Connect with us

Kosovë

Kurti i tha “Jo” këshilltarit të Donald Trump-it për Siguri, ai e paralajmëroi për masat

Published

on

Raporti në mes të Qeverisë së Kosovës dhe Shtëpisë së Bardhë ka eskaluar.

I pari i Qeverisë së Kosovës dhe këshilltari i Donald Trumpit për Siguri, Robert O’Brian, dje ne bisedë telefonike i kanë treguar njëri-tjetrit se çfarë e kanë ndërmend të bëjnë tash e tutje.

O’Brian i ka treguar Kurtit që SHBA-ja nuk do ta ndihmojë ekonomikisht Kosovën, e gjithashtu i ka treguar se po shqyrtohet prezenca ushtarake amerikane në Kosovë.

Dy ditë më parë, kryeministri i Kosovës kishte dështuar të përgjigjet në një thirrje telefonike që i kishte ardhur nga Shtëpia e Bardhë. Njerëzit e afërt të Albin Kurtit kanë deklaruar në media se thirrja kishte ardhur shumë vonë, ani pse sa vonë kishte ardhur ajo, prononcimet kanë qenë kontradiktore.

Sido që të jetë, biseda e realizuar dje, ka mësuar Gazeta Express, nuk ka prodhuar kurrfarë efekti që do të çonte në shtensionimin e raporteve.

“Në kërkesën e këshilltarit për Siguri Kombëtare, Robert O’Brian, për të hequr tarifën ndaj mallrave serbe, kryeministri Kurti është përgjigjur negativisht. Ai ka thënë se z. O’Brian që nuk mundet ta bëjë një gjë të tillë”, ka thënë një zyrtar i lartë i administratës amerikane, i cili ka njohuri për përmbajtjen e bisedës.

Ky zyrtar, ka vazhduar më tutje, i ka thënë Gazetës Express se po gjatë asaj bisede, këshilltari për Siguri Kombëtare i Donald Trump, ia ka bërë me dije kryeministrit Kurti që “SHBA-ja nuk do ta ndihmojë ekonomikisht Kosovën, nëse ai do të vazhdojë t’i mbajë tarifat. Qëndrimi është i qartë: Nëse Kosova po e dëmton veten ekonomikisht duke i mbajtur tarifat, as ne nuk do ta ndihmojmë atë”.

Ky zyrtar i ka thënë Gazetës Express se kryeministri Kurti edhe përkundër që e ka pasur shumë të qartë këtë pozicion të Amerikës, ai nuk është tërhequr nga qëndrimi i tij.

“Në bisedë e sipër Kurtit i është rikujtuar edhe prezenca e trupave amerikane në Kosovë. Këshilltari për Siguri Kombëtare i ka treguar kryeministrit të Kosovës se kjo prezencë është duke u shqyrtuar, gjithashtu”, ka treguar ky burim.

Gazeta Express ka mësuar që tashmë projektet që planifikoheshin të realizoheshin përmes MCC-së, Sfidave të Mileniumit, janë pezulluar. Bëhet fjalë për dhjetëra miliona euro.

Raportet e kryeministrit Kurti me të dërguarin special të presidentit Trump, Richard Grenell, janë tensionuar shumë kohëve të fundit, për shkak se i pari i Qeverisë së Kosovës nuk po dëshiron ta heqë tarifën ndaj mallrave serbe, sipas kërkesës amerikane.

Pas z. Grenell, z. O’Brian është i dyti zyrtar i lartë amerikan të cilin z. Kurti e ka kthyer prapa. /GazetaExpress

Continue Reading

Kosovë

Vrasja e trefishtë në Gllogjan – nesër varrosen dy nxënësit

Published

on

By

Vrasja e trefishtë në Gllogjan – nesër varrosen dy nxënësit

Dy nxënësit që mbetën të vdekur mbrëmë në Gllogjan të Decanit do të varrosen nesër.

Kështu ka njoftuar kryetari i kësja komune, Bashkim Ramosaj, i cili ka treguar se ceremonia e varrimit do të fillojë në 13:30.

“Ju njoftoj se, nesër më dt.28.11.2021, në ora 13:30, do të filloj ceremonia e varrimit të Gentës dhe Ledianit, afër “Kompleksit Memorial të Dëshmorëve”, ndërsa varrimi do të bëhet në ora 14:00, në varrezat e fshatit Gllogjan!”, ka shkruar Ramosaj.

