Connect with us

Lajme

Rama: Turizmin e shpëtuan turistët kosovarë dhe ata vendorë

Published

on

Kryeministri Edi Rama u tha vlonjatëve se hotelet ishin plot, megjithëse çmimet nuk u ulën

Shtetasit nga Kosova, por edhe shqiptarët në Shqipëri, shpëtuan turizmin në këtë vend, ndërkohë që operatorët turistikë nuk është se i kanë ulur çmimet. Kjo është pranuar nga kryeministri Edi Rama gjatë një bashkëbisedimi me qytetarë vlonjatë të premten.

“Unë dje isha me një operator turistik dhe jashtë kamerave ma konfirmoi atë që di në fakt, që sezoni i kaluar nuk ishte me humbje. Ndërkohë që pandemia ishte realisht e frikshme për sektorin, por lëvizja që ne bëmë duke mos e mbyllur kufirin me Kosovën dhe fakti që shqiptarët në Shqipëri nuk mundën të ikin jashtë, bëri që hotelet të jenë plot”, tha Rama.

Ai shtoi se nuk beson që “kur i keni marrë paratë, nuk u janë dukur më pak se po jua japin shqiptarët e Kosovës dhe Shqipërisë, se nuk është se i ulët çmimet”.

“Ky sezon ka qenë një provë domethënëse e faktit se sa shumë para shpenzohen nga shqiptarët e Shqipërisë për turizëm dhe përgjithësisht shkojnë jashtë. Tjetra që e ka ndihmuar shumë sektorin, që është indirekte, ka qenë që shumë nga shqiptarët që janë mësuar përndryshe të iknin në Budva, në Greqi, në Itali, në Spanjë e në Turqi, njohën Shqipërinë. Kjo është konkrete. Një pjesë e madhe e tyre dinin Tiranë–Durrës, maksimumi deri në Vlorë, dhe këtu mbaronte puna e tyre”, tha Rama.

Megjithatë, në vitin 2020, turizmi në Shqipëri si sektor i ekonomisë është pa diskutim më i godituri nga pandemia. Varësia e ekonomisë shqiptare nga turizmi është pikërisht arsyeja pse goditja në ekonominë e përgjithshme ka qenë më e madhe në Shqipëri së në vendet e tjera të rajonit, gjë të cilën e kanë nënvizuar shumë institucione ndërkombëtare, që nga Banka Botërore, Banka Evropiane për Rindërtim dhe Zhvillim (BERZH), FMN e deri te “Standard and Poor”-s së fundmi.

Numri i qytetarëve nga Kosova që kanë vizituar Shqipërinë për vitin 2020 është 1.379.360 persona. Megjithëse me një rënie prej 38.6% krahasuar me të njëjtën periudhë të vitit 2019, Kosova ka rënien më të ulët të hyrjeve të shtetasve të saj në Shqipëri për vitin 2020, që llogaritet më e ulëta krahasuar me vendet e tjera të rajonit e Evropës. Ndërkohë që në muajt e vjeshtës, por edhe në ata të fillimdimrit, numri i qytetarëve nga Kosova që kanë vizituar Shqipërinë ka njohur rritje krahasuar me muajt e verës.

Qytetarët nga Kosova i kanë bërë sfidë pandemisë kur vjen puna për të udhëtuar në Shqipëri. Në tremujorin e katërt të vitit 2020 numri i qytetarëve nga Kosova që vizituan Shqipërinë ka qenë 519.435 persona, nga 407.760 persona që e kishin vizituar në tremujorin e katërt të vitit 2019, duke shënuar një rritje prej 27.4%. Ndërkohë që në përgjithësi në Shqipëri, numri i vizitorëve në tremujorin e katërt të vitit 2020 gjithsej është ulur me 41,2 % në krahasim me tremujorin e katërt 2019. Numri i net-qëndrimeve gjithsej është ulur me 58,4 % në krahasim me tremujorin e katërt 2019. Numri i net-qëndrimeve për tremujorin e katërt 2020 ndjek të njëjtin trend me numrin e vizitorëve. Vlora mban vendin e parë me 31.1% për sa u përket rezervimeve të kryera nëpërmjet agjencive të udhëtimit, apo operatorëve turistikë. Qyteti bregdetar i Vlorës në jug të Shqipërisë mban vendin e parë me 38.8% edhe për sa u përket të rezervimeve mbi format e akomodimit, pasuar nga Korça me 20.1%.

Continue Reading
Advertisement

Lajme

Dyfytyrësia e Zaevit – Shpërndan foto nga protestat e veta para “Qeverisë Gruevski”, ndërkohë që nuk i lejon shqiptarët të protestojnë para qeverisë së tij

Published

on

Ndryshe në opozitë e ndryshe në pushtet

Mijëra shqiptarë sot u penguan të protestojnë para Qeverisë së Maqedonisë së Veriut. Edhe ose organizatorët kishin kërkuar leje dhe i kishin kryer procedurat e nevojshme që protesta të zhvillohet siç duhet para objektit të qeverisë, policia nuk i lejoi. Qindra policë, forca speciale, të shoqëruar nga artileri e rëndë policoro – ushtarake kishin vënë kufirin aty ku mbaron Komuna e Çairit, qindra metra larg objektit të qeverisë. Kjo u quajt si provokim i masës, të cilët edhe ashtu ishin të prekur nga vendimi i para disa ditëve i gjykatës për t’i shpallur sërish fajtorë të akuzuarit e rastit “Monstra”, shkruan in7.

