Connect with us

Maqedonia e Veriut

Cipras nga Parisi kërkoi të hapet rruga evropiane për Maqedoninë e Veriut

Published

on

Kur u arrit Marrëveshja e Prespës në vitin 2018, për Maqedoninë e Veriut “u hap” perspektiva për zgjerim, paralelisht duke i dhënë impuls edhe perspektivës evropiane shqiptare, ndërkaq kontribuoi edhe për momentum të ri në zhvillimin e dialogut mes Prishtinës e Beogradit. Nëse sërish e humbim këtë dinamikë. do të jetë shumë vështirë që sërish ta kthejmë, tha lideri i SYRIZA-s dhe ish-kryeministër i Greqisë, Aleksis Cipras në fjalimin e tij për zgjerimin e BE-së, në një ngjarje në Senatin francez, lajmëroi korrespondentja e MIA-s nga Athina.

Cipras, paralelisht, nga Parisi kërkoi të hapet rruga evropiane për Shkupin dhe Tiranën. Tha se Unioni “nuk mund të jetë faktor i fuqishëm gjeopolitik në nivel ndërkombëtar, nëse nuk është faktor kredibil në fqinjësinë e vet”.

“Si mund të mbështesim stabilitet politik dhe zhvillim ekonomik në Irak apo Afganistan apo në Mali, e madje edhe në Ukrainë, nëse nuk mund t’i përmbushim obligimet tona për mbështetje të vendeve evropiane kandidate për anëtarësim? Si mundet BE-ja në ,ënyrë kredibile t’i mbështesë pikëpamjet për zgjidhje të kontesteve ndërkombëtare, kur nuk mund të mbështesë një vend evropian si RMV, e cila kontribuoi në zgjidhjen e çështjes shumëvjeçare evropiane?”, pyeti Cipras dhe shtoi se, nëse bashkësisë ndërkombëtare i tregohet se “integrimi evropian i Ballkanit Perëndimor, gjithashtu, do të thotë sigurim i paqes, stabilitetit dhe prosperitetit për rajonin”, kjo do të japë porosi globale për suksesin e BE-së, 20 vite pas luftës në Jugosllavi.

Cipras theksoi se në vitin 2018, me nënshkrimin e Marrëveshjes së Prespës, dha impuls të ri në perspektivën evropiane të Ballkanit Perëndimor, pas katër viteve stagnim.

“Zoran zaev, si kryeministër ishte mjaft i guximshëm për të gjetur kompromis me mua për emrin, ndërkaq të njejjtën e bëri edhe me Bullgarinë, edhe pse e dinte çmimin e rëndë politik. Shkaku, përse ne dhe ministrat tanë të jashtëm, Nikos Koxias dhe Nikolla Dimitrov, arritëm tek kjo marrëveshje ishte sepse e bazuam me respekt të ndërsjelltë dhe zgjidhje të ndërsjellta të pranueshme. Ne, nuk i zhvendosëm problemet për të ardhmen e largët, nuk e hodhëm topin tek tjetri. Nuk tentuam të mashtrohemi mes veti apo të luajmë mashtrime politike. Nuk luajtëm në letrën e lehtë – populizmin nacionalist që forcat e tjera politike e shfrytëzonin dhe e shfrytëzojnë në vendet tona. Ne, e respektojmë të drejtën ndërkombëtare”, tha Cipras.

Lideri i SYRIZA-s theksoi se “nëse shpërblehet Zoran Zaev dhe populli i RMV-së, do të jetë porosi për të gjithë liderët e tjerë nga Ballkani perëndimor dhe rajoni më gjerë”, duke sqaruar se kjo do të jetë porosi drejtuar Shqipërisë të bëjë akoma më shumë hapa në sundimin e së drejtës dhe për të drejtat e pakicës greke, se do të jetë porosi drejtuar liderëve të Beogradit dhe Prishtinës për ta zgjidhur çështjen e Kosovës, por edhe porosi drejtuar kryesisë boshnjake për stabilitet.

