Connect with us

Maqedonia e Veriut

“Partitë me premtime të mëdha e vepra të vogla”

Published

on

Partitë filluan me premtimet e reja për zgjedhjet e parakohshme parlamentare, por sa janë të gatshëm qytetarët t’u besojnë premtimeve të partive. Sipas Aleksandar Kërzhallovskit nga Qendra Maqedonase për Bashkëpunim Ndërkombëtar, përvoja tregon se shumë po premtohet, e shumë pak realizohet.

Secili duhet të llogaris mirë atë që premton nëse dëshiron më gjatë të qëndrojë në skenën politike, pasi kjo është shprehje e besueshmërisë. Në zgjedhje fitohet besimi. Te ne në anketën e fundit besimi ndaj partive politike është në nivelin më të ulët, historikisht, madje edhe dy partitë më të mëdha kanë nën 20% mbështetje, e kjo tregon se është deroguar sistemi i besueshmërisë tek partitë. Kjo në masë të madhe është kështu për shkak të mosrealizimit të premtimeve ose gjërave të gabuara që janë bërë e që nuk kanë qenë të premtuara e as të parapara në programe”-tha Aleksandar Krzhallovski, QMBN.

Kryetari i LSDM-së, Zoran Zaev premton rritje më të madhe ekonomike- rrogë mesatare prej 36 mijë denarëve dhe rrogë minimale 18 mijë denarë.

Mundemi në mandatin e plotë të hapim 100 mijë vende të reja të punës. Mbështetje për investimet e huaja dhe atyre vendore me 300 milionë euro deri në fund të mandatit, kësaj ia shtojmë edhe 300 milionë euro mjete evropiane për zhvillimin e ekonomisë vendore”-tha Zoran Zaev, kryetarë i LSDM-së.

Edhe kryetari i VMRO-DPMNE-së Hristijan Mickovski kërkon mandat ketër vjeçare për rritjen e rrogave dhe pensioneve.

Një nga prioritetet strategjike të Qeverisë së re të VMRO-DPMNE-së do të jetë instalimi i gazit natyror për amvisëritë, industrinë, ndërmarrjet e vogla dhe të mesme, arsimin, institucionet sociale dhe ato shëndetësore. Prandaj do ndërtojmë sistemin e gazsjellësit në vend”-pohoi Hristijan Mickovski, kryetarë i VMRO-DPMNE-së.

BDI-ja thotë se prioriteti i tyre janë NATO dhe BE, vetingu dhe ekonomia.

Kërzhallovski thotë se partitë shumë shpesh premtojnë diçka tjetër, ndërsa realizojnë krejt program tjetër.

Në fillim ishte se premtoi- Derisa jam gjallë nuk do e ndryshoj emrin dhe Kushtetutën. Në fund kjo u bë me Marrëveshjen e Prespës, ja, për ndonjë çmim më të madh, pasi edhe kjo ishte premtuar, të zgjidhet problemi, por nuk tregoi se pikërisht kështu do bëjë. Pikërisht e kundërta, gjërat ishin më ndryshe pas zgjedhjeve. E njëjta ishte edhe me VMRO-DPMNE-në …premtime të parealizuara. U lëvduan me shumë gjëra të bëra dhe u përpoqën shumë për ta realizuar atë program, por pamë se deri ku devijuan me punën e realizimit. Kështu që po lihen shenja dhe kjo do reflektohet edhe në këto por edhe në zgjedhjet e ardhshme”-deklaroi Aleksandar Krzhallovski, QMBN.

Krzhallovski shton se partitë edhe në këto zgjedhje do të premtojnë projekte të mëdha sepse qytetarët nuk mbajnë shumë mend se çfarë u është premtuar. Por, situata nuk është më ndryshe as në nivel global. Edhe Tramp dhe Boris Xhonson me retorika të tilla fituan në zgjedhje- thekson Krzhallovski.

