Connect with us

Lajme

Milioneri më i ri në Maqedoni është vetëm 6 vjeç

Published

on

Një qytetar nga Manastiri është më i pasuri në vend, ndërkaq një strugani i është paguar rroga më e lartë. Milioneri më i ri në vend ka vetëm gjashtë vjet, ndërsa më i moshuari 101 vjeç, tregojnë të dhënat e Drejtorisë për të ardhura publike.

Drejtoresha e DAP-it, Sanja Llukarevska sot në konferencë për shtyp kumtoi se edhe pse shkupjanët dominojnë në listë me të ardhura më të larta, megjithatë në vendin e pare është një qytetar nga Manastiri me të ardhura të realizuara vjetore prej 211 milionë e 360 mijë e 619 denarëve. Në vend të dytë është shkupjanja me bruto të ardhura vjetore prej 172 milionë e 166 mijë e 358 denarëve.

“Krahasuar me vitin 2018 kur të ardhurat më të larta të realizuara ishin një miliardë e 56 milionë e 922 mijë e 55 denarë ka zvogëlim të dukshëm, kështu që i ranguari i pare në vitin 2019, sikur të gjendej në listen e vitit 2018 do të kishte qenë i ranguari I dytë“, tha Llukarevska.

Strugani, të cilit I është paguar rroga më e lartë, ka punuar në industrinë e metaleve, i cili kishte paraqitur bruto të ardhura vjetore prej 1,9 milionë eurove. Në listen e bruto rrogave të ranguara më lartë janë edhe rrogat e paguara në sektorin e shëndetësisë, barnatore, arsim dhe prodhimtari të veshjeve të sipërme.

Të ardhurat më të larta personale në baza të tjera paraqesin 48 milionë e 511 mijë e 454 denarë në nivel vjetor për shërbime të kryera përkohësisht ndaj një kompanie ndërtimore.

Të ardhura më të mëdha nga fitimi kapital ka realizuar një shkupjan i cili i ka shitur aksione të veta një kompanie të huaj dhe më pas ka fituar 88 milionë e 352 mijë e 113 denarë, ndërsa dividend më i lartë i është paguar një qytetari të Manastirit, i cili është pronar i një biznesi nga fusha e ndërtimtarisë.

Veprimtaritë e pavarura janë më fitimprurëset për shkupjanët dhe në 10 të ranguarit më mirë ndodhen avokatë, përmbarues dhe hotelierë. Bujqësia është më fitimprurëse në Rajonin e Shkupit, ku një qytetar nga shitja e prodhimeve të veta bujqësore ka realizuar të ardhura prej 32 milionë e 345 mijë e 815 denarëve. Të ardhurat më të larta nga qiraja janë realizuar në Tetovë, ndërsa të ardhurat më të larta nga të drejtat autoriale në Shkup. Të ardhurat më të larta nga të drejtat e pronësisë industriale janë realizuar në Kumanovë.

Sipas të dhënave të DAP-it, një shkupjane nga loja në Loto dhe pjesëmarrja në lojëra shpërblyese ka fituar 29 milionë e 293 mijë 930 denarë, ndërsa pensionisti i parë i ranguar është një qytetar nga Shtipi me bruto pension prej 8 milionë e 64 mijë denarëve.

Sipas drejtoreshës së DAP-it, edhe pse numrat e përgjithshëm janë rritur, megjithatë në nivel individual shuma e të ardhurave tek qytetarët e ranguar më lartë nuk i ka arritur shumat e të ardhurave në vitin 2018.

Tek 35.363 qytetarë janë konstatuar të ardhura bruto mbi një million denarë, përderisa numri më i madh i qytetarëve, përkatësisht 638.210 realizuan bruto të ardhura që sillen prej 100 mijë deri një milion denarë.

Në vitin 2019 gjashtë qytetarë realizuan të ardhura mbi 100 milionë denarë, që paraqet ulje në krahasim me vitin 2018, kur ka pasur 31 qytetarë të tillë. Gjithsej 426 qytetarë realizuan të ardhura prej 10 deri 100 milionë denarë. /TV21

Continue Reading
Advertisement

Bota

“Izraeli u bën presion vendeve të transferojnë ambasadat në Kuds në këmbim të vaksinës anti-COVID”

Published

on

Transmetuesit publik izraelit (KAN) njoftoi se qeveria ka planifikuar t’u japë vendeve vaksina kundër COVID-19 në këmbim që ato të transferojnë ambasadat e tyre në Kuds

Media izraelite njoftoi se qeveria ka planifikuar t’u japë vendeve vaksina kundër COVID-19 në këmbim që ato të transferojnë ambasadat e tyre në Kuds, transmeton Anadolu Agency (AA).

Sipas lajmit të transmetuesit publik izraelit (KAN) mësohet se së shpejti Hondurasi do të marrë 5 mijë vaksina kundër COVID-19 nga rezervat e Izraelit.

