Connect with us

Maqedonia e Veriut

Sobotka: Maqedonia e Veriut tashmë është vend evropian, shpresojmë për dritë të gjelbër nga fundi i muajit

Published

on

Maqedonia e Veriut me sjelljen e vet tashmë paraqet një shtet evropian dhe prandaj shpresojmë se nga fundi i marsit do të marrë dritë të gjelbër për fillim të negociatave nga ana e Këshillit të BE-së.

Këtë e deklaroi sot kryetari i Këshillit nacional austriak, Volfgang Sobotka në konferencën e përbashkët për shtyp me spikerin e Kuvendit, Talat Xhaferi.

“Austria çdoherë e ka mbështetur Maqedoninë e Veriut në rrugën e saj drejt BE-së dhe do të vazhdojë ta ofrojë atë mbështetje të fuqishme të parezervë në kuadër të strukturave të BE-së. Maqedonia e veriut gjatë perudhës së kaluar bëri përparim të dukshëm, posaçërisht në sjelljen e ligjeve të rëndësishme, si Ligjin për prokurorinë publike”, theksoi Sobotka.

Spikeri i Dhomës së Poshtme austriake theksoi se vendi kontribuon për ulje të konflikteve në rajon dhe si përparim të madh në atë kuptim e vlerësoi zgjidhjen e kontestit për emrin me Greqinë.

Xhaferi shprehi falënderim për mbështetjen nga Austria në procesin e inkuadrimit të vendit në BE dhe marrjen e datës për fillim të negociatave.

Sobotka dhe Xhaferi bashkarisht konstatuan se një Ballkan stabil, demokratik dhe prosperues është në interes të vetë BE-së, ndërsa perspektiva evropiane e rajonit është forcë kryesore shtytëse e reformave në vendet aspirante për anëtarësim.

Xhaferi e informoi Sobotkën për ngjarjet aktuale në vend, se Kuvendi për momentin është shpërndarë sepse pas vendimit të tetorit të Këshillit të Evropës për mosndarje të datës për negociata, liderët politikë i thirrën qytetarët për zgjedhje të parakohshme parlamentare në mënyrë që të deklarohen për rrugën e mëtutjeshme të vendit.

Kryetari i Kuvendit tha se po bëhen përgatitje që zgjedhjet e 12 prillit të jenë transparente, të drejta dhe demokratike, në pajtim me standardet ndërkombëtare.

Theksoi se vendi mbetet i fokusuar në qëllimin strategjik – anëtarësimin e barabartë në BE, dhe përkujtoi se në ditët e fundit të kësaj përbërje parlamentare u sollën zgjidhje të rëndësishme ligjore të cilat kontribuuan në raportin pozitiv nga KE-ja dhe rekomandim të ripërtërirë për fillim të negociatave.

“Kuptohet se e kemi të domosdoshme perspektivën e qartë evropiane, kornizën e qartë kohore dhe metodologjinë dhe në atë kuptim është shumë me rëndësi që metodologjia e re iu përgjigj në mënyrë të kënaqshme kërkesave të vendeve – anëtare për një proces më efikas, më dinamik dhe më kredibil në zgjerim”, theksoi Xhaferi.

Sobotka theksoi se në takim me Xhaferin, sot në mëngjes biseduan për bashkëpunimin e mirë bilateral mes dy parlamenteve, me ç’rast shfaqi shpresë se ai do të vazhdojë të zhvillohet edhe me përbërjen e re të Kuvendit. Shtoi se është diskutuar edhe për faktin që Maqedonia e Veriut, së bashku me Bullgarinë e mban kryesimin e Procesit të Berlinit. Theksoi se për herë të parë gjatë Samitit në Poznanj është vendosur që edhe parlamentet të përfshihen në zbatimin e Procesit të Berlinit.

Dy bashkëbiseduesit folën edhe për valën e re të refugjatëve në kufirin greko-turk, me ç’rast Sobotka theksoi se Austria e ka mbështetur përforcimin e kapaciteteve të Fronteksit dhe ndanë një milion euro përmes UNHCR-së për kampet e refugjatëve në Greqi.

Në kuadër të vizitës në vend, Sobotka do të takohet edhe me përfaqësues të komunitetit afarist: Shtefan Peter nga EVN Maqedoni SHA, Gligor Bishev dhe Alvin Aliçeviq nga Banka Shparkase Maqedoni SHA Shkup.

Sobotka është paraparë të realizojë takime të ndara me kryetarët e LSDM-së, BDI-së dhe VMRO-DPMNE-së, Zoran Zaev, Ali Ahmeti dhe Hristian Mickoski.

Continue Reading

Lajme

A do të ketë vaksinim të detyrueshëm? – Flet Filipçe

Published

on

By

A do të ketë vaksinim të detyrueshëm? – Flet Filipçe

Masa për vaksinim të detyrueshëm për momentin nuk do të zbatohet, tha ministri i Shëndetësisë, Venko Filipçe, shkruan Alsat.

“Ne kemi arritur në përfundimin se kjo ngre pyetje shumë serioze në lidhje me atë se si dikush që nuk do të pranonte të vaksinohej do të ndëshkohej përfundimisht. Nga ana tjetër është një barrë e madhe financiare. Do të shohim se çfarë do të jetë shtrirja e vaksinimit me këtë rekomandim nëpërmjet mjekëve të familjes. “Ne jemi të gatshëm të japim rekomandime të tjera”, tha Filipçe./ Alsat.mk

Continue Reading

Lajme

Nga dita e sotme ndalohet përdorimi i qeseve plastike!

Published

on

By

Nga dita e sotme ndalohet përdorimi i qeseve plastike!

Shkup, 1 dhjetor – Që nga dita e sotme, me ligj ndalohet përdorimi i qeseve të plastikës. Do të shiten vetëm qese plastike të biodegradueshme me çmim prej 15 denarëve.

Sipas Ministrisë së Mjedisit Jetësor dhe Planifikimit Hapësinorë, mjetet financiare që do të mblidhen, do të shkojnë në fondin me të cilin do të investohet në mjedisin jetësorë.

Prej sot gjithashtu objektet e hotelerisë e kanë të ndaluar të përdorin plastikë në zonat e mbrojtura si në Pelister, Mavrovë, Mali Sharr, etj.

Continue Reading

Lajme

Grubi provokon Alternativën: Ne kemi marrëveshje me LSDM-në

Published

on

By

Zëvendëskryeministri Artan Grubi duke folur për të ardhmen e qeverisë potencoi se ata si parti kanë një marrëveshje me aleatin e tyre, përkatësisht me LSDM-në, për të qeverisur vendin për 4 vjet.

Zgjedhjet lokale nuk mund të kenë pasoja për qeverisjen qendrore, mazhoranca është stabile, tha Grubi.

Ai tha se me Zaevin janë arritur shumë marrëveshje dhe shumë hapa për ta çuar vendin përpara, ku Zaevi ka qenë figura kryesore për të çuar integrimin e vendit përpara. Këto komente Grubi i bëri në Tv Alsat.

Continue Reading

Aktuale