Connect with us

Lajme

Mexhiti: Shqiptarët e përcaktojnë përfaqësuesin e vet në Qeveri, jo “sojuzat” e kancelaritë

Published

on

Dje në vend që të përgëzonim bashkimin e madh të partive të vogla shqiptare, fatkeqësisht konstatuam defaktorizimin e serishëm të votës shqiptare nga po këto parti. Shprehim keqardhje për dështimin e unifikimit të partive të vogla shqiptare të cilat nuk arritën të bëhen
bashkë për arsye të interesave të ngushta personale. Ky veprim i këtyre partive është në kundërshtim me interesat shqiptare dhe paraqet përpjekje dëshpëruese për të gjetur shpëtim në skenën politike.

Shkrirja e ashtuquajtur sojuz e Besës në LSDM është interes i tyre partiak dhe vendim i kryesuesve të këtyre partive. Gjithashtu, në paralajmërimin e djeshëm të sojuzit dhe në naracionin e vazhdueshëm të partive politike maqedonase, flitet për shantazhin që Bashkimi Demokratik për Integrim ia bën partive maqedonase për të drejtat e shqiptarëve.

Të dyja partitë maqedonase nuk dallojnë dhe thonë që nuk do të lejohet shantazhimi i koalicionimit nga ana e BDI-së për të drejtat e shqiptarëve dhe kërkojnë votën e qytetarëve që mos të kushtëzohen nga BDI. Përveç që kërkojnë votën e maqedonasve, ato po kërkojnë edhe partner
shqiptar që mos të lejojnë shantazhimin. Fatkeqësisht, u gjet edhe një parti margjinale shqiptare që u shkri në naracionin e parandalimit të shantazhit të partive maqedonase nga ana e shqiptarëve, e që është kushtëzim për drejtësi joselektive, për vende pune për shqiptarët, për zhvillim ekonomik në zonat shqiptare e kështu me radhë.

Po, e vërtetë është, ne i kushtëzuam partitë maqedonase për ta ndryshuar emrin e shtetit, për ta ndryshuar kushtetutën, për tu bërë pjesë e NATO dhe BE, për ta bërë këtë shtet dygjuhësor, për të paSur shqiptar Kryetar Kuvendi, për të arritur marrëveshje me Bulgarinë, për veting,
për vende pune për shqiptarët, për avancim të administratës dhe të tjera. Ky kushtëzim i joni e solli vendin në NATO, në prag të BE-së si dhe të barazisë etnike. Por, ky kushtëzim progresiv paska detyruar partitë maqedonase të kërkojnë dhe të gjejnë parti margjinale shqiptare e cila pranon
koalicion pa kushte nga etja për pushtet.

Ne si partia më e madhe e shqiptarëve dhe gardian i Marrëveshjes së Ohrit, marrëveshjes së Prespës dhe të fqinjësisë së mirë, kemi për detyrë ti mbrojmë të drejtat e shqiptarëve dhe prandaj Qeveri në këtë vend nuk mund të ketë pa fituesin shqiptar në zgjedhje demokratike. Përfaqësuesin shqiptar në Qeveri e përcakton vullneti i shqiptarëve e jo vullneti i sojuzave dhe kancelarive.

Continue Reading

Lajme

Taravari: Lëvizja BESA ka treguar dinjitet, as nuk u ulën me Zaevin dhe Ahmetin

Published

on

Sekretari gjeneral i Aleancës për Shqiptarët, Arben Taravari në emisionin Click Plus ka folur për koalicionet e ardhshme të Aleancës.
Sipas Taravarit Lëvizja Besa, ka dalë një parti serioze dhe me shumë kredibilitet, ai tha se Besa e mbajti besën dhe doli nga Qeveria dhe asnjëherë nuk pranoi të ulet me Zaevin për të biseduar, njofton Monitor.mk

Sekretari gjeneral i ASH-së, Arben Taravari ka shtuar se largimi i Besës dhe dorëheqja e Hoxhës nga pozita e ministrit e ka befasuar në aspekt pozitiv./Monitor.mk/

Continue Reading

Kosovë

Bislimi: Odaloviq ka ardhur në Bruksel, por ka ndenjur në korridore

Published

on

Zëvendëskryeministri për Integrim Evropian, Zhvillim dhe Dialog, Besnik Bislimi, ka thënë se anëtari i ekipit negociator të Serbisë në dialog, Velko Odaloviq, nuk po merr pjesë në takimet mes dy delegacioneve në kryeqytetin evropian.

