Connect with us

Bota

195 persona që u shëruan, sërish janë infektuar me virusin korona

Published

on

Koronavirusi: 195 të shëruar sërish janë infektuar, përhapet më lehtë, ndërsa periudha e inkubacionit është më e gjatë se që supozohej

Mjekët kinezë i kanë regjistruar 195 raste të personave që janë infektuar sërish me koronavirusin e ri në Vuhan, tregojnë të dhënat të cilat sot janë prezentuar nga Komisioni shtetëror për higjienë dhe shëndetësi në Kinë. Në dokument nuk jepet shkaku për prekjen e sërishme nga i njëjti virus.

Të gjithë pacientët, e shëruar nga koronavirusi, do të duhet sërish të vihen në karantinë dyjavore pasi është përcaktuar se pjesa më e madhe e tyre edhe më tej janë bartës të virusit, edhe pse nuk është e ditur nëse janë të infektuar.

Zao Xhianping, mjeku i obliguar për ekipe operative të cilët luftojnë kundër epidemisë në provincën kineze Hubei tha se testet kanë treguar se shumica e atyre që i kanë “mbijetuar” virusit edhe më tej janë të infektuar.

Xhianping thotë se zbulimi i ri është shumë shqetësues.

“Ku t’i vendosim pacientët e tillë? Nuk mund t’i dërgojmë në shtëpitë e tyre, pasi mund t’i infektojnë familjarët, ndërsa nuk mund t’i lëmë as në spitale, pasi nuk kemi kapacitete në dispozicion”, sqaroi Xhianping.

Ksiang Nixhuan, shkencëtar i Qendrës kineze për kontrollin dhe parandalimin e sëmundjeve thotë se duhet të vihet mbikëqyrje edhe për ata të cilët kanë qenë në kontakt me pacientët e mjekuar, pasi është e mundur ata të jenë të infektuar.

Pacientët e infektuar në Kinë mund të marrin fletë lëshimi vetëm nëse i përmbushin katër kushtet: temperatura trupore të jetë në kufi të normales për tri ditë me radhë, të mos keni probleme respiratore, incizimet rentgen të tregojnë se nuk ka dëmtim të mushkërive dhe testet e acideve nukleike të jenë negative dy herë me radhë.

Në ndërkohë, autoritetet kineze kumtuan se periudha e inkubacionit mund të jetë më e gjatë se 14 ditë, pasi është përcaktuar se një burrë 70-vjeçar në provincën Hubei është infektuar me virusin, ndërsa simptoma ka treguar madje pas 27 ditësh.

Periudha e inkubacionit më të gjatë do të mundet dukshëm t’i komplikojë angazhimet për shkatërrimin e epidemisë, prej të cilës deri më tani jetën e humbën mbi dy mijë persona.

Shkencëtarët kinezë, në bazë të analizave të strishave nga fyti dhe hunda tek 18 pacientë të infektuar me Kovid-19, përcaktuan se ky virus më shumë ngjason me virusin nga gripi, ndërsa më pak me koronavirusët e tjerë. Kjo sugjeron se ai mund të përhapet më shpejtë se që supozohej paraprakisht.

Continue Reading

Bota

SHBA-ja planifikon bojkot diplomatik të Lojërave Olimpike Dimërore në Pekin

Published

on

SHBA-ja ka njoftuar për një bojkot diplomatik të Lojërave Olimpike Dimërore në Pekin vitin e ardhshëm, raporton BBC.

Shtëpia e Bardhë ka thënë se asnjë delegacion zyrtar nuk do të dërgohet në Lojërat Olimpike për shkak të shqetësimeve për shkeljet e të drejtave të njeriut në Kinë.

Por, sportistët amerikanë do të marrin pjesë dhe do të kenë përkrahjen e plotë të qeverisë.

Kina më herët ka thënë se do të marrë kundërmasa në rast të një bojkoti.

Presidenti i SHBA-së, Joe Biden, muajin e kaluar ka thënë se po shqyrton mundësinë e bojkotit diplomatik të kësaj ngjarje.

