Connect with us

Maqedonia e Veriut

“Miqtë e zgjerimit”: E vlerësojmë zbatimin e reformave, BE-ja ka borxh vendimin për pranim

Published

on

Ministrat e punëve të jashtme të Polonisë, Letonisë, Lituanisë dhe zëvendësministri i Estonisë për çështje evropiane, në cilësinë e grupit të vendeve anëtare të BE-së “Miqtë e zgjerimit”, sot u takuan me shefin e diplomacisë, Nikolla Dimitrov dhe cekën se e mbështesin Republikën e Maqedonisë së Veriut në rrugën drejt BE-së dhe NATO-s.

Ministri i Polonisë i Punëve të jashtme, Jacek Çaputoviç në konferencën e përbashkët për shtyp theksoi se i vlerësojnë përpjekjet që i ndërmarrin autoritetet e vendit në zbatimin e reformave.

“Shpresoj se BE-ja së shpejti do të fillojë negociata për anëtarësim të Maqedonisë së veriut dhe Shqipërisë. E vlerësojmë pjesëmarrjen e Maqedonisë së Veriut në procesin e Berlinit vitin e kaluar. Polonia kryesoi me këtë proces, qëllimi i të cilit është të mbështesë integrimin evropian të vendeve nga ky rajon”, tha Çaputoviç.

Ai shfaqi shpresë se për disa javë Republika e Maqedonisë së Veriut do t’i bashkangjitet NATO-s.

“Sigurimi i anëtarësimit në këto institucione, BE dhe NATO, është posaçërisht me rëndësi sepse katër vendet tona janë të gatshme ta ndajnë përvojën e vet në procesin e negociatave me BE-në, por edhe për atë se si të përballeni me rreziqet e sigurisë që dalin nga aktorë të tjerë të jashtëm. Ka një dimension etik të anëtarësimit të vendeve nga rajoni në BE. Konsiderojmë se BE-ja ua ka borxh këtyre vendeve vendimin për t’i pranuar në BE, ai është borxh ndaj shoqërisë, ndaj qytetarëve, por këtu është edhe dimensioni i sigurisë dhe ka edhe aktorë të tjerë jashtë BE-së të cilët janë aktivë në rajon, kështu që vendimi për fillim të negociatave do ta parandalonte ndikimin negativ”, tha Çaputoviç.

Ministri Dimitrov informoi se Polonia, Letonia, Lituania dhe Estonia janë anëtare, pjesë e të ashtuquajturit grup “Miqtë e zgjerimit” dhe janë këtu për të na dhënë, siç tha, mbështetje dhe sinjal të qartë.

“Vijnë dy ditë pas shpalljes së Raportit të azhurnuar të shkurtë apo siç e quajmë ne mini Raportit të Komisionit. Komisioni evropian tha se ne reflektuam, se jo vetëm që vazhduam, por edhe i rritëm përpjekjet reformuese dhe reflektuam rezultate të dukshme dhe të qëndrueshme reformuese. Paraprakisht, Komisioni propozoi metodologji të re për atë se si do të zbatohet procesi i inkuadrimit. Dhe mendoj se këto dy shtylla janë bazë e shkëlqyeshme që përfundimisht të ketë reflektime edhe nga ana e BE-së, një vendim i qartë, i padyshimtë, i prekshëm, i qëndrueshëm për negociata inkuadruese”, theksoi Dimitrov.

Ministrat e punëve të jashtme prej dje ndodhen për vizitë në vend, në cilësinë e përfaqësuesve të grupit të vendeve anëtare të BE-së “Miqtë e zgjerimit” dhe mbrëmë u pritën edhe nga presidenti i vendit, Stevo Pendarovski.

Continue Reading

Lajme

Gençovska: Bullgaria pret rezultate konkrete me Maqedoninë e Veriut

Published

on

Ministrja e Jashtme bullgare Teodora Gençovska thotë se është mirë që kanë rifilluar dialogun me Shkupin.

Ajo tha gjithashtu se i kanë propozuar Qeverisë së Maqedonisë që nëse është e nevojshme të evakuohet ekipi diplomatik nga Ukraina. Në të njëjtën kohë ata rinovuan propozimin që Bullgaria të mbrojë hapësirën ajrore të Maqedonisë.

