Connect with us

Kosovë

“Skënderbeu” tani e tutje edhe në Prizren

Published

on

Në qytetin e Prizrenit, u inaugurua shtatorja e bronztë e “Gjergj Kastriotit- Skënderbeu”.

Në Ditën e Flamurit, datëlindjen e komandantit “Adem Jashari”, dhe daljen e parë publike të Ushtrisë Çlirimtare të Kosovës, u kujtuan dëshmorët e vendit, ku u tha se rrugëtimi i tyre duhet të shërbejë si shembulli më i mirë për vendin.

Kryetari i komunës së Prizrenit, Mytaher Haskuka tha se ka shumë punë për t’u bërë, ndërkohë që i ka uruar mirëseardhje Skënderbeut në bronz në qytetin historik, siç tha, të Ymer Prizrenit e Adem Jasharit.

“Skënderbeu dhe Lidhja Shqiptare e Prizrenit bashkohen në kryeqytetin historik të Kosovës së Adem Jasharit. Sot na bashkohen datat, figurat historike dhe qëllimet e tyre, që u bllokuan dhe copëtuan nga konferencat ndërkombëtare, por vullneti dhe përpjekja e popullit s’u shua kurrë. Duke e ndjekur Skënderbeun, vëllezërit Frashëri, Ymer Prizrenin, Ismail Qemalin, Hasan Prishtinën në këtë datë te shënuar u bë edhe paraqitja e parë publike e UÇK-së. Falë sakrificës së të cilës ne jemi këtu të lirë, por ende kemi shumë punë për te bëre para nesh”, u shpreh ai.

Haskuka tha se shembujt historik duhet të shërbejnë për të kaluar sfidat që ka vendi përpara.

“Ne kemi shumë probleme, nganjëherë problemet mund të duken të pakapërcyeshme, por shembujt historik ashtu si na mëson Skënderbeu vetëm kur jemi bashkë mund t’i tejkalojmë. Kur jemi bashkë askush nuk mund të na ndal, mjafton të jemi bashkë, të bashkohemi dhe të mirat do të vijnë. Sukseset do te vijnë”, shtoi Haskuka.

Sekretari i degës së OVL-UÇK-së në Prizren, Isa Berisha tha se shumë gjenerata sakrifikuan në periudha të ndryshme, për lirinë që gëzohet sot. Ai ka përmendur edhe ish-anëtarët e Shtabit të Përgjithshëm të UÇK-së, që sipas tij po mbahen padrejtësisht në Hagë.

“Sot i gjithë kombi shqiptar feston në Shqipëri, Maqedoni, Luginë të Preshevës, Bujanovc, Mal të Zi, Çamëri dhe në çdo cep të botës, kudo që jetojnë shqiptarët. Sot për ne është një festë më e veçantë pasi që në këtë ditë të bukur, qytetit tonë në vazhdën e festave të nëntorit përkrah Remzi Ademës, Ismajl Kryeziut, Ismet jasharit, Ekrem Rexhës, zuri vend edhe heroi kombëtar Gjergj Kastrioti Skenderbeu. Sot po vendosim bustin e këtij heroi që i bëri ballë furisë otomane për 20 vite duke e mposhtur atë… edhe pse në qarqe të caktuara janë duke u ngritur aktakuza të padrejta për djemtë më të mirë të këtij vendi, të cilët sakrifikuan për ta dëbuar regjimin e Millosheviqit nga trojet tona”, u shpreh ai.

E drejtori i administratës në Prizren, Osman Hajdari tha se aty ku është qytetërimi evropian është edhe Skënderbeu. Kështu sipas tij, kjo figurë duhet të jetë në Prizren, në vendin ku është vet historia.

“Kështu që edhe në trojet shqiptare aty ku është dhe ku duhet kujtuar historia, aty duhet të jetë edhe Skënderbeu. Rrjedhimisht edhe Prizreni nuk ka mundur të jetë ndryshe. Prizreni është qytet historik i shqiptarëve, andaj edhe Skënderbeu duhet të jetë aty ku është historia, pra në Prizren… Shtatorja e Skënderbeut përveç rrugëtimit të saj nga puna e skulptorit Sinan Alija e deri në vendosjen këtu, ajo ka pasur edhe sfidat e veta në aspektin tekniko-administrativ për të cilat ne si drejtori kemi punuar pa ndërprerë dhe me shumë vullnet dhe përkushtim për ta sjell në Prizren”, u shpreh ai.

Ai theksoi se kjo shtatore është menduar qe të jetë në truallin e Qendrës Tregtare në vend, një gjë e tillë ka qenë e pamundur.

Në inaugurimin e kësaj shtatore mori pjesë edhe ministri i Mbrojtjes, Anton Quni, e deputetë të Prizrenit.

Të shumtë kanë qenë edhe prizrenasit, të cilët nuk respektuan masat antiCOVID, në mbajtje të distancës dhe maskave.

Top Channel

Continue Reading

Kosovë

Tre krimet brenda familjes që shokuan Kosovën brenda pak javësh

Published

on

By

Për një periudhë të shkurtër as një mujore, tri ngjarje të rënda, krim në familje kanë tronditur opinionin kosovar.

Sot dyshohet se Skënder Krasniqi ka vrarë të birin Albertin.

Një ngjarje tjetër e rëndë ndodhi më 30 dhjetor në familjen Zuka në Pozheran ku një burrë vrau bashkëshorten dhe dy djemtë e tij e më pas edhe veten.

