Connect with us

Maqedonia e Veriut

Shaqiri: Nuk është zgjidhje koalicioni me partitë maqedonase

Published

on

Lidhja Socialdemokrate e Maqedonisë së Veriut dhe Lëvizja Besa sot publikuan arritjet e marrëveshjes për koalicionim parazgjedhor, i pari mes një partie shqiptare dhe një maqedonase, shkruan in7.

Të dy krerët e partive, Zaev dhe Kasami e quajtën si një hap të rëndësishëm në politikën e vendit, ndërsa koalicionin si koalicion evropian dhe fitues të zgjedhjeve të 12 Prillit.

Nga ana tjetër, ky koalicion ka ngjallur debat të madh në medie, rrjete sociale apo edhe në ambiente të ndryshme në vend.

Kështu ish deputeti i cili e lëshoi kuvendin për t’ju bashkangjitur Ushtrisë Çlirimtare Kombëtare, Hisni Shaqiri, këtë veprim të Lëvizjes Besa e quan si të nxituar, sipas tij, ky veprim mund të jetë pengesë e realizimit të interesave kombëtare shqiptare në Maqedoninë e Veriut, në të ardhmen.

Sipas tij koha e ndryshimit në politikbërjen e shqiptarëve në Maqedoninë e Veriut është dhe se duhet që të ketë ndryshim po jo duke kërkuar zgjedhje në taborin tjetër politik, por tek blloku opozitar shqiptar.

“Është bërë një laramani tek shqiptarët që nga viti 2016, që nuk ka qenë më herët si fenomen i shfaqur tek shqiptarët, ja që ndodhi për herë të parë. Unë do të doja të thoja se në këto rrethana, apo lëvizje që po ndodhin nuk i ndihmojnë proceset kombëtare, nuk i ndihmojnë interesit shqiptar në Maqedoni, me faktin se trupi votues, ashtu siç është, i reduktuar me ikjen e të rinjëve, është dëmtuar jashtëzakonisht shumë, pastaj edhe një pjesë e votuesve të cilët nga dëshpërimi do të tërhiqen e do të votojnë për një parti të bllokut maqedonas, paraqet humbje të madhe, tash pa marrë pasaysh se si kanë lëvizur proceset në këtë kohë, e që mund të themi se kanë dështuar në një farë forme në rrafshin politik sa i përket interesit të përgjithshëm kombëtar, nuk do të thotë që zgjidhja të jetë që njerëzit të braktisin atë që është interes i përgjithshëm për hir të një dëshpërimi dhe të kërkojnë zgjidhje diku tjetër. Tash ato janë strukturë, pra BESA është strukturë, e ka udhëheqësinë e vet, e cila besoj se di t’i konceptojë këto lëvizje politike, por do të thoja se në këto momente të rëndësishme, nuk është zgjidhje të çështjes shqiptare në kuadër të të gjithë proceseve politike në Maqedoni duke dobësuar trupin votues shqiptar, duke kërkuar zgjidhje në një tabor tjetër, pasi kjo me kalimin e kohës do të ketë pasoja, e këtë dikush duhet ta ketë parasysh, këto lëvizjet që po bëhen në këtë drejtim padyshim se do të jenë me rreziqe të mëdha në të gjitha proceset, që në një mënyrë apo tjetër kanë shkaktuar huti edhe problemet e këtilla kërkojnë mobilizim dhe inkuadrim në një projekt kombëtar që është i interesuar për ndryshimin e pozitës së shqiptarëve në Maqedoni, kjo kërkon shumë përpjekje dhe sakrificë, e kjo sakrificë bëhet vetëm me një unitet dhe bashkëpunim brenda shqiptarëve, e tash është koha që të ketë ndryshime politike, është koha që të vijë një strukturë e re, siç është koalicioni në mes Aleancës për Shqiptarët dhe Alternativës, këtu ka pasur vend edhe për BESËN, e cila aleancë e opozitës shqiptare do të kishte një rëndësi të veçantë në zgjedhjet e 12 prillit.”, ka thënë, për in7, Hysni Shaqiri ish deputet në Kuvendin e Maqedonisë, si dhe ish ushtarak i Ushtrisë Çlirimtare Kombëtare.

Continue Reading

Lajme

A do të ketë vaksinim të detyrueshëm? – Flet Filipçe

Published

on

By

A do të ketë vaksinim të detyrueshëm? – Flet Filipçe

Masa për vaksinim të detyrueshëm për momentin nuk do të zbatohet, tha ministri i Shëndetësisë, Venko Filipçe, shkruan Alsat.

“Ne kemi arritur në përfundimin se kjo ngre pyetje shumë serioze në lidhje me atë se si dikush që nuk do të pranonte të vaksinohej do të ndëshkohej përfundimisht. Nga ana tjetër është një barrë e madhe financiare. Do të shohim se çfarë do të jetë shtrirja e vaksinimit me këtë rekomandim nëpërmjet mjekëve të familjes. “Ne jemi të gatshëm të japim rekomandime të tjera”, tha Filipçe./ Alsat.mk

Continue Reading

Lajme

Nga dita e sotme ndalohet përdorimi i qeseve plastike!

Published

on

By

Nga dita e sotme ndalohet përdorimi i qeseve plastike!

Shkup, 1 dhjetor – Që nga dita e sotme, me ligj ndalohet përdorimi i qeseve të plastikës. Do të shiten vetëm qese plastike të biodegradueshme me çmim prej 15 denarëve.

Sipas Ministrisë së Mjedisit Jetësor dhe Planifikimit Hapësinorë, mjetet financiare që do të mblidhen, do të shkojnë në fondin me të cilin do të investohet në mjedisin jetësorë.

Prej sot gjithashtu objektet e hotelerisë e kanë të ndaluar të përdorin plastikë në zonat e mbrojtura si në Pelister, Mavrovë, Mali Sharr, etj.

Continue Reading

Lajme

Grubi provokon Alternativën: Ne kemi marrëveshje me LSDM-në

Published

on

By

Zëvendëskryeministri Artan Grubi duke folur për të ardhmen e qeverisë potencoi se ata si parti kanë një marrëveshje me aleatin e tyre, përkatësisht me LSDM-në, për të qeverisur vendin për 4 vjet.

Zgjedhjet lokale nuk mund të kenë pasoja për qeverisjen qendrore, mazhoranca është stabile, tha Grubi.

Ai tha se me Zaevin janë arritur shumë marrëveshje dhe shumë hapa për ta çuar vendin përpara, ku Zaevi ka qenë figura kryesore për të çuar integrimin e vendit përpara. Këto komente Grubi i bëri në Tv Alsat.

Continue Reading

Aktuale