Connect with us

Lajme

Gazetari shqiptar “e zuri mat” Vuçiqin – Cila ishte pyetja që e ngushtoi presidentin sërb?

Published

on

Gazetari shqiptar nga Shkupi, Furkan Saliu i drejtoi pyetje presidentit sërb, Aleksandar Vuçiq gjatë ceremonisë për dorëzimin e vaksinave në vendkalimin kufitar Tabanoc. Teksa dy kryeministrat, Vuçiq dhe Zaev mburreshin se sa të afërt janë, se si maqedonasit dhe sërbët janë vëllezër dhe se duhen shumë mes veti, Saliu në pyetjen e tij vuri në pak një fenomen që po ndodh prej vitesh në Maqedoni. Vendkalimi kufitar Llojan – Miratoc është premtuar prej shumë vitesh nga dy shtetet, por hapja e tij ende duket e largët, njofton in7.

Saliu në pyetjen e tij, tregoi edhe për zhvillimet e reja që po ndodhin në anën sërbe të kufirit, ku sipas tij po ndërtohet një mur. Ndërtimi i murit paraqet kundërshtim të asaj që është premtuar nga politikanët e dy shteteve fqinje.

“A do t’i vazhdoni këto raporte vëllazërore që i keni edhe me hapjen e kufirit Llojan – Miratoc sepse ka pasur shumë fjalë, por asnjë veprim konkret? Sipas informacioneve nga ana e Miratocit, atje veçmë po ndërtohet një lloj muri dhe kjo nuk shkon me atë që është premtuar nga politikanë e të dyja palëve”, ishte pyetja e gazetarit, Furkan Saliu drejtuar presidentit sërb, Vuçiq.

Vuçiq nuk u përgjigj direkt dhe nuk dha datë të përafërt se kur mund të hapet ky kufi, por arsyetohej se hapja e kufirit do të ngarkonte buxhetin e shtetit të tij, pasi do duhet të punësohen njerëz e të paguhen rroga. Ai e ritheksoi interesin e madh e banorëve shqiptarë që jetojnë në dy anët e kufirit dhe si zakonisht, ashtu siç bëjnë shpesh politikanët, theksoi se do të bëjnë çdo gjë që është e mundur për ta zgjidhur këtë çështje.

“Ne kemi biseduar për këtë çështje edhe Zorani ka shfaqur interes të madh. Ekziston interes i theksuar tek banorët shqiptar që jetojn në këto anë të kufirt tonë në Llojan dhe Miratoc dhe ne po bëjmë çdo gjë që është e mundur që atje të hapet kufiri. Nuk është aq e thjeshtë dhe nuk është aq gjë e lehtë për t’u bërë. Jo për arsye politike, por për shkak se duhet të paguhen për çdo ditë njerëz që të punojnë dhe këta janë harxhime shtesë e ne duam që harxhimet t’i zvogëlojmë”, u përgjigj Aleksandar Vuçiq, duke lënë të kuptohet se çështja e kufirit do të zgjasë edhe për një kohë të gjatë, përcjell in7.

Hapja e kufirit Llojan – Miratoc do të ishte lehtësim i madh për banorët e kësaj ane, të cilët janë të lidhur familjarisht mes tyre, ndërsa për ta takuar njëri-tjetrin duhet të bëjnë dhjetëra kilometra shtesë. Premtimi për hapjen e këtij kufiri është bërë prej më shumë se 10 vite nga Bashkimi Demokratik për Integrim, ndërsa së fundmi, premtim ka dhënë edhe Mumamed Zekiri, Nënkryetari i LSDM’së së Zaevit dhe Sekretar Gjeneral i Qeverisë./in7.tv/

Continue Reading

Lajme

Taravari: I shokuar nga sulmi kriminal në Gllogjan, shumë jetë të pafajshme e sidomos fëmijësh po na ikin këtë muaj!

Published

on

Kryetari i Komunës së Gostivarit, Arben Taravari, ka reaguar pas sulmit me armë zjarri ndaj autobusit në Gllogjan të Deçanit, ku mbetën të vrarë të paktën tre persona, përcjell in7.

Jam i shokuar nga sulmi kriminal ndaj autobusit që ndodhi në Gllogjan, ku ka edhe viktima, mesin e tyre nxënës shkolle.
Në këto çaste të rënda jam me familjarët e të vrarëve, duke u lutur për durim…
Pres që organet e rendit të zbardhin menjëherë këtë krim monstruoz!
Shumë jetë të pafajshme e sidomos fëmijësh po na ikin këtë muaj!
Zot na Mbro!, ka shkruar Taravari në Facebook./in7.tv/

Continue Reading

Kosovë

Reagon Kryeministri Albin Kurti për ngjarjen në Gllogjan

Published

on

Ka reaguar edhe Krzeministri i Kosovës , Albin Kurti lidhur me ngvjarjen e sontme që e tronditi Gllogjanin, ku mbetën të vrarë 3 perspna.

Ai shprehë ngushëllime familjarëve të viktimave, duke iu dëshiruar shërim të shpejtë të plagosurve, dhe fton policinë të mobilizohet me kapacitetet e saj të plota.

“Sonte u tronditëm nga lajmi për sulmin me armë zjarri ndaj autobusit me nxënës në Gllogjan të Deçanit. Sipas Policisë së Kosovës nga ky sulm kanë mbetur të vrarë tre qytetarë të vendit tonë, prej të cilëve dy nxënës.
Në emrin tim dhe në emër të Qeverisë së Republikës së Kosovës, u shpreh ngushëllimet më të sinqerta familjeve, shokëve e shoqeve, që humbën më të dashurit në këtë sulm. Të plagosurit i dëshirojmë shërim të shpejtë.
Policia është mobilizuar me kapacitetet e saj të plota për ta hetuar këtë krim të rëndë, e për të mundësuar drejtësi”, theksoi Kurti.

Continue Reading

Lajme

Jovevski: Materialet e ADN-së nesër do t’u dorëzohen Prokurorisë bullgare

Published

on

Prokurori Publik I Maqedonisë së Veriu, Ljubomir Jovevski tha se nga instituti i mjekësisë ligjore kanë siguruar ADN-t e familjarëve të viktimave dhe ato materiale gjatë ditës së nesërme do të dorëzohen tek pjesëtarët e Prokurorisë së Bullgarisë dhe së bashku me këto materiale atyre do tu dorëzohet edhe materiali i dokumenteve që deri në këtë moment prokuroria i ka siguruar.

“Kolegët bullgar gjatë ditës së sotme arritën në Prokurorinë Publike të Republikës së Maqedonisë së Veriut, ne nga institute I mjekëses ligjore kemi siguruar AND-t e familjarëve të viktimave dhe ato materiale gjatë ditës së nesërme do të dorëzohen tek pjesëtarët e Prokurorisë së Bullgarisë dhe së bashku me këto materiale atyre do tu dorëzohet edhe materiali i dokumenteve që deri në këtë moment prokuroria i ka siguruar”, tha Jovevski.

Continue Reading

Aktuale