Connect with us

Bota

Nuk respektoi masat anti-COVID, qeveria shqiptare shpall ‘non grata’ diplomatin rus: Të largohet brenda 72 orësh nga Shqipëria

Published

on

Qeveria Shqiptare dëshiron forcimin e marrëdhënieve miqësore me Federatën Ruse, dhe shpreh keqardhje që vullneti i mirë i të dyja palëve është cenuar nga veprime individuale, të përsëritura të personelit diplomatik rus në Tiranë, në mosrespektimin e masave të marra nga autoritetet shqiptare, për mbrojtjen e popullsisë ndaj COVID-19.

Që prej muajit prill 2020, por dhe në fillim të këtij viti, Qeveria Shqiptare ka pasur ankesa dhe denoncime të vazhdueshme, mbi shkeljet e hapura të masava të marra nga ana e një diplomati të ambasadës së Federatës Ruse në Tiranë.

Përfaqësues të lartë të Ministrisë për Evropën dhe Punët e Jashtme kanë kontaktuar me ambasadorin e Ambasadës së Federatës Ruse në Tiranë, Mihail Afanasiev, duke i bërë me dije shqetësimin për shkeljet e vazhdueshme të masave anti COVID-19 nga diplomati. MEPJ ka mirëpritur dhe e vlerëson thellë rolin plotësisht bashkëpunues të ambasadorit për këtë çështje, me premtimin se këto akte nuk do të përsëriten.

Fatkeqësisht, ndryshe nga premtimet, diplomati ka vijuar me shkeljen e masave, pavarësisht shprehjes së dëshirës së mirë të të dyja palëve për mos përsëritjen e shkeljeve.

Sfidimi i përsëritur i rregullave dhe masave mbrojtëse ndaj pandemisë, dhe shpërfillja e shqetësimeve të institucioneve të shtetit shqiptar lidhur me to, nuk mund të justifikohen e nuk mund të tolerohen më tej.

Me keqardhje, Qeveria Shqiptare ka marrë vendimin të shpallë “Person NON Grata” (person të padëshirueshëm), diplomatin Alexey Krivosheev, me detyrimin që të largohet brenda 72 orësh nga momenti i dhënies së njoftimit zyrtar.

Urojmë që ky vendim i imponuar nga mosrespektimi i ligjeve dhe rregullave të shtetit shqiptar, në një kohë kaq sfiduese për të gjithë globin, do të mirëkuptohet plotësisht nga pala ruse, si një masë e dosmosdoshme për mbrojtjen e shëndetit dhe sigurinë e të gjithë shtetasve brenda territorit të Republikës së Shqipërisë, qofshin këta shqiptarë ose jo.

Sigurojmë palën ruse për ndjenjat tona miqësore dhe për gatishmërinë tonë, në vijim të punës së mirë të nisur, për përmirësimin e vazhdueshëm të marrëdhënieve mes dy vendeve tona.

Continue Reading
Advertisement

Bota

Informatat e fundit për koronavirusin janë për t’u habitur

Published

on

OBSH: Çdo i dhjeti pacient ka simptoma të koronavirusit edhe pas tre muajsh

Organizata Botërore e Shëndetësisë për Evropën sot kumtoi se çdo i dhjeti pacient i infektuar me koronavirus ka simptoma të sëmundjes edhe tre muaj pas infektimit.

Drejtori i Zyrës së OBSH-së për Evropë, Hans Kluge, tha se i ashtuquajturi “Kovid i zgjatur” mbetet i panjohur, por që problemi është real dhe domethënës.

OBSH apelon aktorët politikë të bëjnë më shumë që të kushtohet vëmendje dhe të trajtohet kovidi afatgjatë, i cili, mes tjerash, manifestohet me lodhje të rëndë, dhimbje gjoksi, probleme me zemrën, dhimbje koke, harresë, depresion, humbje të nuhatjes, diarre dhe teshtitje.

Kluge tha se të dhënat në dispozicion tregojnë se një në katër persona i infektuar me kovid ka simptoma edhe një muaj pas marrjes së një testi pozitiv, ndërsa çdo i dhjeti ka simptoma edhe pas 12 javësh.

Continue Reading

Bota

Si: Kina e mundi varfërinë 

Published

on

Presidenti kinez Si Xhinping sot deklaroi se me përpjekje të përbashkëta të Partisë Komuniste së Kinës dhe përfaqësuesve të grupeve etnike, është mundur varfëria në vend.

“Varfëria nuk është socializëm. Nëse gjendja nuk ndryshohet në rajonet e varfra apo nuk përmirësohet cilësia e jetës, kjo nuk është socializëm”, theksoi Si në ceremoninë e ndarjes së çmimeve për luftë kundër varfërisë në Sallën e madhe në Pekin.

Ai theksoi se Partia Komuniste e Kinës, e cila shënon njëqind vjet nga formimi, e ka çliruar popullatën rurale nga varfëria, ndërsa në vit varfërinë e kanë mundur më shumë se 10 milionë njerëz.

Ai shtoi se çrrënjosja e varfërisë nuk është fundi por fillim i luftës së re për një jetë më të mirë. Si si detyra të reja i potencoi zgjidhjen e zhvillimit të çekuilibruar dhe të pamjaftueshëm, uljen e hendekut zhvillimor midis rajoneve urbane dhe rurale dhe realizim të zhvillimit gjithëpërfshirës dhe prosperitet të përbashkët të të gjithë kinezëve.

“Nga zbatimi i politikës kineze të reformave dhe hapja ndaj botës varfëria e kanë mundur 770 milionë njerëz nga mjediset rurale.

Continue Reading

Bota

Të paktën 16 persona të vrarë në sulmin xhihadist në Nigeri

Published

on

Të paktën 16 persona u vranë dhe dhjetëra u plagosën dje në një sulm xhihadist në shtetin Borno, në verilindje të Nigerisë, kumtuan autoritetet lokale.

“Në sulmin me granatë vdiqën 16 persona dhe u plagosën disa dhjetëra. Numri I viktimave mund të jetë edhe më i lartë”, thanë autoritetet.

Xhihadistët i kaluan barrierat e sigurisë në Majdaguri dhe prej atje qëlluan me granata.

Deri më tani askush nuk e mori përgjegjësinë për sulmin tragjikë të fundit.

Të paktën 36.000 persona janë vrarë në dhunimet e Boko Haram në Nigeri që nga viti 2009, ndërsa rreth dy milion persona janë larguar nga shtëpitë e tyre dhe nuk lejohen të kthehen.

Continue Reading

Aktuale