Connect with us

Teknologji

Snapchat, s*kschat

Published

on

Erika, një 20-vjeçare zeshkane me sy të kaltër, fiton rreth 1 milionë lekë në “Snapchat”. Ajo shet fotot e saj gjysmë te zhveshura, të cilat joshin jo pak njerëz. Të rinj, të moshuar, beqarë e të martuar, lënë kokën pas fotove provokuese të saj. Për pak para, çdokush mund të ketë fotot e Erikës në celular. Mjafton vetëm të paguhet.

Kjo është mënyra që 20-vjeçari nga Korça, Andi, ka zgjedhur për të siguruar të ardhurat e tij dhe për të plotësuar nevojat jetësore, në një qytet ku jo pak vuajnë për punë!

20-vjeçari studion në Tiranë. Ai na ka treguar se në momentin që mësimi filloi online, vendosi ta shfrytëzonte kohën e lirë duke punuar.

“Grupi i shokëve të klasës më tregoi për një punë që kishin nisur, të cilën e bënin nëpërmjet celularit. U bëra kurioz dhe i pyeta. Ata më treguan se fitonin para përmes aplikacionit Snapchat. E pashë që ata po ‘xhironin’ lekë. Kështu e nisa dhe unë”.

Ai na tregoi më hollësisht procedurën e kësaj pune.

“Hiqesh sikur je një vajzë. Hap një adresë me foto të ndryshme modelesh, të cilat i marrim nga “Google-i”. Më pas fillojmë të shtojmë shokët, të cilët nuk duhet të jenë nga Shqipëria, por të huaj. Nuk ka rëndësi se nga cilat shtete janë. Atyre u dërgon një link, tek i cili u kërkon të regjistrohen. Përmes kësaj paguhesh. Lekët kalojnë në llogarinë tënde”.

Andi tha për Albanian Post se pagesa për regjistrimin e një personi në këtë link është mesatarisht dy dollarë. “Mua personalisht më ka ndodhur të fitoj nga 1 milionë e 300 deri në 1 milionë e 500 mijë lekë. Kam punuar me intensitet. Kisha shumë dëshirë”.

Ai na bëri të ditur se mosha që merren me këtë punë fillon nga 18 deri në 35-vjeç. “Njoh edhe një çift nga Tirana që kanë 3 vjet që merren me këto punë. E kanë kthyer në formë jetese”.

Kur e pyetëm se sa të punësuar mund të jenë gjithsej në këtë “rrjet”, ai na tha se nuk ka të dhëna të sakta. “Nuk mund të them një numër të saktë, sepse nuk punojmë të gjithë me linkun e një kompanie. Unë personalisht njoh diku 40-të persona”.

Ky student, tha për Albanian Post se shuma e parave që merr është e mirë, por sapo të gjejë diçka më të rehatshme ka ndërmend ta lerë.

Ai na tregoi se në grupin ku punon ai ka edhe vajza.“Ka edhe vajza që e bëjnë këtë punë. Unë kam edhe të dashur, ajo nuk e ka problem që e bëj këtë lloj pune”.

Ndërkohë Xhoni, një djalë tjetër që punon përmes “Snapchat-it”, na tha se ato zakonisht punojnë me mesazhe automatike dhe se biseda bëhet në gjuhën angleze, pasi e njeh e gjithë bota. Ai tha se këto ditë kanë pasur probleme edhe me adresat.

“Disa adresa na janë bllokuar. Hapim të reja. Kjo vjen pasi çdo ditë numri i regjistrimeve vetëm rritet”.

Dëshira për të pasur një punë i ka vetëpunësuar të rinjtë në Shqipëri. Një numër jo vetëm të rinjsh, por grupmoshash të ndryshme, po drejtohet drejt punës në internet.

Albanianpost.com

Continue Reading
Advertisement

Teknologji

Sonda e NASA-s për herë të parë po lëvizte në sipërfaqen e Marsit

Published

on

By

Uashington, 5 mars 2021 (MIA) – Sonda “Këmbëngulje” (Perseverance) e NASA-s për herë të parë po lëvizte në sipërfaqen e Marsit. Siç mund të shihet në fotot e publikuara nga NASA, roboti me peshë një ton udhëtoi distancë të shkurtër dhe u kthye në rreth.

Plani i agjencisë amerikane është “Këmbëngulje” në një periudhë prej dy javësh të kaloj distancën prej 15 kilometra.

Qëllimi kryesor i misionit të “Këmbëngulje” në planetin Mars, është kërkimi astrobiologjik që përfshin kërkimin e shenjave të jetës antike të mikrobëve. Sonda do të analizojë gjeologjinë e planetëve dhe klimën në të kaluarën dhe do të hap rrugën për eksplorimin njerëzor të “planetit të kuq” dhe do të jetë misioni i parë për të mbledhur dhe ruajtur mostrat e shkëmbinjve dhe regolitit në Mars.

