Connect with us

Lajme

“Nuk do t’i nënshtrohemi presionit të Shkupit” – Çka deklaroi sot ministrja bullgare?

Published

on

Zaharieva pas mbështetjes parimore për procesin e eurointegrimit, sot me qëndrim se Sofja nuk do t’i nënshtrohet presionit të Shkupit

Ministrja bullgare e Punëve të Jashtme, Ekaterina Zaharieva sot në një intervistë për televizionin bullgar “BTV” e konfirmoi se gjatë takimit të djeshëm në Sofje, plani i përbashkët i veprimit dhe konferenca e ardhshme ndërqeveritare ishin temat e diskutuara me homologun e saj, ministrin e Punëve të Jashtme, Bujar Osmani.

Zaharieva, e cila dje, siç njoftoi Ministria bullgare e Punëve të Jashtme, pas takimit e konfirmoi mbështetjen parimore të Sofjes për integrimin evropian të Maqedonisë të Veriut, duke përmbushur kushtet e duhura, sot për “BTV” deklaroi se Bullgaria nuk do të nënshtrohet presionit nga ana e Maqedonisë së Veriut.

Zaharieva sot me qëndrimin se nuk ka marrëveshje në lidhje me historinë, disa figura kryesore historike dhe përmbajtjen e librave shkollorë nga mesjeta.

Siç njoftoi korrespodenti i MIA-s nga Sofja, Zaharieva e konfirmoi se gjatë takimit të djeshëm me Osmanin në Sofje, ata e diskutuan konferencën e ardhshme ndërqeveritare, por shtoi se data e takimit duhet të njoftohet nga të dy vendet.

“Bashkimi Evropian nuk funksionon si Jugosllavia, por në një mënyrë tjetër dhe ne po ia tregojmë këtë Republikës së Maqedonisë të Veriut që nga viti 2019. Ne nuk kemi përshtypje se ata presin ndryshim të Qeverisë”, tha Zaharieva.

Ajo informoi se në takimin me Osmanin ata diskutuan planin e veprimit, të cilin autoritetet në vend e kanë përmendur vazhdimisht se është në fazën përfundimtare.

“Shpresoj se deri tani do të arrijmë marrëveshje mbi protokollin e vlerësimit të zbatimit. Në seancën e ardhshme duhet të miratohet protokolli për raportin e Komisionit. Ata do të kenë përsëri një takim sot dhe nesër”, tha Zaharieva, sipas së cilës deri më tani nuk ka asnjë rezultat.

Ministria e Punëve të Jashtme të Bullgarisë kumtoi dje se Zaharieva është takuar me kërkesë të Osmanit, i cili ishte në udhëtim tranzit përmes Bullgarisë.

“Gjatë takimit të tyre joformal u diskutuan marrëdhëniet dypalëshe, perspektiva evropiane e Republikës së Maqedonisë të Veriut dhe sfidat me të cilat përballemi gjatë pandemisë Kovid-19”, thuhet në kumtesë.

Sipas Ministrisë së Punëve të Jashtme të Bullgarisë, Zaharieva në takim e riafirmoi mbështetjen parimore të Sofjes për integrimin evropian të Maqedonisë të Veriut, duke përmbushur kushtet e duhura.

“Të dy ministrat e rishikuan punën e përbashkët për të përmbushur detyrimet e Marrëveshjes së Miqësisë të vitit 2017 dhe diskutuan thirrjen e ardhshme për konferencën ndërqeveritare e cila do të mbahet kur të dy palët të miratojnë propozim-protokollin. Pala bullgare theksoi se në përputhje me Marrëveshjen e vitit 2017, në takimin e ardhshëm të Komisionit të përbashkët ndërqeveritar, duhet të bëhet rishikim i plotë i zbatimit të Marrëveshjes, të miratohet raporti vjetor për punën e Komisionit të përbashkët multidisiplinar të ekspertëve për çështjet e historisë dhe arsimit, dhe të orientohen aktivitetet konkrete të bashkëpunimit në të ardhmen”, shtohet në kumtesë.

Sipas MPJ-së bullgare, të dy ministrat shprehën kënaqësinë me tonin konstruktiv të bisedimeve në mes tyre dhe diplomatëve të dy ministrive dhe rishikuan punën në projekte konkrete që do të përmirësojnë marrëdhëniet në mes dy vendeve.

