Connect with us

Kosovë

“Kurti do të jetë në pushtet mbi 10 vjet”

Published

on

Albin Kurti ka qenë në pushtet për vetëm 50 ditë, por pas fitores së 14 shkurtit pushtetin do ta mbajë së paku edhe 10 vjetët e ardhshme, mendon Agim Bahtiri, kryetari i Komunës së Mitrovicë së Jugut dhe bashkëpunëtori politik i Kurtit.

Për Bahtirin parashikimi për dominancën e Kurtit nuk është në nivel prognoze individuale, por një vrojtim i përgjithshëm

“Të gjithë e kanë kuptuar”, thotë Bahtiri për Albanian Post.

“Albin Kurti do të jetë në pushtet mbi 10 vite”, shprehet ai.

Bahtiri e ka bindje po ashtu se jetëgjatësia mbidekadshe në pushtet e Kurtit, do t’i shkojë në favor qytetit që ai e udhëheqë.

“Pres investime të mëdha nga Qeveria Kurti pasi qeveria e kaluar edhe ato projekte që kanë qenë m’i ka ndaluar”, deklaron Bahtiri duke shprehur revoltën në raport me qeveritë e deritanishme.

Pas fitores së Vetëvendosjes, Bahtiri ka siguri se do jetë ndryshe.

“Presim ditë më të mira për Mitrovicën”, thotë kryetari i qytetit që mbeti i ndarë që nga lufta e fundit.

“Kurti si kryeministër t’i kthejë investimet në Mitrovicë, pasi ky qytet është në gjendje të rëndë”.

Prioritet për “Qeverinë Kurti 2”, sipas Bahtirit, do të jetë edhe “ringjallja” e minierës së Trepçës.

“Pres që të ketë investime edhe në Trepçë. Mendoj që Kurti do ta ketë në prioritet fuqizimin e Trepçës”.

Mirëpo, përveç përkrahjes për qeverinë, ndihmë me prezencën e tij nuk do t’i jep Kurtit.

Madje, duke folur për Albanian Post, tregon se ofertën për të qenë pjesë e qeverisë së re e ka pasur, por e ka refuzuar.

“Nuk e lë Mitrovicën”, thotë Bahtiri që aktualisht vazhdon mandatin e dytë të tij si kryetar i komunës.

“Oferta kam pasur edhe më herët, por unë jam i përqendruar për punë të mira në Mitrovicë”.

Një nga këto punë të mira është edhe lirimi për qarkullim të veturave në urën mbi Ibër – lumi që ndan qytetin etnikisht, veç tjerash.

Bahtiri është optimist. Thotë se “shpejt do të lirohet edhe për qarkullimin e automjeteve”.

“Është e panevojshme që mos të jetë e lirë, pasi qe sa vite nuk kemi asnjë problem ndëretnik”.

“Lirimi i urës” mund të jetë edhe motoja e fushatës së ardhshme për garën komunale në Mitrovicë. Zgjedhjet lokale mbahen këtë vit dhe Bahtiri i ka bërë të qarta ambiciet e tij për “hat trick” – do dhe një katër vjeçar në krye.

Në këtë intervistë për Albanian Post, Bahtiri flet edhe për një bashkëvendëse të tij – Vjosa Osmanin.

Partneren politike të Kurtit, Bahtiri e sheh si presidente të vendit.

Përkundër se duhen së paku 61 veta të votojnë pro Osmanit dhe në momentin e votimit të jenë minimalisht 80 deputetë që kanë marrë pjesë në procesin zgjedhës, Bahtiri nuk sheh arsye për shqetësim.

“Unë mendoj që votat për Vjosa Osmanin do të bëhen pa asnjë problem”, përfundoi Bahtiri.

Agim Bahtiri në politikën kosovare kishte ardhur si anëtar i Aleancës Kosova e Re, partisë së themeluar nga Behgjet Pacolli.

Përmes AKR-së edhe fitoi mandatin e kryetarit të komunës. Ai ishte prezantuar atëkohë si një biznesmen i suksesshëm në perëndim, që ka vendosur ta lë anash fitimin e parave për vete dhe ta zhvillojë qytetin prej nga vjen.

Fitoi dy herë garën zgjedhore duke mposhtur kandidatët e Partisë Demokratike të Kosovës. Të dyja herat Bahtiri ishte konsideruar si i pagjasë për të fituar. Me kohën Bahtiri u distancua nga AKR-ja dhe u afrua me Vetëvendosjen, me të cilët edhe bashkëqeverisë në Mitrovicë.