Continue Reading

Lajme

ASH mban Kuvendin e degës në Manastir, falemenderohen dhe dëgjohen sugjerimet e strukturave

Published

on

Dega e Aleancës për Shqiptarët në Manastir ka mbajtur sonte Kuvendin e degës në të cilin është raportuar për zgjedhjet e fundit lokale dhe aktivitetet që planifikohen në vijim, përcjell in7

Pas mbledhjes së Kuvendit të degës së Aleancës për Shqiptarët në Manastir, nënkryetari Remzi Mehmedi dhe deputeti Syrija Rashidi realizuan një bashkëbisedim me strukturat lokale.
Përfaqësuesit e Kresisë Qendrore falemenderuan strukturat dhe aktivistët nga Manastiri për angazhimin në procesin e fundit zgjedhor dhe aktivitetet e përgjithshme partiake, ndërsa dëgjuan edhe sugjerimet dhe propozimet e ndërsjella për veprimtarinë e mëtejme.
Falemenderim për çdo anëtarë dhe aktivist që ka kontribuar në proceset e deritanishme dhe gadishmërinë për avancimin e betejave politike, thuhet në njoftimin e Aleancës për Shqiptarët./in7.tv/

Continue Reading

Lajme

Mariçiq demanton Alternativën: BE-ja nuk ka mekanizma për hetim të rasteve gjyqësore në Maqedoni

Published

on

Në marrëveshjen të cilën e nënshkruan lideri i LSDM-së Zoran Zaev dhe kryetari i Alternativës, Afrim Gashi qëndron se do të ketë hetim ndërkombëtarë të disa rasteve gjyqësore si “Lagjja e Trimave”, “Monstra”, “Alfa” dhe “Almiri i vogël”.

Sonte ministri i Drejtësisë, Bojan Mariçiq në ClickPlus në TV21 shpjegoi se çfarë do të thotë kjo:

“Me sa di unë, këto janë rastet që janë diskutuar dhe që janë përfshirë në marrëveshjen e liderëve të dy partive. Është e logjikshme që shkaktuan një numër të madh reagimesh dhe kur të hyjmë në thelbin e çështjes do të shohim se me këtë marrëveshje nuk mund të ndikojnë në ato raste. Publiku nuk ka hapësirë për shqetësim se faktori politik, se pushteti do të përzihet në rrjedhën apo në vendime. Ne kemi pasur edhe më herët kur partitë politike kanë kërkuar monitorim, kemi pasur situata dhe me kërkesë të VMRO-DPMNE-së, kur është negociuar Ligji për Prokurorinë Publike, qeveria ka kërkuar monitorim për rastet e korrupsionit të lartë”, tha Mariçiq.

Mariçiq bëri të ditur se tashmë kanë kërkuar nga BE-ja që të kryejë ndonjë lloj hetimi, ndërsa u janë përgjigjur se nuk kanë mekanizma për të kryer hetime, por vetëm për të formuar ekip që do të monitorojë rastet. Ndërsa i njëjti monitorim sipas Mariçiq ka filluar në korrik ndërsa janë monitoruar 20 raste të tilla.

Të tjera: Mariçiq: Ata që janë të pakënaqur me vendimet gjyqësore për disa raste, t’i drejtohen Këshillit Gjyqësor.

Continue Reading

Lajme

Një familje nga Maqedonia e Veriut dëbohet nga Gjermania

Published

on

Në kuadër të masave të intensifikuara të kontrollit dhe kërkimit në zonën kufitare me Francën, efektivët e policisë federale gjermane kanë kontrolluar dje në mesditë një familje nga Maqedonia në një parking në BAB 5, afër Achernit.

Rezultoi se autoritetet përgjegjëse të imigracionit kishin lëshuar një urdhërarrest dëbimi ndaj të gjithë personave, pasi ata nuk kishin përmbushur ende kërkesën për t’u larguar nga Gjermania, informon portali Shtegu. Meqenëse kishin pasaporta të vlefshme, ata u deportuan në vendin e tyre me një fluturim nëpërmjet aeroportit Karlsruhe/Baden-Baden mbrëmjen e djeshme pas përfundimit të masave policore./Shtegu/

Continue Reading

Aktuale