Connect with us

Lajme

Enti për Statistika përgatit metodologjinë e regjistrimit në Maqedoni, do të angazhohen rreth 6 mijë persona

Published

on

Enti Shtetëror i Statistikës do të përmbyll së shpejti përgatitjen e Metodologjisë për zbatimin e regjistrimit, si akt nënligjor i detajuar që definon procedurën. Sipas zv/drejtorit të Entit të Statistikës Ilmi Selami, edhe pse ligji parashikon prezantimin e Metodologjisë së punës në afat prej një muaji nga miratimi i ligjit, kjo do të ndodhë më shpejt, ose në afat prej 10 deri 15 ditësh. Edhe pse pati vonesa në miratimin e Ligjit të regjistrimit të Kuvend, zv/drejtori Selami sqaron për Alsat se Enti i Statistikës nuk do të ketë problem dhe vonesa me organizimin, të cilin e ka filluar më herët.

Për regjistrimin do të angazhohen rreth 6 mijë persona, prej të cilëve 5 mijë regjistrues terreni dhe 1 mijë instruktorë rajonal dhe komisionerë rajonal. Konkursi për angazhimin e tyre pritet të shpallet gjatë ditëve të ardhshme dhe menjëherë pas selektimit do të vijojë periudha e trajnimit. Muaj më parë Statistika siguroi 5650 pajisjet elektronike laptopë, ku regjistruesit do të fusin të dhënat e personave që do të regjistrojnë, kurse Statistika punon në përditësimin e Aplikacionit i cili po ashtu thonë se do të jetë gati së shpejti.

Meqë regjistrimi elektronik i diasporës fillon më herët, Enti i Statistikës do të realizojë fushatë informuese për këto persona. Sipas ligjit, shtetasit me punë ose qëndrim të përkohshëm jashtë vendit fillimisht duhet të regjistrohen në aplikacionin e faqes elektronike dhe më vonë t’u mundësohet të plotësojnë formularin me të dhënat e tyre personale. Regjistrimi elektronik do të bëhet nga 1 marsi deri më 21 prill.
Mundësia e dytë për regjistrimin e personave që jetojnë jashtë vendit është edhe nëpërmjet një të afërmi të tyre të moshës madhore i cili do t’i posedojë të dhënat personale të personave që synojnë të regjistrohen. Shtetasit që jetojnë në vend dhe qytetarët e tjerë me leje qëndrimi në Maqedoni, amvisëritë dhe banesat do të regjistrohen nga data 1 prill deri më 21 prill.

Në periudhë pandemie, institucionet shëndetësore parashikojnë masa të veçanta mbrojtjeje gjatë regjistrimit, paralajmëron zv/ministri i Shëndetësisë Ilir Hasani.

“Punojmë në përpilimin e protokolleve. Kemi edhe disa javë deri në fillimin e procesit por në parim bazohemi në protokollet kryesore që i posedojmë për të gjitha aktivitetet e tjera që bëhen. Qëllimi i regjistrimit të popullsisë nuk është që të hymë në shtëpi por të regjistrojmë popullsinë. Mund të hynë brenda vetëm tek ata të cilët paraqitet nevoja, respektivisht tek personat që nuk mund të dalin jashtë shtëpive”, tha Ilir Hasani, zv/ministër i Shëndetësisë.

Regjistrimi do të realizohet në shtatë gjuhë, në maqedonisht, në shqip, në turqisht, në gjuhën rome, vllahe, serbe dhe boshnjake, cilëndo gjuhë që kërkon personi që regjistrohet./Alsat/

Continue Reading
Advertisement

Bota

“Izraeli u bën presion vendeve të transferojnë ambasadat në Kuds në këmbim të vaksinës anti-COVID”

Published

on

Transmetuesit publik izraelit (KAN) njoftoi se qeveria ka planifikuar t’u japë vendeve vaksina kundër COVID-19 në këmbim që ato të transferojnë ambasadat e tyre në Kuds

Media izraelite njoftoi se qeveria ka planifikuar t’u japë vendeve vaksina kundër COVID-19 në këmbim që ato të transferojnë ambasadat e tyre në Kuds, transmeton Anadolu Agency (AA).

Sipas lajmit të transmetuesit publik izraelit (KAN) mësohet se së shpejti Hondurasi do të marrë 5 mijë vaksina kundër COVID-19 nga rezervat e Izraelit.

Në lajm një burim që nuk dëshiron të identifikohet ka thënë se “Së shpejti një avion nga Hondurasi do të vijë për të marrë vaksinat dhe se në të njëjtën mënyrë do të marrin një sasi vaksinash edhe Guatemala dhe Çekia”.

