Connect with us

Maqedonia e Veriut

Timonie: Raporti i KE-së dhe metodologjia e re janë bazë inkurajuese për fillim të negociatave

Published

on

Kryetari i Qeverisë së Republikës së Maqedonisë së Veriut, Oliver Spasovski, sot u takua me ambasadorin e Republikës së Francës në vendin tonë, Kristijan Timonie.

Në urimet për raportin pozitiv të Komisionit Evropian (KE) për avancimin e rëndësishëm të vendit tonë, kryeministri Spasovski në takim theksoi se raporti përfundon edhe me një rekomandim për fillimin e negociatave të Maqedonisë së Veriut me BE-në dhe se ky është rezultat i punës së përkushtuar në periudhën e kësaj Qeverie aktuale, në të cilën u përmbyllën disa çështje lidhur me reformat, mes të cilave një sërë ligjesh për gjyqësorin.

“Kryetari i Qeverisë Oliver Spasovski shprehu falënderim deri te të gjithë që morën pjesë në proces për realizimin e arritjeve të konstatuara në raport të Komisionit Evropian, veçanërisht nga vendet anëtare të BE-së dhe miqtë e Maqedonisë së Veriut të cilët inkurajojnë sistemin bazuar në merita në vlerësimet për përparimin e vendeve kandidate për anëtarësim në BE”, thuhet në komunikatën e Qeverisë.

Në takim u potencua se raporti, së bashku me metodologjinë e re për zgjerim i jep procesit të bisedimeve dhe aderimit drejt anëtarësimit në BE kredibilitet dhe paraqet një porosi të mirë për rajonin.

Ambasadori Timonie në takim, theksohet në kumtesë, tha se Franca e sheh raportin me optimizëm, si dhe metodologjinë për zgjerim si bazë inkurajuese për sjelljen e vendimit për fillimin e negociatave me BE-në me Maqedoninë e Veriut.

Continue Reading

Lajme

“Më mirë për Tetovën”: Të hetohet borxhi i lartë i Komunës së Tetovës

Published

on

Lista qytetare “Më mirë për Tetovën” kërkon që Revizioni dhe Prokuroria të hetojnë borxhin e lartë të Komunës së Tetovës.

“Komuna e Tetovës ka 24 milionë euro borxh! Revizioni i brendshëm (ose i pavarur) duhet të shpalos në publik se ku, si dhe pse është krijuar ky borxh! Me emra mbiemra, vlerat dhe të gjitha të dhënat tjera përcjellëse. A është krijuar borxhi në mënyrë fiktive për përfitime personale?”, thuhet në kumtesën e “Më mirë për Tetovën”.

Nga atje thonë se qytetarët meritojnë të dinë se si janë (keq)përdorur tatimet e tyre.

“Nëse do të konstatohet keqpërdorim i detyrës zyrtare Prokuroria patjetër duhet t’i nxjerrë para drejtësisë ata që e kanë vjedhur buxhetin e qytetarëve. Zvarritjet e panevojshme në ndriçimin e këtij borxhi mund të krijojnë dyshime të reja.

Përveç përgjegjësisë penale duhet edhe konfiskimi i pasurisë”, shtojnë nga atje./Telegrafi/

Continue Reading

Lajme

Të premten do të arrijnë në Shkup 45 viktimat e aksidentit tragjik në Bullgari

Published

on

By

Ministria e Punëve të Jashtme të Maqedonisë së Veriut për “Alsat” konfirmojnë se 45 trupat e pajetë të tragjedisë që ndodhi javën e kaluar në Bullgari, pritet të vijnë të premten më 3 dhjetor në mëngjes në Aeroportin e Shkupit.

Po këtë ditë, 45 trupat e viktimave do t’u dorëzohen familjarëve dhe pritet të bëhen edhe ceremonitë mortore.

Ndërsa analizat e ADN-së, kanë përfunduar sot dhe të 45 trupat janë identifikuar.

Nga Instituti i Mjekësisë Ligjore, gjithashtu konfirmojnë se në Sofje janë kryer të gjitha metodat krahasimore gjenetike të marra nga strishot e familjarëve dhe si rrjedhojë të gjithë trupat e pajetë tanimë kanë emra dhe dihet se cilës familje i përkasin.

Continue Reading

Lajme

A do të ketë vaksinim të detyrueshëm? – Flet Filipçe

Published

on

By

A do të ketë vaksinim të detyrueshëm? – Flet Filipçe

Masa për vaksinim të detyrueshëm për momentin nuk do të zbatohet, tha ministri i Shëndetësisë, Venko Filipçe, shkruan Alsat.

“Ne kemi arritur në përfundimin se kjo ngre pyetje shumë serioze në lidhje me atë se si dikush që nuk do të pranonte të vaksinohej do të ndëshkohej përfundimisht. Nga ana tjetër është një barrë e madhe financiare. Do të shohim se çfarë do të jetë shtrirja e vaksinimit me këtë rekomandim nëpërmjet mjekëve të familjes. “Ne jemi të gatshëm të japim rekomandime të tjera”, tha Filipçe./ Alsat.mk

Continue Reading

Aktuale