Connect with us

Bota

Nga e diela, për të hyrë në Gjermani duhet të keni patjetër testin PCR për COVID-19

Published

on

Ambasada Gjermane në Prishtinë ka njoftuar për rregullat e reja të cilat vlejnë për personat që ia mësyjnë Gjermanisë.

Përmes një njoftimi, nga kjo Ambasadë kanë bërë të ditur se nga data 23 janar pas mesnate (rrjedhimisht nga data 24 janar, ora 00:00), udhëtarët nga mosha gjashtë vjeç e tutje të cilët para udhëtimit hyrës në Gjermani kanë qëndruar në një rajon me incidencë të lartë, ku bën pjesë edhe Kosova, ose në një rajon me variante të virusit, duhet që gjatë udhëtimit hyrës të mbajnë me vete dëshmi të testimit negativ për COVID-19.

Po ashtu, udhëtarët të cilët në 10 ditët e fundit para udhëtimit në Gjermani kanë qëndruar në një rajon tjetër me rrezikshmëri duhet që më së voni 48 orë para udhëtimit hyrës të bëjnë një testim për COVID-19.

“Testi duhet të jetë bërë më së shumti 48 orë para udhëtimit (koha e marrjes së mostrës)”, thuhet në njoftimin e ambasadës.

Instituti gjerman, “Robert Koch”, ka njoftuar se shteti gjerman Kosovën e ka futur në listën e zonave me incidencë të lartë, masë kjo që do të hyjë në fuqi nga data 24 janar e këtij viti. Kosova veçse ka qenë zonë e rrezikut për shtetin gjerman nga 15 qershori.

Fakti se Kosova është kategorizuar si “Rajon me incidencë të lartë” do të thotë se në momentin e udhëtimit hyrës për në Gjermani duhet të paraqitet një dëshmi për një testim negativ për COVID-19. Testi mund të jetë i vjetër bërë më së shumti 48 orë para udhëtimit. Testi mund nuk të bëhet më vonë pas udhëtimit hyrës.

Ju kujtojmë se ka disa ditë që në terminalin e vjetër të aeroportit “Adem Jashari” në Prishtinë është hapur laboratori “EuroLab” për testime PCR për COVID-19, ku udhëtarët mund të testohen dhe të marrin rezultatin në kohë të përshtatshme para se të udhëtojnë në destinacionin ku u kërkohet dëshmia se nuk janë të infektuar me koronavirus.

Çmimi për PCR test është 35 euro.

Ndërkaq, për të gjitha rregullat e shtetit gjerman për shtetasit kosovarë, mund t’i gjeni duke klikuar në linkun në vijim./Zëri

Continue Reading
Advertisement

Bota

“Izraeli u bën presion vendeve të transferojnë ambasadat në Kuds në këmbim të vaksinës anti-COVID”

Published

on

Transmetuesit publik izraelit (KAN) njoftoi se qeveria ka planifikuar t’u japë vendeve vaksina kundër COVID-19 në këmbim që ato të transferojnë ambasadat e tyre në Kuds

Media izraelite njoftoi se qeveria ka planifikuar t’u japë vendeve vaksina kundër COVID-19 në këmbim që ato të transferojnë ambasadat e tyre në Kuds, transmeton Anadolu Agency (AA).

Sipas lajmit të transmetuesit publik izraelit (KAN) mësohet se së shpejti Hondurasi do të marrë 5 mijë vaksina kundër COVID-19 nga rezervat e Izraelit.

Në lajm një burim që nuk dëshiron të identifikohet ka thënë se “Së shpejti një avion nga Hondurasi do të vijë për të marrë vaksinat dhe se në të njëjtën mënyrë do të marrin një sasi vaksinash edhe Guatemala dhe Çekia”.

I njëjti burim rikujton se Guatemala pas SHBA-së është vendi i dytë që ka hapur ambasadën e saj në Kuds ndërsa edhe Çekia ka premtuar se do të ndërmarrë një hap të tillë.

Ministri izraelit i Mbrojtjes, Benny Gantz, hedhjen e një hapi të tillë nga kryeministri Benjamin Netanyahu e ka cilësuar si një punë të paligjshme.

