Connect with us

Maqedonia e Veriut

Nuk ka raste të reja pozitive të koronavirusit në vend, autoritetet apelojnë që të respektohen rekomandimet

Published

on

Rezultatet e tre personave të fundit, dy pardje dhe një dje, të cilët ishin testuar për koronavirus janë negative, por autoritete megjithatë apelojnë deri te qytetarët që t’i respektojnë rekomandimet nëse kanë udhëtuar në rajone ku janë regjistruar raste të sëmundjes, si dhe të respektohet vendimi për anulimin e tubimeve publike.

Filipçe dje informoi se negativ është rezultati te shoferi i cili drejtonte furgonin me të cilin transportohej pacientja te e cila është konfirmuar koronavirusi, e cila edhe më tutje do të qëndrojë në izolim shtëpiak deri në ditën e 14-të kur përfundon inkubacioni, ndërsa pastaj mjekët do të vendosin se a do të testohet përsëri. Negativ është testi edhe te personi i cili ishte paraqitur përmes Shtëpisë së Shëndetit të Vinicës dhe ishte testuar në repartin infektiv të Shtipit. Gruaja e cila dje ishte paraqitur me simptoma ishte në rajonin e Italisë së Veriut dhe kishte ardhur në vend në datën 26 të këtij muaji pa simptoma. Kishte ardhur me transport individual edhe me një anëtar të familjes. Dje në mëngjes me simptoma ishte paraqitur në Klinikën Infektive.

Në karantin janë katër persona dhe ata nëntë të cilët kishin udhëtuar me pacienten e cila është në Klinikën Infektive dhe është në gjendje të mirë të përgjithshme dhe tashmë dy ditë nuk ka temperaturë.

Sipas informacioneve të cilat i posedojnë në konsullatën tonë në Itali është se nuk ka shtetas nga RMV-ja të cilët jetojnë në rajonin verior të sëmurë me koronavirus dhe se dikush është në karantin, por nuk dihet edhe numri i saktë i atyre që vijnë nga ky rajon në vend.

Ministri Filipçe dërgoi apel deri te të gjithë që t’i respektojnë këshillat. Nëse nuk kanë pasur simptoma, ndërsa pastaj janë zhvilluar të lajmërohen në disa nga numrat në qendrat e shëndetit publik që të mos shëtiten në institucionet shëndetësore, ndërsa në repartet infektive kanë protokoll të caktuar se si priten.

Qeveria të premten dha rekomandim për anulimin e tubimeve të mëdha publike, ngjarjeve sportive dhe manifestimeve argëtuese dhe kulturore-artistike deri më 6 mars, duke theksuar se apeli vlen për të gjithë, veçanërisht për ato ku tubohen një numër i madh i qytetarëve dhe ku ka dhe priten mysafirë nga jashtë vendit. Me rekomandim të Qeverisë u anuluan edhe Karnavali “Proçka” në Prilep, ndërsa shumica e ngjarjeve sportive mbahen pa praninë e publikut.

Mbetet në fuqi edhe rekomandimi që kompanitë dhe institucionet të mos iu lejojnë atyre të punësuarve të cilët gjatë kësaj periudhe ishin në Itali, të vijnë në punë sepse ata së pari duhet të kalojnë 14 ditë në izolim shtëpiak – periudhë aq sa zgjat inkubacioni i virusit, si dhe rekomandimi që të mos udhëtohet ne vendet ku ka epidemi, pa pasur nevojë të madhe.

Virusi korona për herë të parë u paraqit në Vuhan, Kinë, më 12 dhjetor të vitit 2019. Pas përhapjes së shpejtë të sëmundjes, numrit të madh të viktimave dhe të të infektuarve, Organizata Botërore e Shëndetësisë (OBSH) më 30 janar shpalli “situatë të jashtëzakonshme ndërkombëtare”.

Sëmundja transmetohet përmes rrugëve të frymëmarrjes (teshtitje dhe kollë), por dhe nëpërmjet prekjes me duar të pista. Mjekimi është simptomatik, varësisht nga manifestimet e sëmundjes. Pasqyra klinike lëviz nga ftohje e lehtë deri te forma më e rëndë, varësisht se si kapen mushkëritë. Rrezik për rezultat më të keq ka te më të moshuarit, personat më të sëmurë kronikë ose persona me sëmundje paraprake të mushkërive. Rreth 80 për qind prej 80.000 të të sëmurëve në botë janë shëruar plotësisht, ndërsa te pesë për qind ka komplikime të reja, ndërsa te pesë për qind ka komplikime serioze. Vdekshmëria është afër dy për qind.

