Connect with us

Shëndeti

Kanceri i mëlçisë: Nëse i vëreni këto simptoma, urgjentisht kërkoni ndihmën e mjekut!

Published

on

Simptomat e kancerit të mëlçisë janë thellë të fshehura.

Mëlçia është njëri ndër organet më të mëdha të trupit dhe merr një të tretën e rezervave të gjakut.

Përbëhet nga segmenti i majtë dhe segmenti i djathtë, e vendosur nën brinjë dhe plotëson pjesën e sipërme të djathtë të abdomenit.

Mëlçia krijon tajitje e cila është e domosdoshme për tretje të ushqimit, prodhon enzima të cilat ushqimin e shndërrojnë në energji, është përgjegjëse për detoksikim, ruan glikogjenin dhe prodhon albumina të gjakut.

Sipas hulumtimit të fundit, kanceri i mëlçisë është i dhjeti për shpeshtësinë midis tumoreve malinje.

Çfarë është kanceri i mëlçisë?

Qelizat e shëndosha rriten, shumëzohen dhe i zëvendësojnë qelizat e vjetra tëcilat vdesin. Kur procesi malinj fillon, krijohen qeliza të reja të cilat në të vërtetë nuk i janë të nevojshme trupit. Ato krijojnë tumorin, i cili mund të jetë beninj apo malinj.

Tumoret malinje janë më të rrezikshme. Qelizat e kancerit sulmojnë dhe dëmtojnë indet përreth, ndërkaq sëmundja mund të jetë e rrezikshme për jetën. Ato nëpër trup përhapen direkt, nëpërmjet sistemi të qarkullimit të gjakut.

Mëlçia është organ në të cilin shpesh përhapen karcinomet e pjesëve të tjera të trupit, duke përfshirë edhe zorrën e trashë, mushkëritë dhe gjinjtë. Në atë rast fjala është për kancerin sekondar, jo për kacerin e mëlçisë si të tillë.

Cilat janë simptomat e kancerit të mëlçisë?

Kanceri i mëlçisë është i heshtur dhe në fazat fillestare nuk ka simptoma konkrete. Duke u rritur kanceri, mund të shkaktojë këto ndryshme:

▪ Dhembje apo ndjenjë të pakëndshme në anën e djathtë të abdomenit të sipërm, ndërkaq dhembja mund të përhapet në shpinë dhe në shpatull të djathtë.

▪ Ënjtje të anës së djathtë nën brinjë

▪ Stomak të fryrë

▪ Të vjella dhe humbje apetiti

▪ Humbje peshe trupore

▪ Dobësi dhe ndjenjë pafuqie dhe lodhjeje

▪ Marramendje

Nëse keni edhe më të voglin dyshim se fjala është për këtë sëmundje patjetër konsultohuni me mjekun, i cili do t’ju udhëzojë në kontrolle të specializuara.

Shërimi

Kanceri i mëlçisë mund të trajtohet me operacion, hemoterapi, rrezatim. Zgjedhje e shërimit varet nga faza në të cilën gjendet kanceri

Continue Reading

Shëndeti

Shqiptari që ka thyer rekordin, është vaksinuar 4 herë kundër Covidit

Published

on

Altin Hazizaj zbuloi se është nga të paktët shqiptarë që ka marrë 4 doza vaksine: dy doza nga vaksina kineze Sinovac dhe dy nga vaksina e Pfizer.

“Kur duhej të bëja vaksinën, në dispozicion për personat pa probleme të tjera ishte vetëm vaksina kineze, Sinovac. Ndërkohë, në Europë u vendosën kufizime dhe nuk mund të udhëtoje nëse nuk kishe dy doza të një vaksine perëndimore. Kjo më detyroi, për shkak të punës, që të vaksinohem me dy doza të tjera. Por, problem është se sistemi e-Albania më tregonte jo më shumë se dy vaksina. Sot, sistemi më tregon vetëm 3 doza vaksine. I kam kërkuar ministres së Shëndetësisë që të marrë masat që të më njihet edhe vaksina e katërt”, deklaroi Hazizaj, nga Qendra për Mbrojtjen e të drejtave të fëmijëve në Shqipëri.

