in7 - 2019

Bota

Koronavirusi në botë, të dhënat zyrtare

Publikuar

on

Në botë, nga Kovid-19 janë të infektuar 58 milionë njerëz, kanë vdekur 1,3 milionë

Në botë deri më tani janë infektuar 58.004.872 persona me koronavirus, 40.192.380 pacientë janë shëruar, ndërsa 1.379.512 vdiqën, ceket në ueb-faqen e “Uorlldmeters”.

Për momentin ka 16.432.980 raste aktive. Një përqindje e pacientëve, përkatësisht 102.228, janë në gjendje kritike, përderisa 16.330.752 persona të infektuar tregojnë simptome të lehta të sëmundjes.

Shtetet e Bashkuara të Amerikës janë ranguar në vendin e parë në botë sipas numrit të pacientëve dhe rasteve të vdekjes, me mbi 12,2 milionë të infektuar dhe mbi 260.000 raste të vdekjes.

India është në vend të dytë sipas numrit të rasteve të konfirmuara, duke tejkaluar nëntë milionë dhe e treta për nga numri i rasteve të vdekjes, pas Brazilit, me pothuajse 133.000 raste të vdekjes.

Brazili është prapa Indisë me mbi gjashtë milionë njerëz të infektuar me virus prej fillimit të pandemisë, por është në vend të dytë në botë për nga numri i rasteve të vdekjes (mbi 168.000).

Franca është në vend të katërt, me 2,1 milionë raste të konfirmuara dhe mbi 48.000 raste të vdekjes.

Pason Rusia, ku prej fillimit të pandemisë, janë regjistruar mbi 2,06 milionë raste. Rusia është gjithashtu në vendin e pestë sipas numrit të rasteve të vdekjes nga Kovid-19 – mbi 35.000 njerëz deri më tani e humbën jetën si pasojë e kësaj sëmundje. a

Vazhdo leximin

Bota

Në Kinë arrestohen mjekë të cilët vidhnin dhe shisnin organe nga viktimat e aksidenteve rrugore

Publikuar

on

nga

Pekin, 27 nëntor 2020 (MIA) – Gjashtë persona, kryesisht mjekë, u arrestuan në Kinë sot për vjedhje të organeve nga pacientët e vdekur, njoftuan mediat lokale.

Grupi kriminal i gënjenin familjet e të vdekurve, duke u thënë atyre se ata i përdorën organet e tyre për t’i ndihmuar pacientët të cilët kanë nevojë për transplantim organesh, kumtoi Bi-Bi-Si.

Hetimi zbuloi se midis 2017 dhe 2018, ata e kanë hequr mëlçinë dhe veshkat e 11 personave në spitalet në provincën, Anhui.

Në Kinë ka shumë njerëz që ndodhen në listat e pritjes për organe dhe është e vështirë për vendin të gjejë donatorë vullnetarë”, shton Bi-Bi-Si.

Sipas mediave lokale, katër mjekë të rangut të lartë ishin të përfshirë në trafikimin e organeve të cilit kishin punuar në departamentet për dhurimin e organeve në spitale.

Ata kryesisht vidhnin organe nga viktimat e aksidenteve automobilistike të cilët kishin dëmtime serioze në tru, ndërsa organet e tjera mbetën të paprekura. Kryetari i Njësisë së Kujdesit Intensiv më pas erdhi te familjet dhe i pyeti nëse janë dakord t’i dhuronin organet e të ndjerit për të cilën disa familje dhanë pëlqimin e tyre me shkrim.

Trupat e të vdekurve më pas u morën nga spitalet brenda natës dhe u vendosën në një furgon i cili ishte i lyer në një ambulancë, ndërsa pastaj organet e tyre u hoqën në vende të panjohura dhe më vonë iu shitën fshehurazi individëve ose spitaleve.

Grupi kriminal u zbulua kur djali i njërës prej viktimave dyshoi në historinë e shërbyer.

