Connect with us

Lajme

Rexhepi: Mijallkov duhej të dërgohej në Burgun e Shutkës, jo në arrest shtëpiak

Published

on

Deputeti i partisë Aletrnativa, Skender Rexhepi i ftuar në “Rruga drejt…”, u shpreh i prerë se para se të ndodh vetingu në gjyqësor e prokurori duhet të ndodh në Qeveri. Sipas tij zhvillimet e fundit me ish shefin e DSK-së kishin për qëllim që të fusin nën hije dënimet e shqiptuara për rastin “Monstra”. Për Rexhepin është e papranueshme se si mundet që një person ndaj të cilit ishte shpallur fletarrest ndërkombëtar dhe intern, të vije në këmbë dhe të paraqitet në prokurori. Kjo tha ai është skandal, po jo i vetëm, sepse ai vlerëson se Mijallkov pas paraqitjes në Prokurori duhej të dërgohej në Burgun e Shutkës dhe jo në arrest shtëpiak, sepse rreziku nga ikja nga arresti shtëpiak është shumë më e madhe se çdo gjë tjetër.

“E para, para se të ndodh veting në prokurori apo në drejtësi, duhet të ndodh veting në Qeveri. Sepse është tallje me qytetarët një aktrim i tillë, një teatër i tillë, ku personi i cili ishte personaliteti më i dëmshëm në qeverisjen e Gruevskit dhe bëhet mik i zyrtarëve qeveritarë, dhe njëkohësisht gjithë ai aktrim i ikjes s atij dhe kthimit ishte pjesë e një loje që bën pushteti për defokusim të rastit “monstra”, me çka tentonin të zbusnin atë shkelje juridike dhe ligjore që e bënë mbi rastin “Monstra”. Mijallkov ishte mik i Gruevskit por tash është mik i Qeverisë, dhe kjo është e vërtetë publike. Personi për të cilin bëhet kërkesë për fletarrestim ndërkombëtar dhe intern, ai vjen në gjendje që vetvetiu në këmbë të paraqitet në Prokurori. Imagjinoni i kalon gjithë policinë, sigurimin, kërkohej në gjithë vendin, dhe atij i jepet liria që ai në këmbë të paraqitet në Prokurori. Ç’është më e keqja Prokuroria sjell vendim që të vazhdoje ai arrest shtëpiak, në raste të tilla ai duhet të dërgohet në burgun e Shutkës. Sepse dyshimi që ai mund të ikë edhe nga arresti shtëpiak është shumë i madh se gjithçka tjetër. Pushteti në këtë rast bën një shkelje të rëndë të të gjitha vlerave demokratike gjyqësore. Dhe besoni se vetingu i gjyqësorit apo prokurorisë është çështja më e vogël që tash duhet në kohën kur duhet të bëhet veting i Qeverisë Kjo qeveri duhet të jap përgjegjësi për këtë shkelje të rëndë dhe talljen që bën me qytetarët me këtë aktrim të ikjes dhe kthimit. Personalisht mendoj se BDI-ja duhej të ishte e zëshme dhe të kërkojë dorëheqjen dhe t’i bashkangjitet nismës tonë ëpr interpelancë të ministrit të brendshme”, tha Skender Rexhepi, Alternativa./Alsat

Continue Reading
Advertisement

Lajme

Reporterë pa kufij: Maqedonia e Veriut për dy pozita më lartë, por me kritika

Published

on

By

Shkup, 20 prill 2021 (MIA) – Dy pozita më lartë, por kritikat mbeten. Nga pozita e 92-të, Maqedonia e Veriut u gjet në pozitën e 90-të të indeksit të Reporterëve pa kufij. Viti i kaluar 2020 është prezentuar si vit i jashtëzakonshëm në Maqedoninë e Veriut, në të cilën ishte shpërndarë Kuvendi, në pushtet erdhi qeveria teknike, ndërsa zgjedhjet e parakohshme parlamentare u shtynë për shkak të pandemisë.

Në raportin më të ri për lirinë e mediave në Maqedoninë e Veriut theksohet se komplikim shtesë në raportim është pandemia e koronavirusit.

“Organizatat të cilat i prezentojnë mediat fuqimisht i kundërshtojnë ndryshimet e propozuara për mediat shtetërore dhe private në Ligjin për radiodifuzion, me të cilat do të mundësohet reklamimi shtetëror në media. Ato kundërshtojnë duke vlerësuar se kjo do ta inkurajojë klientelizmin. Ministria e Drejtësisë është duke punuar në ligj të ri i cili duhet t’u sigurojë siguri më të madhe gazetarëve dhe punonjësve mediatikë”, thuhet në analizën e Reporterë pa kufij për vendin.