“Nga ana tjetër, nëse procesi i inkuadrimit mbetet i ngrirë, porosia do të jetë e qartë: Evropa nuk i shpërblen liderët të cilët janë reformistë apo të cilët arrijnë kompromise”, theksoi Cipras, transmetoi MAI.

Ish-kryeministri greke komentoi se heqja dorë e madje edhe shtyrja e zgjerimit do të ketë pasoja serioze për stabilitetin në rajon, si shmebull duke e përmendur vitin 2014 kur Junker paralajmëroi ngrirje të procesit të zgjerimit, ndërkaq “rajoni hyri në gjendje të destabilizimit të vazhduar”.

“Njëra pas tjetrës pasonin krizat. Në Shqipëri, Maqedoni të veriut, Bosnje, Mal të Zi. U përforcuan rrjetet e krimit të organizuar dhe kontrabandës. Ndikimi i tre palëve, si Rusia, Turqia dhe vendet e Gjirit, shpesh herë rritej në dëm të ndikimit të BE-së. Shkalla e migrimit nga Ballkani perëndimor drejt vendeve të tjera evropiane u rrit. Vitin e kaluar, në çdo dy minuta një qytetar nga Ballkani Perëndimor emigronte legalisht në BE”, sqaroi ish-kryeministri grek.

Tha se është pozitive ajo që po diskutohet për metodologji të re për harmonizim dhe përmirësim të procesit të integrimit, por shtoi se megjithatë, duhet të jetë e qartë se “nuk ekzistojnë mekanizma që mund ta zëvendësojnë perspektivën për integrim të popujve nga Ballkani Perëndimor, ndërsa politika fqinjësore evropiane është vegël e fuqishme për reforma dhe mbështetje financiare”.

Në fund të fjalimit në Senatin francez, Cipras edhe njëherë përsëriti se “nëse e mbajmë të ngrirë procesin e zgjerimit, e ngrijmë kapacitetin e vetë Evropës si strategji, fuqi të transformimit, nga shtrirja globale dhe rajonale”.

“Maqedonia e Veriut dhe Greqia, së bashku, edhe njëherë, i treguan botës se këtu në Evropë kemi aftësi të bëjmë zgjedhje të dytë. Dhe kjo është rruga e vetme e mundshme drejt një vizioni të ri për Evropë më të fuqishme. Ndërkaq në ndërtimin e këtij vizioni, unë fuqimisht besoj”, tha Aleksis Cipras, duke e përfunduar fjalimin e tij para senatorëve.

Continue Reading

Lajme

Në Tetovë po hapet një kazino e re! Lëvizja Antibixhos po përgatitet për protesta

Published

on

Në afërsi të çerdhes “Rinia” në qytetin e Tetovës po përgatitet hapja e një kazino gjigante në objektin e ish fabrikës “Teteks”.

“Kjo kazino gjigante që është prapa krahëve të mijë është duke u hapur në afërsi të çerdhes së Tetovës edhe pse mbyllja e kazinove në afërsi të shkollave dhe çerdheve është kërkuar edhe me anë të protestave, por tradita e njëjtë vazhdon”, raporton gazetari i TV21, Senat Zylbehari.

Nga Lëvizja “Antibixhoz” apelojnë që të gjitha institucionet të marrin masa edhe të pamundësohet hapja e kësaj kazino.

“Ne nga Lëvizja Antibixhoz dënojmë ashpër përgatitjen e hapjes së një kazinosë pranë çerdhes së fëmijëve. Ne vazhdojmë të apelojmë, nga kryetari i komunës së Tetovës, te ministri dhe kryeministri i shtetit që të parandalon këtë gjendje kaotike që është duke u krijuar në Tetovë. Na mungonte edhe një kazino që fëmijët e çerdhes të përballen në derë më një kazino më komarin dhe të keqen që është në Tetovë”, tha Jushi Emërllahu, Lëvizja Antibixhos.