Vazhdo leximin

Bota

Zgjidhet misteri, ja ku u varros Maradona (FOTO)

Publikuar

on

nga

Qindra mijëra argjentinas iu bashkuan homazheve për idhullin e tyre Diego Armando Maradona përpara se legjenda t’i drejtohej banesës së fundit. Arkivoli i ish-futbollistit u vendos për orë të tëra në Pallatin Presidencial në Buenos Aires, atje ku një numër i pafund njerëzish brohoriti ose thjesht i kaloi pranë duke e vështruar për herë të fundit.

Tifozët e tij ishin aq të shumtë saqë orari i vendosur për homazhe ishte i pamjaftueshëm dhe pamundësia për ta vizituar të gjithë solli përplasje të ashpra me forcat e rendit.

Përleshjet bënë që axhenda të shtyhej edhe me 3 orë, në mënyrë që edhe pjesa e mbetur të mund të përjetonte emocionet e fundit me legjendën e futbollit. Gjatë pasdites, Maradona u përcoll drejt banesës së fundit, rrugëtim i cili nuk mund të mos ndiqej nga mijëra njerëz.

Lajmi se ylli i futbollit kishte lënë një testament ku thuhej se pas vdekjes dëshironte që trupi i tij të balsamosej, u hodh poshtë. “Pibe de Oro” u varros në Bela Vista, periferi e kryeqytetit, atje ku ndodhen edhe prindërit e tij. Me kërkesë të familjes, ceremonia e varrimit u zhvillua në mënyrë private.

Pas varrimit, e gjithë vëmendja u spostua në stadiumin San Paolo të Napolit, atje ku tifozët u mblodhën përpara ndeshjes së Europa League të Napolit, me këngë dhe flakadanë të kuq, duke nderuar ikonën e klubit të tyre. Nderimet, sikurse në Champions, u zhvilluan edhe në të gjitha ndeshjet e Europa League, por me fokus tek sfida mes Napolit dhe Rijekës. Të gjithë futbollistët zbritën në fushë me fanelën numër 10 të Maradonës, ndërsa bënë minimumin për ta përcjellë si duhet Diego Armando Maradonën, duke triumfuar në San Paolo.

Vazhdo leximin

Bota

Diplomati amerikan: Çelësi që Biden do bindë Serbinë për të njohur Kosovën

Publikuar

on

nga

Mediat serbe kanë publikuar një analizë të ish-diplomatit amerikan me një përvojë në Ballkan, aktualisht Profesor në Universitetin e Kembrixhit, Timothy Less, i cili ka publikuar një analizë të gjatë për Ballkanin.

Siç bën të ditur televizioni B92 në edicionin e saj në gjuhën angleze, Less, thekson se ka një plan që mund të sjellë në funksion një Ballkan të ri, ku Serbia do të njohë Kosovën si shtet t ëpavarur, pa shkëmbyer territore.

Sipas tij, kjo është dhënia Serbisë e një roli drejtues në një Ballkan pa kufi që mund t’i ngjajë një lloj Eu-Jugosllavie. Duke shpjeguar këtë mendim, ai tha se Ballkani Perëndimor mund të bëhet një entitet i ri multietnik i përbërë nga “gjashtë shtete”, të lidhur ngushtë me BE, të kryesuar nga Beogradi.

“Kjo nuk do të jetë saktësisht një Jugosllavi e re, e cila ishte një produkt i kohës së saj; por faktet në terren do ta detyrojnë Biden të kthehet në logjikën e së kaluarës së afërt dhe të shtyjë për krijimin e mishërimit të saj të shekullit 21 – një EUgoslavia e re”, shkruan Less në për “Opendemocracy.net” .

Në lidhje me logjikën se pse Beogradi do të ishte në krye të asaj njësie multietnike, Less shpjegon për faqen politike britanike me faktin se “Serbia ka rivendosur pozicionin e saj si shteti kryesor në Ballkan pas shfaqjes së një udhëheqësi të fortë i cili përfundoi kaosi i viteve 2000 dhe një periudhë e reformës strukturore e cila ka shfrytëzuar përparësitë e qenësishme të Serbisë si ekonomia më e madhe e rajonit dhe qendra e gravitetit”.

