Connect with us

Maqedonia e Veriut

Talat Xhaferi thërret seancën për zgjedhjen e Kryetarit të Kuvendit

Published

on

Kryesuesi i Kuvendit, Talat Xhaferi nga BDL ka thirrur për nesër vazhdimin e seancës konstituive për zgjedhjen e Kryetarit të ri të institucionit ligjvënës.

Xhaferi për Tv24 thotë se nga mediat ka mësuar se Presidenti nesër mandatin për formimin e Qeverisë do t’ja japë Zaevit. Dhe për këtë arsye ka urdhëruar që të përgatisin vazhdimin e seancës.

“Nga mediat mësova se Pendarovski mandatin për formimin e Qeverisë do t’ja japë Zaevit, që sipas Kushtetutës e ka shumicën dhe se është përfunduar zgjedhja e kryetarit të Kuvendit, me çka do të përfundojë zyrtarisht edhe konstituimi i Kuvendit. Prandaj kjo është arsyeja që urdhërova shërbimet parlamentare që të përgadisin vazhdimin e seancës konstituive”, tha Xhaferi për Tv24.

Continue Reading

Lajme

Tender për 200 mijë vaksina – Qeveria i jep dritë jeshile Ministrisë së Shëndetësisë

Published

on

Qeveria ka filluar procedurë për furnizim të 200.000 dozave shtesë të vaksinës kundër KOVID-19

Qeveria në seancën e sontme të rregullt të 42-të e ka shqyrtuar dhe miratuar Informatën për furnizimin e SARS- KoV-2 e vaksinës së inaktivuar kundër Kovid-19, informojnë nga Pres shërbimi qeveritar.

Me konkluzë të Qeverisë, Ministria e Shëndetësisë ka marrë për detyrë të zbatojë procedurën për furnizimin e 200.000 dozave nga SARS- KoV-2 kundër KOVID-19 konform nenit 55 paragrafi (1) pika g) e Ligjit për furnizime publike ose përmes procedurës për negociata pa shpallje të konkursit.

“Bëhet fjalë për furnizim të ri të sasive shtesë krahas atyre nga mekanizmit KOVAKS prej 833.000 dozave të vaksinave për të cilën Ministria e Shëndetësisë ka realizuar pagesë të paradhënies dhe ka siguruar garanci financiare me çka ka përmbushur detyrimet financiare që dalin në bazë të Marrëveshjes së lidhur. Sipas paralajmërimeve të mekanizmit KOVAKS sasitë e para për këtë furnizim priten të shpërndahen në gjysmën e parë të shkurtit”, informojnë nga Pres shërbimi qeveritar.

Qeveria përmes Ministrisë së Shëndetësisë është në fazën përfundimtare nga bisedimet e drejtpërdrejta me prodhuesin “Fajzer” për furnizimin edhe të 800.000 dozave për shpërndarjen e njëpasnjëshme të sasive të dakorduara në muajt e ardhshëm prej të cilave të parat në muajin shkurt.

Continue Reading

Lajme

Cili deputet aktual ka qënë i dënuar për përdhunim?! (VIDEO)

Published

on

Deputeti i VMRO-DPMNE’së, Antonio Milloshoski ditë më parë nga foltorja e Kuvendit të Maqedonisë së Veriut zbuloi një fakt tronditës lidhur me njërin prej kolegëve të tij deputetë. Teksa diskutohej për Ligjin për mbrojtjen e grave nga dhuna, Milloshoski përveç mbështetjes për ligjin, propozoi që në të ardhmen si dispozitë ligjore të vendoset që asnjë deputet, kryetar komune, ministër apo funksionar tjetër i lartë, të mos zgjidhet nëse më parë ka kryer vepër penale “dhunë ndaj grave”. Kjo për faktin se sipas tij, brenda Kuvendit të Maqedonisë ka një deputet, i cili më herët ka qënë i dënuar për “përdhunim”, përcjell in7.