Shokues për Kosovën ishte edhe vrasja e një burri në Prizren nga djali i tij.

Si ndodhën këto ngjarje:

Një vrasje ka ndodhur para pak minutash në rrugën “Ndue Përlleshi” të Prishtinës, ku një i ri është qëlluar me armë. I qëlluari është një biznesmen i njohur nga Prishtina, Albert Krasniqi. Ai dyshohet se është vrarë nga babi i tij, Skënder Krasniqi ish-ushtar i Ushtrisë Çlirimtare të Kosovës.

Rastin e kanë konfirmuar edhe Policia, të cilët thonë se një person u gjet pa shenja jete në rrugën “Ndue Përlleshi” dhe një person u arrestua.

“Rreth orës 17:00 policia ka marrë informatën për një vrasje te ndodhur ne rrugen ” Ndue Perlleshi” ne Prishtinë. Menjëherë pas marrjes se informatës policia ka dale ne vendin e ngjarjes dhe po ndërmerr te gjitha veprimet e nevojshme qe konsistojnë ne hetimin e rrethanave qe karakterizojnë ngjarjen. Një person është arrestuar si dhe është konfiskuar nje arme qe dyshohet te jetë arma e përdorur ne rast”, thonë Policia .

Por, burime të sigurta kanë konfirmuar se viktima është Albert Krasniqi, ndërkohë që i arrestuari Skënder Krasniqi, babai i viktimës.

Ndryshe, Albert Krasniqi ka qenë i njohur për publikun edhe për martesën që kishte me ish-missin Besa Gashi.

Vrasja e katërfisht në Viti

Një vrasje e katërfishtë ka ndodhur më datën 30 dhjetor në fshatin Pozhoran të Komunës së Vitisë.

Prokuroria Themelore në Gjilan ka njoftuar se rreth orës 18:00, në fshatin Pozhoran, komuna e Vitisë, dyshohet të ketë ndodhur një vrasje e katërfishtë, motivet e së cilës për momentin ende nuk dihen.

Personi me inicialet F.Z., me armë zjarri ka privuar nga jeta bashkëshorten e tij, të ndjerën M.Z. dhe dy fëmijët e tij, të ndjerët H.Z. dhe A.Z., ndërsa në fund ka kryer vetëvrasje.

Djali vrau babën me thikë në Prizren

Një djalë rreth 30 vjeç e ka vrarë me thikë babanë e tij rreth 50 vjeç në lagjen Dardania në Prizren.

Haxhi Kabashi nga Policia e Prizrenit ka thënë se ngjarja e rëndë ka ndodhur në rrugë, ndërsa ka shtuar se në stacionin policor është duke u intervistuar një dëshmitar i cili e ka parë ngjarjen.

“Ngjarja ka ndodhur në rrugë. Një dëshmitar okular e ka parë ngjarjen. Ai është duke u intervistuar në stacionin policor”, ka thënë Kabashi nga vendi i ngjarjes.
Ai ka thënë se dyshohet se deri te vrasja ka ardhur si pasojë e një sherri në familje.

Continue Reading

Kosovë

Hoxhaj e fton sërish Kurtin në debat: Po ik që 7-8 javë, dil matu Albin

Published

on

By

Kandidati për kryeministër nga Partia Demokratike e Kosovës, Enver Hoxhaj,e ka ftuar përsëri liderin e Lëvizjes Vetëvendosje, Albin Kurtin, që të përballet në debat me të.

Këtë ftesë Hoxhaj e bëri gjatë një takimi me fermerët e komunës së Rahovecit .

“Meqë Albini po i ikë debatit, nuk po guxon me dalë në debat, a nja 4, 5 vite thoshte në Kuvend të Kosovës dilni matnu, edhe unë po i them që 7, 8 javë dil matu se ai nuk ka program, nuk dëshiron me pas program, nuk i interesojnë interesat e qytetarëve të Rahovecit, nuk i intereson bujqësia.

Ai mendon që rrushi piqet vetëm duke e pa, jo punën që e bëni ju. I vetmi subjekt politik serioz në këto zgjedhje për ta udhëhequr vendin është Partia Demokratike e Kosovës dhe jam unë”, ka thënë ai.

Hoxhaj e kishte ftuar edhe më herët Kurtin në pesë debate televizive për të debatuar për çështje të ndryshme të rëndësishme për vendin.

Continue Reading

Kosovë

15-vjeçarja, e cila u raportua e zhdukur i lajmërohet familjes: Kam ikur me të dashurin

Published

on

By

Gentiana Mustafa nga Prizreni që nga dita e premte nuk ka asnjë komunikim me familjen.

Ajo u nis për në shkollë, por që nga mësuesi u lajmërua se ajo kishte një javë që nuk shkonte në shkollë.

15 vjeçarja me një mesazh pas 24 orësh iu drejtua të ëmës se është mirë dhe të mos ta kërkojnë.

Madje nënës iu tha se ka ikur me të dashurin e saj me dëshirë, por familja nuk ka informacion se ku gjendet vajza.

Rastin, familjarët e 15 vjeçares e kanë raportuar edhe në polici, derisa këta të fundit janë duke u marrë me rastin.

Familjarët bëjnë apel që nëse dikush mund të ketë ndonjë informacion për Gentianën t’i njoftojë.

Continue Reading

Aktuale