Connect with us

Lajme

Milloshoski: Incizimet e mia ilegalisht janë bërë nga DSK në vitin 2011 në kohën e Mijallkovit

Published

on

Deputeti nga radhët e VMRO-DPMNE-së, Antonio Milloshoski sonte në profilin e tij në Fejsbuk ka shkruar se pesë bisedat përgjuara që sot janë publikuar në Jutjub, ilegalisht janë bërë nga DSK në vitin 2011 në kohën e Mijallkovit.

Në Jutjub sot janë publikuar biseda ku dëgjohet zëri i Milloshoskit se si bisedon me ish-kryetarin e Gjykatës së Lartë, Jovo Vangelovski lidhur me rastin e Shoqatës së shoferëve – Kërçovë, me të cilin ishte i lidhur babai i tij.

“Të nderuar gazetarë, sonte u publikuan 5 prej 6 incizimeve të mia, ilegalisht të bërë nga DSK në vitin 2011 në kohën e Mijallkovit. Më lejoni t’ju njoftoj se e di personin që ilegalisht i posedon kopjet nga gjitha incizimet e PSP-së, personalisht e kanë koordinuar selektimin dhe e kanë porositur publikimin. Ai është personi Z.Z, ai i cili rrejshëm thoshte se i ka dorëzuar gjitha incizimet në PSP dhe se nuk posedon kopje të të njëjtave. Z.Z me publikimin e këtyre incizimeve dëshmuat se pa të njëjtat ju nuk do të mundnit të shantazhoni deputetë, biznesmenë dhe të jeni edhe prokurorë, kryeministër dhe gjykatës, njëkohësisht. Duket se ju ka lënduar publikimi i dy materialeve për parregullsitë e juaja. Dhe keni të drejtë, akoma do t’ju lëndojë. Si erdhët ashtu edhe do të shkoni! Dëgjohemi së shpejti”, ka shkruar Milloshoski në Fejsbuk.

Continue Reading

Bota

Aeroplanit i shpërthen goma gjatë aterrimit, pasagjerët në Nepal detyrohen ta shtyjnë (Video)

Published

on

Pasagjerët që po udhëtonin me një aeroplan të vogël të aviokompanisë nga Nepali, Tara Air, janë detyruar të shtyjnë aeroplanin nga pista, pasi që derisa po zbriste në pistë i kishte shpërthyer njëra gomë.

Pasagjerët e aeroplanit me 19 ulëse janë filmuar duke e shtyrë fluturaken që kishte “ngecur” në aeroportin Bajura në Kolit të Nepalit.

Personeli i aeroportit kanë vrapuar menjëherë që t’i ndihmojnë në “pilotimin” e fluturakes deri në pistë, derisa aeroplanët tjerë po qëndronin prapa tij – duke pritur që kaosi i krijuar të zhduket.

Ky aeroport nuk ka makineri për situata të tilla, kështu janë detyruar të mbështeten në pasagjerët zemërgjerë që u dolën në ndihmë.

Continue Reading

Lajme

ASH mban Kuvendin e degës në Manastir, falemenderohen dhe dëgjohen sugjerimet e strukturave

Published

on

Dega e Aleancës për Shqiptarët në Manastir ka mbajtur sonte Kuvendin e degës në të cilin është raportuar për zgjedhjet e fundit lokale dhe aktivitetet që planifikohen në vijim, përcjell in7

Pas mbledhjes së Kuvendit të degës së Aleancës për Shqiptarët në Manastir, nënkryetari Remzi Mehmedi dhe deputeti Syrija Rashidi realizuan një bashkëbisedim me strukturat lokale.
Përfaqësuesit e Kresisë Qendrore falemenderuan strukturat dhe aktivistët nga Manastiri për angazhimin në procesin e fundit zgjedhor dhe aktivitetet e përgjithshme partiake, ndërsa dëgjuan edhe sugjerimet dhe propozimet e ndërsjella për veprimtarinë e mëtejme.
Falemenderim për çdo anëtarë dhe aktivist që ka kontribuar në proceset e deritanishme dhe gadishmërinë për avancimin e betejave politike, thuhet në njoftimin e Aleancës për Shqiptarët./in7.tv/

Continue Reading

Lajme

Mariçiq demanton Alternativën: BE-ja nuk ka mekanizma për hetim të rasteve gjyqësore në Maqedoni

Published

on

Në marrëveshjen të cilën e nënshkruan lideri i LSDM-së Zoran Zaev dhe kryetari i Alternativës, Afrim Gashi qëndron se do të ketë hetim ndërkombëtarë të disa rasteve gjyqësore si “Lagjja e Trimave”, “Monstra”, “Alfa” dhe “Almiri i vogël”.

Sonte ministri i Drejtësisë, Bojan Mariçiq në ClickPlus në TV21 shpjegoi se çfarë do të thotë kjo:

“Me sa di unë, këto janë rastet që janë diskutuar dhe që janë përfshirë në marrëveshjen e liderëve të dy partive. Është e logjikshme që shkaktuan një numër të madh reagimesh dhe kur të hyjmë në thelbin e çështjes do të shohim se me këtë marrëveshje nuk mund të ndikojnë në ato raste. Publiku nuk ka hapësirë për shqetësim se faktori politik, se pushteti do të përzihet në rrjedhën apo në vendime. Ne kemi pasur edhe më herët kur partitë politike kanë kërkuar monitorim, kemi pasur situata dhe me kërkesë të VMRO-DPMNE-së, kur është negociuar Ligji për Prokurorinë Publike, qeveria ka kërkuar monitorim për rastet e korrupsionit të lartë”, tha Mariçiq.

Mariçiq bëri të ditur se tashmë kanë kërkuar nga BE-ja që të kryejë ndonjë lloj hetimi, ndërsa u janë përgjigjur se nuk kanë mekanizma për të kryer hetime, por vetëm për të formuar ekip që do të monitorojë rastet. Ndërsa i njëjti monitorim sipas Mariçiq ka filluar në korrik ndërsa janë monitoruar 20 raste të tilla.

Të tjera: Mariçiq: Ata që janë të pakënaqur me vendimet gjyqësore për disa raste, t’i drejtohen Këshillit Gjyqësor.

Continue Reading

Aktuale