“Dy kinezet i kam bërë te mjeku i familjes, ndërsa vaksinat Pfizer i kam bërë te sheshi “Skënderbej”.

Unë besoj te shkenca dhe njoh edhe njerëz të tjerë që kanë bërë 4 doza vaksine”, shtoi Hazizaj.

Continue Reading

Shëndeti

Dy ​ushqimet që duhen shmangur për mëngjes

Published

on

Zgjedhja e ushqimeve për këtë vakt është gjithashtu shumë e rëndësishme nëse dëshironi të ruani një linjë në formë.

Këtu janë disa ushqime që duhet të shmangni nëse dëshironi një linjë në formë.

Produktet e qumështit që shënohen si variant i lehtë nuk janë zgjedhje e mirë për mëngjes, sepse kanë një përqindje të ulët yndyre dhe nuk përmbajnë mjaftueshëm proteina, kështu që do të ndiheni më shpejt të uritur.

Kërkimet shkencore kanë treguar se kosi me përqindje më të lartë yndyre kontribuon në humbjen e peshës, ndryshe nga varianti i tij “i lehtë”.

Lëngje të shtrydhura

Një tjetër ushqim në këtë listë që mund t’ju habisë është lëngu i shtrydhur, veçanërisht nga agrumet, si portokalli.

Nutricionistët pohojnë se shumica e lëngjeve të frutave përmbajnë të njëjtën sasi sheqeri si lëngu i blerë, prandaj nuk rekomandohen si pije për mëngjes, sepse mund të ndikojnë në linjë.

Përveç kësaj, kur lëngu konsumohet, nuk ka përtypje, prandaj nuk do të keni ndjenjën se keni futur diçka në trupin tuaj.

Gjalpë

Gjalpi duhet shtuar në këtë listë të ushqimeve që duhen shmangur për mëngjes.

Edhe pse përmban shumë vitamina, ndër të cilat më kryesoret janë A dhe E, dhe përveç yndyrave të shëndetshme, gjalpi përmban shumë yndyra të ngopura, të cilat mund të kenë një efekt të dëmshëm në zemër dhe enët e gjakut dhe në këtë mënyrë të kontribuojnë në dhjamosjen.

Si zëvendësues, dietologët rekomandojnë gjalpin e kikirikut, sepse redukton ndjenjën e urisë.

Continue Reading

Shëndeti

Mjeku shqiptar: Omicron më i butë se Delta, varianti lehtësisht i dallueshëm përmes PCR

Published

on

Paniku që ka përfshirë botën pas zbulimit të variantit më të ri të virusit covid 19, emërtuar Omicron, është i zmadhuar dhe jo i mbështetur në fakte shkencore.

Në një intervistë për News24 eksperti i njohur, Ilir Alimehmeti thotë se të gjitha gjetjet e dokumentuara në Afrikë dhe në disa shtete të Europës ku është zbuluar prania e variantit Omicron dëshmojnë për një virus më të butë klinikisht sesa varianti qarkullues Delta.

Por a ka rrezik që variant i ri me 32 mutacione ta thyej imunitetin natyror apo mbrojtjen vaksinale?

Mjeku thotë se është ende shumë herët për të konsideruar virusin një kërcënim botëror për aq kohë sa ai nuk shkakton sëmundje të rënda.

Eksperti i njohur thotë se masave kufizuese drastike nuk e frenojnë përhapjen virale, por vetëm sa e shtyjnë atë në kohë.

I pyetur për rritjen e shtrimeve në spitalet Covid të personave të vaksinuar me të dyja dozat e vaksinave, Pfizer dhe Coronavax, doktori Alimehmeti thotë se problemi duhet parë tek metodologjia, faktori kohë dhe përzgjedhja e vaksinave sipas targetgrupeve duke mos përjashtuar edhe mënyrën e ruajtjes së vaksinës Pfizer në zinxhirin ftohës.

Continue Reading

Aktuale