“Duke pasur parasysh faktin se Ministritë e Punëve të Jashtme të Bullgarisë dhe Maqedonisë së Veriut janë koordinatore të të gjithë procesit, krahas zhvillimit të dialogut për çështjet politike, në bisedën me ministrin e Jashtëm të Republikës së Maqedonisë së Veriut zgjeruam hapësirën e bisedimeve”, tha Gençovska.

Në lidhje me dialogun me Maqedoninë, Gençovska thotë se Bullgaria pret rezultate konkrete.

Kryeministri Dimitar Kovaçevski me një delegacion qeveritar vizitoi së fundmi Bullgarinë.

Continue Reading

Lajme

Në Tetovë po hapet një kazino e re! Lëvizja Antibixhos po përgatitet për protesta

Published

on

Në afërsi të çerdhes “Rinia” në qytetin e Tetovës po përgatitet hapja e një kazino gjigante në objektin e ish fabrikës “Teteks”.

“Kjo kazino gjigante që është prapa krahëve të mijë është duke u hapur në afërsi të çerdhes së Tetovës edhe pse mbyllja e kazinove në afërsi të shkollave dhe çerdheve është kërkuar edhe me anë të protestave, por tradita e njëjtë vazhdon”, raporton gazetari i TV21, Senat Zylbehari.

Nga Lëvizja “Antibixhoz” apelojnë që të gjitha institucionet të marrin masa edhe të pamundësohet hapja e kësaj kazino.

“Ne nga Lëvizja Antibixhoz dënojmë ashpër përgatitjen e hapjes së një kazinosë pranë çerdhes së fëmijëve. Ne vazhdojmë të apelojmë, nga kryetari i komunës së Tetovës, te ministri dhe kryeministri i shtetit që të parandalon këtë gjendje kaotike që është duke u krijuar në Tetovë. Na mungonte edhe një kazino që fëmijët e çerdhes të përballen në derë më një kazino më komarin dhe të keqen që është në Tetovë”, tha Jushi Emërllahu, Lëvizja Antibixhos.

Sipas Emurllahut gjatë ditëve në vazhdim do të ketë edhe një protestë pikërisht për këtë qëllim.
“Do të organizojmë dhe jemi duke u përgatitur për organizim për këtë kazino para çerdhes që të mund ta ndalojmë këtë të keqe.”
Me ligjin aktual i cili është në fuqi, objektet e lojërave të fatit duhet të jenë 200 metra larg objekteve më karakter publik, dhe sipas Lëvizjes Antibixhoz kjo deri më tani nuk është duke u respektuar. Vite më parë një hapja e një kazinosë në afërsi të universitetit të Tetovës parandalua pikërisht nga kjo lëvizje e cila protesoi ditë me radhë.

Continue Reading

Lajme

LSM: Rritja e pagës minimale nuk ka efekte negative për kompanitë

Published

on

Nëse paga minimale rritet deri në 18 mijë denarë, kjo nuk do të ketë efekt negativ për kompanitë në vend. Deri më tani asnjë rritje e pagës minimale nuk ka ndikuar në largimin nga puna të punëtorëve. Përkundrazi, ka rritur produktivitetin dhe punëtorët zgjedhin të qëndrojnë në vendet e tyre të punës, thuhet në analizën e ekspertëve ekonomikë të bërë për Lidhjen e Sindikatave.

Nga sindikata thonë se rritja e pagës minimale duhet të ndodhë që nesër, dhe të mos pritet deri në qershor, sepse qytetarët nuk do të mund ti paguajnë faturat.

“Rezultatet e studimit të prezantuar sot tregojnë se nuk ka asnjë efekt negativ nga rritja e pagës minimale mbi punën së pari në kompani, se punëtorët nuk pushohen nga puna, nuk ka asnjë ndikim në rentabilitetin e kompanive, dhe nuk ka asnjë efekt tjetër negativ”, tha Darko Dimovski- Kryetar i Lidhjes së Sindikatave.

Sipas analizës, në vend paguhet një nga pagat minimale më të ulëta në Evropë. Më shumë se njëqind mijë qytetarë marrin 15.500 denarë në muaj. Njoftimet e Qeverisë janë se paga minimale do të rritet, por për momentin nuk ka një qëndrim të përcaktuar se kur mund të ndodhë kjo. Të hënën sindikatat do të takohen me qeveritarët dhe nëse nuk ka dritë jeshile për rritje të menjëhershme të pagës minimale, sindikatat kanë paralajmëruar greva në vendet e punës.

Continue Reading

Aktuale