Connect with us

Lajme

Pendarovski: Presidentin Trajkovski çdoherë do ta kujtojmë për vizionin për Maqedoni të suksesshme

Published

on

Presidentin Trajkovski çdoherë do ta mbajmë mend për vizionin e tij për Maqedoni të suksesshme, ka shkruar sot në statusin e tij në Fejsbuk, presidenti Stevo Pendarovski tani kur po shënohet 16 vjetori i vdekjes tragjike të Boris Trajkovskit.

“Sot shënojmë 16 vjet nga vdekja e hershme dhe tragjike e presidentit Boris Trajkovski dhe anëtarët e kabinetit të tij dhe ish kolegë të mi. Presidenti Trajkovski çdoherë do të mbahet mend për vizionin e tij për Maqedoni të suksesshme, rolin kyç në procesin e pajtimit dhe nënshkrimit të Marrëveshjes së Ohrit dhe ndikimit të tij të drejtpërdrejtë”, ka thënë Pendarovski.

“Sot e nderuam presidentin Trajkovski dhe anëtarët e Kabinetit me vendosjen e luleve në Rotimle dhe në vendin e pushimit të të tyre të përjetshëm. Lavdi atyre, çdoherë do të jetojnë në kujtime tona”, ka shtuar presidenti i shtetit.

Continue Reading

Kosovë

Stoltenberg: Aktorë të huaj po punojnë për të minuar progresin në Kosovë

Published

on

Sekretari i Përgjithshëm i NATO-s Jens Stoltenberg pas takimeve të ministrave të jashtëm të NATO-s në Riga të Letonisë, thotë se kanë folur edhe në lidhje me situatën në Ballkanin Perëndimor, shkruan EkonomiaOnline.

“Ne diskutuam për stabilitetin dhe sigurinë në Ballkanin Perëndimor. Rajoni ka bërë një rrugë të gjatë që nga konfliktet e viteve 1990. Por kohët e fundit kemi parë rritje të tensioneve. Përfshirë Kosovën, si dhe Bosnje-Hercegovinën. Me retorikë më agresive. Reforma të ngecura. Dhe aktorët e huaj që punojnë për të minuar progresin”, tha Stoltenberg në konferencë për medie.

Ai shtoi se NATO do të vazhdojë të promovojë stabilitetin, sigurinë dhe bashkëpunimin në rajon.

“Dhe ne ramë dakord për rëndësinë e pranisë sonë. Përfshirë edhe misionin tonë të KFOR-it në Kosovë. Dhe zyrat tona në Sarajevë dhe në Beograd. Bashkëpunimi ynë me Bashkimin Evropian mbetet thelbësor. Dhe ne do të vazhdojmë të punojmë së bashku për të ruajtur stabilitetin dhe për të mbështetur reformat”, deklaroi Stoltenberg.

Continue Reading

Lajme

Regjistrohen 410 raste të reja me COVID-19 në Maqedoni, humbin jetën 11 pacientë

Published

on

Ministria e Shëndetësisë njofton se gjatë 24 orëve të fundit nga 2.674 testime janë regjistruar 410 raste të reja me coronavirus.

Prej rasteve të reja 185 janë në Shkup, Manastir 31, Prilep 22, Ohër dhe Strumicë 15, Veles, Kavadar dhe Shtip 14, Kumanovë 13, Tetovë dhe Koçani 10, Dellçevë 8, Kriva Pallankë dhe Probishtip 6, Radovish, Vallandovë dhe Demir Hisar 5, Berovë, Kratovë dhe Krushevë 4, Negotinë 3, Gjevgjeli, Sveti Nikole, Resnjë Vinicë, Makedonski Brod dhe Makeondksa Kamenica 2 dhe nga 1 rast në Gostivar, Strugë, Dojran, Bogdanci dhe Pehçevë.

Gjatë 24 orëve të fundit Ministria e Shëndetësisë po ashtu regjistroi 290 pacientë të shëruar dhe 11 persona të vdekur. Prej pacientëve të vdekur, 6 janë nga Shkupi dhe nga një në Pirlep, Ohër, Veles, Tetovë dhe Gostivar.

Që nga fillimi i pandemisë ka pasur gjithsej 215.995 raste me coronavirus, ndërsa prej tyre 200.293 janë shëruar dhe 7.592 kanë humbur jetën. Numri i rasteve aktive në 8.110.

Continue Reading

Lajme

“Më mirë për Tetovën”: Të hetohet borxhi i lartë i Komunës së Tetovës

Published

on

Lista qytetare “Më mirë për Tetovën” kërkon që Revizioni dhe Prokuroria të hetojnë borxhin e lartë të Komunës së Tetovës.

“Komuna e Tetovës ka 24 milionë euro borxh! Revizioni i brendshëm (ose i pavarur) duhet të shpalos në publik se ku, si dhe pse është krijuar ky borxh! Me emra mbiemra, vlerat dhe të gjitha të dhënat tjera përcjellëse. A është krijuar borxhi në mënyrë fiktive për përfitime personale?”, thuhet në kumtesën e “Më mirë për Tetovën”.

Nga atje thonë se qytetarët meritojnë të dinë se si janë (keq)përdorur tatimet e tyre.

“Nëse do të konstatohet keqpërdorim i detyrës zyrtare Prokuroria patjetër duhet t’i nxjerrë para drejtësisë ata që e kanë vjedhur buxhetin e qytetarëve. Zvarritjet e panevojshme në ndriçimin e këtij borxhi mund të krijojnë dyshime të reja.

Përveç përgjegjësisë penale duhet edhe konfiskimi i pasurisë”, shtojnë nga atje./Telegrafi/

Continue Reading

Aktuale