opozitë është diçka e kurdisur (klientaliste). Pra, bëjmë se gjoja jemi opozitë, por në të vërtetë jemi vërtetim dialektik i domosdoshmërisë së BDI-së për të qenë në pushtet. Makiaveli këtë e quan ‘’OPOZITE E PAGUAR’’, e cila vetëm dëshmon domosdoshmërinë e mos ndryshimit te pozitës.

Tendenca për të dalë nga kjo gjendje amullie, apo amorfe (formimi i LRPDSH dhe BESA) shkaktoi shqetësim tek pozita dhe menjëherë i morën masat që të instalojnë ‘’kuajt e Trojës’’ brenda këtyre strukturave, për të parandaluar që kjo logjikë apo sistem i të menduarit mos të përhapet tek populli. Pasoi ndarja e BESA-s, në dy taborë dhe ngritja e LRPDSH në ASH. Instalimi i ‘’kuajve të Trojës’’ është proces që vazhdon ende, sepse ata kuaj janë “luftëtarët” e ndryshimit brenda këtyre strukturave.

Kuptohet qe luftëtarët e vijës së parë të frontit për të mbrojtur pushtetin (establishmentin) janë media, gazetarët dhe analistët, kuptohet të blerë në treg me çmim te majmë. Analistët e pa|||varur, janë malli më i mirë në treg, sepse analistët (me nder qofshi, analiste vetem mos u thënshim) janë çdo natë në mediume dhe ata bëjnë projektin e hipnozës (mbajtjen e popullatës në gjumë dimëror), ku popullata mbahet në gjendje hibernimi (gjumë dimëror) nga prezantimi i realitetit se: gjendja nuk është e mire, por nëse vjen opozita në pushtet do jetë edhe më keq, sepse ata janë më të këqij. Kemi parasysh dimensioni ‘’antipatriotik i AA’’, me përkrahjen e fesë (e asgjë për fe nuk kanë bërë), Erdoganit, panosmanizmit, xhemijetit, etj. Ndërsa te ASH mundohen të gjejnë pikërisht atë që nuk e ka, duke spikatur mungesë te theksuar të patriotizmit apo me klishen se ‘’Ka stilin e komunikimit politik si Menduh Thaçi’’, e kur ky dimension i nacionalizmit dominon te ASH, atëherë cilësohet si populizëm! E kurrë mesi nuk iu gjetë as Selës e as partive tjera opozitare.

Kjo është ajo që ne e shohim nga establishmenti në Kosovë, Shqipëri dhe Maqedoni, ku për çudi edhe gazetarët janë në të njëjtin rrjet, ndoshta edhe pagesat i kanë të përafërta, se interes tjetër nuk ka, a mos vallë këta e bëjnë se kanë bindje politike, pff! Seferi tek ne u paraqit me përgatitje impresive analitike dhe ai është perfekt target, sepse ai e ka titullin “I pavarur” dhe kur e thotë ai, më kollaj e besojnë. Dhe ja, qëllimi arrihet disi. Asnjë medium (përveç Alsat M në dimension të inatit personal me Teatrin Shqiptar) nuk i trajton dhe analizon dukuritë shoqërore që janë derivat i keqqeverisjes së BDI. Por e spikasin që edhe për këtë fajin e ka opozita, pse nuk i rrezon nga pushteti. Seferi bën një gabim bazik të bërjes së opinioneve në politikë. Ai shkruan se opozita duhet të vërtetojë korrupsionin. Një huqjemadhe amatoreske. Nese dikush nuk e ka të qartë se çfarë funksioni ka opozita, eshte mire t’u kthehet teorive politike. Nuk është detyrë e opozitës të vërtetojë korrupsionin, por detyrë e saj është të problematizojë dukuritë, fenomenet politike apo t’i problematizojë ato e jo të vërtetojë diçka.

