Connect with us

Lajme

Sot në Gjykatë / Mijallovit nuk i kujtoheshin shumë gjëra rreth rastit “Monstra”

Published

on

Mijallkovi për “Monstrën”: Nuk më kujtohet se a na kanë informuar shërbime të huaja se bëhet fjalë për persona të cilët ishin në fushëbetejat luftarake

Ish drejtori i DSK-së, Sasho Mijallkov, sot gjatë dëshmimit në Gjykatën Penale në Shkup, për lëndën “Monstra”, për vrasjen e katër djemve dhe peshkatarit në Liqenin e Smillkovës më 12 prill të vitit 2012, theksoi se nuk i kujtohet se a i kanë informuar se bëhet fjalë për persona të cilët ishin në fushëbeteja luftarake në Afganistan dhe Al Kaida.

“Nuk më kujtohet se përpunimi operativ për grupin islamist ishte diferencuar në këtë rast. Nuk më kujtohet se a na kanë informuar shërbimet e huaja se a bëhet fjalë për persona të cilët ishin në fushëbetejat luftarake në Afganistan dhe Al Kaida. Të gjitha motivet në këtë rast i ka klasifikuar prokurori publik”, theksoi Mijallkovi.

Ish drejtori i DSK-së bëri të ditur se nuk kishte informacione paraprake se do të ndodh kjo ngjarje.

Në pyetjen e të akuzuarit Fejzi Aziri, se vallë më 12.04.2012 funksionin kamerat e sigurisë të Qytetit të Shkupit, Mijallkovi u përgjigj se kjo mund të kontrollohet në MPB dhe se nuk i kujtohet se cilat kamera punonin para tetë viteve.

Mijallkovi u pyet se a ka pasur takim me drejtorin e shërbimit sekret pas vrasjeve në Liqenin e Smillkovës.

“Po, kisha një takim me shefin e policisë sekrete, por nuk më kujtohet se kur është realizuar saktë”, tha Mijallkovi.

I akuzuari Aziri, kërkoi sqarim nga dëshmitari Mijallkov, se pse hetimi është udhëhequr në një drejtim.

“Në momentin e ngjarjes nuk kishim kurrfarë informacionesh. Nuk është e vërtetë se kemi udhëhequr procedurë në një drejtim. Grupi diferencohet si rezultat i dëshmive materiale dhe nga masat e posaçme hetuese. Nuk mund t’iu them se si është zgjedhur numri i juaj për tu përgjuar”, tha Mijallkovi.

Mijallkovi për ngjarjen e kishte kuptuar gjysmë ore pas vrasjes. Rastin e udhëhiqnin BSP, ndërsa Drejtoria ishte e përfshirë duke ndihmuar në informacione.

“DSK-ja ishte e pranishme në cilësinë dhe rolin e grumbullimit të informacioneve lidhur me njohuritë operative. Për këtë rast ishin të angazhuar të gjitha resurset e DSK-së dhe BSP-së”, sqaroi Mijallkovi në pyetjen e prokurores Fatime Fetai.

Seanca e sotme gjyqësore për rastin “Monstra” vazhdon me dëshminë e ish këshilltarit për Siguri Kombëtare, Sinisha Aleksovski. Pas tij duhet të dëshmojnë edhe ish ministrat Musa Xhaferi dhe Blerim Bexheti.

Continue Reading

Bota

Aeroplanit i shpërthen goma gjatë aterrimit, pasagjerët në Nepal detyrohen ta shtyjnë (Video)

Published

on

Pasagjerët që po udhëtonin me një aeroplan të vogël të aviokompanisë nga Nepali, Tara Air, janë detyruar të shtyjnë aeroplanin nga pista, pasi që derisa po zbriste në pistë i kishte shpërthyer njëra gomë.

Pasagjerët e aeroplanit me 19 ulëse janë filmuar duke e shtyrë fluturaken që kishte “ngecur” në aeroportin Bajura në Kolit të Nepalit.

Personeli i aeroportit kanë vrapuar menjëherë që t’i ndihmojnë në “pilotimin” e fluturakes deri në pistë, derisa aeroplanët tjerë po qëndronin prapa tij – duke pritur që kaosi i krijuar të zhduket.

Ky aeroport nuk ka makineri për situata të tilla, kështu janë detyruar të mbështeten në pasagjerët zemërgjerë që u dolën në ndihmë.

Continue Reading

Lajme

ASH mban Kuvendin e degës në Manastir, falemenderohen dhe dëgjohen sugjerimet e strukturave

Published

on

Dega e Aleancës për Shqiptarët në Manastir ka mbajtur sonte Kuvendin e degës në të cilin është raportuar për zgjedhjet e fundit lokale dhe aktivitetet që planifikohen në vijim, përcjell in7

Pas mbledhjes së Kuvendit të degës së Aleancës për Shqiptarët në Manastir, nënkryetari Remzi Mehmedi dhe deputeti Syrija Rashidi realizuan një bashkëbisedim me strukturat lokale.
Përfaqësuesit e Kresisë Qendrore falemenderuan strukturat dhe aktivistët nga Manastiri për angazhimin në procesin e fundit zgjedhor dhe aktivitetet e përgjithshme partiake, ndërsa dëgjuan edhe sugjerimet dhe propozimet e ndërsjella për veprimtarinë e mëtejme.
Falemenderim për çdo anëtarë dhe aktivist që ka kontribuar në proceset e deritanishme dhe gadishmërinë për avancimin e betejave politike, thuhet në njoftimin e Aleancës për Shqiptarët./in7.tv/

Continue Reading

Lajme

Mariçiq demanton Alternativën: BE-ja nuk ka mekanizma për hetim të rasteve gjyqësore në Maqedoni

Published

on

Në marrëveshjen të cilën e nënshkruan lideri i LSDM-së Zoran Zaev dhe kryetari i Alternativës, Afrim Gashi qëndron se do të ketë hetim ndërkombëtarë të disa rasteve gjyqësore si “Lagjja e Trimave”, “Monstra”, “Alfa” dhe “Almiri i vogël”.

Sonte ministri i Drejtësisë, Bojan Mariçiq në ClickPlus në TV21 shpjegoi se çfarë do të thotë kjo:

“Me sa di unë, këto janë rastet që janë diskutuar dhe që janë përfshirë në marrëveshjen e liderëve të dy partive. Është e logjikshme që shkaktuan një numër të madh reagimesh dhe kur të hyjmë në thelbin e çështjes do të shohim se me këtë marrëveshje nuk mund të ndikojnë në ato raste. Publiku nuk ka hapësirë për shqetësim se faktori politik, se pushteti do të përzihet në rrjedhën apo në vendime. Ne kemi pasur edhe më herët kur partitë politike kanë kërkuar monitorim, kemi pasur situata dhe me kërkesë të VMRO-DPMNE-së, kur është negociuar Ligji për Prokurorinë Publike, qeveria ka kërkuar monitorim për rastet e korrupsionit të lartë”, tha Mariçiq.

Mariçiq bëri të ditur se tashmë kanë kërkuar nga BE-ja që të kryejë ndonjë lloj hetimi, ndërsa u janë përgjigjur se nuk kanë mekanizma për të kryer hetime, por vetëm për të formuar ekip që do të monitorojë rastet. Ndërsa i njëjti monitorim sipas Mariçiq ka filluar në korrik ndërsa janë monitoruar 20 raste të tilla.

Të tjera: Mariçiq: Ata që janë të pakënaqur me vendimet gjyqësore për disa raste, t’i drejtohen Këshillit Gjyqësor.

Continue Reading

Aktuale