Connect with us

Lajme

U nënshkruan katër grante të reja japoneze për edukim, shëndetësi dhe shërbime publike

Published

on

U nënshkruan katër grante të reja japoneze për edukim, shëndetësi dhe shërbime publike

Katër grante të reja japoneze për përmirësimin e kushteve nga sfera e edukimit, shëndetësisë dhe shërbimeve publike në vend ishin nënshkruar sonte nga ambasadorja japoneze Keiko Haneda dhe përfaqësuesit nga Maqedonia e Veriut në Shkup. Gjithsej janë miratuar dhjetë projekte nga Japonia prej të cilave gjashtë ishin nënshkruar dhe tashmë po zbatohen, ndërsa qëllimi është që të përmirësohen nevojat themelore njerëzore në shtetin tonë.

Projektet e reja të nënshkruara janë të dedikuara për përmirësimin e kushteve në kopshtin e fëmijëve “Majski cvet” në Manastir përmes rikontruimit të çatisë në objektin e kopshtit të fëmijëve “Koca Vasileva” në vlerë prej 60 mijë euro, përmirësimin e mjedisit jetësor në shkollat fillore “Kirili dhe Metodi” në Prilep në vlerë prej 57 mijë euro, në shkollën fillore “Alija Avdoviq” në fshatin Batincë në Komunën e Studeniçanit në vlerë prej 57 mijë euro dhe në shkollën “Svetozar Markoviq” në Nagoriçan të Vjetër në vlerë prej 52 mijë euro.

Ambasadorja e Japonisë, Keiko Haneda në nënshkrimin e sotëm të këtyre projekteve theksoi se me këtë edhe një herë konfirmohet miqësia e fuqishme dhe përkushtimi i Japonisë në mbështetjen e përpjekjeve socioekonomike për reforma dhe për integrim evropian të shtetit tonë.

“Këtë vit arritëm të bëjmë dhjetë grant projekte të reja me partnerët tanë nga rajone të ndryshme. Nga viti 1996 realizuam 148 projekte falë qeverisë, vetëqeverisjes lokale dhe institucioneve publike të Maqedonisë së Veriut, populli japonez është i lumtur si mik i vendit tuaj se do të keni përfitime nga të gjitha këto projekte. Japonia do të vazhdojë t’i mbështesë reformat dhe përpjekjet tuaja, ndërsa unë do të bëj gjithçka që është në fuqinë time që ta përforcoj miqësinë tonë”, tha ambasadorja.

Sipas ministrit të Shëndetësisë, Venko Filipçe i cili mori pjesë në këtë ceremoni, disa vite më parë, afër 15 vite sektori shëndetësor merr mbështetje shumë të rëndësishme nga Ambasada dhe populli i Japonisë.

“Një karakteristikë e mirë e gjithë kësaj ndihme e cila vite më parë vjen nga Ambasada e Japonisë është ajo që është shumë mirë e përzgjedhur dhe shërben shumë mirë për këtë qëllim.  I shërben një grupi të ekspertëve, i shërben pacientëve, i shërben popullatës së gjerë e cila mbulon shërbime shëndetësore në qytet, rajon ose vend më të vogël, dhe një karakteristikë që qarkullon dhe ne punëtorët shëndetësorë shumë shpesh e përmendim është se gjithçka që është dhuruar nga ambasada japoneze ende funksionon”, shtoi Filipçe.

Japonia, siç potencoi sonte edhe ministri i Arsimit dhe Shkencës, Arbër Ademi, është vend i cili mbetet një nga miqtë më të mëdhenj të jashtëm të vendit tonë, dhe e cila në vazhdimësi e mbështet shtetin në aspiratat për zhvillim dhe prosperitet të saj, përmes përmirësimit të kushteve dhe gjendjeve në shumë sfera dhe segmente shëndetësore.

“Ngjarja e sotme është konfirmim për këtë, që sot Japonia përsëri përmes përfaqësisë së saj diplomatike ndërsa në kuadër të grantit shumëvjeçar, program për financimin e projekteve të vogla për sigurinë njerëzore iu ndihmon shkollave, institucioneve shëndetësore, vetëqeverisjeve lokale që të sigurojnë kushte dhe mundësi më të mira për shfrytëzuesit e shërbimeve të tyre”, tha Ademi duke nënvizuar se përmes këtij programi i jepet rëndësi e veçantë arsimit në Maqedoninë e Veriut dhe në përmirësimin e kushteve në shkolla.

Në thelb, theksoi Ademi, avancimi i infrastrukturës arsimore dhe të cilësisë së mësimit në shkollat fillore dhe të mesme është prioritet i lartë i Ministrisë së Arsimit dhe Shkencës.

Gjashtë projektet tjera të cilat ishin nënshkruar në nëntor dhe dhjetor janë projekte për përmirësimin e shërbimeve publike në komunën Gradsko, përmirësimin e mjedisit mjekësor në ISHP Shtëpia e Shëndetit Kratovë, sigurimin e një automjeti komunal në Komunën Mavrovë Rostushë, automjetit komunal në Komunën Probishtip dhe përmirësimin e rrethinës mjekësore të Institutit për Patofiziologji dhe Mjekësi Bërthamore në Shkup. 

