in7 - 2019

Lajme

MSH: Në spitalet në vend mjekohen 1.292 pacientë pozitiv ose të dyshuar për Kovid-19

Publikuar

on

Shkup, 21 nëntor – Numri i përgjithshëm i pacientëve pozitiv dhe të dyshuar me koronavirus, që mjekohen në repartet e sëmundjeve infektive të kryeqytetit dhe në spitalet në të gjithë vendin është 1.292 dhe ka rreth 120 shtretër spitalor të zbrazët në qendrat kovide. Në 24 orët e kaluara, në kovid qendrat në spitalet në të gjithë vendin, është raportuar se kurohen gjithsej 825 pacientë pozitivë dhe të dyshuar për koronavirus, njoftoi Ministria e Shëndetësisë.

Pas raporteve të spitaleve, të cilat mbërrijnë në Ministrinë e Shëndetësisë në bazë ditore, në Spitalin në Manastir janë të shtruar 75 pacientë pozitivë dhe suspektivë për Kovid-19. Në Spitalin në Shtip janë të hospitalizuar 56 pacientë.

“Në Repartin Infektiv në Tetovë ka 39 pacientë, në Veles trajtohen 62 të sëmurë, ndërsa në Kumanovë 106 pacientë pozitivë dhe të dyshuar për Kovid-19. Në kovid qendrën në Ohër ka 105 pacientë, në Prilep 110, në kovid qendrën në Gostivar 49, ndërsa në Strugë 28 të sëmurë. Në Siptalin në Strumicë janë të shtruar 95 pacientë, në Koçan 24, në Kërçovë 17, në Kavadar 41, ndërsa në Gjevgjeli 10 persona pozitivë me koronavirusit. Kini parasysh se shifrat ndryshojnë nga ora në orë”, informojnë nga Ministria e Shëndetësisë.

Numri i përgjithshëm i pacientëve pozitivë dhe suspektivë ndaj koronavirusit, të cilët trajtohen në repartet infektive në kryeqytet dhe në spitalet në vend është 1.292 dhe ka rreth 120 shtretër të lirë në kovid qendrat.

Gjatë ditës, informojnë nga MSH, bëhen edhe lëshime të pacientëve të shëruar, me çfarë do të lirohen shtretër shtesë.

Përndryshe, të gjitha pavijonet e spitaleve klinike disponojnë me vende spitalore, në të cilat ka furnizimin me oksigjen.

Pavarësisht fluksit të madh të pacientëve në dhjetë ditët e fundit, Ministria e Shëndetësisë është në kontakt të vazhdueshëm me të gjitha spitalet dhe nëse është e nevojshme, kapaciteti i kovid reparteve do të zgjerohet më tej.

Më herët, Ministria e Shëndetësisë njoftoi se 36 pacientë të rinj janë shtruar në spital në qendrat kovid në Shkup në 24 orët e fundit për shkak të ndërlikimeve të koronavirusit. Gjithsej 467 persona të dyshuar dhe të konfirmuar për KOVID-19 po trajtohen në repartet e sëmundjeve infektive në kryeqytet.

Vazhdo leximin

Kosovë

Pamje madhështore, ndërtesa e Qeverisë të Kosovës “vishet” me flamurin kombëtar

Publikuar

on

nga

Sot kudo që ka shqiptarë festohet 28 Nëntori që ndryshe njihet si Dita e Flamurit, shkruan Gazeta Sinjali.

Kështu në nder të kësaj feste edhe ndërtesa e Qeverisë të Kosovës është ndriçuar me flamurin kuq e zi.

Lajmin e bëri të ditur kryeministri i Kosovës Avdullah Hoti përmes një postimi në llogarinë e tij në Facebook.

“Për nder të 28 Nëntorit – Ditës së Flamurit, ndërtesa e Qeverisë së Kosovës ndriçohet #KUQEZI 🇦🇱”, ka shkruar Hoti.

Për nder të 28 Nëntorit – Ditës së Flamurit, ndërtesa e Qeverisë së Kosovës ndriçohet #KUQEZI 🇦🇱

Posted by Avdullah Hoti on Saturday, 28 November 2020

Vazhdo leximin

Bota

“Burj Khalifa”, ndërtesa më e madhe në botë stoliset me flamurin shqiptar (VIDEO)

Publikuar

on

nga

Ndërtesa më e madhe në botë, “Burj Kalifa”, 829.8m e cila gjendet në Dubai, është ndriçuar me ngjyrat e flamurit kuq e zi, ndërsa në sfond është vendosur himni i flamurit

Videoja është postuar dhe në faqen zyrtare të “Burj Kalifa” dhe më pas ka bërë xhiron e rrjetit.

“Burj Kalifa” ndricoi me ngjyrat e flamurit shqiptar kuq e zi me rastin e ditës së Pavarësisë. I urojmë prosperitet” shkruhet në postimin që shoqëron videon.

Vazhdo leximin

Bota

SHBA regjistron mbi 200.000 raste të reja me COVID-19

Publikuar

on

nga

SHBA vazhdon të mbetet vendi me numrin më të lartë të rasteve të konfirmuara dhe të viktimave
Numri i personave të vdekur nga koronavirusi i ri (COVID-19) në SHBA është rritur në 271.038, prej të cilëve 1.388 kanë humbur jetën në 24 orët e fundit, transmeton Anadolu Agency (AA).

SHBA vazhdon të mbetet vendi me numrin më të lartë të rasteve të konfirmuara dhe të viktimave.

Të dhënat nga faqja e internetit “Worldometer” tregojnë se në 24 orët e fundit, numri i të infektuarve me koronavirus në SHBA është rritur për 201.377, duke e çuar numrin e përgjithshëm në 13.458.011.

Ndërkaq, në mbarë vendin, deri më tani janë shëruar rreth 7,95 milionë të infektuar, ndërsa numri i testeve ka shkuar në mbi 189 milionë.

Aktualisht, shteti i Teksasit është më i godituri në SHBA, me 1.235.838 raste të konfirmuara, ndërkohë që numri më i lartë i vdekjeve është regjistruar në New York, me gjithsej 34.437 viktima.

Pas SHBA-së, numrin më të madh të të infektuarve e kanë regjistruar India me mbi 9,3 milionë raste dhe Brazili me mbi 6,2 milionë.

Vazhdo leximin

Aktuale