Çdo kund në botë e në veçanti në SHBA kemi taborët politike, ekonomike dhe industriale, kuptohet kjo është edhe në mediume. Kemi CNN dhe FOX. Është shumë normale që FOX ta quaj Bajdenin komunist, sepse nuk dëshironin që të zgjidhet, ashtu si CNN që kritikonte Trampin. Por te ne, këtë e bëjnë mediumet që vetë quhen të pavarur. Analistat e pavarur, qe janë të shitur te establishmenti dhe dhe luftojnë çdo ide apo diçka qe mundësisht mund të dëmtoj establishmentin, që do të thotë se ata do i largoj nga grazhdi! Do të ishte më e ndershme, që të deklarohen si mediume Pro establishment, e jo si mediume që quhen të pavarura. E qe në të vërtetë janë fytyra me e fëlliqur e pushtetit që qëndron aty vetëm shkaku i mundësive qe i ka, para se gjithash materiale. Duke u nisur nga fakti që dashuria nuk blihet, ndërsa sexi po, duket qarte që ata kane këmbyer diçka te tyren personale me kundërvlerë materiale. Pra, shtrohet pyetja; cilën opozitë e kritikon Seferi e cila për 20 vjet po dremit jashtë pushtetit?! Me siguri do kërkohet logjikë duke thënë se shumica e eksponentëve te opozitës së sotme kane qenë në partinë opozitare që ka dremit jashtë pushtetit. Po, por pikërisht ata eksponent nuk e pranuan atë gjumë dimëror dhe ndërmorën veprime që e dëshmojnë të kundërtën e asaj që thuhet në tekstin e tij. Përderisa në kohën e profetit Musa kishim më shumë magjistarë apo sihirbazë, në kohën e sotme i kemi mediumet, gazetarët që bëjnë sehire në opinionin publik, me të vetmin qëllim për të instaluar ‘’blur effect’’ që masa të ketë bindjen se e keqja nuk është te pushteti, por oponenca ndaj pushtetit. Keni parasysh se magjistarët në atë kohë bashkëpunonin me Faraonin, por këta gazetarët dhe opinionistet e Maqedonisë, kë mbrojnë?!

Për ta mbyllur, sapo dolën rezultatet e VV ne Kosove, pasoi panik te establishmetit i Kosovës, dhe menjëherë opinionistet në Maqedoni, dolën si skifterë neper mediume duke qetësuar popullin (duke vazhduar gjendjen e hibernimit) se ajo gjë nuk ka gjasa te ndodh tek ne, sepse tek ne nuk ka VV, nuk ka Albin Kurti, nuk ka mase kritike për opozitarizem alla Vetëvendosje. Kuptohet duke lavdëruar Albin Kurtin, (te cilin do e kishin pjekur ne zgarrë nëse do kishin mundësi) me tipare mbinjerëzore. Vetëm e vetëm për te vazhduar gjendjen e hibernimit, se nuk ka këtu njeri te tille.

Por, historia na mëson, ne veçanti Shekspiri. Magbethi thotë se sipas profecisë, për derisa nuk lëviz mali, atë askush nuk e rrëzon nga froni. Dhe vetëm një njeri qe nuk është i lindur (me lindje natyrore) mund ta vret atë. Ai vazhdon te mbretëroj (siç bëjnë anal-istet te ne), i qete. Deri sa vjen lajmi qe MALI VERTETE KA FILLUAR TE LEVIZE, DHE AI QE DO IA MERR FRONIN NUK KA ARDHE NE KETE BOTE ME LINDJE NORMALE, POR ME PRERJE CEZARIANE. Natyrisht opozita ka shumë gjëra për ta kritikuar, por jo për ‘’dremitjen’’ që i ngjitet. Opozita jam unë, opozitë duhet të jesh edhe ti, Sefer, ai tjetri, e ky tjetri. Opozitë duhet të jemi të gjithë për atë të keqe që ka ndodhur, sidomos periudhën e pasluftës.

Ne, do të presim, sepse mali ka filluar të lëviz (NDYSHIMI NE KOSOVE), duhet vetëm të del ai që e përmbush kushtin e dytë sipas Magbethit!

Emir H ||| zevendes opinionist i pavarur

Continue Reading
Advertisement

Kolumna

Ermand Mertenika, inxhinieri i Respiratorëve: Ndikimi negativë i stresit në gjendjen e pacientit të infektuar me Covid-19

Published

on

By

Ermand Mertenika: Ndikimi negativë i stresit në gjendjen e pacientit të infektuar me Covid-19

Ermand Mertenika (Inxhinieri i Respiratoreve).

—-

Covid-19 një element viral që dhe pas nje viti bashkëjetesë me ne, vazhdon te jetë shumë problematik.

Sic ke kemi përmendur me parë Violenca ose Potenciali Covid ka rënë deri diku si rezultat I infektimit në masë.

Fatmirësisht Infektimet në masë po shkaktojnë konceptin e Imunitetit të Tufës (pra kemi Infektime në masë, rikuperime, rehabilitime dhe sherime në masë sigurisht.

