Connect with us

Bota

Në SHBA, më shumë se 2.000 të vdekur nga koronavirusi për një ditë

Published

on

Nju-Jork, 25 nëntor 2020 (MIA) – Numri i vdekjeve nga koronavirusi në nivel ditor në SHBA ka tejkaluar 2.000 për herë të parë që nga maji, ndërsa spitalet në të gjithë vendin janë tashmë të mbushura.

Në 24 orët e fundit, kanë vdekur 2.157 njerëz dhe janë infektuar 170.000, ndërsa ekspertët sugjerojnë se numri mund të rritet pasi që miliona amerikanë udhëtojnë për festën e nesërme Dita e Falënderimeve, pavarësisht thirrjeve për të qëndruar në shtëpi.

Numri i të hospitalizuarve në tërë Amerikën ka tejkaluar 87.000 në 24 orët e fundit, ndërsa 30 nga 50 shtetet raportuan se në nëntor kanë numër rekord të pacientëve në spital.

“Që nga fillimi i pandemisë globale, SHBA-ja ka pasur gati 260.000 vdekje dhe 12,6 milionë infeksione, më së shumti në botë, ndërsa pas udhëtimit me rastin e Ditës së Falënderimeve, me siguri askush nuk do të mund të na arrijë”, tha dr. Tatiana Provel nga Fakulteti i Mjekësisë në Universitetin “Xhons Hopkins”.

Continue Reading

Bota

Nuk respektoi masat anti-COVID, qeveria shqiptare shpall ‘non grata’ diplomatin rus: Të largohet brenda 72 orësh nga Shqipëria

Published

on

By

Qeveria Shqiptare dëshiron forcimin e marrëdhënieve miqësore me Federatën Ruse, dhe shpreh keqardhje që vullneti i mirë i të dyja palëve është cenuar nga veprime individuale, të përsëritura të personelit diplomatik rus në Tiranë, në mosrespektimin e masave të marra nga autoritetet shqiptare, për mbrojtjen e popullsisë ndaj COVID-19.

Që prej muajit prill 2020, por dhe në fillim të këtij viti, Qeveria Shqiptare ka pasur ankesa dhe denoncime të vazhdueshme, mbi shkeljet e hapura të masava të marra nga ana e një diplomati të ambasadës së Federatës Ruse në Tiranë.

Përfaqësues të lartë të Ministrisë për Evropën dhe Punët e Jashtme kanë kontaktuar me ambasadorin e Ambasadës së Federatës Ruse në Tiranë, Mihail Afanasiev, duke i bërë me dije shqetësimin për shkeljet e vazhdueshme të masave anti COVID-19 nga diplomati. MEPJ ka mirëpritur dhe e vlerëson thellë rolin plotësisht bashkëpunues të ambasadorit për këtë çështje, me premtimin se këto akte nuk do të përsëriten.

Fatkeqësisht, ndryshe nga premtimet, diplomati ka vijuar me shkeljen e masave, pavarësisht shprehjes së dëshirës së mirë të të dyja palëve për mos përsëritjen e shkeljeve.

Sfidimi i përsëritur i rregullave dhe masave mbrojtëse ndaj pandemisë, dhe shpërfillja e shqetësimeve të institucioneve të shtetit shqiptar lidhur me to, nuk mund të justifikohen e nuk mund të tolerohen më tej.

Me keqardhje, Qeveria Shqiptare ka marrë vendimin të shpallë “Person NON Grata” (person të padëshirueshëm), diplomatin Alexey Krivosheev, me detyrimin që të largohet brenda 72 orësh nga momenti i dhënies së njoftimit zyrtar.

Urojmë që ky vendim i imponuar nga mosrespektimi i ligjeve dhe rregullave të shtetit shqiptar, në një kohë kaq sfiduese për të gjithë globin, do të mirëkuptohet plotësisht nga pala ruse, si një masë e dosmosdoshme për mbrojtjen e shëndetit dhe sigurinë e të gjithë shtetasve brenda territorit të Republikës së Shqipërisë, qofshin këta shqiptarë ose jo.

Sigurojmë palën ruse për ndjenjat tona miqësore dhe për gatishmërinë tonë, në vijim të punës së mirë të nisur, për përmirësimin e vazhdueshëm të marrëdhënieve mes dy vendeve tona.

Continue Reading

Bota

Zjarr në shtëpinë e pleqve në Ukrainë, 15 të vdekur

Published

on

By

Të paktën 15 njerëz kanë vdekur dhe pesë të tjerë janë lënduar pas shpërthimit të një zjarri në shtëpinë e të moshuarve në qytetin lindor të Ukrainës, Kharkiv.

Kjo u bë e ditur të enjten nga Shërbimi i Urgjencës i shtetit ukrainas, raporton Reuters.

Continue Reading

Bota

Mbi 1 milionë persona marrin dozën e parë të vaksinës në Turqi

Published

on

By

Më shumë se një milion persona në Turqi kanë marrë dozën e parë të vaksinës kundër COVID-19.

Turqia po zbaton fushatën e dhënies së dozës së parë të vaksinës CoronaVac, të prodhuar nga kompania kineze SinoVac. Ekspertët thonë se është shumë i rëndësishëm roli i spitaleve të qytetit, të hapura në 81 provincat e vendit, të cilat kanë kapacitet të shërbejnë dhjetëra mijëra pacientë në ditë.

Infrastruktura e zinxhirit të ftohtë të Turqisë, e nevojshme për të ruajtur vaksinat, gjithashtu luajti një rol vendimtar në vaksinimin e shpejtë dhe efikas.

Duke folur për Anadolu Agency, Mustafa Ilhan, një shkencëtar i lartë mjekësor në Universitetin Gazi në kryeqytetin Ankara, theksoi se Turqia ka qenë historikisht e suksesshme në kryerjen e vaksinimeve masive për të çrrënjosur sëmundje të tilla si poliomieliti, tetanozi, hepatiti dhe lia e dhenve.

“Kjo praktikë, e kombinuar me infrastrukturën shëndetësore, e ka ngritur Turqinë midis 10 vendeve kryesore të administrimit të vaksinave“, theksoi Ilhan.

Continue Reading

Aktuale