Disa orë para protestës së sotme, u dha vendimi për ish shefin e DSK’së, Sasho Mijallkov, i cili u dënua me 12 vite heqje lirie. E menjëherë pas këtij vendimi, filluan mburrjet nga partitë qeveritare, duke i marrë meritat për këtë dhe për të bërë me dije se “drejtësia po vjen në vend”. Më të zëshëm ishin ata të LSDM’së e sidomos kryeministri i vendit, Zoran Zaev.

Për të përshkruar rrugëtimin politik të tij, që para rrëzimit të Gruevskit e deri në dënimin e Mijallkovit, Zaev shpërndau një fotografi nga protestat e para disa viteve, ku ai si kryetar opozite protestonte me mijëra qytetarë para Qeverisë. Kjo ndodh në të njëjtën ditë kur pikërisht i njëjti politikan, por tani i veshur me petkun e pushtetit, nuk e lejon zërin opozitar, qytetarin e thjeshtë të protestojë denjësisht para qeverisë së tij, përcjell in7.

Fotografoi Arbnora Memeti

Zaev: Kohën e mosndëshkimit e lëmë në histori

Sistemi gjyqësor është qeveri e pavarur dhe sot shohim se i ka të gjitha rrethanat të zbatojnë hetim pa ndikim dhe të organizojë procedurë të prokurorisë dhe gjyqësore, në të cilën vlejnë vetëm dëshmitë dhe dispozitat për gjykim të drejtë, për secilin pa përjashtim, publikoi sot kryeministri Zoran Zaev në profilin e tij në Fejsbuk pas aktvendimit në rastin “Target-Fortesa”.

“E kemi liruar rrugën përmes së cilës erdhi drejtësia. Qytetarët, shteti, institucionet dhe sistemi – kjo jemi ne. Të gjithë ne, secili prej nesh sot mund të ketë më shumë paqe për veten, në vetvete. Sepse, kur ka drejtësi, ka paqe”, shkroi Zaev në Fejsbuk.

Sipas kryeministrit, kjo është mënyra në të cilën duhet të zbatohen dhe përfundohen të gjitha lëndët për krim të organizuar edhe kundër Kushtetutës ashtu edhe ndaj dinjitetit të qytetarëve.

“Kohën e mosndëshkimit dhe të privilegjeve të aktorëve kriminelë e lëmë në histori”, tha Zaev./in7.tv/

Continue Reading

Lajme

“Dënimi i Mijallkovit ishte i tepruar, ndërsa paraburgimi i kundërligjshëm” – Ja kush e thotë

Published

on

Shvërgovski: Dënimi për Mijallkovin është drakonik, do të ankohemi edhe për gjykimin edhe për paraburgimin

Avokati i Sasho Mijallkovit, Lupço Shvërgovski konsideron se dënimi për klientin e tij është drakonik. Paralajmëroi se do të ankohen kur do ta marrin gjykimin, si dhe në vendimin për paraburgimin.

“Mendoj se dënimi është drakonik. Të jepet maksimumi për secilën vepër penale individualisht ku është ngritur aktakuzë është me të vërtetë është precedent ligjor. Nuk do të gjeni në analet e gjyqësorit asnjë gjykim ku për një aktakuzë jepet dënimi maksimal me burgim”, deklaroi Shvërgovski sot para Gjykatës Penale pas shpalljes së gjykimit për “Target-Fortesa”.

Lidhur me vendimin e Gjykatës për paraburgimin, thotë se është në kundërshtim me ligjin, sepse gjatë një masë të caktuar të arrestit shtëpiak, pa e shkelur detyrimin, të caktohet masë paraburgim, ai konsideron se është në kundërshtim me nenin 470, sepse Mijallkovi është i siguruar, është në arrest shtëpiak, dhe nuk ekziston mundësi të arratiset.

“Mijallkovi mund të jetë në paraburgim për maksimum 60 ditë. Ai ka vendim për arrest shtëpiak, ndërsa nuk mund ta çojnë në paraburgim efektiv para se t’i paraqitet vendim i ri”, tha Shvërgovski.

Ai nuk donte t’i komentonte ngjarjet e javës së kaluar në lidhje me klientin e tij.

Gjykata Themelore Penale Shkup në rastin “Target-Fortresa” për përgjime masive dhe shkatërrim të pajisjeve nga DSK-ja sot shqiptoi denim me burg prej 55 viteve dhe 10 vjet dënime me kusht, gjegjësisht gjithsej 65 vjet për 11 persona.

Ish-drejtorit të DSK-së, Sasho Mijallkov iu shqiptua dënimi me 12 vjet burg për veprat penale “shoqërim kriminal”, “abuzim të detyrës zyrtare dhe autorizimeve” dhe “marrjes së shpërblimit për ndikim të paligjshëm”.

Continue Reading

Bota

VIDEO – Nëna detyrohet t’i hedhë katër fëmijët e saj nga dritarja për t’i shpëtuar nga zjarri

Published

on

Një nënë në Stamboll është detyruar që t’i hedhë nga dritarja katër fëmijët e saj, pasi zjarri kishte kapluar banesën ku jetonte.

Zjarri kishte shpërthyer në hyrje të banesës së familjes duke e detyruar kështu nënën që të kryente veprimin drastik para se të arrinin zjarrfikësit.

BBC shkruan se katër fëmijët dhe nëna e tyre kanë shpëtuar.

Continue Reading

Aktuale