Mbrëmë kanë mbetur të vdekur tre persona pas sulmit me kallashnikov që i është bërë një autobusi që po bartte nxënës.

Të vdekur kanë mbetur shoferi i autobusit dhe dy nxënës.

Sipas të dhënave zyrtare ende nuk dihen motivet që kanë çuar në kryerjen e këtij akti, ndërsa po hetohen dy-tri pista.

Sipas njoftimit të institucioneve të sigurisë, për këtë rast mund të jenë të përfshirë disa persona.

Po ashtu, sipas njoftimeve të fundit të Policisë së Kosovës ende nuk është arrestuar askush ndonëse janë kryer disa bastisje që në orët e para të mëngjesit.

Continue Reading

Kosovë

Vendosi reklamën mbi muralin e Nexhmije Pagarushës, gjobitet biznesi në Prishtinë

Published

on

By

Një biznes në Prishtinë vendosi reklamën e tij mbi muralin e bilbilit të muzikës, Nexhmije Pagarushës, që u ‘rijetësua’ para tri javësh nga artistët e ‘Mural Fest Kosova’.

Menjëherë pas kësaj, gjatë ditës së sotme kanë ndërhyrë Inspektorati i Komunës së Prishtinës dhe Policia, për ta larguar reklamën.

Drejtori i Inspekcionit në Prishtinë, Adonis Tahiri, ka njoftuar se pas heqjes së reklamës pala është dënuar me një gjobë prej 400 eurosh.

“Reklama u hoq dhe pala u dënua! Uroj që të ngritët vetëdija e secilit, e të mos përsëriten më raste të tilla!”, ka shkruar Tahiri në një postim në Facebook.

Kujtojmë që murali i Nexhmije Pagarushës u vendos në fillimi të nëntorit, në një objekt në rrugën “Qazim Hoxha”, në Prishtinë. /abcnews.al

Continue Reading

Kosovë

Sveçla: Vrasësit i jap ultimatum të dorëzohet, po koordinohemi edhe me AKI për rastin e Gllogjanit

Published

on

By

Sveçla: Vrasësit i jap ultimatum të dorëzohet, po koordinohemi edhe me AKI për rastin e Gllogjanit

Ministri i Punëve të Brendshme të Kosovës, Xhelal Sveçla i ka dhënë ultimatum vrasësit të tre personave në Gllogjan të Deçanit që të dorëzohet sa më shpejtë në Polici.

Sveçla në një konferencë për media tha se kanë vënë në dispozicion të gjitha kapacitetet që të zbulojnë këtë rast, transmeton Telegrafi.

“Me të marrë lajmin jam kthyer në Kosovë dhe jam nisur drejt Deçanit për të takuar gjithë strukturat policore, por edhe prokurorët e rastit dhe për të shprehur gatishmërinë tonë që të vëmë në funksion gjithë kapacitetet e shtetit në zbulimin e këtij rasti, dhe lehtësimin e dhimbjeve për familjarët. Dua të bëjë ftesë të gjithë qytetarëve që për çfardo informacioni t’i drejtohen Policisë dhe rasti të zgjidhet sa më parë”, deklaroi ai, përcjell Telegrafi.

Ministri tha se Policia është duke u dakorduar edhe me Agjencinë Kosovare të Inteligjencës.

“Tashmë kemi informacione të ndryshme, të cilat policia nën direktivat e prokurorisë është duke i trajtuar. Janë dukë u trajtuar disa pista. Po ashtu, i bëj ultimatum vrasësit të dorëzohet, për shkak se për çdo ditë ai rëndon të tjerët, kushdo që ndihmon vrasësit implikohet me vepër penale. Sa më parë që dorëzohet aq më mirë për rrethin e tij. Unë mund të garantoj se jemi të vendosur që kapacitetet tona shtetërorë janë në dispozicion të zbulimit të rastit. Policia po koordinohet edhe me AKI”, u shpreh ai.

Ndryshe, mbrëmë rreth orës 19:00 është sulmuar me armë zjarri një autobus në Gllogjan të Deçanit, ku të vrarë kanë mbetur tre persona, shoferi dhe dy nxënës.

Autori i krimit ka qenë i maskuar, ndërkohë Policia është në kërkim të tij.

Policia përmes raportit 24 orësh, ka njoftuar se autobusi është sulmuar me armë zjarri që është AK-47. /Telegrafi/

Continue Reading

Aktuale