Connect with us

Bota

Në Itali izolohen 11 fshatra për shkak të koronavirusit

Published

on

Njëmbëdhjetë vendbanime, prej të cilave shumica në qytetin veriut Lombardia janë izoluar konform masave që i ka ndërmarrë Qeveria italiane, pas takimit së jashtëzakonshëm për shkak të epidemisë së koronavirusit të ri.

As hyrje, as dalje nga zonat për të cilën konsiderohet se janë vende prej ku përhapet infektimi nuk lejohen pa leje të posaçme. Të gjitha tubimet publike, ngjarjet sportive dhe ngjatje të tjerra janë ndërprerë për një javë.

Shkollat dhe kopshtet, objektet sportive dhe dyqanet janë mbyllur. Transporti publik është ndërprerë. Këto masa ndikojnë mbi më shumë se 50.000 banorë.

Dy persona tashmë kanë vdekur nga koronavirusi i ri në Itali, ndërsa numri i të infektuarve në vend ka arritur në 79.

Në Kinë, megjithatë vendi prej ku u përhap virusi, numri i të infektuarve është rritur në 76.936, pasi janë paraqitur 648 rastet të reja, derisa numri i viktimave ka arritur në 2.442, bëri të ditur Komisioni Shëndetësor Kombëtar.

Në Hubei, epiqendra e epidemisë, numri i të sëmurëve të rinj të shtunën është rritur në 630. Kjo është një rritje e konsiderueshme nga dita paraprake, ku ishin paraqitur 366 raste të reja të koronavirusit në Hubei.

Numri i viktimave gjithashtu është rritur, duke arritur në 2.346 deri në fund të ditës së djeshme, që paraqet rritje për 96 persona nga dira paraprake.

Ndërkohë Koreja e Jugut ka vendosur ta ngritë nivelin e rrezikshmërisë nga koronavirusi i ri në një shkallë më të lartë. Këtë e paralajmëroi presidenti Mun Xhav In, pasi në atë shtet janë regjistruar më shumë se 100 raste të reja të sëmurëve nga Kovid-19.

Mun tha se Qeveria do ta përforcojë përgjigjen e plotë së gjendjes së jashtëzakonshme si pjesë e shpalljes së shkallës “së kuqe” të paralajmërimit dhe se autoritetet lokale duhet të ndërmarrin masa “jashtëzakonisht të fuqishme” që të parandalohet përhapja e Kovid-18, lajmëroi Jonhap.

Koreja e Jugut ka publikuar për 123 raste të reja të koronavirusit dhe dy raste të reja të vdekjes, me çfarë infeksionet e përgjithshme të konfirmuara janë 550 dhe numri i të vdekurve është katër, sipas Qendrës për Kontroll dhe Parandalim të Sëmundjeve të Koresë së Jugut.

Shtetasi i Republikës së Maqedonisë së Veriut, i cili është hospitalizuar pasi ishte infektuar me koronavirus në koçeren në portin e qytetit japonez Jokohama, është në gjendje të mirë shëndetësore.

Pas trajtimit treditor, siç deklaroi të premten epidemiologu Zharko Karaxhovski nga Instituti për Shëndet publik, do të lëshohet.

“Njëzet e pesë përqind e njerëzve që janë infektuar nga virusi në kroçeren janë lëshuar në shtëpi. Franca, Gjermania dhe SHBA-ja i kanë transferuar udhëtarët e tyre. Dy shtetasit tanë të tjerë që janë në kroçere nuk janë të infektuar, janë në gjendje të mirë shëndetësore dhe vazhdojnë me punën e tyre me masa për mbrojte parandaluese. Ata po punojnë në pjesën për përgatitjen dhe shpërndarjen e ushqimit”, tha Dr. Karaxhovski.

Ndërkohë dy inxhinierë kinezë, të cilët punojnë në autostradën Ohër – Kërçovë dy javë do të jenë në karantinë në fshatin Izvor të Kërçovës. Sipas analizave të para dy kinezët pas mbërritjes në aeroportin në Shkup kanë qenë negativë në virusin dhe të sëmundjeve të tjera respiratore, por megjithatë ata janë vendosur në mbikëqyrje 14 ditore.

Sipas paralajmërimeve testimet e para të vaksinës së koronavirusit duhet të fillojnë në prill.

Continue Reading

Bota

Çdo 5 minuta një fëmijë humb jetën nga SIDA

Published

on

By

UNICEF: Covid solli ndërprerjen e shërbimeve për testimin dhe trajtimin e HIV

Të dhënat globale tregojnë se situata e HIV është përkeqësuar në dy vitet e fundit, kjo edhe për shkak sepse e gjithë vëmendja është fokusuar te pandemia e Covid-19. Në raportin e UNICEF për Ditën Botërore për Luftën kundër HIV/AIDS-it ngrihet si shqetësim se “epidemia e HIV hyn në dekadën e saj të pestë, por për shkak të të Covid-19, shumë vende kanë përjetuar ndërprerje të konsiderueshme në shërbimet e HIV, duke bërë që të rritet rreziku i infektimit për fëmijët dhe gratë”.

