Connect with us

Kosovë

Dialogu me Sërbinë – Ahmeti dhe Kurti me qëndrime të kundërta

Published

on

Qëndrime diametralisht të kundërta të Albin Kurtit dhe Ali Ahmetit sa i përket dialogut mes Kosovës dhe Sërbisë.
Sipas Ahmeti, dialogu me Sërbinë duhet të ketë epilog përfundimtar, ndërsa sipas Kurtit, kjo çështje nuk do të jetë  prioritet i qeverisë së tij.

Kryetari i Bashkimit Demokratik për Integrim, Ali Ahmeti ka dhënë një sërë këshillash për fituesin e zgjedhjeve në Kosovë, Albin Kurtin e Vetëvendosjes. Këshillat kishin të bëjnë kryesisht me mënyrën se si duhet të qeverisë Kurti, ndërsa nuk ka lënë pa e prekur edhe temën e dialogut Kosovë – Sërbi. E këtu, Ahmeti nuk pajtohet me Albin Kurtin, pasi sipas kreut të integristëve, dialogu me Sërbinë është prioritet dhe duhet sa më parë të marrë epilog përfundimtar, përcjell in7.

“Problemi i Kosovës është problem edhe i rajonit, është problem edhe i Evropës. Pa zgjidhjen përfundimtare të problemit ndërmjet Kosovës dhe Serbisë nuk mund të jetë e qetë edhe Evropa. Nuk mund të ketë stabilitet të qëndrueshëm as Evropa. Besoj që këto ndihma nuk do të mungojnë nga miqtë tanë dhe partnerët tanë ndërkombëtar, e në veçanti nga Uashingtoni dhe Brukseli për një zgjidhje dhe një epilog përfundimtar. Pasi duke i zvarritë gjërat sigurisht që lëndohen dhe proceset demokratike, apo të arriturat e deri tanishme. Jo vetëm të Kosovës, por edhe të rajonit”, ka thënë Ahmeti për Kosovapress.

Ndërkaq nga ana tjetër, ish kryeministri dhe sipas gjitha gjasave, kryeministri ardhshëm Albin Kurti, po këmbëngul se çështja e dialogut me Sërbinë nuk është dhe nuk do të jetë prioritet i tij dhe qeverisë së drejtuar prej tij.

Në studiot televizive në Prishtinë, Kurti thotë se dialogu nuk është në mesin e tre prioriteteve të tij qeverisëse.

“Sipas të gjitha matjeve të opinionit dialogu me Serbinë nganjëherë është prioriteti i gjashtë e ndonjëherë i shtati. Kurrë s’ka qënë tek tri të parat. Unë duhet t’i përgjigjem qytetarëve”, ka thënë mes tjerash Albin Kurti, përcjell in7.

Megjithatë, Kurti nuk thotë se nuk do të merret fare me këtë punë, por pohon se kjo temë nuk do të jetë prioritet i tij.

“Nuk po them që s’do të merrem me atë por nuk është prioritet as i qytetarëve dhe ai i imi”, ka thënë në disa raste Albin Kurti.

Zgjedhjet e 14 Shkurtit në Kosovë nxorrën Vetëvendosjen e Albin Kurtit të parën me një dallim shumë të madh ndaj kundërshtarëve politik. Teksa ende nuk ka përfunduar procesi i plotë i numërimit, VV po arrin drejt 50 përqindëshit të votave të përgjithshme, por sipas gjitha gjasave nuk do të arrijë ta bëjë e vetme qeverinë. Për t’u bërë kryeministër, Albin Kurtit do t’i duhen të paktën edhe 5 deputetë tjerë nga partitë më të vogla./in7.tv/

Continue Reading
Advertisement

Kosovë

MASH merr vendim për organizimin e mësimit plotësues në arsimin parauniversitar

Published

on

By

Ministrja e Arsimit, Shkencës, Teknologjisë dhe Inovacionit, Arbërie Nagavci, ka nënshkruar sot vendimin për organizimin e mësimit plotësues për nxënësit që kanë ngecje në arritjen e rezultateve si pasojë e pandemisë COVID-19.

“Organizimi i mësimit plotësues do të implementohet për nivelin e arsimit parauniversitar:

-Për nxënësit e nivelit të arsimit fillor (klasa I-V), mësimi plotësues do të organizohet në lëndët e gjuhës amtare dhe matematikë.