Continue Reading

Lajme

ASH mban Kuvendin e degës në Manastir, falemenderohen dhe dëgjohen sugjerimet e strukturave

Published

on

Dega e Aleancës për Shqiptarët në Manastir ka mbajtur sonte Kuvendin e degës në të cilin është raportuar për zgjedhjet e fundit lokale dhe aktivitetet që planifikohen në vijim, përcjell in7

Pas mbledhjes së Kuvendit të degës së Aleancës për Shqiptarët në Manastir, nënkryetari Remzi Mehmedi dhe deputeti Syrija Rashidi realizuan një bashkëbisedim me strukturat lokale.
Përfaqësuesit e Kresisë Qendrore falemenderuan strukturat dhe aktivistët nga Manastiri për angazhimin në procesin e fundit zgjedhor dhe aktivitetet e përgjithshme partiake, ndërsa dëgjuan edhe sugjerimet dhe propozimet e ndërsjella për veprimtarinë e mëtejme.
Falemenderim për çdo anëtarë dhe aktivist që ka kontribuar në proceset e deritanishme dhe gadishmërinë për avancimin e betejave politike, thuhet në njoftimin e Aleancës për Shqiptarët./in7.tv/

Continue Reading

Lajme

Mariçiq demanton Alternativën: BE-ja nuk ka mekanizma për hetim të rasteve gjyqësore në Maqedoni

Published

on

Në marrëveshjen të cilën e nënshkruan lideri i LSDM-së Zoran Zaev dhe kryetari i Alternativës, Afrim Gashi qëndron se do të ketë hetim ndërkombëtarë të disa rasteve gjyqësore si “Lagjja e Trimave”, “Monstra”, “Alfa” dhe “Almiri i vogël”.

Sonte ministri i Drejtësisë, Bojan Mariçiq në ClickPlus në TV21 shpjegoi se çfarë do të thotë kjo:

“Me sa di unë, këto janë rastet që janë diskutuar dhe që janë përfshirë në marrëveshjen e liderëve të dy partive. Është e logjikshme që shkaktuan një numër të madh reagimesh dhe kur të hyjmë në thelbin e çështjes do të shohim se me këtë marrëveshje nuk mund të ndikojnë në ato raste. Publiku nuk ka hapësirë për shqetësim se faktori politik, se pushteti do të përzihet në rrjedhën apo në vendime. Ne kemi pasur edhe më herët kur partitë politike kanë kërkuar monitorim, kemi pasur situata dhe me kërkesë të VMRO-DPMNE-së, kur është negociuar Ligji për Prokurorinë Publike, qeveria ka kërkuar monitorim për rastet e korrupsionit të lartë”, tha Mariçiq.

Mariçiq bëri të ditur se tashmë kanë kërkuar nga BE-ja që të kryejë ndonjë lloj hetimi, ndërsa u janë përgjigjur se nuk kanë mekanizma për të kryer hetime, por vetëm për të formuar ekip që do të monitorojë rastet. Ndërsa i njëjti monitorim sipas Mariçiq ka filluar në korrik ndërsa janë monitoruar 20 raste të tilla.

Të tjera: Mariçiq: Ata që janë të pakënaqur me vendimet gjyqësore për disa raste, t’i drejtohen Këshillit Gjyqësor.

Continue Reading

Lajme

Një familje nga Maqedonia e Veriut dëbohet nga Gjermania

Published

on

Në kuadër të masave të intensifikuara të kontrollit dhe kërkimit në zonën kufitare me Francën, efektivët e policisë federale gjermane kanë kontrolluar dje në mesditë një familje nga Maqedonia në një parking në BAB 5, afër Achernit.

Rezultoi se autoritetet përgjegjëse të imigracionit kishin lëshuar një urdhërarrest dëbimi ndaj të gjithë personave, pasi ata nuk kishin përmbushur ende kërkesën për t’u larguar nga Gjermania, informon portali Shtegu. Meqenëse kishin pasaporta të vlefshme, ata u deportuan në vendin e tyre me një fluturim nëpërmjet aeroportit Karlsruhe/Baden-Baden mbrëmjen e djeshme pas përfundimit të masave policore./Shtegu/

Continue Reading

Aktuale