Connect with us

Denoncime

Keqmenaxhimi rezultat i grumbullimit të qytetarëve para bankave në Tetovë

Published

on

Shumë qytetarë për ditë të tëra po shihen të grumbulluar para Stopanska Bankës në Tetovë dhe po presin me ora të tëra që të marrin kartelën financiare për kategoritë sociale që po i ndanë Qeveria, edhe pse terminet i kanë në orë të caktuara dhe datë të caktuara, shkruan in7.

Kështu një qytetare që po priste para bankës, për in7 thotë, se edhe pse kemi pasur termin, të cilin e kanë parë dhe kishte dëshmi që ka termin, që nga dita e djeshme po pret para filialës së bankës dhe ende nuk ka mundut të futet dhe të kryejë punë.

“Unë dje më 01.Korrik 2020 në ora 12:35 kam pasur terminin për të marrë kartelën, por që dje nga kjo kohë nuk po mundem të të vij në radhë që të kryej punë, më kanë dhënë një numër, këta të sigurimit para bankës, e ky numër është i 235, kurse këtu në rradhë është numri 11, kështu ndodhi edhe dje, kisha numër 354 i cili deri në ora 19, sa edhe punon banka, nuk erdhi në radhë, nuk e di pse ndodh kjo, pasi në kohë pandemie nuk është në rregull të punonet kështu. Problemi qëndron pikërisht në menaxhimin egjithë kësaj pune nga ana e bankës , pasi ka banka tjera që shumë më mirë e kanë menaxhuar këtë situatë”, thotë një qytetare e cila priste rradhë për të marrë kartelën para bankës.

 

Nga shtabi i krizës në komunën e Tetovës vazhdojnë të apelojnë deri tek bankat që të shtojnë numrin e rendmbajtësve.

“Ditëve të fundit vërehet një frekuentim i shtuar i qytetarëve përpara objekteve bankare, që lidhet me dhënien e kartelave pagesore vendore. Me qëllim që të evitohen skenarë të padëshirueshme të infektimit të mundshëm si pasojë e grumbullimit në masë të njerëzve, apelojmë që bankat komerciale të rrisin numrin e rend mbajtësve në sportele dhe hapësirat e jashtme përpara objekteve bankare,” u tha nga Shtabi i Krizës, Tetovë.

Në lidhje me këtë in7 ka komunikuar me përfaqësues të bankës në fjalë, të cilët thonë se të gjithëve personave u dërgohet sms ku i lajmërojmë për terminin kur do të duhet që të marrin kartelën, duke mos dhënë asnjë informacion se ku tangon kjo procedurë, e cila është treguar e pasuksesshme, pasi bankat tjera e kanë të rregulluar më mirë këtë procedurë.

Para bankës nuk mungojnë edhe zënkat në mes të qytetarëve, ku gati çdo ditë ka konfrontime verbale, por ndonjëherë edhe fizike në mes të qytetarëve dhe në mes të të punësuarëve në këtë bankë, thonë qytetarët.

Kjo gjendje është kështu, që kur Qeveria nxori emrat e qytetarëve që janë fitues të karteleve për të blerë produkte ushqimore vendore.

Por para bankave mund të shihet sigurim që mbajnë vetëm radhë që të futen në bakë në bazë të numrit dhe jo edhe për ruajtjen e distancës. Në qytetin e Tetovës gjatë ditëve të fundit rastet e të infektuarëve me Covid 19 po shtohen./in7.tv/

Continue Reading

Denoncime

Platforma e gjelbër në Strugë / Digjet deponia e egër në Labunisht, banorët në hall po helmohen nga tymi dhe gazrat

Published

on

By

Prej më shumë se 12 orësh në Labunisht të Strugës digjet deponia e egër sipër fshatit. Banorët janë në hall, po helmohen nga tymi dhe gazrat që lëshohen prej zjarrit, ndërsa askush nga autoritetet nuk ka dalur në vendngjarje, shkruan in7.