Më 15 qershor të këtij viti, kryeministri i Kosovës, Albin Kurti, kishte kërkuar nga Serbia që ta heqë Odaloviqin nga ekipi negociator.

Sipas Bislimit, për të kaluarën e Odaloviqit Bashkimi Evropian nuk ka pasur informacione.

“Odaloviq nuk është pjesë e asnjë takimi ku jemi ne. Ne nuk kemi thënë që kemi probleme me përfaqësuesin e Serbisë, kemi probleme me personin Odaloviq, për të kaluarën e tij”, tha zëvendëskryeministri Besnik Bislimi në “Kallxo Përnime”.

Bislimi tha se Odaloviq ishte në listën e zezë të BE-së.

“Si duket në BE ka pasur një vakuum të madh informativ mbi të kaluarën e z. Odaloviq. Përfaqësuesit dhe negociuesit e Bashkimit Evropian as nuk kanë qenë të informuar që në vitin 2000 vetë Bashkimi Evropian e ka vendosur z. Odaloviq në listën e kuqe të personave apo të zezë, të personave që nuk mund të udhëtojnë drejt vendeve të BE-së”, deklaroi ai.

Ai ka përmendur edhe disa pretendime të tjera që, sipas tij, Odaloviqin e bëjnë jokredibil për të qenë pjesë e delegacionit në dialogun Kosovë-Serbi.

“Nuk kanë qenë të informuar mbi funksionet që ka qenë z. Odaloviq në vitet 1997-1999, nuk kanë qenë të informuar për faktin se z. Odaloviq ka qenë në listën e hetimeve nga administrata ndërkombëtare në Kosovë pas përfundimit të luftës dhe arsyet që kanë çu në pushimin e hetimeve ndaj tij. Nuk kanë qenë të informuar edhe me manipulimet e tokave që Odaloviq i ka bërë”, vlerësoi Besnik Bislimi.

Sipas Bislimit, i njëjti nuk ka hyrë asnjëherë në takimet mes dy shteteve në Bruksel.

“Bashkimi Evropian nuk i fton individët, i fton palët. BE e fton vetëm Petkoviqin, ai e cakton ekipin e tij. Odaloviq ka ardhur në Bruksel, por ka ndenjur në korridore”, deklaroi ai.

Continue Reading

Bota

SHBA-ja planifikon bojkot diplomatik të Lojërave Olimpike Dimërore në Pekin

Published

on

SHBA-ja ka njoftuar për një bojkot diplomatik të Lojërave Olimpike Dimërore në Pekin vitin e ardhshëm, raporton BBC.

Shtëpia e Bardhë ka thënë se asnjë delegacion zyrtar nuk do të dërgohet në Lojërat Olimpike për shkak të shqetësimeve për shkeljet e të drejtave të njeriut në Kinë.

Por, sportistët amerikanë do të marrin pjesë dhe do të kenë përkrahjen e plotë të qeverisë.

Kina më herët ka thënë se do të marrë kundërmasa në rast të një bojkoti.

Presidenti i SHBA-së, Joe Biden, muajin e kaluar ka thënë se po shqyrton mundësinë e bojkotit diplomatik të kësaj ngjarje.

Sekretarja për media e Shtëpisë së bardhë, Jen Psaki, ka konfirmuar bojkotin të hënën, duke thënë se derisa sportistët amerikanë do të kenë përkrahjen e plotë.

Continue Reading

Aktuale