Sfidat më të mëdha të pacienteve të infektuar me Covid-19 konsiderohet Stresi Psiko-Neurotik I cili sipas mendimit tim është patologjia ose semundja adicionale më e madhe se të tjerat.

Një pacient i Infektuar me Covid-19 përballet me një Stres të komplikuar ku në të perfshihen (Frika ndaj aparaturave , frika ndaj rëniës së oksigjenit në gjak dhe përdorimit të Oksimetrit Dixhital , Frika ndaj përkeqësimit të gjëndjes, Frika ndaj medikamenteve, Frika për tu shkuar ne qendrat Spitalore, frika ndaj Respiratoreve dhe Frika ndaj termit Inbubim.

Të gjithë këto aspekte shkaktojne trauma mentale tek këta pacientë të infektuar me covid duke I cuar ata të veprojnë në mënyra ekstreme si rezultat I humbjes së durimit, kuptohet qëniet njerëzore janë të ndryshëm sepse kodi gjenetik AND-ja e tyre është e ndryshme. Dikush e përballon me lehte situatën , dikush e përballon me trauma psikologjike duke ndërmarre dhe akte ekstreme.

Stresi , kjo sëmundje patologjike më e madhe adicionale shkakton gjenerimin e hormonit të Kortizolit në gjak, Hormoni I Kortizolit është hormoni më i dëmshëm në organizem i cili stimulon dhe përkeqëson gjithnjë e më tepër gjëndjen pacienteve jo vetem me Covid por dhe pacientëve të tjerë të cilët vuajnë nga patologji apo sëmundje të tjera.

Hormoni I Kortizolit është burimi me I madh i cili ndikon në përkeqësimin e sëmundjeve të pacienteve gjithashtu dhe në shfaqen e sëmundjeve të rënda.

Stresi shfaqet tek personat të cilët anojnë së menduari gjithnje e më tepër negativisht dhe sipas shkences së dhe meta-fizikës energjia negative e akumuluar do përkeqësoje gjëndjen e pacientieve.

Tek pacientet të cilët mendojne pozitivisht, akumulohet energji positive dhe në këtë rast organizmi I tyre prodhon hormonin Serotonine (Pra ky hormon I cili kalon në gjakun e personave dhe pacienteve) I bën të ndjehen mirë si rezultat I vete-optimizimit dhe mendimit pozitiv.

Gjithashtu në Bio-Inxhinieri dhe në Gjenetike ekziston një lidhje e ngushtë e sistemin imunitar (Qelizave Limfatike, Antitrupave, Imunogloblinave, Antikorpeve dhe ketyre hormoneve).

Hormoni Kortizol I shkaktuar nga Stresi i cili eshte hormoni me I demshem ne organizem ndikon ne dobesimin e sistemit imunitar dhe shfaqen e shume semundjeve.

Hormoni Serotonine I shkaktuar nga Optimizmi Mendor dhe gjendja positive shkakton perforcimin e sistemin imunitar.

Dhe sic e dime, keto qeliza mbrojtese te organizmit te cilet formojne sistemin imunitar ndikojne ne perballimin dhe dominimin e shume semundjeve.

Covid-19 eshte nje virus , violence e te cilit po bie gradualisht.

Mendoni pozitivisht.

Ushtroni aktivitet Sportiv.

Ushqehuni Shendetshem

Degjoni Muzike

Dhe sigurisht Respektoni rregullat Anti-Covid

Distanca Fiziko-Sociala minimalisht 1m

Mbani nje maske te lehte FFP1

Dhe mbani disinfectant kudo qe shkoni.

Continue Reading

Kolumna

Nuk do të jetë kapitalizmi ai që do të na shpëtojë nga Covid-19

Published

on

By

Nuk do të jetë kapitalizmi ai që do të na shpëtojë nga Covid-19

Nuk ka gjasa që programi Covax i OBSH, që synon të vaksinojë deri në 27 përqind të popullsisë në 92 nga vendet më të varfra, të jetë i mjaftueshëm. Pasi ka bërë mirë me programin e saj të vaksinimit, Mbretëria e Bashkuar duhet të jetë tani në gjendje të kontribuojë në një fushatë globale të vaksinimit. Premtimi i qeverisë britanike për të dhuruar vaksina të tepërta është një fillim i mirë, por nuk është i mjaftueshëm. Nevojitet një udhëheqje e fortë dhe shpresë