Sekretarja për media e Shtëpisë së bardhë, Jen Psaki, ka konfirmuar bojkotin të hënën, duke thënë se derisa sportistët amerikanë do të kenë përkrahjen e plotë.

Continue Reading

Bota

Shkon në 22 numri i viktimave nga shpërthimi i vullkanit në Indonezi

Published

on

Një vullkan indonezian u aktivizua sërish të hënën, duke nxjerrë re të nxehta hiri, dy ditë pasi një shpërthimi të fuqishëm ku humbën jetën 22 persona dhe disa të tjerë rezultuan të zhdukur.

Sipas medieve të huaja, Mali Semeru, mali më i lartë në ishullin Java, shpërtheu në mënyrë dramatike të shtunën, duke gjuajtur një kolonë të lartë hiri në qiell që mbuloi fshatrat përreth.

Pamjet ajrore tregonin çatitë që dilnin nga hiri, derisa në tokë, oficerët ushtarakë, policia dhe banorët gërmuan nëpër baltë me duar për të nxjerrë viktimat.

Numri i të vdekurve u rrit në 22 deri të hënën, ndërsa 27 ishin të zhdukur, tha agjencia e zbutjes së fatkeqësive të Indonezisë.

Continue Reading

Bota

Kryeministri “prokosovar” dekretohet në Austri

Published

on

Karl Nehammer është betuar të hënën si kryeministër i ri Austrisë.

Nehammer, që mban postin edhe të kryetarit të Partisë Popullore Austriake (OVP) deri tani ishte ministër i punëve të brendshme.

Në këtë cilësi politikani 49 vjeçar kishte vizituar para dy muajsh Prishtinën.

Ai ishte ndër zyrtarët e rrallë të një shteti anëtar të Bashkimit Evropian që përkrahu aksionin e njësive speciale të policisë së Kosovës, të cilat për dy javë qëndruan në pikat kufitare me Serbinë, Jarinjë e Bërnjak.

Ata po zbatonin masën e reciprocitetit të targave me shtetin serb.

“Një falënderim shkon për policët kosovar që tani janë në krye të detyrës në veri të vendit. Aksioni në fjalë po zbatohet me maturi dhe unë u luta që të vazhdoj në mënyrë të tillë. E kuptojmë sa e zorshme është kjo detyrë për policët e policet por po ashtu e dimë sesa i rëndësishëm është ky aksion për besimin e qytetarëve në shtetin e tyre” kishte thënë Nehammer gjatë konferencës më 28 shtator në Prishtinë.

Veterani i politikës austriak, Hannes Swoboda që udhëheq me Institutin ndërkombëtar për paqe me seli në Vjenë, thotë se Nehammer do i forcojë lidhjet Kosovë-Austri.

Hannes Sëoboda,drejtor, Instituti ndërkombëtar për paqe.

“Atij i pëlqejnë aksionet e forta dhe unë mendoj se ai nuk ishte informuar për detajet e aksionit të Policisë së Kosovës. Por në përgjithësi luftimi i krimeve ndër kufitare dhe veprimtarive kriminale pa marrë parasysh përkatësisë etnike është gjë e mirë dhe në Austri mirëpritet jo vetëm nga qeveria por nga i gjithë shteti ” shtoi Swoboda.

Në kabinetin e Nehammer ministër i punëve të jashtme do jetë Alexander Schallenberg, i cili qe kryeministër për pak kohë, pas dorëheqjes së Sebastian Kurz.

“Kancelari dhe ministri i punëve të jashtme do të kenë angazhim më të fortë në dialogun Kosovë Serbi sepse ata duan paqe dhe stabilitet dhe nuk duan konflikte në rajonin e tyre, pra në fqinjësi. Më urgjentja tani është situata në Bosnjë, pra Republika Srpska dhe Milorad Dodiku . Kështu që do t ketë angazhim të shtuar për dialogun por së pari duhet të ndodhin zgjedhjet më 3 prill 2022 në Serbi” tha presidenti i IIP-ës.

Continue Reading

Aktuale