Connect with us

Bota

Turqia i shkakton humbje të mëdha ushtarake Sirisë, Erdogan: Ky është vetëm fillimi

Published

on

Ushtria siriane raportohet se ka humbur më shumë se 2.500 trupa deri më tani, si dhe dhjetëra tanke dhe mjete të blinduara në sulme të shumta turke.

Presidenti turk Recep Tayyip Erdogan ka paralajmëruar se ky është “vetëm fillimi” dhe se Turqia ende nuk ka treguar forcën e saj të vërtetë.

“Ne sapo filluam të tregojmë forcën tonë të vërtetë,” tha Erdogan, duke shtuar se shumë njerëz mendonin se Turqia ishte e dobët pasi nuk donte të “derdhte gjak”.

Sipas tij, viktimat njerëzore dhe humbjet teknike të ushtrisë siriane janë vetëm fillimi.

Edrogan raportoi humbjen e fuqisë siriane, duke thënë se Siria në Damask kishte humbur 2.557 trupa dhe pjesëtarë të ushtrisë, 135 tanke, si dhe dhjetëra topa, sisteme të shumta raketash.

Përveç kërcënimit për Damaskun, Erdogan u bëri thirrje Moskës dhe Teheranit sepse ata mbështesin presidentin sirian Bashar al-Assad.

“Unë u bëj thirrje Rusisë dhe Iranit edhe një herë. Ne nuk kemi asnjë problem me ju. Ne po luftojmë për të zgjidhur problemin e krizës humanitare të shkaktuar nga miliona njerëz që hyjnë në vendin tonë nga Siria, për ta mbajtur territorin tonë të sigurt”, tha Erdogan.

Kohët e fundit Siria mbylli hapësirën e saj ajrore mbi veri-perëndim të vendit, përfshirë provincën e Idlib dhe duke shpallur çdo aeroplan një objektiv armiqësor.

Qendra e pajtimit rus ka paralajmëruar Sirinë që mbrojtjet e saj ajrore nuk mund të garantojnë sigurinë e ndonjë avioni turk në rrethana të tilla.

Continue Reading

Bota

Moldavia përdor humorin e zi për të sensibilizuar njerëzit të vaksinohen

Published

on

By

Moldavia përdor humorin e zi për të sensibilizuar njerëzit të vaksinohen

Ish-republika sovjetike e Moldavisë ka dalë me një qasje të re për të luftuar pandeminë COVID-19, e cila ka infektuar më shumë se 350.000 njerëz dhe ka shkaktuar vdekjen e 9.000 të tjerëve.

Zyrtarët shëndetësorë atje po përdorin taktika shokuese, humor të zi dhe muzikë pop në përpjekje për të trembur njerëzit që nuk janë të vaksinuar ose thjesht nuk shqetësohen për virusin. Një nga videot si pjesë e fushatës së fundit u thotë shikuesve: “Mos u shqetësoni, ne kemi varrezat më të mëdha në Evropë”.

Fushata e pazakontë e ndërgjegjësimit të qeverisë, e sponsorizuar nga Organizata Botërore e Shëndetësisë, synon të promovojë vaksinimin në sfondin e dezinformimit të shfrenuar dhe skepticizmit ndaj vaksinave, i cili është i zakonshëm në të gjithë Evropën Lindore.

Zyrtarët shpresojnë që humori dhe pop-i do të bëjnë më shumë njerëz të vendosin të marrin një vaksinë COVID-19.

Videoja që ka rrëmbyer më shumë vëmendje është një 1:05 minutëshe që përzien komedinë me makabren. Aktori i njohur moldav Emilian Cretu, i cili ka pothuajse 500.000 ndjekës në Instagram, luan si një mjek, një pacient dhe një sipërmarrës.

Në rolet e tij të ndryshme, ai u thotë shikuesve: “Nuk duhet të shqetësoheni” për virusin, megjithëse është qartë një mësim në psikologjinë e kundërt.

Continue Reading

Bota

Varianti i ri virusit Korona ka ndezur alarmin në shumë vende të Evropës

Published

on

By

Varianti i ri virusit Korona ka ndezur alarmin në shumë vende të Evropës

Vjollca Aliti/Alsat

Mutacioni më i ri i virusit korona i quajtur “Omikron” parashihet të jetë shumë herë më ngjitës në krahasim me mutacionet e deritanishme. Ministri i Shëndetësisë Venko Filipce tha se ende është herët për tu thënë më shumë gjëra për këtë mutacion. Nëse do ketë masa shtesë për të parandaluar depërtimin e këtij lloji brenda vendit Filipçe tha se do të diskutohet të hënën në mbledhjen e rregullt të Komisionit për Sëmundje Ngjitëse.