Nga Mariana Mazzucato

Boris Xhonson ia atribuoi “kapitalizmit” dhe “lakmisë” suksesin e fushatës së vaksinimit në Britani. Këto janë komente të natyrës emocionale, por nëse fjalët e kryeministrit ofrojnë ndonjë tregues se si Mbretëria e Bashkuar do ta marrë veten nga pandemia, pasojat për zgjedhjet e politikave të vendit brenda dhe jashtë vendit janë shqetësuese. Kjo nuk është hera e parë që Xhonson nxjerr leksione të gabuara ekonomike nga kriza e Covid-19. Disa muaj më parë, nën të njëjtën frymë ai iu drejtua “të majtëve, që janë të bindur se gjithçka mund të financohet nga paratë e taksapaguesve”, duke u thënë se “vjen një kohë kur shteti duhet të bëjë një hap prapa, dhe ta lejojë hyrjen në lojë të sektorit privat”.

Ai nuk është i pari që i sheh vaksinat si një sukses të sektorit privat. Por vlen të përmendet se vaksina AstraZeneca, u krijua nga shkencëtarët e Universitetit të Oksfordit, dhe më vonë u zhvillua dhe u shpërnda nga gjiganti farmaceutik anglo-suedez AstraZeneca. Megjithatë, vetëm privati u lavdërua publikisht. E vërteta është se një sasi e paparë fondesh publike u derdhën për kërkimin, zhvillimin dhe prodhimin e vaksinave. Gjashtë vaksinat kryesore vlerësohet të kenë marrë rreth 10 miliardë euro fonde publike të taksapaguesve, përfshirë rreth 1.4 miliardë euro për vaksinën Oxford-AstraZeneca, dhe rreth 2.1 miliardë euro për vaksinën e Pfizer-Biontech.

Ky nivel investimesh që përfaqëson një rrezik të madh, por nuk është i vetmi që ka marrë sektori publik. Qeveritë kanë përdorur “angazhimet paraprake”, për të siguruar që kompanitë private që arrijnë të prodhojnë një vaksinë kundër Covid-19, të shpërblehen me blerje të mëdha të produktit të tyre. Fondet publike të shpenzuara për kërkimin dhe zhvillimin, janë shpesh të rrezikshme, në kuptimin që qeveritë investojnë në fazat e para dhe më të rrezikshme të inovacionit shëndetësor, para se ai të ekzistojë një treg. Kjo është një nga arsyet pse kompanitë kanë qenë në gjendje të krijojnë në një kohë rekord një vaksinë anti-Covid-19. Siç e bëri të qartë një raport të fundit nga Këshilli i Strategjisë Industriale Britanike, përparimi me vaksinat kundër Covid-19, do të kishte qenë i pamendueshëm pa përfshirjen e shtetit. Koordinimi efektiv dhe “i synuar” i qeverisë – i përbërë nga politikat industriale të investimeve shkencore, prokurimi publik strategjik dhe bashkëpunimi publik-privat – ishte thelbësor për suksesin e fushatës së vaksinimit kundër koronavirusit.

Gjithsesi duhet të bëhet një sqarim i rëndësishëm. Edhe pse qeveria e njeh forcën e Britanisë në sektorin e shkencave të jetës, dhe dëshiron ta mbështesë atë me dy marrëveshje të reja, aftësia e vendit për të prodhuar doza të mjaftueshme, nuk është një përfundim i paralajmëruar.

Pamundësia historike e Britanisë për të mbështetur bazën e saj kombëtare të prodhimit, është e dukshme në grindjet e fundit midis Brukselit dhe Londrës për furnizimet me vaksinën e Oxford-AstraZeneca. Para krizës, Britania nuk ishte e interesuar të investonte mbi një bazë lokale industriale për prodhimin masiv të vaksinave dhe produkteve të tjera shkencore. Nëse qeveria do të kishte propozuar një plan për të investuar në fabrika të tilla përpara pandemisë, ajo ndoshta do të ishte pritur me shumë pak entuziazëm.

Por pandemia po na tregon se sa jetike është të kesh një strategji industriale afatgjatë, që investon në produktivitet dhe rritje ekonomike, dhe që njëkohësisht ka qëllime më ambicioze, si trajtimi i krizës së klimës dhe pandemitë e ardhshme. Në vend se ta shohë të tashmen si kohën më të mirë për të dalë me një plan të tillë, Xhonson po heq dorë nga një strategji e arsyeshme industriale. Reduktimi i fondeve për Këshillin e Strategjisë Industriale, një organ i pavarur konsulence që e këshillon qeverinë për strategjinë industriale që duhet të ndjekë, sugjeron se nuk do të vlerësohet puna e çmuar e këtij institucioni.