Sonda “Këmbëngulje” zbret në një zonë të pashkelur të planetit – krateri “Jezero”, i pagëzuar me emrin e një fshati në Bosnje dhe Hercegovinë. Disa lugina që të çojnë në këtë krater janë emëruar pas lumenjve Sava, Neretva, Pliva dhe Una.

Krarteri ”Jezero” është një nga vendet më të mira për të kërkuar jetën e lashtë sepse ndoshta ishte mbushur me ujë rreth 3,9 miliardë vjet më parë. Analizat e mëparshme kanë treguar se krateri është i pasur me minerale që formohen në prani të ujit, që do të thotë se jeta mund të ketë ekzistuar dikur atje. Fosilet zakonisht gjenden në sedimente të ngjashme në planetin Tokë.

Misionet e ardhshme që po konsiderohen aktualisht nga NASA, në bashkëpunim me Agjencinë Evropiane të Hapësirës (ESA), do të dërgojnë një anije kozmike në planetin Mars për të kthyer mostrat e mbledhura të sondës “Këmbëngulje” në Tokë për analiza të mëtejshme të hollësishme.

Continue Reading

Sport

Aston Martin F1, bëhet partner me Crypto.com

Published

on

Kompania e këmbimeve, Crypto.com, ka firmosur një marrëveshje me ekipin britanik të makinave luksoze Formula 1, Aston Martin.

Zyrtarë për të dyja kompanitë thanë se markat do të “bashkëpunojnë për të sjellë përvoja dhe mundësi ekskluzive për tregtarët dhe adhuruesit e sportit”.

Për Aston Martin, viti 2021 shënon fundin e një pauze 60-vjeçare nga gara e Formula 1.

Industria e makinave ka përfituar nga Bitcoin (BTC) në të kaluarën si një mjet pagese për produktet e kushtueshme. Javën e kaluar, prodhuesi italian i superveturave, Mazzanti, njoftoi se do të pranonte Bitcoin.

Përveç investimit të saj prej 1.5 miliardë dollarësh në Bitcoin, Tesla gjithashtu njoftoi se do t’u lejonte klientëve të blinin produkte me BTC.

Albanianpost.

Continue Reading

Teknologji

Lime, 50 milionë dollarë për biçikletat elektrike

Published

on

Lime, kompania amerikane e transportimit, ka deklaruar se do të investojë 50 milionë dollarë për të rritur rrjetin e biçikletave elektrike duke përfshirë shtimin e një modeli të ri dhe dyfishimin e numrit të qyteteve ku do të operojë.

The Verge, faqe kushtuar të rejave teknologjike, shkruan se investimi i Lime-it vjen në kuadër të synimit të kompanisë për të qenë ofrues multimodal i llojeve të ndryshme të automjeteve elektrike me shpejtësi të ulët.

Lidhur me shtrirjen e kompanisë, planet e dyfishimit të biçikletave elektrike do të përqëndrohen.në qytete të reja në Amerikën e Veriut, si dhe në shumë tregje të tjera evropiane. Në total, pretendohet që biçikletat elektrike Lime të mbërrijnë në 50 qytete të reja.

Sipas The Verge, investimi do të mbulojë projektimin, prodhimin dhe montimin e biçikletave elektrike të gjeneratës së ardhshme, të cilat do të kenë një motor më të fuqishëm 350 vat dhe një bateri të shkëmbyeshme deri në 25 milje diapazon.

Kjo bateri është e këmbyeshme edhe me ushqyesit e skuterëve elektrik të kompanisë. Nga ana tjetër, një ndërrues ingranazhesh me dy shpejtësi do të ndihmojë që biçikleta të ngjitet në kodër, ndërsa një bllokues i shpërndarësit të integruar, i cili është i kontrolluar elektronikisht, do të ndihmojë në mbajtjen e biçikletës së sigurt nga vjedhja.

Karakteristikat e reja nuk mbarojnë me kaq. Dorezat e ngjashme me ato të skuterëve, mbajtësja e telefonit në shportën e përparme dhe arritja e shpejtësisë deri në 20 milje në orë, do të jenë risitë e modelit të ri.

The Verge, sqaron se investimi i kompanisë Lime për biçikletat elektrike vjen në një kohë kur çiklizmi po rritet në të gjithë globin duke arritur numra rekord shitjesh.

Sipas kompanisë, klientët e saj kanë ndërmarrë më shumë se 2.5 milionë udhëtime me biçikleta elektrike vitin e kaluar dhe gjithashtu pretendon të rrisë ndjeshëm numrin e tyre për vitin 2021.

Albanianpost

Continue Reading

Aktuale