Less gjithashtu thekson se “Serbia gjithashtu është angazhuar në një manovër të mençur diplomatike që e ka lejuar të jetë levë e fuqive të ndryshme jo-perëndimore të cilat dëshirojnë një prani në Ballkan, si Rusia për të mbrojtur veten kundër ekspansionizmit perëndimor, Kina për arsye ekonomike dhe Turqia si pjesë e përpjekjes së saj për statusin e fuqisë së madhe”.

Kjo, shton ai, ka forcuar pozicionin e Serbisë në lidhje me Shtetet e Bashkuara.

“Nëse Presidenti Biden dëshiron t’i qëndrojë besnik qëllimit të kahershëm amerikan për krijimin e një lloj zgjidhjeje të qëndrueshme në Ballkan që lejon zhvillimin e saj të brendshëm dhe integrimin e jashtëm me Perëndimin, ai duhet të punojë brenda parametrave të këtij realiteti të ri”, tha Less.

Ai vlerëson se nuk ka dyshim që administrata e Biden do të dëshirojë të anulojë atë që bëri ish-Presidenti Donald Trump, por që, përballur me situatën në terren dhe realitetin e ri, ai do të duhet të vazhdojë atje ku u ndal paraardhësi i tij republikan.

Një nga elementët e qasjes së Trump, të cilin Biden do të duhet të ruajë, siç shprehet Less, është iniciativa për krijimin e një zone ekonomike rajonale në Ballkanin Perëndimor, d.m.th. mini-Shengen.

Sipas Less, administrata e Biden do të shohë që Serbia mbështet një bashkim të tillë ekonomik, si dhe vendet e tjera në Ballkanin Perëndimor, përfshirë Shqipërinë.

“Një projekt që i jep Serbisë një pozicion drejtues në Ballkan mund të jetë i mjaftueshëm për të bindur Beogradin të njohë pavarësinë e Kosovës pa këmbëngulur në ndarjen e saj – dhe të ulë marrëdhëniet e saj me Rusinë, Turqinë dhe Kinën,” tha Less.

Ky ekspert nga Kembrixh përsërit se disa në administratën e Biden do të ndjekin idenë e “shpërblimit” të Serbisë në këtë mënyrë, por siç thekson ai, përballja me realitetin politik në terren do ta lërë atë me pak mundësi të tjera.

Sipas Less, çelësi i qasjes së Biden do të jetë, mbi të gjitha, interesi i Shteteve të Bashkuara dhe jo vlerësimi se kush do të fitonte pak a shumë duke krijuar një union ekonomik në Ballkanin Perëndimor.

“Duke kandiduar me këtë politikë, Administrata e Biden jo vetëm që do të zgjedhë atje ku u ndal Trump por do të ringjallë strategjinë e fuqive të mëdha në shekullin e njëzetë ndërsa ata shqyrtuan se çfarë të bënin me koleksionin e ndryshëm të kombeve që dolën nga shpërbërja e Perandoria Osmane dhe më pas në mënyrë të përsëritur luftuan me njëri-tjetrin për të krijuar shtetet kombëtare “, beson Timothy Less.

“Vendosja e bërë pas Luftës së Parë Botërore, dhe përsëri në fund të Luftës së Dytë Botërore, ishte se stabiliteti i rajonit varej nga mbledhja e popujve të ndryshëm në një njësi më të madhe, pa kufij të brendshëm nën administrimin e përgjithshëm të Beogradit, kryeqyteti i kombit më të madh të rajonit dhe qendrës së tij natyrore politike. Njëqind vjet më vonë, kjo logjikë strategjike nuk ka ndryshuar “, përfundoi Less./GazetaShqip

Vazhdo leximin

Aktuale