Qeveria britanike është zotuar të dyfishojë shpenzimet publike për kërkimin dhe zhvillimin, duke e çuar në 22 miliard paund brenda viteve 2024-2025, por gjithashtu propozon të shkurtohet buxheti i “UK Research and Innovation”, një departament publik që financon kërkimin. Fakti që shkurtimet po ndodhin në mesin e një pandemie globale, dërgon një mesazh shqetësues në lidhje me përparësitë e kryeministrit Xhonson. Kur foli për lakminë, Xhonson identifikoi në fakt problemin e sistemit, dhe jo diçka që meriton lavdërim.

Vetëm një vaksinë nuk mund të jetë e mjaftueshme për ta frenuar Covid-19, dhe Britania nuk do të jetë e sigurt nga virusi, derisa të vaksinohet shumica e popullsisë së botës. Është shumë e vështirë të kuptohet se si lakmia mund ta bëjë vaksinën të disponueshme për të gjithë, në të gjitha vendet dhe falas. Adresimi i monopolit të kompanive farmaceutike në shkencë, aftësi teknike dhe teknologji, dhe ndarja e këtij misioni me sa më shumë vende të jetë e mundur, do të jetë thelbësore për rritjen dhe decentralizimin e prodhimit të vaksinave në të gjithë botën. Kur një qeveri drejtohet nga filozofia e lakmisë, aparteidi i vaksinave është i garantuar. 56 përqind e më shumë se 455 milion dozave të vaksinave anti-Covid kanë shkuar tashmë tek njerëzit në vendet me të ardhura të larta, dhe vetëm 0.1 për qind është shpërndarë në 29 vendet më të varfra.

Nuk ka gjasa që programi Covax i OBSH, që synon të vaksinojë deri në 27 përqind të popullsisë në 92 nga vendet më të varfra, të jetë i mjaftueshëm. Pasi ka bërë mirë me programin e saj të vaksinimit, Mbretëria e Bashkuar duhet të jetë tani në gjendje të kontribuojë në një fushatë globale të vaksinimit. Premtimi i qeverisë britanike për të dhuruar vaksina të tepërta është një fillim i mirë, por nuk është i mjaftueshëm. Nevojitet një udhëheqje e fortë dhe shpresë. Por në vend të kësaj, Xhonson duket i lidhur me idenë anakronike dhe kundër-produktive, se kapitalizmi dhe lakmia do ta vaksinojnë botën, dhe do të kontribuojnë në rindërtimin pas pandemisë. (Internazionale)

Continue Reading

Kolumna

Tri shkallët e rënies së fushatës së Marshallit (Ramës)

Published

on

Nga Artur Zheji

“Ebrenjtë” e Marshallit me siguri janë në hall të madh me këtë Fushatë Zgjedhore të kësajhershme, sepse, sivëllezërit e tyre, që thuhet se punojnë për Bashën, janë të të njejtit brumë!

Ebrenj pra, sundues të shkretëtirës së shndërruar në parajsë, për të mos thënë dhe për të mos hamendësuar më shumë!

Shumë të mençur dhe mendjehollë edhe ata! E pra të dyja palët, pushteti dhe opozita, janë në një ekuilibër të plotë këshillimesh…

Mirëpo, jo të dyja “shtabet ebraike”, me sa do të rrëfejmë më poshtë, duket se nuk janë njësoj të kënaqura dhe nuk janë njësoj, në humor të mirë.
Sepse kuptohet, se ata, strategjistët, janë ca timonierë “anijesh”, që lundrojnë duke ndjekur rrymat përshpejtuese të ujit dhe erën e mbarë, që fryn apo nuk fryn, në velat e klientit të tyre kryeministror.

Sepse përshembull, kur nuk ka erë që të shtyjë velën përpara, apo rryma të nënujshme që të fusin në kurth kundërtshtarin, atëhere, edhe strategjisti më i mirë, edhe nga Telavivi qoftë, detyrohet të ngrejë duart lart, derëziu këshilltar. Sepse erë të mbarë, nuk qëllon të ketë, që të fryjë për Marshallin, sepse frymë dhe entuziazëm nuk ka, për ambicien shumë mandatëshe të kryeministrit tonë, të pangopur me pushtet dhe me pushtete të pasosura, të të gjitha llojeve!

