Connect with us

Kosovë

LDK-ja thërret konferencë për medie, a ndërlidhet kjo me mbledhjen e KQZ-së?

Published

on

Lidhja Demokratike e Kosovës pritet që të mbajë konferencë për media në orën 18:00.

Konferenca e kësaj partie pritet të nis pas mbledhjes së KQZ-së, ku do të merret vendimi për certifikimin e kandidatëve për deputetë në zgjedhjet e 14 shkurtit.

Kujtojmë se zyra për Regjistrim dhe Certifikim të Partive Politike i ka rekomanduar KQZ-në që t’i certifikojë të gjithë kandidatët për deputetë që ndodhen në listat e partive.

Kryetarja e KQZ-së, Valdete Daka ka thënë se rekomandimi ka qenë i paqartë, për këtë, u kërkua pauzë.

Continue Reading
Advertisement

Kosovë

12 të arrestuar në Kosovë për shpërdorim detyre dhe ryshfet

Published

on

By

Në Kosovë të mërkurën u arrestuan 12 persona nga të cilët 10 zyrtarë të Agjencisë për Zhvillimin e Bujqësisë, nën dyshimet për përfshirje në veprat penale keqpërdorim i detyrës zyrtare dhe marrje ryshfeti.

Arrestimet u kryen gjatë një operacioni të prokurorisë dhe njësitit të policisë së Kosovës kundër krimeve ekonomike. Përgjatë operacionit që filloi në orët e hershme të mëngjesit, janë kryer bastisje në ministrinë e Bujqësisë në Prishtinë si dhe në katër komuna të tjera të Kosovës: Istog, Lipjan, Gjilan dhe Pejë.

Kryeprokurori i Shtetit, Aleksandër Lumezi, tha në një konferencë me gazetarë se “janë arrestuar 12 persona, dhjetë janë persona zyrtarë dhe dy qytetarë tjerë të Kosovës, të cilët u kanë ndihmuar këtyre personave në forma të ndryshme. Të njëjtit dyshohen për disa vepra penale; keqpërdorim i subvencioneve, shpërdorim i autorizimeve zyrtare, marrje dhe dhënie të ryshfetit”.

Drejtori i departamentit kundër krimeve ekonomike dhe korrupsionit në policinë e Kosovës, Nazim Sahiti, tha se gjatë aksionit janë sekuestruar rreth 400 mijë euro.

“Paratë janë gjetur në shtëpitë e të dyshuarve … Ato dyshohet se janë fituar nga vepra penale marrje ryshfeti dhe dhënie e ryshfetit”, tha zoti Sahiti.

Sipas prokurorisë hetimet dhe grumbullimi i informacioneve janë zhvilluar nga muaji janar dhe se gjatë operacionit përveç parave janë konfiskuar edhe makina, kompjuterë, dhe telefona celular. Prokuroria tha se operacioni pritet të vazhdojë.

Lufta kundër korrupsionit dhe krimit të organizuar në Kosovë vazhdon të mbetet një nga fushat e kritikuara nga institucionet ndërkombëtare dhe vendore.

Vëzhguesit thonë se në Kosovë nuk kanë munguar asnjëherë operacionet dhe arrestimet për keqpërdorime, por sipas tyre sfidë mbetet ndëshkimi i të përfshirëve në veprimtari të tilla./VOA

Continue Reading

Kosovë

Ku u gjetën 400 mijë eurot e konfiskuara sot nga policia?

Published

on

By

Luan Statovci, i cili mbante postin e Drejtorit në Drejtorinë për Pagesa Direkte në Agjencinë e Zhvillimit të Bujqësisë është në mesin e 12 të arrestuarve sot, në aksionin e policisë në Ministrinë e Bujqësisë.

Shtëpinë e tij, ku janë sekuestruar para që dyshohet se ishin mbledhur nga ryshfeti, e vizitoi edhe tv.

Gruaja e Statovcit tha për televizionin se paratë e marra nga polica nuk janë të ryshfetit, por të bizneseve të cilat i ka familja.

Ajo gjithashtu deklaroi se në momentin kur policia shkoi në shtëpinë e tyre ajo nuk ishte në shtëpi, por ishte në punë në Ministrinë e Bujqësisë ku punon prej kohesh. Andaj tha se nuk është marrë me paratë e as nuk është munduar t’i fshehë.

Statovci deklaroi se është e sigurt që burri i sajë do të shpallet i pafajshëm, pasi sipas saj ai është arrestuar padrejtësisht./KlanKosova

Continue Reading

Kosovë

Ja emrat e zyrtarëve të akuzuar në lidhje me deportimin e gylenistëve

Published

on

By

Prokuroria Speciale ka ngritur aktakuzë ndaj tre personave në lidhje me rastin e deportimit të gjashtë gylenistëve më 29 mars 2018.

Aktakuza është ngritur ndaj ish-drejtorit të Agjencisë Kosovare për Inteligjencë, Driton Gashi, Valon Krasniqit, drejtorit në Departamentin e Shtetësisë, Azilit dhe Migracionit të Ministrisë së Punëve të Brendshme dhe Rrahman Sylejmani, drejtor në Drejtorinë e Migracionit dhe të Huajve të Policisë Kufitare.

Valon Krasniqi për KALLXO.com ka thënë se ka dëgjuar për aktakuzën por nuk e ka pranuar zyrtarisht ende.

Rrahman Sylejmani tha se nuk ka dëgjuar për aktakuzën por e din që ka qenë duke u zhvilluar një hetim.

Ai tha se në emër të institucionit që e përfaqëson ka vepruar në bazë të ligjit.

“Kanë qenë tri institucione me përgjegjësi të ndryshme, fillimisht AKI, pastaj MPB dhe hallka e tretë na kanë ardhur letra te na. Kemi kry procedurat konform ligjit. Ballafaqohemi në gjykatë, nuk ka problem”

KALLXO.com ka provuar të kontaktojë edhe me ish-shefin e AKI-së por i njëjti nuk ka qenë i qasshëm deri në momentin e publikimit të këtij artikulli.

Prokuroria pretendon se të pandehurit Driton Gashi dhe Valon Krasniqi kanë kryer veprën penale “Keqpërdorimi i pozitës apo autoritetit zyrtar, ndërsa i pandehuri Rrahman Sylejmani ka kryer veprën penale, “Keqpërdorimi i pozitës apo autoritetit zyrtar” dhe veprën penale “Privimi i kundërligjshëm i lirisë”.

KALLXO.com kishte publikuar një seri hulumtimesh lidhur me deportimin e gjashtë shtetasve turq.

Continue Reading

Aktuale