“Bëhet fjalë për mutacion të ri të virusit i cili quhet “Omikron” këtu është dyshimi se mund të jetë shumë më ngjitës se mutacionet tjera nga gjithë mutacionet e deritanishme. Megjithatë ne patëm edhe shumë mutacione tjera të cilat nuk u përhapën deri tani. Kishte edhe skenarë të tjerë për shembull për llojin Dellta. Megjithatë të gjitha këto çështje do të shqyrtohen të hënën ne mbledhjen e Komisionit për sëmundje ngjitëse”, deklaroi Venko Filipce, Ministër i Shëndetësisë.

Mutacioni i ri së pari u detektua në Afrikën Jugore ndërsa ajo çfarë deri më tani dihet është se ky mutacion ka një rrezik më të lartë për ri-infektim dhe se shumë më shpejtë shpërndahet. Autoritetet shëndetësore në vend theksojnë se shpëtimi i vetëm kundër të gjitha mutacioneve është vaksinimi. Për të rritur përqindjen e imunizimit, do të propozohen masa të reja stimuluese.

“Do të propozojmë një masa të re deri në Qeveri. Ajo është stimulim shtesë për mjekët amë. Gjegjësisht mjekët amë të jenë financiarisht të stimuluar kur do të tejkalojnë 70% – shin e pacientëve të vaksinuar, nga numri total i pacientëve të tyre të shpërblehen nga 30 denarë në kokë pacienti që i kanë të regjistruar. Ka dhe disa aspekte tjera që duhet të shihen, por mendoj se ky është propozimi që do ja prezantojmë Qeverisë të martën”, u shpreh Venko Filipce, Ministër i8 Shëndetësisë.

Një gjë e tillë vjen disa ditë pasi Qeveria nuk pranoi propozim masat e KSI-së të cilat parashikonin vaksinim të detyrueshëm të të gjithë punonjësve në administratën shtetërore si dhe punonjësve në shëndetësi, në të kundërtën të posedojnë test PCR të paktën për 72 orët e fundit të cilin do ta paguanin nga xhepi i tyre. Masat u refuzuan edhe pas reagimeve të shumta të sindikatave. Deri më tani vetëm 38% e popullatës vendore është vaksinuar me dy doza, ndërkaq për arritjen e imunitetit kolektiv e nevojshme është 80-90% e popullatës./Alsat.mk

Continue Reading

Bota

Zviceranët votojnë nesër për masat kufizuese

Published

on

By

Zviceranët votojnë nesër për masat kufizuese

Zvicra ka një ndër shkallët më të ulëta të vaksinimit në Evropën Perëndimore. Më pak se dy e treta e popullsisë së këtij shteti është vaksinuar plotësisht kundër Covid-19.

Tani, numri i rasteve po rritet në mënyrë eksponenciale. Shifrat e të infektuarve po rriten për 40 për qind e 50 për qind çdo javë, shkruan BBC.

Prandaj, a po planifikon ministri i Shëndetësisë, Alain Berset, kufizime të reja, si Gjermania fqinje, ose a do ta bëjë vaksinimin të detyrueshëm, si Austria?

Asgjë nga këto. Në të vërtetë, të dielën, zviceranët do të votojnë për t’i hequr ose jo disa nga kufizimet që janë vendosur për ta luftuar pandeminë.

Izolimi i Zvicrës kurrë nuk ka qenë aq i rreptë sa i fqinjëve. Njerëzit kanë mundur të dalin jashtë për të ushtruar kurdo që kanë dashur dhe shkollat janë mbyllur vetëm për disa javë.

Megjithatë, verën e kaluar, kur numri i rasteve ra shumë, Zvicra nuk pati festë. Në vend të saj, autoritetet kërkuan certifikatë që dëshmon dëshmi të vaksinimit, test me rezultat negativ ose imunitet përmes kalimit të sëmundjes. Në shtator, kjo certifikatë u bë e detyrueshme për t’u futur në bare, kafene, restorante, kinema, muze, organizime sportive dhe ligjërata në universitet.

Në Zvicër ka pasur protesta kundër masave. Disa protesta janë bërë të dhunshme, pasi policia ka përdorur ujë e plumba gome kundër protestuesve që janë munduar të futen në ndërtesën e kuvendit.

Continue Reading

Aktuale