Connect with us

Maqedonia e Veriut

AKE: Do të bllokohen thirrjet prej numrave të huaj të paidentifikuar, qytetarët të mos përgjigjen

Published

on

Operatorët telekomunikues do t’i bllokojnë numrat prej të cilave ndaj shfrytëzuesve vendorë nga sot paradite ka numër të madh të thirrjeve të paidentifikuara nga jashtë dhe gjatë ditës thirrjet e tilla do të ndalojnë, deklaroi për MIA-n drejtori i Agjencisë për Komunikime Elektronike, Sasho Dimitrijovski.

Në ndërkohë, siç këshillon, qytetarët nuk duhet t’u përgjigjen thirrjeve të tilla që janë të regjistruar prej abonuesve të dy operatorëve celularë Makedonski Telekom dhe A1.

Dimitrojski paralajmëroi se shërbimet e AKE do të mbajnë takim me operatorët celularë, si dhe se së shpejti në ueb faqen e AKE-së do të publikohet kumtesë me udhëzime konkrete.

“Këto janë keqpërdorime të cilat kanë ndodhur edhe në të kaluarën, telefonata të tilla ka pasur edhe vitin e kaluar. Këshillë për qytetarët është të mos paraqiten, ndërsa operatorët i regjistrojnë numrat, i bllokojnë dhe thirrjet prej tyre do të ndalojnë gjatë ditës”, deklaroi Dimitrijoski.

Qëndrim për thirrjet për të cilat alarmuan qytetarët përmes rrjeteve sociale, MIA kërkoi edhe prej operatorëve prej ku gjithashtu paralajmëruan se në mënyrë plotësuese do të ndajnë informacion.

Continue Reading

Lajme

Regjistrohen 410 raste të reja me COVID-19 në Maqedoni, humbin jetën 11 pacientë

Published

on

Ministria e Shëndetësisë njofton se gjatë 24 orëve të fundit nga 2.674 testime janë regjistruar 410 raste të reja me coronavirus.

Prej rasteve të reja 185 janë në Shkup, Manastir 31, Prilep 22, Ohër dhe Strumicë 15, Veles, Kavadar dhe Shtip 14, Kumanovë 13, Tetovë dhe Koçani 10, Dellçevë 8, Kriva Pallankë dhe Probishtip 6, Radovish, Vallandovë dhe Demir Hisar 5, Berovë, Kratovë dhe Krushevë 4, Negotinë 3, Gjevgjeli, Sveti Nikole, Resnjë Vinicë, Makedonski Brod dhe Makeondksa Kamenica 2 dhe nga 1 rast në Gostivar, Strugë, Dojran, Bogdanci dhe Pehçevë.

Gjatë 24 orëve të fundit Ministria e Shëndetësisë po ashtu regjistroi 290 pacientë të shëruar dhe 11 persona të vdekur. Prej pacientëve të vdekur, 6 janë nga Shkupi dhe nga një në Pirlep, Ohër, Veles, Tetovë dhe Gostivar.

Që nga fillimi i pandemisë ka pasur gjithsej 215.995 raste me coronavirus, ndërsa prej tyre 200.293 janë shëruar dhe 7.592 kanë humbur jetën. Numri i rasteve aktive në 8.110.

Continue Reading

Lajme

“Më mirë për Tetovën”: Të hetohet borxhi i lartë i Komunës së Tetovës

Published

on

Lista qytetare “Më mirë për Tetovën” kërkon që Revizioni dhe Prokuroria të hetojnë borxhin e lartë të Komunës së Tetovës.

“Komuna e Tetovës ka 24 milionë euro borxh! Revizioni i brendshëm (ose i pavarur) duhet të shpalos në publik se ku, si dhe pse është krijuar ky borxh! Me emra mbiemra, vlerat dhe të gjitha të dhënat tjera përcjellëse. A është krijuar borxhi në mënyrë fiktive për përfitime personale?”, thuhet në kumtesën e “Më mirë për Tetovën”.

Nga atje thonë se qytetarët meritojnë të dinë se si janë (keq)përdorur tatimet e tyre.

“Nëse do të konstatohet keqpërdorim i detyrës zyrtare Prokuroria patjetër duhet t’i nxjerrë para drejtësisë ata që e kanë vjedhur buxhetin e qytetarëve. Zvarritjet e panevojshme në ndriçimin e këtij borxhi mund të krijojnë dyshime të reja.

Përveç përgjegjësisë penale duhet edhe konfiskimi i pasurisë”, shtojnë nga atje./Telegrafi/

Continue Reading

Lajme

Të premten do të arrijnë në Shkup 45 viktimat e aksidentit tragjik në Bullgari

Published

on

By

Ministria e Punëve të Jashtme të Maqedonisë së Veriut për “Alsat” konfirmojnë se 45 trupat e pajetë të tragjedisë që ndodhi javën e kaluar në Bullgari, pritet të vijnë të premten më 3 dhjetor në mëngjes në Aeroportin e Shkupit.

Po këtë ditë, 45 trupat e viktimave do t’u dorëzohen familjarëve dhe pritet të bëhen edhe ceremonitë mortore.

Ndërsa analizat e ADN-së, kanë përfunduar sot dhe të 45 trupat janë identifikuar.

Nga Instituti i Mjekësisë Ligjore, gjithashtu konfirmojnë se në Sofje janë kryer të gjitha metodat krahasimore gjenetike të marra nga strishot e familjarëve dhe si rrjedhojë të gjithë trupat e pajetë tanimë kanë emra dhe dihet se cilës familje i përkasin.

Continue Reading

Aktuale