Albanianpost

Continue Reading

Kosovë

Detaje nga vrasja në Pejë, dyshohet se mësimdhënësi vrau babain e nxënëses së tij

Published

on

By

Një vrasje e rëndë ka ndodhur sot rreth orës 15:35 në rrugën “Gjon Gazulli” në Pejë.

Zëdhënësi i Policisë Rajonale të Pejës, Fadil Gashi ka thënë se dorasi është identifikuar i cili ndodhet ende në arrati.

“Po është identifikuar i dyshuari për vrasjen në Pejë, është në kërkim të Policisë. I dyshuari është më i vjetër në moshë sesa viktima. Viktima është rreth moshës 51-vjeç”, tha Gashi për RTV Dukagjinin.

Mësohet se i dyshuari është mësimdhënës në shkollën “Dardania” në Pejë, ndërsa viktima pretendohet të jetë prindi i nxënëses së tij.

KALLXO.com raporton se dorasi ishte dënuar nga Gjykata në Pejë për veprën penale “sulm seksual”.

“Po sipas informacioneve që kemi dorasi ka qenë i dënuar për sulm seksual, por në këtë fazë nuk mund të prononcohemi më shumë”, ka deklaruar për këtë media Fadil Gashi.

Continue Reading

Kosovë

Vuçiq flet për përplasjen me Osmanin: Do të jetë e vështirë

Published

on

By

Presidenti i Serbisë, Aleksandar Vuçiq tha mbrëmë se nuk iu nënshtrua presidentes së Kosovës Vjosa Osmani në asnjë çështje për të cilën ajo insistoi në Samitin “Brdo-Brijuni” që u mbajt dje në Slloveni, transmeton Gazeta Express.

Vuçiq deklaroi se ai është i shqetësuar për të ardhmen e dialogut, sepse në gjithçka që dëgjoi nga takimi i djeshëm, tha se nuk kishte asgjë racionale, raporton Tanjug.

“Vazhdimi i dialogut është një çështje e rëndësishme dhe e vështirë. Ne do të jemi të gatshëm për të biseduar, për të marrë pjesë gjithmonë në dialog, por pas asaj që dëgjova sot, e cila është agjenda e gjithë qeverisë së Prishtinës, unë jam shumë i shqetësuar, sepse nuk ka asgjë racionale atje”, u tha Vuçiq gazetarëve në Bruksel, kur u pyet se si e sheh të ardhmen e dialogut mes Kosovës dhe Serbisë.

Vuçiq tha se disa përfaqësues të vendeve që ishin ndër të parët që e njohën Kosovën i thanë atij se ata nuk i kuptonin kërkesat e Osmanit.
“Unë mund t’u them njerëzve se sa e vështirë është situata dhe pozicioni ynë dhe si të tjerët duan ta paraqesin atë… Do të jetë e vështirë”, tha Vuçiq.

I pyetur se për çfarë insistonte presidentja e Kosovës në takimin e djeshëm, Vuçiq tha se ajo së pari foli për të gjitha vendet në Ballkanin Perëndimor, ndaj të cilës deklaratë thotë se ai reagoi duke kundërshtuar.

“Çështja e dytë ishte liberalizimi i vizave. Ne thamë që nuk ka probleme, por që Kosova nuk mund të shkruhet sepse nuk e njohim, ose duhet të qëndrojë me një yll. Ata nuk deshën. Ata këmbëngulën në diçka që nuk ishte shkruar, për të refuzuar ndryshimin e kufijve dhe kufijtë që ata imagjinuan të merren si të mirëqena”, tha Vuçiq.

Continue Reading

Kosovë

Sigurimi rrah brutalisht një person në “Albi Mall” (VIDEO)

Published

on

By

Një rrahje brutale ka ndodhur në “Albi Mall”, një nga qendrat më të mëdha tregtare në vend.Siç raportojnë mediat, një diskutim i ashpër mes sigurimit dhe një qytetari këtë qendër tregtare e cila ndodhet në Prishtinë, ka shpërthyer në grushte.

Në pamjet e publikuara shihet se si sigurimi rrah me grushte e shkelma personin në fjalë.Rastin për Insajderi-n e konfirmoi zëdhënësi i policisë për rajonin e Prishtinës, Agron Borovci, i cili tha se ngjarja ka ndodhur rreth një javë më parë.

Continue Reading

Aktuale