Sipas Emurllahut gjatë ditëve në vazhdim do të ketë edhe një protestë pikërisht për këtë qëllim.
“Do të organizojmë dhe jemi duke u përgatitur për organizim për këtë kazino para çerdhes që të mund ta ndalojmë këtë të keqe.”
Me ligjin aktual i cili është në fuqi, objektet e lojërave të fatit duhet të jenë 200 metra larg objekteve më karakter publik, dhe sipas Lëvizjes Antibixhoz kjo deri më tani nuk është duke u respektuar. Vite më parë një hapja e një kazinosë në afërsi të universitetit të Tetovës parandalua pikërisht nga kjo lëvizje e cila protesoi ditë me radhë.

Continue Reading

Lajme

LSM: Rritja e pagës minimale nuk ka efekte negative për kompanitë

Published

on

Nëse paga minimale rritet deri në 18 mijë denarë, kjo nuk do të ketë efekt negativ për kompanitë në vend. Deri më tani asnjë rritje e pagës minimale nuk ka ndikuar në largimin nga puna të punëtorëve. Përkundrazi, ka rritur produktivitetin dhe punëtorët zgjedhin të qëndrojnë në vendet e tyre të punës, thuhet në analizën e ekspertëve ekonomikë të bërë për Lidhjen e Sindikatave.

Nga sindikata thonë se rritja e pagës minimale duhet të ndodhë që nesër, dhe të mos pritet deri në qershor, sepse qytetarët nuk do të mund ti paguajnë faturat.

“Rezultatet e studimit të prezantuar sot tregojnë se nuk ka asnjë efekt negativ nga rritja e pagës minimale mbi punën së pari në kompani, se punëtorët nuk pushohen nga puna, nuk ka asnjë ndikim në rentabilitetin e kompanive, dhe nuk ka asnjë efekt tjetër negativ”, tha Darko Dimovski- Kryetar i Lidhjes së Sindikatave.

Sipas analizës, në vend paguhet një nga pagat minimale më të ulëta në Evropë. Më shumë se njëqind mijë qytetarë marrin 15.500 denarë në muaj. Njoftimet e Qeverisë janë se paga minimale do të rritet, por për momentin nuk ka një qëndrim të përcaktuar se kur mund të ndodhë kjo. Të hënën sindikatat do të takohen me qeveritarët dhe nëse nuk ka dritë jeshile për rritje të menjëhershme të pagës minimale, sindikatat kanë paralajmëruar greva në vendet e punës.

Continue Reading

Lajme

Antikorrupsioni, 165 nisma për ndjekje penale

Published

on

Prokuroria publike jo efikase në luftën kundër korrupsionit. Këtë siç thonë nga Komisioni për anti korrupsion, e dëshmon fakti që për 20 vite, kanë dorëzuar 165 iniciativa për ndjekje penale, por vetëm tre prej tyre kanë arritur deri në Gjykatë.

Kryetarja e Komisionit Antikorrupsion Biljana Ivanovska tha se duhet të forcohen kapacitetet në Prokurori me qëllim që lëndët më shpejtë të përfundojnë në Gjykatë.

Antikorrupsioni gjatë vitit 2021 ka sjellë vendime për 707 lëndë. Prej tyre 404 për sferën e korrupsionit, 171 për sferën e konfliktit të interesit, 40 për mosrespektim të dispozitave ligjore në periudhën e procesit zgjedhor dhe 92 vendime gjatë konfirmimit të pronave të funksionarëve.

“18 iniciativa janë dorëzuar deri në Prokurorinë publike për tre vitet e kaluara. Nga këto 18 iniciativa, për gjashtë kemi marrë përgjigje, prej të cilave dy janë refuzuar, për dy gjendja faktike ka ndryshuar sepse ka ndërruar jetë personi dhe për dy iniciativa ende vepron Prokuroria publike. Mendoj duhet të forcohen kapacitetet në Prokurorinë publike në përgjithësi që lëndët të munden më shpejt të transferohen në gjykata”- deklaroi Biljana Ivajnovska, Kryetare e Antikorrupsionit.

Continue Reading

Aktuale