Connect with us

Lajme

Grubi: Fokusi ynë, ta ndalojmë migrimin

Published

on

Muhamet Zekiri u konfirmua se nuk i transmeton qëndrimet partiake dhe nuk ka dijeni për marrëveshjet dhe bisedimet BDI-LSDM. Është vet ish-kryeministri Zoran Zaev që në disa raste, i ka demantuar sulmet dhe qëndrimet individuale të Zekirit. Kështu është shprehur sekretari organizativ i BDI-së, Aran Grubi në emisionin Click Plus në TV21, ndërsa ka thënë se qëndrimet e BDI-së janë konzistente dhe të qëndrueshme.

“Në kemi preferenca që në vitin 2002. Preferenca e vetme e BDI-së është vullneti i qytetarëve shqiptarë, por edhe të tjerëve. Madje, pse jo që të udhëheqim edhe me Qeverinë, me postin e kryeministrit. Dikur, askush nuk besonte se kryetari i Parlamentit mund të jetë shqiptarë, por sot e kemi z.Talat Xhaferin në krye të Parlamentit. Dikur askush nuk besonte se kryetari i Gjykatës Supreme mund të jetë shqiptarë, ashtu sikurse në shumë institucione të rëndësishme të shtetit”, ka thënë Grubi, ndërsa ka folur për politikat e ardhshme të BDI-së.
“Ne po fokusohemi në rininë, në vende të reja pune, në ndalimin e migrimit, në kthimin e drejtësisë me anë të vetingut të policisë, gjyqësisë dhe zyrtarëve tjerë shtetëror. Ne kemi krijuar kushte për të punësuar mbi 25 mijë shqiptarë. Shqiptarë sot ka në të gjitha institucionet. Prandaj edhe kemi themeluar dy universitete dhe përfaqësimi është i drejtë dhe adekuat”, tha Grubi, ndërsa ka hedhur poshtë akuzat se BDI nuk reformohet me struktura të reja.
“Nuk mbajnë akuzat se nuk po rifreskohemi. Kemi komplet një Forum Rinor të ri. Realizuam një Kongres fantastik të Forumit të Gruas. Rianëtarësim të strukturave, kryesisht të rinj. BDI ka rifreskuar në tërësi, në të gjitha strukturat partiake. Pjesa e madhe e Degëve dhe Nëndegëve sot udhëhiqen nga kuadro të rinj…”, tha Grubi.
Sekretari organizativ i BDI-së, në pyetjen e gazetarit nëse janë vendosur emrat e kandidatëve të BDI-së për deputetë si bartës listë, ka thënë se emrat që po publikohen së fundmi në media, janë të pavërteta.
“Në momentin në të cilin po flasim, gjitha emrat që po spekulohen, janë të pasakta. Për momentin, vetëm z.Ali Ahmeti është i sigurt si bartës i listës në Njësinë e gjashtë zgjedhor. Si sekretar organizativ, u kam kërkuar të gjitha degëve të BDI-së që të mbajnë mbledhje dhe në afat prej pesë ditësh, të sjellin listave nominime për kandidatë për deputetë, që më pas Kryesia dhe organet e partisë të shqyrtojnë të njëjtat. Kështu që, tani për tani, vetëm spekulime janë emrat që publikohen”, tha Grubi.
Continue Reading

Kosovë

Vrasja e trefishtë në Gllogjan – nesër varrosen dy nxënësit

Published

on

By

Vrasja e trefishtë në Gllogjan – nesër varrosen dy nxënësit

Dy nxënësit që mbetën të vdekur mbrëmë në Gllogjan të Decanit do të varrosen nesër.

Kështu ka njoftuar kryetari i kësja komune, Bashkim Ramosaj, i cili ka treguar se ceremonia e varrimit do të fillojë në 13:30.

“Ju njoftoj se, nesër më dt.28.11.2021, në ora 13:30, do të filloj ceremonia e varrimit të Gentës dhe Ledianit, afër “Kompleksit Memorial të Dëshmorëve”, ndërsa varrimi do të bëhet në ora 14:00, në varrezat e fshatit Gllogjan!”, ka shkruar Ramosaj.

Mbrëmë kanë mbetur të vdekur tre persona pas sulmit me kallashnikov që i është bërë një autobusi që po bartte nxënës.

Të vdekur kanë mbetur shoferi i autobusit dhe dy nxënës.

Sipas të dhënave zyrtare ende nuk dihen motivet që kanë çuar në kryerjen e këtij akti, ndërsa po hetohen dy-tri pista.

Sipas njoftimit të institucioneve të sigurisë, për këtë rast mund të jenë të përfshirë disa persona.

Po ashtu, sipas njoftimeve të fundit të Policisë së Kosovës ende nuk është arrestuar askush ndonëse janë kryer disa bastisje që në orët e para të mëngjesit.

Continue Reading

Lajme

15 të vdekur dhe 436 të infektuar me Covid-19 në Maqedoninë e Veriut

Published

on

By

15 të vdekur dhe 436 të infektuar me Covid-19 në Maqedoninë e Veriut

Ministria e Shëndetësisë në Maqedoninë e Veriut ka njoftuar se gjatë 24 orëve të fundit nga 3 mijë e 447 testime të realizuara, 436 persona kanë rezultuar pozitivë me virusin korona.

Instituti i Shëndetit Publik në 24 orët e fundit ka regjistruar 336 pacientë të shëruar, ndërkaq 15 pacientë e kanë humbur betejën me Covid-19./21Media

Continue Reading

Lajme

Dimitar Kovaçevski do të kandidohet për kryetar të LSDM-së

Published

on

By

Dimitar Kovaçevski do të kandidohet për kryetar të LSDM-së

Shkup, 27 nëntor – Zëvendësministri i Financave dhe anëtar i Këshillit qendror të LSDM-së, Dimitar Kovaçevski ka deklaruar se do të kandidohet për lider të partisë, pasi LSDM-ja dje e ka konfirmuar dorëheqjen e kryetarit të partisë Zoran Zaev dhe ka shpallë zgjedhje brendapartiake në rrugë të votimit të drejtpërdrejtë.

“Në afatin prej shtatë ditësh do të përpiloj program dhe do të iniciojë kandidaturë për kryetar. LSDM është parti me potencial të madh kadrovik dhe ka numër të madh anëtarësh të njohur që do të ishin kandidatë të shkëlqyeshëm. Procedura është demokratike dhe secili që përmbush kushtet mund të kandidohet. Ajo që është me rëndësi, të gjithë duhet të bashkohemi rreth kryetarit të zgjedhur”, ka thënë Kovaçevski për “Fokus”.

LSDM-ja më 12 dhjetor do të zgjedh liderin e ri që duhet ta zëvendësojë Zoran Zaevin i cili dha dorëheqje. Zëdhënësja e LSDM-së, Bogdanka Kuzeska pas mbledhjes së Këshillit qendror ka deklaruar se procedura për zgjedhjen e liderit të ri fillon sot dhe do të zgjasë shtatë ditë.

Këshilli qendror, siç tha ajo, ka konstatuar se për dorëheqjen e iniciuar të Zaevit në parti nevojitet të fillojë proces për zgjedhje brendapartiake. Kandidimi fillon prej sot dhe do të zgjas një javë, ndërsa të drejtë të paraqiten kanë të gjithë anëtarët e LSDM-së që plotësojnë kriteret e parapara me statutin e partisë. Mundësi për votim do të kenë të gjithë anëtarët e LSDM-së që aktivisht do të regjistrohen në hallkën onlajn.

Continue Reading

Aktuale