I njëjti burim rikujton se Guatemala pas SHBA-së është vendi i dytë që ka hapur ambasadën e saj në Kuds ndërsa edhe Çekia ka premtuar se do të ndërmarrë një hap të tillë.

Ministri izraelit i Mbrojtjes, Benny Gantz, hedhjen e një hapi të tillë nga kryeministri Benjamin Netanyahu e ka cilësuar si një punë të paligjshme.

Në një postim nga llogaria e tij në Twitter, Gantz tha: “E vërteta është se Netanyahu po bën një tregti pa llogaritje nëpërmjet vaksinave që janë blerë me taksat e paguara nga shtetasit izraelitë, por mesa duket kujton se po drejton një mbretëri dhe jo një shtet”.

Hedhja e një hapi të tillë duhet të miratohet duke u diskutuar nga qeveria, tha Gantz i cili shtoi se “Një situatë e detyrueshme në lidhje me sigurinë, politikën ose shëndetësinë mund të jetë një arsye për hedhjen e një hapi të tillë”.

Në një deklaratë me shkrim dje nga Zyra për shtyp e Netanyahut u njoftua se janë mbledhur sasi të kufizuara të vaksinave të papërdorura nga muaji i kaluar dhe se për këtë arsye do të sigurohen pajisje mjekësore për Palestinën dhe vaksina në sasi simbolike për disa vende që i kanë kërkuar Izraelit.

Continue Reading

Bota

39 makina përfshihen në një aksident

Published

on

By

Të paktën 39 makina janë përfshirë në një aksident në Bashkiri të Rusisë.

Mediat e huaja shkruajnë se si pasojë e përplasjes në seri, 10 persona janë dëmtuar rëndë.

Shkak i aksidentit raportohet se janë bërë erërat e forta dhe vështirësia e shikimit të shoferëve.

Si rezultat i kushteve të vështira klimaterike, tri rrugë deri më tani janë mbyllur, pasi autoritetet kanë vlerësuar se përshkrimi i tyre është me rrezik për shoferët.

Meteorologët parashikojnë që temperaturat në këtë rajon në ditën në vijim, priten të shkojnë deri në minus 35 gradë celsius.

Më poshtë pamjet:

Continue Reading

Kosovë

12 të arrestuar në Kosovë për shpërdorim detyre dhe ryshfet

Published

on

By

Në Kosovë të mërkurën u arrestuan 12 persona nga të cilët 10 zyrtarë të Agjencisë për Zhvillimin e Bujqësisë, nën dyshimet për përfshirje në veprat penale keqpërdorim i detyrës zyrtare dhe marrje ryshfeti.

Arrestimet u kryen gjatë një operacioni të prokurorisë dhe njësitit të policisë së Kosovës kundër krimeve ekonomike. Përgjatë operacionit që filloi në orët e hershme të mëngjesit, janë kryer bastisje në ministrinë e Bujqësisë në Prishtinë si dhe në katër komuna të tjera të Kosovës: Istog, Lipjan, Gjilan dhe Pejë.

Kryeprokurori i Shtetit, Aleksandër Lumezi, tha në një konferencë me gazetarë se “janë arrestuar 12 persona, dhjetë janë persona zyrtarë dhe dy qytetarë tjerë të Kosovës, të cilët u kanë ndihmuar këtyre personave në forma të ndryshme. Të njëjtit dyshohen për disa vepra penale; keqpërdorim i subvencioneve, shpërdorim i autorizimeve zyrtare, marrje dhe dhënie të ryshfetit”.

Drejtori i departamentit kundër krimeve ekonomike dhe korrupsionit në policinë e Kosovës, Nazim Sahiti, tha se gjatë aksionit janë sekuestruar rreth 400 mijë euro.

“Paratë janë gjetur në shtëpitë e të dyshuarve … Ato dyshohet se janë fituar nga vepra penale marrje ryshfeti dhe dhënie e ryshfetit”, tha zoti Sahiti.

Sipas prokurorisë hetimet dhe grumbullimi i informacioneve janë zhvilluar nga muaji janar dhe se gjatë operacionit përveç parave janë konfiskuar edhe makina, kompjuterë, dhe telefona celular. Prokuroria tha se operacioni pritet të vazhdojë.

Lufta kundër korrupsionit dhe krimit të organizuar në Kosovë vazhdon të mbetet një nga fushat e kritikuara nga institucionet ndërkombëtare dhe vendore.

Vëzhguesit thonë se në Kosovë nuk kanë munguar asnjëherë operacionet dhe arrestimet për keqpërdorime, por sipas tyre sfidë mbetet ndëshkimi i të përfshirëve në veprimtari të tilla./VOA

Continue Reading

Aktuale