Connect with us

Maqedonia e Veriut

Nuk ka ndryshime në kufirin jugor, vendi i gatshëm për një valë të re të mundshme të refugjatëve

Published

on

Për një valë të re të mundshme refugjatësh vendi dhe institucionet janë të gatshme, pretendojnë kompetentët. Policia është vazhdimisht e pranishme në kufirin jugor, situata është e pandryshuar dhe ekziston një numër standard i përpjekjeve për të hyrë në vendin tonë në mënyrë të paligjshme.

Nga Ministria e Punëve të Brendshme thonë se qytetarët nuk kanë arsye për shqetësim, situata nuk ka ndryshuar dhe ekziston një numër standard i përpjekjeve për hyrje të paligjshme në vendin tonë.

“Qytetarët nuk kanë asnjë arsye të shqetësohen. MPB, gjegjësisht policia jonë është e gatshme dhe vazhdimisht e pranishme në kufirin jugor. Punonjësve tanë policor tashmë disa vite u ndihmojnë edhe punonjës policor të disa vendeve mike dhe me forca të përbashkëta po merremi me të gjitha përpjekjet kundër hyrjeve të paligjshme”, deklaroi zëdhënësi i MPB-së, Toni Angelovski.

Zëvendëskryeministri përgjegjës për çështje evropiane, Bujar Osmani theksoi se vendi është i gatshëm të merret me një fluks të mundshëm refugjatësh nga Siria, por në koordinim me FRONTEKS dhe vendet anëtare të BE-së.

Ne jemi në koordinim të vazhdueshëm me vendet anëtare të BE-së dhe me partnerët tanë po e monitorojmë situatën që nga momenti që filloi kjo çështje të ndizej. Institucionet tona janë të gatshëm të merren me një valë hipotetike të refugjatëve, por ai koordinim është më shumë në koordinim me FRONTEKS-in dhe me vendet anëtare të BE-së që ne ndajmë një politikë të përbashkët në raport me refugjatët”, deklaroi Osmani.

Dje u zbuluan 78 emigrantë në lagjen e Shtipit “Tri çezmat” në rrugën në ndërtim Shtip – Koçani në një automjet me targa të Shkupit, të drejtuar nga 46-vjeçari S.P. bashkëdrejtuesi i tij ishte 32-vjeçari T.R. të dy nga Velesi, të cilët paraprakisht nuk ishin ndalur në shenjë policie.

Mijëra migrantë janë në kufirin greko-turk, pas njoftimit të presidentit turk Rexhep Taip Erdogan se do të hapë kufirin dhe do t’u lejojë emigrantëve të hynë në Evropë. Dje në kufirin greko-turk në Evros janë regjistruar rreth 5.500 pengesa për hyrje në Greqi të emigrantëve të paligjshëm.

Pas kërkimit të ndihmës shtesë nga Greqia, Agjencia Evropiane e Rojës Bregdetare (FRONTEKS) ka vendosur përforcime. Niveli i alarmit në kufirin greko-turk është ngritur, ndërsa FRONTEKS-i e ka ngritur edhe nivelin e paralajmërimit për të gjitha kufijtë drejt Turqisë.

Emigrantët e mbledhur në zonën neutrale në vendkalimin kufitar midis Greqisë dhe Turqisë, por në anën turke, dje e sulmuan policinë greke, e cila u përgjigj me gaz lotsjellës dhe shok bomba.

Situata në kufirin bullgar-turk ishte dje e qetë, ndërsa qeveria bullgare pretendon se asnjë emigrant ilegal nuk e ka kaluar atë.

Mbështetje për Greqinë dhe Bullgarinë për trajtimin me krizën e refugjatëve mbrëmë përmes Tuiterit shprehu edhe ministri i Punëve të Jashtme, Nikolla Dimitrov.

“Qëndrojmë pranë fqinjëve tanë Greqisë dhe Bullgarisë, pasi ato po përballen me një situatë shumë të vështirë. Kufijtë e tyre kombëtarë janë gjithashtu kufij evropianë dhe zgjidhja do të duhet të jetë edhe evropiane: angazhim i përbashkët dhe solidaritet i plotë!, ka shkruar Dimitrov në Tuiter.

Continue Reading

Lajme

A do të ketë vaksinim të detyrueshëm? – Flet Filipçe

Published

on

By

A do të ketë vaksinim të detyrueshëm? – Flet Filipçe

Masa për vaksinim të detyrueshëm për momentin nuk do të zbatohet, tha ministri i Shëndetësisë, Venko Filipçe, shkruan Alsat.

“Ne kemi arritur në përfundimin se kjo ngre pyetje shumë serioze në lidhje me atë se si dikush që nuk do të pranonte të vaksinohej do të ndëshkohej përfundimisht. Nga ana tjetër është një barrë e madhe financiare. Do të shohim se çfarë do të jetë shtrirja e vaksinimit me këtë rekomandim nëpërmjet mjekëve të familjes. “Ne jemi të gatshëm të japim rekomandime të tjera”, tha Filipçe./ Alsat.mk

Continue Reading

Lajme

Nga dita e sotme ndalohet përdorimi i qeseve plastike!

Published

on

By

Nga dita e sotme ndalohet përdorimi i qeseve plastike!

Shkup, 1 dhjetor – Që nga dita e sotme, me ligj ndalohet përdorimi i qeseve të plastikës. Do të shiten vetëm qese plastike të biodegradueshme me çmim prej 15 denarëve.

Sipas Ministrisë së Mjedisit Jetësor dhe Planifikimit Hapësinorë, mjetet financiare që do të mblidhen, do të shkojnë në fondin me të cilin do të investohet në mjedisin jetësorë.

Prej sot gjithashtu objektet e hotelerisë e kanë të ndaluar të përdorin plastikë në zonat e mbrojtura si në Pelister, Mavrovë, Mali Sharr, etj.

Continue Reading

Lajme

Grubi provokon Alternativën: Ne kemi marrëveshje me LSDM-në

Published

on

By

Zëvendëskryeministri Artan Grubi duke folur për të ardhmen e qeverisë potencoi se ata si parti kanë një marrëveshje me aleatin e tyre, përkatësisht me LSDM-në, për të qeverisur vendin për 4 vjet.

Zgjedhjet lokale nuk mund të kenë pasoja për qeverisjen qendrore, mazhoranca është stabile, tha Grubi.

Ai tha se me Zaevin janë arritur shumë marrëveshje dhe shumë hapa për ta çuar vendin përpara, ku Zaevi ka qenë figura kryesore për të çuar integrimin e vendit përpara. Këto komente Grubi i bëri në Tv Alsat.

Continue Reading

Aktuale