“Mes nesh kemi një koleg deputet që ka kryer përdhunim ndaj një gruaje. Për atë ka qënë i dënuar, por megjithatë ushtron funksion të rëndësishëm”, tha mes tjerash Milloshoski.

Por se cili mund të jetë ky deputet, Milloshoski nuk dha detaje, madje këmbënguli që të mos e tregojë identitetin e tij për arsye se, siç tha ai, nuk dëshiron të ngjallë kujtime të këqija tek viktima./in7.tv/

Continue Reading

Lajme

Nata kur Maqedonia e Veriut pësoi sulmin më të madh kibernetik

Published

on

By

Natën e 15 korrikut 2020, qytetarët e Maqedonisë së Veriut mezi prisnin rezultatet paraprake të zgjedhjeve parlamentare të mbajtura atë ditë. Menjëherë pasi u mbyllën qendrat e votimit, faqja e internetit e Komisionit Shtetëror të Zgjedhjeve u rrëzua. Fillimisht ajo ngjarje u besua të ishte një problem i vogël teknik.

Në orët e ardhshme, rezultatet e zgjedhjeve nuk u gjetën askund në faqen e internetit, ndërsa komisioni u detyrua të njoftojë manualisht përditësimet më të fundit në një kanal të improvizuar në YouTube. Dhe gjërat nuk u përmirësuan në orët e vona të natës.

Atë natë, vendi pësoi sulmin më të madh kibernetik në historinë e tij. Uebsajti i komisionit zgjedhor mbeti i bllokuar edhe gjatë ditëve që pasuan, duke u rikuperuar nga një sulm i fortë i formës së mohimit të shërbimit (DDoS) në shkallë të plotë, që paralizoi funksionet e tij, teksa mijëra adresa IP shënjestruan sajtin.

Muaj më vonë, hetimi i autoriteteve mbi këtë çështje, nuk ka dhënë ende ndonjë të dhënëse kush mund të fshihet pas atij sulmi. Ndërsa autoritetet pretenduan se sulmi kibernetik nuk pati ndonjë pasojë serioze në procesin zgjedhor dhe vetë rezultatet, ai arriti të nxjerrë në pah se sa të brishta janë sistemet e IT të institucioneve qeveritare në vend.

Disa javë më vonë, hakerat shënjestruan disa ministri, duke dëshmuar sërish nevojën urgjente për masa më të mira të sigurisë kibernetike. Mungesa e ekspertizës midis stafit, burimet e pamjaftueshme financiare, dhe neglizhenca e përgjithshme e zyrtarëve kur është fjala për mbrojtjen kibernetike, janë ndër çështjet kryesore që shqetësojnë institucionet shtetërore në të gjithë rajonin.

Por nuk është vetëm Maqedonia e Veriut. Shumë vende të tjera në rajon, nuk po bëjnë sa duhet për të pasur sisteme të forta të mbrojtjes kibernetike. Dhe në shumicën e rasteve, individët provojnë të jenë hallka më e dobët, pasi nuk janë të trajnuar se si të mbrohen nga sulme të tilla.

Gjatë viteve të fundit, vendet anëtare të NATO-s në të gjithë rajonin janë goditur rëndë nga sulme të ndryshme kibernetike. Në vitin 2019, Bullgaria pësoi vjedhjen më të madhe të të dhënave personale në rajon, kur u godit nga hakerat Agjencia e saj Kombëtare e të Ardhurave.

Të dhënat personale të më shumë se 5 milionë bullgarëve janë tashmë të ekspozuara, dhe baza e të dhënave është shpërndarë në forume të ndryshme të hakerave. Autoritetet akuzuan për sulmin një ekspert bullgar të sigurisë kibernetike, edhe pse motivet e aktit të tij mbetën të paqarta.

Ai sulm ilustroi se sa të dobëta ishin praktikat e sigurisë kibernetike në institucionet e qeverisë bullgare. Teksa vendi vlon nga tensionet politike pasi është në prag të zgjedhjeve parlamentare që do të mbahen nëmars, sulmi kibernetik ndaj Agjencisë Kombëtare të të Ardhurave mund të shërbejë si një paralajmërim për atë që mund të ndodhë më tej.

