Connect with us

Maqedonia e Veriut

Janë përmbushur kriteret për fillim të negociatave inkuadruese, pritet vendimi i Këshillit evropian

Published

on

Përparim në sferat kyçe reformuese është konstatuar në Raportin e Komisionit evropian për përmbushjen e kushteve për negociata inkuadruese, që është bazë në të cilën vendet anëtare të BE-së këtë muaj duhet të vendosin nëse do ta miratojnë fillimin e tyre. Raporti i KE-së është fokusuar në reformat gjyqësore, gjykimet për korrupsion të lartë, përfshirë edhe rastin me PSP-në, reformat e sigurisë dhe reformat në administratën publike.

Dokumenti konkludon se duke pasur parasysh “përparimin e rëndësishëm të realizuar dhe përmbushjen e kushteve unanimisht të vendosura nga Këshilli në qershor të vitit 2018, Komisioni rekomandoi në pakon e vet për zgjerimin në vitin 2019 se Këshilli duhet t’i fillojë negociatat me Maqedoninë e Veriut, Marrë në përgjithësi, Maqedonia e Veriut i rriti përpjekjet e veta dhe reflektoi rezultate të dukshme dhe të qëndrueshme në sferat kyçe”. Që këtej, Komisioni evropian porositë se vlerësimi nga viti 2019 nuk ka ndryshuar dhe se Maqedonia e Veriut duhet t’i fillojë negociatat me BE-në.

Komisioni evropian dje publikoi raport edhe për përparimin reformues të Shqipërisë. Pas publikimit të raporteve për të dy vendet, eurokomisari për zgjerim, Oliver varheji theksoi se ato tregojnë se vendet e kanë përforcuar punën e tyre dhe reflektuan rezultate të dukshme të qëndrueshme në sferat kyçe reformuese të përcaktuara në konkludimet e Këshillit nga qershori i vitit 2018.

Publikimi i Raportit dje koincidoi edhe me vizitën e Gordan Gërliq Radman, ministër i Punëve të Jashtme dhe Evropiane të Kroacisë, kryesuese aktuale me Këshillin e BE-së, Shefi i diplomacisë kroate Radman në konferencë për shtyp në MPJ theksoi se sjellja e vendimit për hapje të negociatave me Maqedoninë e Veriut dhe Shqipërinë, e shohin si hyrje në samitin në maj në Zagreb.

Ministri i Punëve të Jashtme, Nikolla Dimitrov në konferencën e përbashkët për shtyp tha se sipas reagimeve fillestare, vendet anëtare të BE-së vlerësojnë se raporti i publikuar është real që tregon, siç tha, se me gjërat që janë bërë i kemi plotësuar kushtet për fillim të procesit inkuadrues.

Lidhur me skepticizmin e disa vendeve në Union ndaj zgjerimit. Dimitrov tha se fillimisht do të shihet qëndrimi i tyre vizavi tre elementeve të reja – metodologjisë së re për zgjerimin, raporteve të publikuara dje nga KE-ja dhe sinjaleve pozitive nga presidenti francez Emanuel makron gjatë Konferencës së Munihut të sigurisë.

Kryeministri Oliver Spasovski në takim me delegacionin nga MPJ e Kroacisë theksoi se me raportin pozitiv vendi tregoi se është partnere kredibile e cila gjatë tërë procesit inkudrues i ka përmbushur obligimet e veta, i ka reflektuar për të gjitha reformat dhe obligimet, dhe se kjo do t’i japë mjaft argumente të fuqishme Kroacisë, si kryesuese aktuale me BE-në, që me sukses ta menaxhojë procesin për vendim marrje në periudhën para nesh.

Zëvendëskryeministri Bujar Osmani deklaroi se pas publikimit të metodologjisë së re për zgjerimin në fillim të shkurtit, raporti pozitiv nga KE-ja është momenti i dytë kyç pas samitit në tetor të vitit 2019, të cilat, siç theksoi, në dyer të mëdha e kthejnë besimin në integrimet evropiane dhe e hapin rrugën për vendim të Këshillit të Evropës për fillim të negociatave me Republikën e Maqedonisë së Veriut, që këtë pranverë.

Këshilli i Evropës duhet ta sjellë vendimin më 26 mars, para samitit “BE – Ballkan Perëndimor” i cili në maj do të mbahet në Zagreb. Sipas zëvendëskryeministrit Osmani, që para samitit këtë muaj do të spastrohen dilemat nëse negociatat do të jenë vetëm për vendin tonë apo në pako me Shqipërinë.

