Connect with us

Lajme

Greqi-Turqi, akulli shkrihet jo në Tiranë, por në sarajet e Sulltanit

Published

on

Në fillim u fol se do të takohen në Tiranë, e më pas në një hotel të Stambollit, por në fakt Erdogan i ka pritur njerëzit e Qirjakos Micotaqisit në sarajet e vjetra të Sulltanit në Dollma Bahçe, pranë Bosforit.

Është gazeta greke Prothothema dhe CNN turk që japin detaje mbi negociatat Ankara-Athinë për të zgjidhur përplasjen për detin Mesdhe.

Erdogan ka dërguar njeriun e tij më të besuar e më të rëndësishëm, njeriun e 1 mijë mistereve Ibrahim Kalin, i cili ka pritur në divanin perandorak të metropolit që bashkon Europën me Azinë, përfaqësuesit e kryeministrit grek.

Pritje e ngrohtë, për të krijuar besim, e që tregon se Turqia nuk do më përplasje por zgjidhje me Greqinë. Sa ka shërbyer Edi Rama si ndërmjetësues në këtë klimë, mediat greke e turke nuk thonë, por fakt është se Kryeministri shqiptar ka qenë lajmës.

Takimi u zhvillua sot me titullin “kontakte eksploruese”. Raundi i 61-të fillon aty ku u ndal, në 2016, kur Turqia u tërhoq nga dialogu.

Delegacioni grek drejtohet nga diplomati Pavlos Apostolidis, i cili merret me këtë çështje që nga viti 2010. Me të është ambasadori Alexandros Kougiou, i cili në të kaluarën ka drejtuar Drejtorinë kompetente të Ministrisë së Punëve të Jashtme për Turqinë.

Delegacioni turk përfshin Sedat Onal, Zëvendës Ministër të Jashtëm dhe Tsagatay Ertsiges, Drejtor i Aeronautikës në Ministrinë e Jashtme Turke. Por të gjithë bisedimet i drejton Ibrahim Kalin, si për të treguar rëndësinë që “Sulltani” i jep bisedimeve me Athinën.

Greqi-Turqi, akulli shkrihet jo në Tiranë, por në sarajet e

Negociatat në fillim do të jenë “sekrete” deri në arritjen e një marrëveshjeje. Greqia ka frikë se Ankaraja do të përpiqet të bllokojë palën greke në bisedime pa nxjerrë gjë në dritë.

“Turqit po veprojnë në planin afatgjatë. Tani ata mendojnë se po humbin mundësinë për të bërë një fitim në terren”, thekson për gazetën Protothema një zyrtar i lartë grek.

Vendimi për shtrirjen e 12 miljeve të Greqisë në detet që kufizohet do të respektohet nga Turqia, përveç ishujve që ka shumë afër. Me një fjalë 12 milje janë thjesht një gjest jo real, jo i efektshëm.

Ministri i Jashtëm turk Mevlut Çavushoglu, ka thënë “pozicioni i Turqisë për çështjen e ujërave territoriale të Egjeut nuk ka ndryshuar”.

Pra ende kjo çështja është një ‘casus belli’, pra një shkak për luftë. Por fakt është që në vend që të tregojnë topat, palët sot kanë ngrënë bakllava me stika, siç thotë CNN turk. Takimi me tyre ka zgjatur tre orë dhe ende nuk janë dhënë detajet e para, ndërsa Greqia bëhet gati për raundin tjetër që do të zhvillohet në Athinë./GazetaShqip

Continue Reading
Advertisement

Bota

“Izraeli u bën presion vendeve të transferojnë ambasadat në Kuds në këmbim të vaksinës anti-COVID”

Published

on

Transmetuesit publik izraelit (KAN) njoftoi se qeveria ka planifikuar t’u japë vendeve vaksina kundër COVID-19 në këmbim që ato të transferojnë ambasadat e tyre në Kuds

Media izraelite njoftoi se qeveria ka planifikuar t’u japë vendeve vaksina kundër COVID-19 në këmbim që ato të transferojnë ambasadat e tyre në Kuds, transmeton Anadolu Agency (AA).

Sipas lajmit të transmetuesit publik izraelit (KAN) mësohet se së shpejti Hondurasi do të marrë 5 mijë vaksina kundër COVID-19 nga rezervat e Izraelit.

Në lajm një burim që nuk dëshiron të identifikohet ka thënë se “Së shpejti një avion nga Hondurasi do të vijë për të marrë vaksinat dhe se në të njëjtën mënyrë do të marrin një sasi vaksinash edhe Guatemala dhe Çekia”.