120,000 fëmjë kanë humbur jetën nga shkaqe të lidhura me SIDA-n gjatë 2020, ose një në çdo pesë minuta.Të paktën 310 mijë fëmijë në mbarë botën u infektuan me HIV. Rreth 88% e vdekjeve të fëmijëve të lidhura me HIV/AIDS -in kanë ndodhur në Afrikën Sub-Sahariane, ndërkohë që pandemia Covid-19 po e përkeqëson edhe më shumë situatën.

Transmetimi nga nëna te fëmija, është një kontribues i rëndësishëm në përhapjen e HIV-it, rreth 9% e infeksioneve të reja globalisht shkaktohet me transmetim vertikal. Gjatë këtyre dy viteve të fundit ky tregues është rritur edhe më shumë. Sipas raportit të UNICEF testimi i HIV-it për foshnjat në vendet me prevalencë të lartë ra me 50% në 70%, ndërsa trajtimet e reja të nisura tek fëmijët nën 14 vjeç ranë nga 25% në 50%. Globalisht, aksesi në terapinë antiretrovirale është shumë i kufizuar për fëmijët. Vetëm pak më shumë se gjysma e fëmijëve me HIV kanë qasje në trajtime antiretrovirale.

Ky lloj trajtimi kontrollon shumimin e virusit brenda trupit të një personi dhe i mundëson sistemit imunitar të individit të fuqizojë kapacitetin për të luftuar infeksionet. Mjekimi me ARV zgjat jetën e të sëmurëve dhe rrit cilësinë e saj, duke e shndërruar AIDS-in në një sëmundje kronike.

Klan News

Continue Reading

Bota

Kriza me lirën shihet si mundësi për të sfiduar Erdoganin

Published

on

By

Kriza e valutës turke, lira, ka zvogëluar mbështetjen për presidentin turk, Recep Tayyip Erdogan, duke i dhënë opozitës mundësi të artë për të sfiduar liderin e shtetit – nëse fraksionet rivale mund të bashkohen, kanë thënë analistët.

Zgjedhjet e ardhshme pritet të mbahen në qershor të vitit 2023, mirëpo opozita është duke bërë thirrje për zgjedhje të parakohshme vitin e ardhshëm.

Duke qenë udhëheqës për 18 vjet, Erdogan është përballur me tentime të dështuara për puç më 2016, mirëpo tani përballet me sfida të mëdha ekonomike, meqë rritja e shkallës së inflacionit është duke prekur jetët e njerëzve.

Lira turke ka humbur më shumë se 40 për qind të vlerës kundrejt dollarit amerikan prej fillimit të këtij viti, teksa Erdogan vazhdon të mbrojë qëndrimet e tij se normat e ulëta të interesit rregullojnë inflacionin e lartë.

“Rritja e çmimeve dhe zhvlerësimi i lirës turke, bashkë me zhgënjimin publik dhe korrupsionin e përhapur, janë duke dëmtuar Qeverinë”, ka thënë Adeline Van Houtte, analiste evropiane për inteligjencë në grupin Economist.

“Disa parti janë duke garuar me ngulm kundër Erdoganit për votat konservatore dhe ato të qendrës së djathtë”.

Një burrë mban mallra në shpinë në një zonë tregtare në Stamboll, Turqi, të martën, 2 nëntor 2021. Shumë konsumatorë turq po përballen me vështirësi në rritje pasi çmimet e ushqimeve dhe mallrave të tjera janë ngritur në vitet e fundit.

Rënia e vlerës së valutës turke ka nxitur protesta javën e kaluar në Stamboll dhe kryeqytetin turk, Ankara, dhe turmat janë dëgjuar duke u ankuar për rritje të çmimeve.

“Secilën ditë ne pyesim veten si do të paguajmë qiranë, si do t’ia dalim deri në fund të muajit, çfarë çmime do të ketë në nesërmen nëpër dyqane”, ka thënë Ajshe Demirel nga Ankaraja.

Kemal Kilicdaroglu, lider i partisë kryesore opozitare, CHP, ka thënë se do të nisë organizimin e marsheve publike për të kërkuar zgjedhje të parakohshme.

“Sa më shumë vlerë që humb lira, aq më i kënaqur është Erdogan, sepse kjo situatë është në të mirë të atyre që kanë dollarë”, ka thënë Kilicdaroglu javën e kaluar.

“Ne kemi obligim që të nxjerrim qytetarët tanë nga zjarri. I them Qeverisë së Erdoganit se ka humbur aftësinë për të udhëhequr. Mos u frikësoni dhe dilni në zgjedhje”.

Mirëpo Erdogan nuk ka ndryshuar qëndrim.