Continue Reading

Lajme

15 të vdekur dhe 436 të infektuar me Covid-19 në Maqedoninë e Veriut

Published

on

By

15 të vdekur dhe 436 të infektuar me Covid-19 në Maqedoninë e Veriut

Ministria e Shëndetësisë në Maqedoninë e Veriut ka njoftuar se gjatë 24 orëve të fundit nga 3 mijë e 447 testime të realizuara, 436 persona kanë rezultuar pozitivë me virusin korona.

Instituti i Shëndetit Publik në 24 orët e fundit ka regjistruar 336 pacientë të shëruar, ndërkaq 15 pacientë e kanë humbur betejën me Covid-19./21Media

Continue Reading

Lajme

Dimitar Kovaçevski do të kandidohet për kryetar të LSDM-së

Published

on

By

Dimitar Kovaçevski do të kandidohet për kryetar të LSDM-së

Shkup, 27 nëntor – Zëvendësministri i Financave dhe anëtar i Këshillit qendror të LSDM-së, Dimitar Kovaçevski ka deklaruar se do të kandidohet për lider të partisë, pasi LSDM-ja dje e ka konfirmuar dorëheqjen e kryetarit të partisë Zoran Zaev dhe ka shpallë zgjedhje brendapartiake në rrugë të votimit të drejtpërdrejtë.

“Në afatin prej shtatë ditësh do të përpiloj program dhe do të iniciojë kandidaturë për kryetar. LSDM është parti me potencial të madh kadrovik dhe ka numër të madh anëtarësh të njohur që do të ishin kandidatë të shkëlqyeshëm. Procedura është demokratike dhe secili që përmbush kushtet mund të kandidohet. Ajo që është me rëndësi, të gjithë duhet të bashkohemi rreth kryetarit të zgjedhur”, ka thënë Kovaçevski për “Fokus”.

LSDM-ja më 12 dhjetor do të zgjedh liderin e ri që duhet ta zëvendësojë Zoran Zaevin i cili dha dorëheqje. Zëdhënësja e LSDM-së, Bogdanka Kuzeska pas mbledhjes së Këshillit qendror ka deklaruar se procedura për zgjedhjen e liderit të ri fillon sot dhe do të zgjasë shtatë ditë.

Këshilli qendror, siç tha ajo, ka konstatuar se për dorëheqjen e iniciuar të Zaevit në parti nevojitet të fillojë proces për zgjedhje brendapartiake. Kandidimi fillon prej sot dhe do të zgjas një javë, ndërsa të drejtë të paraqiten kanë të gjithë anëtarët e LSDM-së që plotësojnë kriteret e parapara me statutin e partisë. Mundësi për votim do të kenë të gjithë anëtarët e LSDM-së që aktivisht do të regjistrohen në hallkën onlajn.

Continue Reading

Lajme

Çeliku: Njerëzit e ndershëm të distancohen nga Alternativa që zgjodhi interesin personal

Published

on

By

Çeliku: Njerëzit e ndershëm të distancohen nga Alternativa që zgjodhi interesin personal

Gjithnjë e më shumë shtohen zërata brenda Alternativës që ky subjekt po bën gabim fatal me vendimin për pjesëmarrje në Qeveri.

Në këtë vijë është edhe profesoresha universitare Gjyla Çeliku e cila më herët madje qenë përkrahëse e Alternativës.

“Alternativa u acaruan pse përkrahëm Bilallin e Besës në Tetovë, por ama për pushtet u bashkuan me Kastriot Rexhepin, ish deputet i Besës dhe përçarës i Besës së mëhershme dhe të tashmes. Tash si e definoni ju këtë hap politik? Unë s’mund të shkel mbi interesat e popullit, por partitë nuk pyesin interesin e popullit, por të tyre. Shkelin mbi parimet e tyre, mbi deklarat e tyre dhe mbi popullin. Nejse, hap i keq. Hap pa etikë. Hap interesi! Populli barin më nuk e ha, as dele nuk është. Bile juve të partisë që nuk ju pëlqen hapi i tyre, lirisht shkëputeni sepse nuk është marre, por madhështi!

P.S. Vetë e kanë thënë “Nuk kishte faj Bilalli sa kishte Kastrioti”, shkruan mes tjerash Çeliku.

Continue Reading

Aktuale