Bota
Lufta kundër koronavirusit – Biden do të nënshkruajë disa urdhra ekzekutivë
Bajdën do të nënshkruajë disa urdhra ekzekutivë lidhur me luftën kundër Kovid-19
Presidenti amerikan, Xho Bajdën sot do të nënshkruajë dhjetë urdhra ekzekutivë për luftë kundër koronavirusit, përfshirë edhe urdhrin që fondi për fatkeqësi të shfrytëzohet për hapje të shkollave, përderisa njëkohësisht kërkohet nga njerëzit të mbajnë maska në aeroplanë dhe autobusë”, deklaruan persona zyrtarë, transmetojnë mediumet amerikane.
“Hyjmë në diçka që mund të jetë periudha më e rëndë dhe më vdekjeprurëse e virusit dhe duhet ta lëmë politikën anash, përfundimisht duke u përballur me pandeminë si komb i unifikuar”, tha Bajdën gjatë inaugurimit.
Një nga urdhrat do të jetë mbajtja maskave në aeroporte dhe transportin publik, përfshirë edhe trena, aeroplanë dhe autobusë ndërkombëtarë, shtojnë personat zyrtarë.
Bajdën planifikon të nënshkruajë urdhra për formim të reparteve për testim për Kovid-19 në mënyrë që të rritet numri i testeve. Gjithashtu, janë planifikuar edhe urdhra lidhur me vaksinimin dhe rritjen e prodhimit të vaksinave.
Bota
Informatat e fundit për koronavirusin janë për t’u habitur
OBSH: Çdo i dhjeti pacient ka simptoma të koronavirusit edhe pas tre muajsh
Organizata Botërore e Shëndetësisë për Evropën sot kumtoi se çdo i dhjeti pacient i infektuar me koronavirus ka simptoma të sëmundjes edhe tre muaj pas infektimit.
Drejtori i Zyrës së OBSH-së për Evropë, Hans Kluge, tha se i ashtuquajturi “Kovid i zgjatur” mbetet i panjohur, por që problemi është real dhe domethënës.
OBSH apelon aktorët politikë të bëjnë më shumë që të kushtohet vëmendje dhe të trajtohet kovidi afatgjatë, i cili, mes tjerash, manifestohet me lodhje të rëndë, dhimbje gjoksi, probleme me zemrën, dhimbje koke, harresë, depresion, humbje të nuhatjes, diarre dhe teshtitje.
Kluge tha se të dhënat në dispozicion tregojnë se një në katër persona i infektuar me kovid ka simptoma edhe një muaj pas marrjes së një testi pozitiv, ndërsa çdo i dhjeti ka simptoma edhe pas 12 javësh.
Bota
Si: Kina e mundi varfërinë
Presidenti kinez Si Xhinping sot deklaroi se me përpjekje të përbashkëta të Partisë Komuniste së Kinës dhe përfaqësuesve të grupeve etnike, është mundur varfëria në vend.
“Varfëria nuk është socializëm. Nëse gjendja nuk ndryshohet në rajonet e varfra apo nuk përmirësohet cilësia e jetës, kjo nuk është socializëm”, theksoi Si në ceremoninë e ndarjes së çmimeve për luftë kundër varfërisë në Sallën e madhe në Pekin.
Ai theksoi se Partia Komuniste e Kinës, e cila shënon njëqind vjet nga formimi, e ka çliruar popullatën rurale nga varfëria, ndërsa në vit varfërinë e kanë mundur më shumë se 10 milionë njerëz.
Ai shtoi se çrrënjosja e varfërisë nuk është fundi por fillim i luftës së re për një jetë më të mirë. Si si detyra të reja i potencoi zgjidhjen e zhvillimit të çekuilibruar dhe të pamjaftueshëm, uljen e hendekut zhvillimor midis rajoneve urbane dhe rurale dhe realizim të zhvillimit gjithëpërfshirës dhe prosperitet të përbashkët të të gjithë kinezëve.
“Nga zbatimi i politikës kineze të reformave dhe hapja ndaj botës varfëria e kanë mundur 770 milionë njerëz nga mjediset rurale.
Bota
Të paktën 16 persona të vrarë në sulmin xhihadist në Nigeri
Të paktën 16 persona u vranë dhe dhjetëra u plagosën dje në një sulm xhihadist në shtetin Borno, në verilindje të Nigerisë, kumtuan autoritetet lokale.
“Në sulmin me granatë vdiqën 16 persona dhe u plagosën disa dhjetëra. Numri I viktimave mund të jetë edhe më i lartë”, thanë autoritetet.
Xhihadistët i kaluan barrierat e sigurisë në Majdaguri dhe prej atje qëlluan me granata.
Deri më tani askush nuk e mori përgjegjësinë për sulmin tragjikë të fundit.
Të paktën 36.000 persona janë vrarë në dhunimet e Boko Haram në Nigeri që nga viti 2009, ndërsa rreth dy milion persona janë larguar nga shtëpitë e tyre dhe nuk lejohen të kthehen.
-
Komente1 week ago
Mos e bëfsh pikën e hajrit o Albin Kurti
-
Lajme2 weeks ago
Gazetari shqiptar “e zuri mat” Vuçiqin – Cila ishte pyetja që e ngushtoi presidentin sërb?
-
Lajme3 weeks ago
Lidhjet e Trajko Veljanovskit me rastin M0nstга? – Avokati maqedonas flet për pazaret ndër tavolinë dhe fshehje provash
-
Lajme5 days ago
Shek Hallaçi i Grupit të Kumanovës, nga Buгgu i Idгizovës publikon videon me një porosi
-
Lajme1 month ago
Fatime Fetai kërkoi burg të përjetshëm, por ja çka mendon Zaevi për këtë – Deklarata e fundit për “Monstrën”
-
Lajme3 weeks ago
Lajm i mirë për BDl-në e Tetovës, caktohet kandidati për kryetar komune! (Emri)
-
Lajme1 month ago
ZYRTARE: Lazim Destani kandidat i Aleancës dhe Alternativës për kryetar komune në Tetovë
-
Lajme1 week ago
Lajm i fundit – Mediat maqedonase: Bie qeveria LSDM – BDl