Në nivel botëror, Reporterë pa kufij ka konstatuar se gazetaria është e bllokuar tërësisht ose pjesërisht në 130 prej 180 shteteve të ranguara në botë. Në krye të listës janë shtetet skandinave Norvegjia, Finlanda dhe Suedia, ndërsa në pozitën e fundit është Koreja e Veriut.

Continue Reading

Lajme

Gjashtë të vdekur dhe 148 raste me COVID-19 në Shqipëri

Published

on

By

Gjashtë persona kanë vdekur si pasojë e COVID-19, ndërsa 148 raste pozitive janë regjistruar në Shqipëri në 24 orët e fundit.

Gjatë këtyre orëve janë shëruar edhe 430 persona, njoftoi Ministria e Shëndetësisë.

Raste aktive me koronavirus janë 24,888.

Shqipëria ka tejkaluar Serbinë dhe Kroacinë me numrin e të vaksinuarve për COVID-19.

Continue Reading

Lajme

Java e planetit Tokë: Nevojiten masa për rimëkëmbje të zonave mbrojtëse pas Kovid-19

Published

on

By

Shkup, 20 prill 2021 (MIA) – Rimëkëmbja pas kovid në zonat e mbrojtura” ishte një nga temat në të cilat është diskutuar në vigjilje të shënimit të Ditës së planetit Tokë – 22 prill në ngjarjen onlajn përkushtuar gjendjes së zgjidhjes dhe drejtimeve për tejkalim të shumë sfidave të cilat dolën nga pandemia, të organizuar nga Fondi Botëror për Natyrë (VVF) dhe Ministria e Mjedisit Jetësor dhe Planifikimit Hapësinor.

“Një nga ndikimet më të dukshme gjithsesi janë pasojat ekonomike si rezultat i kufizimit të aktiviteteve turistike në zonat e mbrojtur. Efektet e tilla më së shumti i goditën rajonet e mbrojtura të cilat së pari janë orientuar ndaj të ardhurave nga turizmi. Masat restriktive ndërrohen me kalimin e kohës, ashtu që efektet e pandemisë mbi rajonet e mbrojtura u ndryshuan, që shumë shpesh e bën gjithë situatën ende më serioze dhe komplekse për drejtuesit”, thuhet në raportin e “Parqet Dinarici” për gjendjen me Kovid dhe zonat e mbrojtura, që e prezantoi Jelena Marojeviq.

Humbjet nga turizmi në zonat e mbrojtura kanë ndikim negativ mbi bashkësitë lokale të cilat jetojnë në sektorin turistik. Ekziston frikë e vërtetë se për shkak të trendeve të pavolitshme dhe ekonomike ata mund të kthehen drejt shfrytëzimit të paqëndrueshëm të resurseve tjera natyrore në zonat e mbrojtura.

Ministri i Mjedisit Jetësor dhe Planifikimit Hapësinor Naser Nuredini deklaroi se kur bëhet fjalë për menaxhim dhe ruajtje të zonave të mbrojtura, supozimet janë se pandemia e tanishme dhe pasojat e saj mund t’i minojnë përpjekjet njëdekadëshe për ruajtje të natyrës dhe vendosje të sistemit efektiv në mbrojtje dhe menaxhim.

“Veçanërisht në periudhën kur shënojmë suksese të mëdha në shpalljen e zonave të reja, rreziqet e pandemisë mund të jenë ende më serioze. Për atë nevojitet aksion i përbashkët dhe sinkronizues për mbrojtje dhe përparim të trashëgimisë natyrore në kombinim me mbështetjen efektive të drejtuesve të zonave tona mbrojtëse”, deklaroi Nuredini.

Në punëtorinë virtuale prezantime të tyre kishin edhe përfaqësuesit e parqeve nacionale të Maqedonisë. Ata ranë dakord në mënyrë të barabartë se mbështetja financiare për menaxhimin me parqet nacionale mungon, por është nga vlera e madhe për funksionim të suksesshëm dhe mbrojtje të zonave, me ç’rast dërguan apel deri te institucionet shtetërore për fillim me financimin shtetëror në zonat e mbrojtura.

Konkluzioni është se në zonat e mbrojtura duhet t’u ofrohet ndihmë e nevojshme dhe mbështetje. Si për bizneset, ashtu edhe për institucionet publike, mbështetja financiare gjatë pandemisë është nga vlera esenciale për vazhdim të funksionimit të parqeve nacionale dhe zonat tjera mbrojtëse.

Continue Reading

Aktuale