Në lajm një burim që nuk dëshiron të identifikohet ka thënë se “Së shpejti një avion nga Hondurasi do të vijë për të marrë vaksinat dhe se në të njëjtën mënyrë do të marrin një sasi vaksinash edhe Guatemala dhe Çekia”.

I njëjti burim rikujton se Guatemala pas SHBA-së është vendi i dytë që ka hapur ambasadën e saj në Kuds ndërsa edhe Çekia ka premtuar se do të ndërmarrë një hap të tillë.

Ministri izraelit i Mbrojtjes, Benny Gantz, hedhjen e një hapi të tillë nga kryeministri Benjamin Netanyahu e ka cilësuar si një punë të paligjshme.

Në një postim nga llogaria e tij në Twitter, Gantz tha: “E vërteta është se Netanyahu po bën një tregti pa llogaritje nëpërmjet vaksinave që janë blerë me taksat e paguara nga shtetasit izraelitë, por mesa duket kujton se po drejton një mbretëri dhe jo një shtet”.

Hedhja e një hapi të tillë duhet të miratohet duke u diskutuar nga qeveria, tha Gantz i cili shtoi se “Një situatë e detyrueshme në lidhje me sigurinë, politikën ose shëndetësinë mund të jetë një arsye për hedhjen e një hapi të tillë”.

Në një deklaratë me shkrim dje nga Zyra për shtyp e Netanyahut u njoftua se janë mbledhur sasi të kufizuara të vaksinave të papërdorura nga muaji i kaluar dhe se për këtë arsye do të sigurohen pajisje mjekësore për Palestinën dhe vaksina në sasi simbolike për disa vende që i kanë kërkuar Izraelit.

Continue Reading

Bota

39 makina përfshihen në një aksident

Published

on

By

Të paktën 39 makina janë përfshirë në një aksident në Bashkiri të Rusisë.

Mediat e huaja shkruajnë se si pasojë e përplasjes në seri, 10 persona janë dëmtuar rëndë.

Shkak i aksidentit raportohet se janë bërë erërat e forta dhe vështirësia e shikimit të shoferëve.

Si rezultat i kushteve të vështira klimaterike, tri rrugë deri më tani janë mbyllur, pasi autoritetet kanë vlerësuar se përshkrimi i tyre është me rrezik për shoferët.

Meteorologët parashikojnë që temperaturat në këtë rajon në ditën në vijim, priten të shkojnë deri në minus 35 gradë celsius.

Më poshtë pamjet:

Continue Reading

Kosovë

12 të arrestuar në Kosovë për shpërdorim detyre dhe ryshfet

Published

on

By

Në Kosovë të mërkurën u arrestuan 12 persona nga të cilët 10 zyrtarë të Agjencisë për Zhvillimin e Bujqësisë, nën dyshimet për përfshirje në veprat penale keqpërdorim i detyrës zyrtare dhe marrje ryshfeti.

Arrestimet u kryen gjatë një operacioni të prokurorisë dhe njësitit të policisë së Kosovës kundër krimeve ekonomike. Përgjatë operacionit që filloi në orët e hershme të mëngjesit, janë kryer bastisje në ministrinë e Bujqësisë në Prishtinë si dhe në katër komuna të tjera të Kosovës: Istog, Lipjan, Gjilan dhe Pejë.

Kryeprokurori i Shtetit, Aleksandër Lumezi, tha në një konferencë me gazetarë se “janë arrestuar 12 persona, dhjetë janë persona zyrtarë dhe dy qytetarë tjerë të Kosovës, të cilët u kanë ndihmuar këtyre personave në forma të ndryshme. Të njëjtit dyshohen për disa vepra penale; keqpërdorim i subvencioneve, shpërdorim i autorizimeve zyrtare, marrje dhe dhënie të ryshfetit”.

Drejtori i departamentit kundër krimeve ekonomike dhe korrupsionit në policinë e Kosovës, Nazim Sahiti, tha se gjatë aksionit janë sekuestruar rreth 400 mijë euro.

“Paratë janë gjetur në shtëpitë e të dyshuarve … Ato dyshohet se janë fituar nga vepra penale marrje ryshfeti dhe dhënie e ryshfetit”, tha zoti Sahiti.

Sipas prokurorisë hetimet dhe grumbullimi i informacioneve janë zhvilluar nga muaji janar dhe se gjatë operacionit përveç parave janë konfiskuar edhe makina, kompjuterë, dhe telefona celular. Prokuroria tha se operacioni pritet të vazhdojë.

Lufta kundër korrupsionit dhe krimit të organizuar në Kosovë vazhdon të mbetet një nga fushat e kritikuara nga institucionet ndërkombëtare dhe vendore.

Vëzhguesit thonë se në Kosovë nuk kanë munguar asnjëherë operacionet dhe arrestimet për keqpërdorime, por sipas tyre sfidë mbetet ndëshkimi i të përfshirëve në veprimtari të tilla./VOA

Continue Reading

Aktuale