Sipas portalit lokal VOX Struga, zjarri ka filluar prej orëve të drekës, ndërsa sipas disa dëshmitarëve shenja zjarri e tymi ka pasur edhe ditën e djeshme. Deponia e egër në Labunisht po rritet për çdo ditë dhe paraqet problem të kahmotshëm për banorët e këtij rajoni, që përfshin fshatrat Labunisht, Borovec, Oktis dhe Podgorcë.

Këshilltari i Aleancës për Shqiptarët në Strugë, Jasmin Qazimoski që vjen nga Labunishti, para disa minutash ishte në vendngjarje dhe përmes një video lidhje tregoi se askush nuk gjendej atje. As zjarrfikës e as nga Ndërmarrja Publike Higjiena. Sipas Qazimoskit, këtë deponi banorët e Labunishtit e kanë nga kryetari aktual i Komunës së Strugës, Ramiz Merko.

Kjo ngajrje ndodh një ditë pas vizitës së zëvendëskryeministrit Artan Grubi në Strugë, i cili bashkë me kreun e komunës u zotuan për Platformën e Gjelbër dhe efektet e saj në Strugë./in7.tv/

Continue Reading

Denoncime

“Teuta Arifi realizoi me sukses projektin nga platforma ‘Gjubret e Gjelbërta'”

Published

on

By

Aktivisti i shquar, Arianit Xhaferi ka denoncuar në rrjetin social facebook një fenomen aspak të këndshëm që ndodh në Tetovë. Xhaferi ka publikuar fotografi me grumbuj mbeturinash pranë Spitalit të Tetovës, duke ironizuar me kryetaren e Komunës së Tetovës, Teuta Arifi. Sipas, Xhaferit, vetëm disa ditë pasi partia e Arifit, BDI u bë parti e gjelbër, kryetarja e Tetovës ka realizuar projektin me sukses nga platforma, të cilën Arianit Xhaferi e quan “Gjubret e Gjebërta”, përcjell in7.

“Tetova, nën udhëheqjen e Teuta Arifit të BDI-së, vetëm disa ditë pasi subjekti politik i tyre u ngjyros jeshile. Në afërsi të kësaj pike mbeturinash është spitali i Tetovës. Ky është projekt i realizuar me sukses nga Teuta Arifi, nga programi i BDI-së “Gjubret e Gjelbërta””, ka shkruar aktivisti Arianit Xhaferi./in7.tv/

Continue Reading

Denoncime

Skandaloze / Ministria e Arsimit tallet me Gjuhën Shqipe dhe prindërit shqiptarë

Published

on

By

Tallje, përbuzje dhe përdhosje të gjuhës shqipe është vërejtur sot, në mesazhet që Ministria e Arsimit përmes platformës “e-dnevnik”, apo ditarit elektronik, ua ka dërguar prindërve të nxënësve shqiptarë në vend. Si rezultat i fundit të vitit, prindërit kanë pasur mundësi të kenë qasje në ditarin elektronik për të kontrolluar suksesin e fëmijëve të tyre. Për këtë arsye, Ministria e Arsimit i falënderon ata për ndihmën dhe bashkëpunimin gjatë këtij procesi, njofton in7.

Por, pikërisht në këtë mesazh falënderues, ka ndodhur edhe nënçmimi dhe “tallja” me prindërit shqiptarë. Një mesazh me plotë gabime dhe me asnjë fjalë të shkruajtur siç duhet. I mbushur me pikëpyetje që zëvendësojnë ndonjë shkronjë që mungon, asgjë nuk kuptohet në mesazhet e dërguara. Disa nga këto mesazhe erdhën edhe në Redaksinë tonë si denoncim qytetarët.

Mesazhi në fjalë është mesqzh elektronik që u dërgohet të gjithë prindërve, ndërsa dërgimi bëhet sipas gjitha gjasave përmes ndonjë aplikacioni, nga ku edhe duket se është bërë gabimi./in7.tv/

Continue Reading

Aktuale