“A jeni mjaftueshëm të fuqishëm për të thirrur zgjedhje të parakohshme në këtë shtet? Jo, nuk jeni!” ka thënë ai në disa komente të publikuara të hënën.

“Rritja e besimit”

Disa sondazhe kanë treguar se mbështetja për Erdoganin ka rënë.

Një prej tyre, i realizuar nga Metropoll, ka treguar se 41 për qind e turqve kanë përkrahur qasjen e tij në muajin shtator, në krahasim 48 për qind sa ka qenë në kohën e zgjedhjeve dhe gati 59 për qind më 2015.

Një tjetër sondazh i realizuar në muajin tetor ka treguar se 64 për qind e respodentëve nuk mendojnë se Qeveria e Erdoganit mund të zgjidhë problemet e shtetit.

Mirëpo i njëjti sondazh ka treguar se 55 për qind e tyre nuk mendojnë se opozita do të mund të kishte rezultat më të mirë nëse do të ishte në pushtet.

“Ende ka mungesë besimi në aftësinë e opozitës për të qeverisur, sidomos në aftësinë e saj për të menaxhuar krizën ekonomike”, ka thënë Seda Demiralp, profesoreshë e shkencave politike në Universitetin Isik.

Sipas saj, votuesit e partisë së Erdoganit, Partia për Drejtësi dhe Zhvillim (AKP), hezitojnë apo vendosin të mos votojnë për ndonjë parti tjetër” sepse nuk pëlqejnë opozitën, sidomos agjendën sekulare të partisë opozitare, CHP.

“Kriza ekonomike e ka bërë më të vështirë se kurrë që AKP të fitojë sërish, mirëpo opozita duhet të vazhdojë punën për fitim të besimit te votuesit e lëkundur të AKP-së”, ka thënë ajo për agjencinë e lajmeve AFP.

Opozitës i mungon një tjetër element kyç: një kandidat favorit për të garuar kundër Erdoganit.

“Ekonomia, gjithmonë çështje kyçe”

Partitë opozitare kanë më shumë se një të tretën e 600 ulëseve të parlamentit, derisa partia në pushtet AKP dhe partia partnere MHP kanë shumicën.

Shenjat e konsolidimit brenda opozitës – që deri më tani ka dështuar që të sfidojë seriozisht Erdoganin – mund të ndryshojnë situatën, kanë thënë analistët.

E ashtuquajtura Partia e Mirë, që i takon krahut të djathtë, është bërë bashkë me partinë CHP.

Dy grupe tjera që janë larguar nga radhët e partisë së Erdoganit, Partia e së Ardhmes dhe Partia për Demokraci dhe Progres, kanë kritikuar politikat qeveritare.

Ali Babacan, ish-ministër i Ekonomisë, ka thënë javën e kaluar në Twitter: Erdogan, ndaluni. Mjaft është mjaft… jemi duke u përmbytur”.

Seren Selvin Korkmaz, drejtore ekzekutive e Institutit IstanPol, me bazë në Stamboll, ka thënë se ekonomia gjithmonë ka ndryshuar lojën në historinë politike të Turqisë.

“Opozita ka më shumë përparësi në zgjedhjet e ardhshme, nëse partitë arrijnë të jenë bashkë dhe propozojnë agjendë të bindshme ekonomike dhe demokratike”, ka thënë ajo.

Mirëpo Houtte ka thënë se shtypja e protestave dhe ndryshimi potencial i ligjit për zgjedhjet, me qëllim të rritjes së gjasave për partinë AKP, po ashtu nënkupton se “nëse mbahen zgjedhjet e parakohshme më 2022, mundësitë e opozitës për të fituar këto zgjedhje janë secilën herë më të paqarta”.

Përgatiti: Krenare Cubolli/REL

Continue Reading

Bota

Konfirmohen pozitiv me variantin Omicron 4 persona të vaksinuar në Gjermani

Published

on

By

Konfirmohen pozitiv me variantin Omicron 4 persona të vaksinuar në Gjermani

Katër persona në Gjermaninë jugore rezultuan pozitiv për variantin e koronavirusit Omicron, pavarësisht se ishin plotësisht të vaksinuar kundër Covid-19. Kështu thanë autoritetet shëndetësore të shtetit Baden-Württemberg.

Tre nga pacientët ishin kthyer nga një udhëtim pune nga Afrika e Jugut më 26 dhe 27 nëntor, ndërsa i katërti është i afërm i njërit prej të infektuarve nga Afrika e Jugut, raporton oranews.

“Të katër janë plotësisht të vaksinuar. Analiza e bërë nga shërbimi shëndetësor shtetëror konfirmoi se të gjithë janë infektuar nga lloji i ri i virusit”, theksuan autoritetet shëndetësore, duke shtuar se të katër po shfaqin simptoma të lehta të koronavirusit dhe janë vendosur në karantinë.

Continue Reading

Aktuale