-Për nxënësit e nivelit të arsimit të mesëm të ulët (VI-IX) dhe të arsimit të mesëm të lartë (X-XII), mësimi do të organizohet në lëndët e gjuhës amtare, matematikë dhe shkenca natyrore”, thuhet në njoftimin për media.

Mësimi plotësues fillon nga data 3 maj 2021 në objekte shkollore dhe vazhdon deri në përfundim të vitit mësimorë 2020-2021.

Drejtoritë Komunale të Arsimit do të dorëzojnë në Inspektoratin e Arsimit planifikimet e shkollave për mësimin plotësues deri me datën 28 prill 2021, ndërsa do të raportojnë dy herë brenda muajit për mbarëvajtjen e mësimit plotësues. /Telegrafi/

Continue Reading

Kosovë

442 raste pozitive dhe 14 të vdekur nga coronavirusi për 24 orë

Published

on

By

Instituti Kombëtar i Shëndetit Publik bën të ditur se gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratorët private me metodën RT-PCR, si dhe laboratorët publike dhe private me metodën RAT, janë testuar gjithsej 3.090 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 442 raste pozitive.

IKSHPK njofton se brenda 24 orëve janë raportuar 14 raste të vdekjes me SARS CoV-2 pozitiv. Rastet e vdekjes janë nga komunat: Drenas 3 raste (91, 83, 69 vjeç), Mitrovicë 3 raste (76, 62, 61 vjeç), Leposaviq 2 raste (78, 68 vjeç), Prishtinë 2 raste (70, 69 vjeç), Gjakovë 1 rast (83 vjeç), Gjilan 1 rast (88 vjeç), Obiliq 1 rast (67 vjeç), Viti 1 rast (68 vjeç).

Numri total i rasteve pozitive është 102.236 raste nga 505.249 persona të dyshimtë në virusin SARS-CoV-2 dhe 2.100 raste të vdekjes.

Gjatë 24 orëve të fundit, janë shëruar 957 pacientë derisa numri i përgjithshëm i të shëruarve deri më sot është gjithsej 88.380 raste, kurse numri i rasteve aktive është 11.756.

Rastet pozitive janë nga komunat: Prishtinë 86 raste, Vushtrri 81 raste, Skenderaj 31 raste, Ferizaj 29 raste, Fushë-Kosovë 22 raste, Pejë 21 raste, Leposaviq 19 raste, Lipjan 17 raste, Klinë 16 raste, Gjilan 15 raste, Prizren 15 raste, Gjakovë 14 raste, Malishevë 11 raste, Suharekë 11 raste, Istog 7 raste, Kaçanik 7 raste, Mitrovicë 7 raste, Drenas 6 raste, Podujevë 5 raste, Viti 5 raste, Deçan 4 raste, Obiliq 4 raste, Kamenicë 3 raste, Shtime 3 raste, Hani i Elezit 2 raste dhe Rahovec 1 rast.

Continue Reading

Kosovë

Parim Olluri: Pres kërkim falje nga tre ministrat e Kurtit

Published

on

By

Drejtori i Gazetës Insajderi, Parim Olluri, ka shkruar rreth nënshkrimit të Udhëzimit Administrativ për vaksinat anti-Covid, nga ministri i Shëndetësisë, Arben Vitia.

Olluri ka thënë se presim një kërkim falje ndaj Insajderi nga tre ministra të Qeverisë Kurti, Arben Vitia, Donika Gërvalla dhe Albulena Haxhiu.

Tutje Olluri ka thënë se gjatë konferencë të së premtes Vitia ishte në siklet sepse nuk e kishte nënshkruar udhëzimin administrativ, që i hapë rrugë blerjes së vaksinave Pfizer.

Hapet rruga për blerjen e vaksinave nga Pfizer, Vitia nënshkruan Udhëzimin Administrativ

“Tash presim nje kerkim falje ndaj Insajderit nga Arben Vitia, Donika Gervalla e Albulena Haxhiu.
Arben Vitia ishte ne siklet te premten. Nuk e kishte nenshkruar ende udhezimin administrativ qe i hap rruge blerjes se vaksinave nga Pfizer.Per kete arsye e ofendonte Insajderin”, ka shkruar Olluri.

Duhet theksuar se sot, ministri i Shëndetësisë, Arben Vitia, ka nënshkruar Udhëzimin Administrativ për vaksinat anti-Covid, e në bazë të tij i hapet rrugë blerjes së vaksinave nga kompania Pfizer.

Continue Reading

Aktuale