Përveç sulmeve në formën ransomware, sulmet DDoS dhe malware janë disa nga mjetet më të zakonshme që hakerat kanë përdorur për të synuar institucionet shtetërore. Në shumicën e rasteve, dëmi që mund të shkaktojnë këto lloj sulmesh mund të jetë shumë i kushtueshëm.

“DDoS janë një nga sulmet më të zakonshme të hakerave, për faktin se ato janë relativisht të thjeshta dhe të lira për t’u kryer, krahasuar me llojet e tjera të sulmeve”-thotë Ljubica Pendaroska, eksperte e mbrojtjes së të dhënave dhe privatësisë.

“Por dëmi i mundshëm që mund të shkaktojnë ato mund të jetë shumë i madh, në miliona euro të humbura, sisteme të kompromentuara, mosbesim ndaj institucioneve, vjedhje të të dhënave, dhe gjëra të ngjashme”- shton ajo.

Ndërkohë motivet e sulmeve kibernetike mund të ndryshojnë. Për disa, siç është rasti me sulmet ransomware, përfitimet mund të jenë thjesht financiare. Ndërkohë të tjerat,mund të kenë qëllime më keqdashëse. Mali i Zi, anëtar i NATO-s që nga viti viti 2017 dhe një aspirant për t`u anëtarësuar në BE, mbajti zgjedhjet parlamentare në fund të muajit gusht.

Nga frika e një hakmarrjeje pas përpjekjes së dështuar të grushtit të shtetit në vitin 2016, i mbështetur nga Rusia, autoritetet malazeze patën takime të shpeshta me ekspertë të sigurisë kibernetike nga Shtetet e Bashkuara.

Misioni synoi t’i përgatiste zyrtarët për çdo përpjekje të mundshme të hakerave rusë, që mund të synonin proceset zgjedhore. Sidoqoftë, siç e tregoi një sulm rus i kohëve të fundit ndaj agjencive qeveritare të SHBA-së, kjo detyrë mund të mos jetë një detyrë aq e lehtë.

Por edhe nëse vetë qeveria amerikane mbetet e pambrojtur, Uashingtoni është një fuqi kibernetike që mund të ndihmojë vendet më të vogla. Agjenci të ndryshme amerikane mund të ndihmojnë Bullgarinë, Rumaninë, Maqedoninë e Veriut dhe partnerë të tjerë të SHBA-së në rajon, dhe ato e kanë bërë këtë gjënë shumë raste.

Në Ballkan, një rajon i njohur për paqëndrueshmërinë e tij politike dhe ekonomike, sulmet kibernetike ndaj institucioneve shtetërore, mund të përdoren për të ushqyer tensionet midis shumë vendeve që kanë mosmarrëveshje të vazhdueshme, dhe që mund të kenë pasoja politike dhe ekonomike.

Kohët e fundit, kryeqyteti rumun i Bukureshtit fitoi garën për të pritur qendrën e re kërkimore të BE-së për sigurinë kibernetike, e cila synon të ndihmojë në luftën kundër hakerave privatë dhe atyre të sponsorizuar nga shtete të ndryshme. Pasja e një institucioni të këtij kalibri në rajon, do të tregonte një angazhim të fortë për ndërtimin e kapaciteteve efikase për të penguar sulmet kibernetike.

Nga ana tjetër, NATO pohon se zotëron të gjitha kapacitetet e saj të sigurisë kibernetike në dispozicion për vendet anëtare, veçanërisht kur ka kërcënime që synojnë procese të ndryshme demokratike. Gjithsesi, sulmet e shumta ndaj institucioneve të ndryshme shtetërore në vendet anëtare gjatë viteve të fundit, sugjerojnë se aleanca duhet të bëjë më shumë për t’iu kundërvënë kërcënimeve të tilla. / “Foreign Policy”/ Bota.al

Continue Reading

Aktuale