Connect with us

Lajme

Lajm i mirë për BDl-në e Tetovës, caktohet kandidati për kryetar komune! (Emri)

Published

on

BDl e Tetovës me të madhe po përgatitet për zgjedhjet e ardhshme lokale. Edhe pse kryetarja aktuale e komunës, Teuta Arifi është shprehur e gatshme të garojë për herë të tretë, dega si duket ka vendosur ta falenderojë për kontributin e deritanishëm dhe të dalë me kandidat të ri.

Kurse si kandidat më serioz përmendet dr. Florin Besimi, drejtor i përgjithshëm në spitalin e Tetovës. Besimi ka fituar simpatitë e aktivistëve lokalë, por edhe të udhëheqësisë partiake, si një nga më meritorët për rezultatin e BDl-së në njësinë e gjashtë zgjedhore, peandaj pritet së shpejti të zyrtarizohet si kandidat. Meret vesh se shokët dhe njerzit e afërm tashmë kanë filluar ta urojnë besimin për sfidën e tij të re.

Kurse BDl nuk do ta harrojë as kontributin e kryetares aktuale, që është nga radhët e saj dhe pritet ta nominojë për ministre ose ambasadore./mediashqip

Continue Reading

Lajme

Aleanca për Shqiptarët: Mërgimtarë e gjetën Tetovën përsëri me mbeturina, BDI ndërron drejtorët, gjendja mbetet e njëjtë

Published

on

By

Të nderuar qytetarë,

Të dashur mërgimtarë,

Më vjen shumë keq që me këtë fotografi që është prapa meje duhet t’ju them mirë se keni ardhur në Tetovë, por megjithatë kjo është pamja e përditshme e jonë. Kjo fotografi na i vret sytë për çdo ditë jo vetëm këtu por në çdo cep të qytetit.

Mirë se keni ardhur, por Tetova nuk ka ndryshuar aspak. Janë po të njëjtat pamje, është po e njëjta situate, por dhe pak më keq sesa e keni lënë ju. Ne bashkërisht me ju duhet ta bëjmë ndryshimin, duhet ta ndryshojmë Tetovën medoemos, nuk duhet ta lëmë që Tetova të përfundojë në këtë mënyrë. Prandaj, përmes kësaj konference për shtyp dua t’ju bëj apel që kur të vijë koha e zgjedhjeve këtu, votoni për variantin më të mirë për Tetovën dhe për ta shpëtuar atë.

Komuna e Tetovës po ndërron drejtorët vazhdimisht, por gjendja mbetet e njëjtë. Është për t’u habitur sesi një ndërmarrje publike e cila grumbullon mjete futet në borxhe për t’i lënë punëtorët pa rroga, pa sigurim dhe pastaj të vazhdojë me punë me të njëjtin avaz.

Ndërmarrja Publike drejtorin e fundit e ka ndërruar para dy muajve. Ne pritëm se do të ketë ndryshime, por jo ndryshime nuk ka askund, përkundrazi mbeturinat po na mbulojnë në çdo cep të qytetit.

Është kohë pushimesh, është kohë e nxehtë, këtu të gjithë ne e ndjejmë kundërmimin e gjërave që qelben këtu dhe ekziston mundësia që të përhapet epidemi.

Prandaj, ju bëj apel të gjithë qytetarëve të arsyeshëm që së bashku ta bëjmë ndryshimin që na pret.

Continue Reading

Bota

Raportohet për një viktimë nga shpërthimi në Gjermani

Published

on

By

Një person është raportuar i vdekur, sipas televizionit Welt, si pasojë e një shpërthimi të madh në një park industrial në qytetin gjerman Leverkuzen.

Të paktën 16 persona janë plagosur dhe pesë janë të zhdukur, ka raportuar agjencia e lajmeve, Associated Press.

Shpërthimi ka nxitur alarm për “rrezik ekstrem”, si dhe ka shtyrë zyrtarët që t’iu bëjnë thirrje banorëve që të mbyllen brenda dhe të mbyllin dritaret.

Chempark ka brenda vetes kompani të mëdha kimike, përfshirë, Bayer dhe Lanxess.

Currenta, kompania që menaxhon Chempark, ka thënë se shpërthimi i 27 korrikut, ka ndodhur në një zonë ku digjen mbeturinat.

Sipas saj, zjarri tashmë është shuar.

Ende askush nuk e di çfarë e ka shkaktuar shpërthimin.

Në disa pamje në rrjetet sociale është parë tym i madh duke dalë nga zona kimike.

Policia në qytetin e afërt, Këln, ka thënë në Twitter, se është duke mbyllur disa autostrada në zonën në Leverkuzen, për shkak të “dëmit të madh”.

Banorët kanë thënë se zhurma është dëgjuar nga distanca dhe se disa dritare kanë kërcitur nga shpërthimi i fuqishëm.

Continue Reading

Lajme

MSH: Dje janë vaksinuar 18.149 qytetarë, deri më tani gjithsej 495.967 të vaksinuar

Published

on

By

MSH: Dje janë vaksinuar 18.149 qytetarë, deri më tani gjithsej 495.967 të vaksinuar

Shkup, 27 korrik 2021 (MIA) – Vaksinimi po zhvillohet pa pengesa në të gjitha pikat nëpër vend, ndërsa në vijim është edhe vaksinimi në terren. Në pikat e vaksinimit në shtet dhe në terren, në konkludim me ditën e djeshme gjithsej janë vaksinuar 495.967 qytetarë. Dozën e parë të vaksinës dje e kanë marrë 5.650 qytetarë, ndërsa gjithsej janë vaksinuar 18.149 qytetarë. Në shtet gjithsej janë aplikuar 847.336 doza vaksinash, ndërsa janë rivaksinuar 351.369 qytetarë.

Sipas shifrave të fundit, sqarojnë nga Ministria, 63 për qind e popullsisë mbi moshën 70 vjeçare e ka marrë të paktën një dozë vaksine, 60 për qind e popullsisë mbi moshën 65 vjeçare është vaksinuar me të paktën një dozë të vaksinës, 55 për qind e popullsisë mbi moshën 60 vjeçare është vaksinuar me të paktën një dozë të vaksinës dhe 45 për qind e popullsisë mbi moshën 50 vjeçare është vaksinuar me të paktën një dozë të vaksinës.

“Qytetarët pa termin të caktuar vaksinohen në pikat aktuale të vaksinimit nëpër vend. Procesi i vaksinimit në terren zhvillohet në territorin e të gjithë vendit, me rotacione të ekipeve mjekësore në secilin fshat, vendbanim rural, vendbanim. Faqja vakcinacija.mk është e hapur për caktimin e takimeve për vaksinimin e fëmijëve. Rivaksinimi bëhet në sallat sportive në qytetet në Kavadar, Kumanovë, Tetovë, Shtip, Manastir, Strumicë, Ohër, Veles dhe Prilep dhe në A1 SQ “Boris Trajkovski” në Shkup”, informojnë nga MSH.

Ministria e Shëndetësisë apelon tek qytetarët që të përfshihen në vaksinim masiv sepse vetëm në këtë mënyrë do të kemi sukses për ta mundur virusin.

Continue Reading

Aktuale