Rreshjet e mëdha të shiut kanë shkaktuar probleme në shumë fshatra në rrethin e Tetovës. Një ndër to është Bozofca e malësisë, ku si pasojë e rreshjeve është shembur dheu nga kodra mbi fshat, duke rrezikuar seriozisht jetën dhe pronën e qytetarëve. Banorët e Bozofcës edhe më herët kanë paralajmëruar se mund të ndodhë më e keqja. Ata kanë kërkuar ndihmë edhe nga institucionet, por deri tani askush nuk ka intervenuar. Për in7, disa banorë të shqetësuar thonë se Teuta Arifi u ka premtuar atyre se do të marrin masa për ta rregulluar dhe parandaluar rrëshqitjen e dheut, por kjo nuk ka ndodhur.

Kështu ka ndodhur ajo që banorët e Bozofcës i druheshin prej kohësh. Nga rrëshqitjet e dheut janë shkaktuar dëme të konsiderueshme materiale, ndërsa fatmirësisht nuk ka pasur pasoja në njerëz, përcjell in7.

“Vendlindja e Prof.Dr.Fadil Sulejmanit dhe Filantropit Lazim Destani nuk meriton të shembet nga dheu i zi për shumë arsyje sepse një ditë apo tjetër do të na denojë historia”, ka shkruar në rrjetin social Hesat Rushani, banor i Bozofcës.

Situatën e bën më të rëndë e bën fakti se mbi fshat gjendet një shkëmb që rrezikon të shembet drejt shtëpive të Bozofcës. Kjo nuk i lë të qetë banorët e kësaj ane, që me ngulm kërkojnë ndihmë nga institucionet./in7.tv/

Shkëmbi që rrezikon të bjerë mbi fshatin Bozofcë

Shkrim në Facebook nga Hamdi Sulemani

KJO QË NDODH NË KODRËN E DIELLIT, është nji pasqyre e veretet se në çfar shteti jetojmë, çfarë kualiteti jetësorë kemi dhe çfar sistem i dështuar institucional po na udhëheq.

LUTEN TURISTËT TË JENË TË KUJDESSHËM!
………………………………
Në çdo vend të botës pas çdo anarhije ku totalisht bllokohet funksionuari nji aset turistik,do të kishte PËRGJEGJËSI PENALE DHE MORALE.

*Kolonat e veturave për ngjitje ishin mbi 4Km dhe me kohëzgjatje prej 2 orësh,
**Rradhët për blerje të ski kartelave priten më shumë se 1 orë,
***Vend ku harxhohen biletat për vizitorë, dhe nuk ka zëvendësim të tyre,
****Vend ku në rast nevoje nëse duhet intervenuar AMBULANTA DHE ZJARFIKSI, nuk kan qasje deri tek pika e Nevojës,
*****Vend ku edukata e njerezve në pritjen e rendit tek ski ashensorët më е keqe se kurë do herë
******Ku kolona për të kthyer në Tetovë është e gjatë afro 10km.
*******Teleferiku me dy ulëse Ceripashinë ka tejkaluar çdo masë të sigurisë, i njejti ballafaqohet me defekte serioze.
********Teleferik me vlerë prej 10 MLN euro është i ngujuar dhe jashtë funksioni.

Të nderuara INSTITUCIONE uluni nji herë e përgjithmonë ta zgjedhni këtë problem.
Mbi 10000 vizitorë po mbesin të ngujuar në qendrën turistike pasi që çdo akses është i bllokuar.

Tufë qensh endacakë shëtisin lirshëm brenda Spitalit të Kërçovës. Sipas a1on, qentë kanë vrapuar nëpër spital me orë të tëra, kryesisht në pjesën e pranimit të pacientëve, përcjell in7. Për të ruajtur rendin dhe për t’i larguar qentë është kujdesur ndonjë nga pacientët që kaqënë aty pranë, ndërsa askush nga personeli  nuk ka marrë mundimin për t’i larguar qentë.

Se sa lirshëm shëtisin qentë endacakë brenda SPitalit të Kërçovës, vërehet edhe nga fotografitë e publikuara nga a1on.

Në këtë repart, siç thuhet në tekst, trajtohen edhe të sëmurit me koronavirus, ndërsa askush nga drejtuesit e spitalit nuk ka komentuar për ngjarjen në fjalë./in7.tv/