Continue Reading

Lajme

A do të ketë vaksinim të detyrueshëm? – Flet Filipçe

Published

on

By

A do të ketë vaksinim të detyrueshëm? – Flet Filipçe

Masa për vaksinim të detyrueshëm për momentin nuk do të zbatohet, tha ministri i Shëndetësisë, Venko Filipçe, shkruan Alsat.

“Ne kemi arritur në përfundimin se kjo ngre pyetje shumë serioze në lidhje me atë se si dikush që nuk do të pranonte të vaksinohej do të ndëshkohej përfundimisht. Nga ana tjetër është një barrë e madhe financiare. Do të shohim se çfarë do të jetë shtrirja e vaksinimit me këtë rekomandim nëpërmjet mjekëve të familjes. “Ne jemi të gatshëm të japim rekomandime të tjera”, tha Filipçe./ Alsat.mk

Continue Reading

Bota

Çdo 5 minuta një fëmijë humb jetën nga SIDA

Published

on

By

UNICEF: Covid solli ndërprerjen e shërbimeve për testimin dhe trajtimin e HIV

Të dhënat globale tregojnë se situata e HIV është përkeqësuar në dy vitet e fundit, kjo edhe për shkak sepse e gjithë vëmendja është fokusuar te pandemia e Covid-19. Në raportin e UNICEF për Ditën Botërore për Luftën kundër HIV/AIDS-it ngrihet si shqetësim se “epidemia e HIV hyn në dekadën e saj të pestë, por për shkak të të Covid-19, shumë vende kanë përjetuar ndërprerje të konsiderueshme në shërbimet e HIV, duke bërë që të rritet rreziku i infektimit për fëmijët dhe gratë”.

120,000 fëmjë kanë humbur jetën nga shkaqe të lidhura me SIDA-n gjatë 2020, ose një në çdo pesë minuta.Të paktën 310 mijë fëmijë në mbarë botën u infektuan me HIV. Rreth 88% e vdekjeve të fëmijëve të lidhura me HIV/AIDS -in kanë ndodhur në Afrikën Sub-Sahariane, ndërkohë që pandemia Covid-19 po e përkeqëson edhe më shumë situatën.

Transmetimi nga nëna te fëmija, është një kontribues i rëndësishëm në përhapjen e HIV-it, rreth 9% e infeksioneve të reja globalisht shkaktohet me transmetim vertikal. Gjatë këtyre dy viteve të fundit ky tregues është rritur edhe më shumë. Sipas raportit të UNICEF testimi i HIV-it për foshnjat në vendet me prevalencë të lartë ra me 50% në 70%, ndërsa trajtimet e reja të nisura tek fëmijët nën 14 vjeç ranë nga 25% në 50%. Globalisht, aksesi në terapinë antiretrovirale është shumë i kufizuar për fëmijët. Vetëm pak më shumë se gjysma e fëmijëve me HIV kanë qasje në trajtime antiretrovirale.

Ky lloj trajtimi kontrollon shumimin e virusit brenda trupit të një personi dhe i mundëson sistemit imunitar të individit të fuqizojë kapacitetin për të luftuar infeksionet. Mjekimi me ARV zgjat jetën e të sëmurëve dhe rrit cilësinë e saj, duke e shndërruar AIDS-in në një sëmundje kronike.

Klan News

Continue Reading

Bota

Kriza me lirën shihet si mundësi për të sfiduar Erdoganin

Published

on

By

Kriza e valutës turke, lira, ka zvogëluar mbështetjen për presidentin turk, Recep Tayyip Erdogan, duke i dhënë opozitës mundësi të artë për të sfiduar liderin e shtetit – nëse fraksionet rivale mund të bashkohen, kanë thënë analistët.

Zgjedhjet e ardhshme pritet të mbahen në qershor të vitit 2023, mirëpo opozita është duke bërë thirrje për zgjedhje të parakohshme vitin e ardhshëm.

Duke qenë udhëheqës për 18 vjet, Erdogan është përballur me tentime të dështuara për puç më 2016, mirëpo tani përballet me sfida të mëdha ekonomike, meqë rritja e shkallës së inflacionit është duke prekur jetët e njerëzve.

Lira turke ka humbur më shumë se 40 për qind të vlerës kundrejt dollarit amerikan prej fillimit të këtij viti, teksa Erdogan vazhdon të mbrojë qëndrimet e tij se normat e ulëta të interesit rregullojnë inflacionin e lartë.

“Rritja e çmimeve dhe zhvlerësimi i lirës turke, bashkë me zhgënjimin publik dhe korrupsionin e përhapur, janë duke dëmtuar Qeverinë”, ka thënë Adeline Van Houtte, analiste evropiane për inteligjencë në grupin Economist.

“Disa parti janë duke garuar me ngulm kundër Erdoganit për votat konservatore dhe ato të qendrës së djathtë”.