Në një postim nga llogaria e tij në Twitter, Gantz tha: “E vërteta është se Netanyahu po bën një tregti pa llogaritje nëpërmjet vaksinave që janë blerë me taksat e paguara nga shtetasit izraelitë, por mesa duket kujton se po drejton një mbretëri dhe jo një shtet”.

Hedhja e një hapi të tillë duhet të miratohet duke u diskutuar nga qeveria, tha Gantz i cili shtoi se “Një situatë e detyrueshme në lidhje me sigurinë, politikën ose shëndetësinë mund të jetë një arsye për hedhjen e një hapi të tillë”.

Në një deklaratë me shkrim dje nga Zyra për shtyp e Netanyahut u njoftua se janë mbledhur sasi të kufizuara të vaksinave të papërdorura nga muaji i kaluar dhe se për këtë arsye do të sigurohen pajisje mjekësore për Palestinën dhe vaksina në sasi simbolike për disa vende që i kanë kërkuar Izraelit.

Continue Reading

Bota

39 makina përfshihen në një aksident

Published

on

By

Të paktën 39 makina janë përfshirë në një aksident në Bashkiri të Rusisë.

Mediat e huaja shkruajnë se si pasojë e përplasjes në seri, 10 persona janë dëmtuar rëndë.

Shkak i aksidentit raportohet se janë bërë erërat e forta dhe vështirësia e shikimit të shoferëve.

Si rezultat i kushteve të vështira klimaterike, tri rrugë deri më tani janë mbyllur, pasi autoritetet kanë vlerësuar se përshkrimi i tyre është me rrezik për shoferët.

Meteorologët parashikojnë që temperaturat në këtë rajon në ditën në vijim, priten të shkojnë deri në minus 35 gradë celsius.

Më poshtë pamjet:

Continue Reading

Bota

Studim: Kovid-19 mbijeton në pëlhura deri në tre ditë

Published

on

By

Nju-Jork, 24 shkurt 2021 (MIA) – Një studim I ri zbulon se virusi që e shkakton Kovid-19 mund të mbijetojë deri tre ditë në pëlhura siç janë veshjet, perdet, qilimat apo tapiceritë, kumtoi Njujork post.

Në mesin e pëlhurave poliesterike, gjysmë-të pambukut dhe 100 për qind të pambukut, poliesteri paraqet rrezik më të madh – mbi 72 orë; në pëlhura tërësisht të pambukut, virusi qëndron një ditë, ndërsa në ato gjysmë të pambukut mbetet I prekur me grimca të virusit vetëm gjashtë orë.

“Zbulimi mund të jetë posaçërisht I rrezikshëm kur bëhet fjalë për veshjet që I mbajnë punonjësit shëndetësorë”, tha dr. Kejti Laird, mikrobiologe dhe autore e studimit.

“Nëse nuk lahen shpesh, pëlhurat mund të ndihmojnë në bartjen e virusit nga pacienti në pacient.

“Kur shpërtheu pandemia, kishte pak njohuri për atë se sa koronavirusi mund të mbijetojë në tekstil”, tha dr. Laird, hulumtuese kryesore për sëmundje infektive në universitetin De Montfort në Lester, Britani të Madhe. “Zbulimet tona tregojnë se tre nga tekstilet më të përdorura në shëndetësi paraqesin rrezik nga bartja e virusit”, tha ajo në intervistë për ueb-faqen e Universitetit. “Nëse infermieret dhe punonjësit shëndetësorë e mbajnë veshjen e tyre në shtëpi, ata mund të lënë gjurmë të virusit në sipërfaqe të tjera.

Sa I përket pastrimit të virusit nga pëlhurat, hulumtuesit zbuluan se nevojiten sapun dhe shumë ujë I ngrohtë – më së paku 67 gradë Celsius për pastrim efikas 100 përqindësh të leckës së pambukut që zakonisht e përdorë personeli mjekësor.

“Ky studim e konfirmoi rekomandimin tone që e tërë veshja shëndetësore të lahet në vetë spitalet apo në pika të pastrimit kimik”, tha Laird.

Continue Reading

Aktuale