Connect with us

Lajme

Nuk kanë koronavirus tek dy të huajt të cilët kanë qëndruar në hotelin e Shkupit

Published

on

Negative janë testet e dy të huajve, njëri shtetas i Singaporit, tjetri i Australisë, të cilët nga 28 shkurti kanë qëndruar në Shkup, kumtoi Ministria e Shëndetësisë.

Pas denoncimit të hotelit në të cilin kanë qëndruar, epidemiologët nga Qendra për shëndet publik – Shkup nga pacientët kanë marrë bris për testim në dhomën e tyre të hotelit, ku ata kanë qëndruar deri në marrjen e rezultateve. Pasdite do të dorëzohen në Klinikën për sëmundje infektive për trajtim adekuat të diagnozës.

“Gjatë ditës së sotme është bërë edhe test kontrollues i pacientes së vetme të sëmurë nga koronavirusi dhe vajzës së saj, me të cilën ajo është në kontakt dhe që të dyja në izolim në Klinikën për sëmundje infektive. Testi i pacientes është negativ në koronavirus, por sipas procedurës, do të përsëritet pas 48 orëve. Në koronavirus negativ është edhe vajza e saj”, informon Ministria.

Ministri i Shëndetësisë, Venko Filipçe në konferencën e sotme për shtyp kumtoi se sot në mëngjes në takimin e rregullt me Komisionit për sëmundje infektuese dhe komitetin e formuar për ndjekje dhe informim për gjendjen me koronavirusin është propozuar që Qeveria ta vazhdojë rekomandimin për mos mbajtjen e tubimeve masive publike dhe ndeshjet sportive pa publik, deri më 13 mars. Rekomandimi do të vendoset në rend dite në seancën e nesërme të Qeverisë.

Në kërkesë të Ministrisë së Shëndetësisë në bashkëpunim me operatorët mobilë, të gjithë pacientët nga jashtë vendit, gjatë hyrjes në shtetin tonë, do të marrin SMS porosi me rekomandim që të paraqiten në numrin telefonik të Institutit për shëndet publik nëse kanë simptoma të virusit, pavarësisht në cilin do prej katër operatorëve që do të lidhen (T-Mobile, A1, Lajka Mobajl dhe Telekabel).

Continue Reading

Kosovë

Vrasja e trefishtë në Gllogjan – nesër varrosen dy nxënësit

Published

on

By

Vrasja e trefishtë në Gllogjan – nesër varrosen dy nxënësit

Dy nxënësit që mbetën të vdekur mbrëmë në Gllogjan të Decanit do të varrosen nesër.

Kështu ka njoftuar kryetari i kësja komune, Bashkim Ramosaj, i cili ka treguar se ceremonia e varrimit do të fillojë në 13:30.

“Ju njoftoj se, nesër më dt.28.11.2021, në ora 13:30, do të filloj ceremonia e varrimit të Gentës dhe Ledianit, afër “Kompleksit Memorial të Dëshmorëve”, ndërsa varrimi do të bëhet në ora 14:00, në varrezat e fshatit Gllogjan!”, ka shkruar Ramosaj.

Mbrëmë kanë mbetur të vdekur tre persona pas sulmit me kallashnikov që i është bërë një autobusi që po bartte nxënës.

Të vdekur kanë mbetur shoferi i autobusit dhe dy nxënës.

Sipas të dhënave zyrtare ende nuk dihen motivet që kanë çuar në kryerjen e këtij akti, ndërsa po hetohen dy-tri pista.

Sipas njoftimit të institucioneve të sigurisë, për këtë rast mund të jenë të përfshirë disa persona.

Po ashtu, sipas njoftimeve të fundit të Policisë së Kosovës ende nuk është arrestuar askush ndonëse janë kryer disa bastisje që në orët e para të mëngjesit.

Continue Reading

Lajme

15 të vdekur dhe 436 të infektuar me Covid-19 në Maqedoninë e Veriut

Published

on

By

15 të vdekur dhe 436 të infektuar me Covid-19 në Maqedoninë e Veriut

Ministria e Shëndetësisë në Maqedoninë e Veriut ka njoftuar se gjatë 24 orëve të fundit nga 3 mijë e 447 testime të realizuara, 436 persona kanë rezultuar pozitivë me virusin korona.

Instituti i Shëndetit Publik në 24 orët e fundit ka regjistruar 336 pacientë të shëruar, ndërkaq 15 pacientë e kanë humbur betejën me Covid-19./21Media

Continue Reading

Lajme

Dimitar Kovaçevski do të kandidohet për kryetar të LSDM-së

Published

on

By

Dimitar Kovaçevski do të kandidohet për kryetar të LSDM-së

Shkup, 27 nëntor – Zëvendësministri i Financave dhe anëtar i Këshillit qendror të LSDM-së, Dimitar Kovaçevski ka deklaruar se do të kandidohet për lider të partisë, pasi LSDM-ja dje e ka konfirmuar dorëheqjen e kryetarit të partisë Zoran Zaev dhe ka shpallë zgjedhje brendapartiake në rrugë të votimit të drejtpërdrejtë.

“Në afatin prej shtatë ditësh do të përpiloj program dhe do të iniciojë kandidaturë për kryetar. LSDM është parti me potencial të madh kadrovik dhe ka numër të madh anëtarësh të njohur që do të ishin kandidatë të shkëlqyeshëm. Procedura është demokratike dhe secili që përmbush kushtet mund të kandidohet. Ajo që është me rëndësi, të gjithë duhet të bashkohemi rreth kryetarit të zgjedhur”, ka thënë Kovaçevski për “Fokus”.

LSDM-ja më 12 dhjetor do të zgjedh liderin e ri që duhet ta zëvendësojë Zoran Zaevin i cili dha dorëheqje. Zëdhënësja e LSDM-së, Bogdanka Kuzeska pas mbledhjes së Këshillit qendror ka deklaruar se procedura për zgjedhjen e liderit të ri fillon sot dhe do të zgjasë shtatë ditë.

Këshilli qendror, siç tha ajo, ka konstatuar se për dorëheqjen e iniciuar të Zaevit në parti nevojitet të fillojë proces për zgjedhje brendapartiake. Kandidimi fillon prej sot dhe do të zgjas një javë, ndërsa të drejtë të paraqiten kanë të gjithë anëtarët e LSDM-së që plotësojnë kriteret e parapara me statutin e partisë. Mundësi për votim do të kenë të gjithë anëtarët e LSDM-së që aktivisht do të regjistrohen në hallkën onlajn.

Continue Reading

Aktuale