Një burrë mban mallra në shpinë në një zonë tregtare në Stamboll, Turqi, të martën, 2 nëntor 2021. Shumë konsumatorë turq po përballen me vështirësi në rritje pasi çmimet e ushqimeve dhe mallrave të tjera janë ngritur në vitet e fundit.

Rënia e vlerës së valutës turke ka nxitur protesta javën e kaluar në Stamboll dhe kryeqytetin turk, Ankara, dhe turmat janë dëgjuar duke u ankuar për rritje të çmimeve.

“Secilën ditë ne pyesim veten si do të paguajmë qiranë, si do t’ia dalim deri në fund të muajit, çfarë çmime do të ketë në nesërmen nëpër dyqane”, ka thënë Ajshe Demirel nga Ankaraja.

Kemal Kilicdaroglu, lider i partisë kryesore opozitare, CHP, ka thënë se do të nisë organizimin e marsheve publike për të kërkuar zgjedhje të parakohshme.

“Sa më shumë vlerë që humb lira, aq më i kënaqur është Erdogan, sepse kjo situatë është në të mirë të atyre që kanë dollarë”, ka thënë Kilicdaroglu javën e kaluar.

“Ne kemi obligim që të nxjerrim qytetarët tanë nga zjarri. I them Qeverisë së Erdoganit se ka humbur aftësinë për të udhëhequr. Mos u frikësoni dhe dilni në zgjedhje”.

Mirëpo Erdogan nuk ka ndryshuar qëndrim.

“A jeni mjaftueshëm të fuqishëm për të thirrur zgjedhje të parakohshme në këtë shtet? Jo, nuk jeni!” ka thënë ai në disa komente të publikuara të hënën.

“Rritja e besimit”

Disa sondazhe kanë treguar se mbështetja për Erdoganin ka rënë.

Një prej tyre, i realizuar nga Metropoll, ka treguar se 41 për qind e turqve kanë përkrahur qasjen e tij në muajin shtator, në krahasim 48 për qind sa ka qenë në kohën e zgjedhjeve dhe gati 59 për qind më 2015.

Një tjetër sondazh i realizuar në muajin tetor ka treguar se 64 për qind e respodentëve nuk mendojnë se Qeveria e Erdoganit mund të zgjidhë problemet e shtetit.

Mirëpo i njëjti sondazh ka treguar se 55 për qind e tyre nuk mendojnë se opozita do të mund të kishte rezultat më të mirë nëse do të ishte në pushtet.

“Ende ka mungesë besimi në aftësinë e opozitës për të qeverisur, sidomos në aftësinë e saj për të menaxhuar krizën ekonomike”, ka thënë Seda Demiralp, profesoreshë e shkencave politike në Universitetin Isik.

Sipas saj, votuesit e partisë së Erdoganit, Partia për Drejtësi dhe Zhvillim (AKP), hezitojnë apo vendosin të mos votojnë për ndonjë parti tjetër” sepse nuk pëlqejnë opozitën, sidomos agjendën sekulare të partisë opozitare, CHP.

“Kriza ekonomike e ka bërë më të vështirë se kurrë që AKP të fitojë sërish, mirëpo opozita duhet të vazhdojë punën për fitim të besimit te votuesit e lëkundur të AKP-së”, ka thënë ajo për agjencinë e lajmeve AFP.

Opozitës i mungon një tjetër element kyç: një kandidat favorit për të garuar kundër Erdoganit.

“Ekonomia, gjithmonë çështje kyçe”

Partitë opozitare kanë më shumë se një të tretën e 600 ulëseve të parlamentit, derisa partia në pushtet AKP dhe partia partnere MHP kanë shumicën.

Shenjat e konsolidimit brenda opozitës – që deri më tani ka dështuar që të sfidojë seriozisht Erdoganin – mund të ndryshojnë situatën, kanë thënë analistët.

E ashtuquajtura Partia e Mirë, që i takon krahut të djathtë, është bërë bashkë me partinë CHP.

Dy grupe tjera që janë larguar nga radhët e partisë së Erdoganit, Partia e së Ardhmes dhe Partia për Demokraci dhe Progres, kanë kritikuar politikat qeveritare.

Ali Babacan, ish-ministër i Ekonomisë, ka thënë javën e kaluar në Twitter: Erdogan, ndaluni. Mjaft është mjaft… jemi duke u përmbytur”.

Seren Selvin Korkmaz, drejtore ekzekutive e Institutit IstanPol, me bazë në Stamboll, ka thënë se ekonomia gjithmonë ka ndryshuar lojën në historinë politike të Turqisë.

“Opozita ka më shumë përparësi në zgjedhjet e ardhshme, nëse partitë arrijnë të jenë bashkë dhe propozojnë agjendë të bindshme ekonomike dhe demokratike”, ka thënë ajo.

Mirëpo Houtte ka thënë se shtypja e protestave dhe ndryshimi potencial i ligjit për zgjedhjet, me qëllim të rritjes së gjasave për partinë AKP, po ashtu nënkupton se “nëse mbahen zgjedhjet e parakohshme më 2022, mundësitë e opozitës për të fituar këto zgjedhje janë secilën herë më të paqarta”.

Përgatiti: Krenare Cubolli/REL

Continue Reading

Aktuale