I njëjti burim rikujton se Guatemala pas SHBA-së është vendi i dytë që ka hapur ambasadën e saj në Kuds ndërsa edhe Çekia ka premtuar se do të ndërmarrë një hap të tillë.

Ministri izraelit i Mbrojtjes, Benny Gantz, hedhjen e një hapi të tillë nga kryeministri Benjamin Netanyahu e ka cilësuar si një punë të paligjshme.

Në një postim nga llogaria e tij në Twitter, Gantz tha: “E vërteta është se Netanyahu po bën një tregti pa llogaritje nëpërmjet vaksinave që janë blerë me taksat e paguara nga shtetasit izraelitë, por mesa duket kujton se po drejton një mbretëri dhe jo një shtet”.

Hedhja e një hapi të tillë duhet të miratohet duke u diskutuar nga qeveria, tha Gantz i cili shtoi se “Një situatë e detyrueshme në lidhje me sigurinë, politikën ose shëndetësinë mund të jetë një arsye për hedhjen e një hapi të tillë”.

Në një deklaratë me shkrim dje nga Zyra për shtyp e Netanyahut u njoftua se janë mbledhur sasi të kufizuara të vaksinave të papërdorura nga muaji i kaluar dhe se për këtë arsye do të sigurohen pajisje mjekësore për Palestinën dhe vaksina në sasi simbolike për disa vende që i kanë kërkuar Izraelit.

Continue Reading

Bota

39 makina përfshihen në një aksident

Published

on

By

Të paktën 39 makina janë përfshirë në një aksident në Bashkiri të Rusisë.

Mediat e huaja shkruajnë se si pasojë e përplasjes në seri, 10 persona janë dëmtuar rëndë.

Shkak i aksidentit raportohet se janë bërë erërat e forta dhe vështirësia e shikimit të shoferëve.

Si rezultat i kushteve të vështira klimaterike, tri rrugë deri më tani janë mbyllur, pasi autoritetet kanë vlerësuar se përshkrimi i tyre është me rrezik për shoferët.

Meteorologët parashikojnë që temperaturat në këtë rajon në ditën në vijim, priten të shkojnë deri në minus 35 gradë celsius.

Më poshtë pamjet:

Continue Reading

Kosovë

12 të arrestuar në Kosovë për shpërdorim detyre dhe ryshfet

Published

on

By

Në Kosovë të mërkurën u arrestuan 12 persona nga të cilët 10 zyrtarë të Agjencisë për Zhvillimin e Bujqësisë, nën dyshimet për përfshirje në veprat penale keqpërdorim i detyrës zyrtare dhe marrje ryshfeti.

Arrestimet u kryen gjatë një operacioni të prokurorisë dhe njësitit të policisë së Kosovës kundër krimeve ekonomike. Përgjatë operacionit që filloi në orët e hershme të mëngjesit, janë kryer bastisje në ministrinë e Bujqësisë në Prishtinë si dhe në katër komuna të tjera të Kosovës: Istog, Lipjan, Gjilan dhe Pejë.

Kryeprokurori i Shtetit, Aleksandër Lumezi, tha në një konferencë me gazetarë se “janë arrestuar 12 persona, dhjetë janë persona zyrtarë dhe dy qytetarë tjerë të Kosovës, të cilët u kanë ndihmuar këtyre personave në forma të ndryshme. Të njëjtit dyshohen për disa vepra penale; keqpërdorim i subvencioneve, shpërdorim i autorizimeve zyrtare, marrje dhe dhënie të ryshfetit”.

Drejtori i departamentit kundër krimeve ekonomike dhe korrupsionit në policinë e Kosovës, Nazim Sahiti, tha se gjatë aksionit janë sekuestruar rreth 400 mijë euro.

“Paratë janë gjetur në shtëpitë e të dyshuarve … Ato dyshohet se janë fituar nga vepra penale marrje ryshfeti dhe dhënie e ryshfetit”, tha zoti Sahiti.

Sipas prokurorisë hetimet dhe grumbullimi i informacioneve janë zhvilluar nga muaji janar dhe se gjatë operacionit përveç parave janë konfiskuar edhe makina, kompjuterë, dhe telefona celular. Prokuroria tha se operacioni pritet të vazhdojë.

Lufta kundër korrupsionit dhe krimit të organizuar në Kosovë vazhdon të mbetet një nga fushat e kritikuara nga institucionet ndërkombëtare dhe vendore.

Vëzhguesit thonë se në Kosovë nuk kanë munguar asnjëherë operacionet dhe arrestimet për keqpërdorime, por sipas tyre sfidë mbetet ndëshkimi i të përfshirëve në veprimtari të tilla./VOA

Continue Reading

Aktuale