Continue Reading
Advertisement

Lajme

Spasovski: Hetimi për rastin “Sozia” do të zgjerohet, nuk ka tolerancë për askënd

Published

on

By

Ministri i Punëve të Brendshme Oliver Spasovski sonte deklaroi se hetimi për rastin “Sozia” në lidhje me abuzimin e pasaportave do të zgjerohet, pavarësisht nëse janë struktura brenda Ministrisë së Punëve të Brendshme apo jashtë vendit, dhe pa marrë parasysh sa lart arrinë në hierarkinë e policisë.

“Nuk ka asnjë tolerancë për askënd, kushdo që ai dëshiron të jetë, si në strukturat e Ministrisë së Punëve të Brendshme dhe në vend në përgjithësi. Sigurisht, ne punojmë me shërbimet partnere jashtë territorit të vendit, në krijimin e identiteteve dhe marrjen e masave kundër personave që ata përdorën”, tha Spasovski në “Vetëm e vërteta” në televizionin Kanal 5.

Ministri theksoi se procesi i hetimit do të tregojë se si dhe në çfarë mënyre janë bërëa ato.

I pyetur se si është e mundur që një parti politike të ketë informacione të tilla të rëndësishme si 214 dokumente të falsifikuara, Spasovski dyshon se opozita donte të sabotonte aksionin.

Spasovski informon se MPB-ja ka hapur përpunim të veçantë penal që i referohet punonjësve ose zyrtarëve të dikurshëm dhe aktualë të cilët në një moment të caktuar nxjerrin ose vendosin dokumente deri tek partia opozitare, mediat, etj.

Continue Reading

Bota

Zvicra lehtëson masat – Hap tarracat e lokaleve

Published

on

By

Këshilli Federal ka vendosur për relaksimin e masave edhe pse Zvicra nuk plotëson katër nga pesë standardet e caktuara nga qeveria, për lehtësim

Do të hapen zonat e jashtme të restoranteve (tarracat) por edhe brenda hapësirave të objekteve sportive dhe institucioneve kulturore.

Përveç kësaj, janë përsëri të lejuara ngjarjet me 50 persona brenda dhe deri në 100 persona jashtë si dhe mësimi me prani fizike, në universitete, transmeton albinfo.ch.

Këshilli Federal ka vendosur për relaksimin e masave edhe pse Zvicra nuk plotëson katër nga pesë standardet e caktuara nga qeveria, për lehtësim.

Vendimin e ka bërë të ditur pak më parë ministri i shëndetësisë, Alain Berset, shkruan albinfo.ch. Ai, së bashku me përfaqësues të tjerë qeveritarë është duke mbajtur një konferencë për media, në Bernë ku po u përgjigjet pyetjeve të gazetarëve lidhur me situatën më të re të pandemisë.

Continue Reading

Lajme

Shtetësia, Snopçe: Është jetike për mijëra shqiptarë

Published

on

Deputeti i Aleancës për Shqiptarët, Halil Snopçe në emisionin “ENTER” ka deklaruar se bllokadën në Kuvend paralelisht e ka bërë vet pushteti dhe pastaj edhe opozita maqedonase me amendamentet dërguara për propozim ligjin për shtetësi. Ai tha se duke parë këto veprime, opozita shqiptare me 5 mars ka marrë vendim që të bllokojë çdo ligj në kuvend, dhe këtë Snopçe e quan “vendim reciprociteti”.

“Ne vlerësojmë se ky ligj, është jetik për mijëra shqiptarë, banorë të këtij shteti. Nëse qeveria thotë se ligji aktual plotëson standardet evropiane, njëra nga standardet evropiane është që të mos ketë asnjë qytetarë në botë që nuk ka asnjë shtetësi. Si mund të jetë standard evropian kur ne kemi qytetarë që jetojnë 30 vjet rresht në Maqedoni dhe nuk kanë shtetësinë. Ky fakt dhe argument demanton qeverinë”, tha Snopçe.

Ai tha se kur qeveria e ka parë se opozita është serioze dhe ka kapacitete edhe intelektuale edhe mekanizma për të bllokuar kuvendin atëherë kanë ndërmarr iniciativa për të biseduar dhe për të gjetur zgjidhje.

“Jemi afër marrëveshjes, ka disa detaje që duhet të hekurosen, të premten duhet të kemi edhe një takim të grupeve koordinuese për t’i parë dilemat dhe mendojë që kjo çështje ka vullnet të mirë që të zgjidhet”, u shpreh Snopçe.

Continue Reading

Aktuale