Connect with us

Shqipëri

“Koronavirusi duhet të ketë hyrë në Shqipëri”, Pëllumb Pipero sqaron pse mendon kështu

Published

on

Mjeku Pëllumb Pipero thotë se mendon që mund të ketë raste me koronavirus në Shqipëri, por duke theksuar se mund të jetë edhe i gabuar. Por sipas tij, “ndoshta në 2-3 javë edhe këtu mund të jetë rasti i parë i konfirmuar”.

Blendi Fevziu: Mund të kemi ne koronavirusin prezent në Shqipëri, por që se kemi kapur akoma?

Pëllumb Pipero: Unë mendoj, personalisht mendoj se virusi duhet të ketë hyrë në Shqipëri, duhet të ketë hyrë sipas meje. Ka apo s’ka qarkullim të shtuar, ka apo s’ka kontakte, këtë nuk mund ta them, nuk mund të jem i saktë, mund të jem dhe i gabuar. Unë mendoj se ndoshta në 2-3 javë edhe këtu mund të jetë rasti i parë i konfirmuar, ndoshta në 2-3 javë sepse duhet ajo periudha e inkubacionit. Kini parasysh një gjë, duhet të paktën një numër minimal, të paktën 100 mostra, të analizuara, që të izolohet rasti i parë… aktualisht nuk ka asnjë indikator, as epidemiologjik as klinik që të kemi qarkullim të shtuar”.

Deklaratat mjeku i bëri mbrëmjen e djeshme në emisionin “Opinion”.

Continue Reading

Lajme

Jozefina Topalli rendit tradhtitë e Lulzim Bashës: Po them vetëm disa por…

Published

on

Ish kryetarja e Parlamentit Jozefina Topalli ka dalë kundër veprimeve të Lulzim Bashës, që sipas saj po përjashton nga partia këdo që i del kundër.

Në një intervistë për media, Topalli renditi edhe tradhtitë e Bashës, apo kauzat që ai ka lënë në mes të rrugës.

Mes tradhtive, Topalli rendit braktisjen e çadrës dhe hyrja në qeveri me Ramën, protesta te Rruga e Kombit, kauza e Teatrit, apo edhe bojkoti i zgjedhjeve.

“Ata nuk mund të dezertonin misionin e tyre. Një forcë demokratike nuk mund të përjashtojë njerëz se kritikojnë kryetarin . Një forcë demokratike nuk e shkel statutin apo të kryejë votime, siç ishte votimi i kryetarit të partisë që me zë e figurë u vërtetuan manipulimet. Po them vetëm disa por i gjithë procesi ka qenë i pabesueshëm sepse çdo kauzë që ka ngritur ka qenë kauzë e tradhtuar. Hyri në zgjedhje, tradhtoj çadrën dhe hyri në zgjedhje me Edi Ramën. Rruga e Kombit u tradhtua sepse familjarët e tij u strehuan në pallatin e biznesmenit që ndërtoi rrugën, kauza e teatrit u tradhtua. Tradhtoi demokratët dhe procesin zgjedhor. Një PD nuk mund të thotë kurrë nuk hyj në zgjedhje. Ajo konkurron në tregun politik”, tha Topalli.

Continue Reading

Lajme

​Shqipëri: Ulet numri i të infektuarve me COVID gjatë 24 orëve

Published

on

Numri i të infektuarve me COVID gjatë 24 orëve ka pësuar rënie në Shqipëri, ndërsa 13 të prekur janë në gjendje të rënduar të shtruar në spital.

Nga 1.440 testime kanë rezultuar pozitivë me COVID19, 172 qytetarë, prej tyre më së shumti janë në Tiranë -78.

Janë 6.359 pacientë aktivë me COVID19 në të gjithë vendin. Aktualisht në spitalet COVID po marrin trajtim 145 pacientë, nga të cilët 13 janë në gjendje më të rënduar.

Me gjithë përpjekjet e mjekëve, në 24 orët e fundit ka 5 humbje jete, një qytetar 81 vjeç nga Berati, tre qytetarë nga Tirana 85-91 vjeç, një 90 vjeçar nga Lushnja.

Janë shëruar 190 qytetarë gjatë 24 orëve të fundit, duke e çuar numrin e të shëruarve në 192.428.

Numri i të vaksinuarve ka shkuar në mbi 2,1 milionë, ndërsa çdo qytetar mbi 16 vjeç, mund të vaksinohet në qendrën shëndetësore ose në pikën më të afërt të vaksinimit të përqendruar.

Vaksinimi është i hapur edhe për fëmijët +12 vjeç me probleme të sistemit imunitar, me rekomandim nga mjeku.

Gjithashtu ka nisur vaksinimi me dozën e tretë për të gjithë qytetarët +18 vjeç që kanë kaluar 6 muaj nga kryerja e dozës së dytë.

Që nga shpërthimi i epidemisë me koronavirus në Shqipëria janë konfirmuar 201.902 raste, prej tyre 192.428 janë shëruar, 6.359 janë raste aktive, ndërsa betejën me sëmundjen e rrezikshme e kanë humbur 3.115 pacientë.

Continue Reading

Lajme

Skandal, vrasësi i oficerit në Shqipëri u pajis me pasaportë false në shtetin grek

Published

on

Vrasësi i një oficeri policie në Shqipëri është një nga klientët e bandës së falsifikimit të dokumentave në Greqi.

Shqiptari i cili po ndiqej penalisht për vrasjen e policit është pajisur me identitet grek fals nga grupi kriminal që u ndryshonte identitetin kriminaleve shqiptare me qëllim që t’i shmangeshin drejtësisë. Për identitetin e rremë ai ka paguar shumën prej 35,000 euro.

Emri i shqiptarit dhe i efektivit të vrarë, nuk bëhet me dije ende.

Rrjeti i falsifikatorëve u çmontua fal një identiteti të rremë të zbuluar rastësisht. Ky rrjet raportohet se kishte ngritur struktura me detyra të ndara specifike, që shumë kompani do ta kishin zili. Ky grup i mundësonte kriminelëve kryesisht shqiptarë që të “pagëzoheshin” si grekë të ish Bashkimit Sovjetik.

Rrjeti me identitete të rreme dhe helenizime të paligjshme vepronte kryesisht në Atikë. Deri më tani janë arrestuar dy drejtuesit, nëntë oficerë policie, një nëpunës civil, një avokat, një sekretar dhe pesë anëtarë të tjerë të unazës falsifikuese.

Një klient u arrestua edhe për ryshfet punonjësi, certifikatë false dhe përdorim certifikate false. Në dosje janë përfshirë edhe 195 persona, ku 21 janë policë, 2 pensionistë, një nëpunës civil dhe 171 persona të tjerë.

120 punonjës policie të Drejtorisë së Punëve të Brendshme në Greqi kanë marrë pjesë në hetimet e zbuluara nga banda e falsifikimit të dokumenteve. Gjithsej 200 persona janë përfshirë në “klientelën” e këtij qarku që u shiste kriminelëve të huaj, kryesisht shqiptarë, karta identiteti dhe pasaporta false.

Continue Reading

Aktuale