E pra, duke harxhuar një para të pafundme në sondazhe mbas sondazhesh, të përmuajshme apo dhe të përjavshme, llogaritjet dalin gjithmonë e më të ngushta: sepse Opozita, e grupuar kështu si është, nga Qendra e majtë, drejt të djathtës, fiton dhe përthith ditë pas dite, gjithmonë e më shumë vota, duke i shtuar turbullirë, turbullirës së Marshallit.

Atëhere “ebrenjtë e mençur”, kanë vënë në punë një strategji më të ashpër, shumë dinamike (për hir të së vërtetës), por edhe shumë të dëshpëruar duke ndjekur parimin: Sulmi është mbrojtja më e mirë! (kur shkohet drejt humbjes, kuptohet, në pritje të një mrekullie…)

Kështu u përpilua Faza e Parë : “Negativiste!”

Sharje, fyerje, marrjenëpërgojë, gëlbazim, përbaltje dhe denoncim të bërash dhe të pabërash për Opozitën!

360gradë sharje, pa Din dhe Iman! Mbi dhe nën brez! Sa të hajë goja dhe zorrëpërzierja e shpirtrave të helmuar nga frika e humbjes!

Në të djeshmen, në të sotmen dhe në të ardhmen e saj, sipas këshillave dhe ndihmës së disa gëlbazistëve të njohur të qytetit tonë!

(Kjo u vendos, kuptohet, duke njohur aftësitë e Marshallit [Ramës], për gojështhurje të papërmbajtëshme dhe shpërthyese, të dhëna baritonale të admirueshme në shfryrjen e ujëvarës së vrerit, si edhe, gazërimin dhe gëzimin që Ay, Marshalli-Klienti, shijon tek ngjiz fyerje të rënda, dhe sa më të rënda, aq më gëzim Ay, ndjen e shijon…

(kështu duket se vendosën, me dhimbje mjekrroshët e mençur ebrenj)

Dhe përfundimi ishte i pritshëm dhe pa asnjë çudi!

Negativizmi prodhoi rënie të mëtejshme dhe largim të votuesit gri!

Atëhere, mjeshtrat përpiluan sa hap e mbyll sytë, në zjarr të Fushatës, Inboxin 2 (kutia e mesazheve boshtore që duhet të parashtrojë Shefi i Fushatës, domethënë Ay, Marshalli [Rama])

Faza e Dytë: “Shënjestër Sali Berisha dhe Ilir Meta, Basha nuk preket…”

Qëllimi 1: Tërheqja në kurthe emocionale e Metës dhe e Berishës, krijimi i përshtypjes në popullin votues, që Marshalli po përleshet i vetëm, me dy bajlozat, Meta dhe Berisha.

Qëllimi 2: Krijimi i përshtypjes se, Basha ha bukë veç dhe një ditë mund të hajë bukë urtësisht edhe në një çanak me Marshallin. Mirëpo mjerisht, edhe kjo Fazë e Dytë (e dinin mjekroshat por nuk kishin rrugëdalje) solli zero sukses, përkundrazi, u kthye në bumerang.

Se mileti zuri të mërmëriste:

“Ore dhe pas 8 vitesh, përsëri fajin e ka Saliu?!”

E kështu, mes gjithë gëlbazërimeve të bollshme dhe të neveritëshme, përsëri edhe kjo strategji polli një Dështim! (pavarësisht gëlbazërimeve të përforcuara nga mjaft rrogëtarë të mirëpaguar dhe të talentuar gëlbazërues)

Tani që shkruajmë, 9 ditë para votimit, nga gjelltorja e strategjistëve hallemëdhenj, sapo doli:

Faza e Tretë. “Diversion masiv! Shprehje e hapur ofertuese bashkëqeverisëse për Lulëzim Bashën! Me plot “dashuri” dhe shkelje syri!”

Qëllimi: “Çoroditje e zgjedhësve të qendrës së Djathtë, përçarje e Opozitës, mbjellje e përgjithshme “Mosbesimi”, sipas parimit: “Në Shqipëri, sot blihet dhe shitet gjithshka!”

Por në këtë Fazë, ndryshe nga çfarë pritej (gjykuar nga talenti virtuoz i vitit 2017), Marshalli nuk po shkëlqen, ndonëse po imiton edhe Lulin, duke luajtur në disa emisione TV, “djalin e mirë” të qytetit tonë të ndotur.

Megjithatë kanë mbetur pak ditë, nuk kemi përse të parashikojmë! Spektakli vijon…/ 360grade.al

Continue Reading

Aktuale